قدر عبدالعزيز

١٢

ناظر لغرفته وشافها ماتغيرت نفس ماهي وقعد على سريره يتذكر قبل لا يهرب حس انه اشتاق لحياته قبل مع انه كان مكتئب وحزين بس على الاقل كان يحس بالامان
دخل سلطان وقال : ملابسك واغراض الشغل موجوده شقتك القديمه سلمتها لصاحبها
عبدالعزيز : متأكد كل شيء ؟؟
سلطان : ايه لا يكون في شيء مخبيه
عبدالعزيز : ايه صندوق احمر صغير
سلطان : جبته معي
عبدالعزيز : يعطيك العافيه
سلطان : ايه الله الله تسمع كل كلامي
عبدالعزيز : ان شاءالله

في جناح سالم ابو ناصر
العم ابو ناصر : الغداء اليوم جماعي
ام ناصر : ايه يازين اللمه
ريم سرحانه
ناصر عارف ليش اخته سرحانه
العم ابو ناصر : شفيكم ساكتين مو من عوايدكم
ام ناصر : مدري عنهم من جاء ولد اخوك وهم على ذا الحال
ابو ناصر : اخخ يا رحمه قلبي متقطع على ذا الولد
ريم قامت وتركتهم
ابو ناصر : الله يصلح الحال
ام ناصر : امين الا يا نويصر شفيك
ناصر : تدرون
ابو ناصر : وش
ناصر : عبدالعزيز عنده مرض
ابو ناصر : لا اله الا الله وش المرض
ام ناصر : ياقلبي عليه
ناصر : سرطان ويعاني منه من سنوات ولحد يدري
ابو ناصر : لا حول ولا قوة الا بالله الله يشفيه لازم له مستشفى خاص اكيد
ناصر: خله يجي ونفهم منه وين يتعالج
ام ناصر : الله يشفيه
ناصر : امين يلا انا طالع
ابو ناصر : لا تنسى تلحقنا للمسجد انت واخوك عيسى
ناصر :ابشر يالغالي
خرج ناصر للحديقه

كان بطلنا عبدالعزيز سرحان يطالع من النافذه الا يشوف ناصر واشتاق لاخوياه وجلساتهم وسواليفهم بس تذكر ناصر غدر فيه وعلى طول نزل عشان يشوف ناصر
كان ناصر يتأمل المكان وسرحان بسالفة عزوز
عبدالعزيز : سلام
ناصر يناظر الا وشاف عبدالعزيز وقال : وعليكم السلام ارحب
جلس عبدالعزيز وقال : البقى وش تسوي هنا
ناصر نزل راسه وقال : فيك
عبدالعزيز : فيني انا ؟؟
ناصر : ادري انك زعلان مني بس اختي جاها نصيبها ومقدر اقطعه اناا يا عبدالعزيز مالي بالسالفه اساسا جاء خطبها وهي وافقت وش اقول لها يعني وانت الله يهديك قطعت اخبارك ست سنوات
عبدالعزيز بحزن : ادري مالك علاقه الخطا مني انا رحت كنت افكر بنفسي
ناصر : طيب كيف عشت بروحك
عبدالعزيز ودمعه تنزل من عيونه : تحملت عشان اعيش ياخي انا العيشه الي عشتها تعبتني قلت اهج يمكن ارتاح بس صدقني طول هالسنين تعبت وشقيت وتحملت وكنت وحيد بس عشان اهرب من ابوي بسبب هروبي ربي عاقبني
ناصر : الله مايبتلي عبده الا وهو يحبه
عبدالعزيز : ونعم بالله بس تحسبوني ارتحت لا والله طول عمري افكر فيكم وفي ريم وخصوصا بامي وابوي الي صدو عني يا ناصر
ناصر : ادري ماراح تنسانا بس ليش كذا كان عطيتنا خبر لمحت لنا فجاه ماشفنا لك اثر !!
عبدالعزيز بحزن : انا فاشل وكل قراراتي فاشله كنت احسب بعيش سعيد بس كنت اتصنع السعاده اما داخلي تعيس وحزين احاول اسعد نفسي واتذكر كل شيء بحياتي
ناصر : صدقني ربي بعوضك القدر يا عبدالعزيز مكتوب من بداية الخلق مانقدر نغيره
عبدالعزيز : القدر الي مكتوب لي هو الحزن والكآبه والتعب والضيق اما السعاده ماعمري عشتها ولا كانت مكتوبه ليي انا جسد بلا روح
ناصر : اوعدك نسعدك انا ويوسف ماراح نتركك لو الكل تركوك
عبدالعزيز وهو يبكي : اوعدني ياناصر وعد شرف
ناصر: اوعدك وقال يلا نتجهز للصلاه ونروح المسجد
عبدالعزيز بابتسامه متصنعه : يلا
تجهزوا للصلاه وراحوا للمسجد وفي طريقه شاف جده عامر ابو راكان
الجد ابو راكان: انت حفيدي
عبدالعزيز : لا
الجد ابو راكان: الا انت عبدالعزيز
عبدالعزيز : ايه عبدالعزيز بس مو حفيدك
الجد ابو راكان : الا حفيدي ولد بنتي
عبدالعزيز بضحكه : بنتك منهي اعرفها ؟؟
الجد ابو راكان : ماعليك من امك بس انا جدك
عبدالعزيز : قلتها لك زمان بنتك تكرهني يعني انا مو حفيدك
الجد ابو فيصل: سلام شفيكم
عبدالعزيز : وعليكم السلام
الجد ابو راكان : وعليكم السلام بس كنت اسلم على حفيدي
عبدالعزيز قرب من جده ابو راكان وقال : ياخي ماني حفيدكك وبنتك ماتعترف فيني ولا اعترف فيها ودخل المسجد يشوف وين ناصر
الا وشوي قعد عند ناصر وشاف يوسف وصالح والتوأم
يوسف : انت هنا ارحب
سالم : ارحب ارحب
عبدالعزيز بابتسامه : البقى
نايف قام وجلس عند عبدالعزيز وقال : يارجال اشتقت لك
عبدالعزيز : واناا يابعدي
ينتظرون ياذن الا ويدخل سلطان وشاف ولده مع عيال عمامه وانبسط
سلطان : السلام عليكمً
الكل : وعليكم السلام
بدا الاذان وصلوا
بعد الصلاه وهم يمشون للقصر
يوسف : يلا اكيد الغداء جاهز تراه جماعي
نايف : ياليل الدب تبي تاكل بس
سالم : يفكر ببطنه بس زين ماطار بالصلاه ههههههههه
ناصر : لا تصير دب لان نوره بتكنسل الخطبه ههههههههه
عبدالعزيز : ماشاءالله خطبتها
يوسف : ايه وزواجي قريب
عبدالعزيز : ماشاءالله مبروك
صالح : زواجي انا ويوسف ان شاءالله بنفس اليوم
عبدالعزيز وجهه تغير
يوسف : ماعليك منه
عبدالعزيز : الله يوفقكم جميع ومبروك ياصالح خطبتك واعتذر لك عن الي قلته امس
الكل انصدم
صالح بابتسامة حقد : الله يبارك فيك عقبالك
ناصر : شفيكم يلا تعالو
دخلو القصر شافو الغداء جاهز والكل متجمع
ريم انصدمت شافت عبدالعزيز
قعد عبدالعزيز مع العيال وصارو ياكلون
يوسف: تصدقون اقدر اكل ذا كله ههههه
العم ابو صالح : ندري يالدب ههههههههه
ناصر : لا ياكلنا بس
يوسف : طعمك خياس انا متأكد
نايف : الله يقرفك ههههههههه
العم خالد ابو يوسف : يالدب خف وراك زواج اخاف عمك فيصل يكنسل الزواج هههههههههههههههههههه
يوسف : يبه زينة الرجال بكرشته وش تبي الوحده بالجمال وجسم الرجال تبي فلوسه هههههههههه
الجد ابو فيصل : الوحده تبي رجال اخلاق وشهم وشجاع مو بس فلوس
سلطان : ذا وين يلقونه
العم رائد : انت ههههههههههههههههههههههه
سلطان : ماتوقعتها منك ياخي هههههه
ابو يوسف : ولدي فيه كل ذي الصفات زايد الكرشه هههههههههه
العم رائد ناظر لعبدالعزيز وقال : اخبارك وانا عمك
عبدالعزيز بابتسامه : بخير ياعم
الجده نوره ام فيصل : انتو ماتسكتون حتى على الاكل
الجد ابو فيصل : ياكلون ويتكلمون مافي وقت ههههههههه
العم ابو صالح : الا نبغى نحدد الملكه
العم ابو يوسف : وانت صادق ملكة يوسف وصالح بنفس اليوم وزواجهم بعد
الجد : اشوف كذا بعد ولا نتأخر يتزوجون بدري افضل
يوسف : مبغى زواجي مع هالمعتوه
صالح : احترم نفسكك
الجد : هذا ولد عمك وشفيك
ابو يوسف: ياولد ايش ذا الكلام
يوسف بعصبية : قلت لكم واكرر زواجي مبغاه مع هالمعتوه
عبدالعزيز : ليش يايوسف انت وياه بنفس اليوم افضل
يوسف منصدم من عزوز وقال : بس ياعبدالعزيز مبغى
عبدالعزيز : فكر افضل لكم بنفس اليوم منه تقلل المصاريف ههههه
العيال مصدومين وخصوصا صالح كيف كذا
الجد ابو فيصل : غريبه ياعبدالعزيز شكلك تقبلت الموضوع
عبدالعزيز : انا غلطت واعتذرت الموضوع حطيتها براسي انها بنت عمي وكذا ايام المراهقه لا حب ولا شيء وكنت معصب منكم
ريم انصدمت من الي سمعته
نوره : اماا عاد
رهف : كانه يسمع ريم كلام
ريم : ليه يسمعني مثلا
رهف : ياغبيه امس قلتي ماتبغينه تحبين صالح
ريم : وانا احب صالح صدق
نوره : بلا كذب يوم خطبك صالح قعدتي تبكين وتتمنين عبدالعزيز يرجعع
ريم : مالكم دخل فيني
الجده نوره : صادق عبدالعزيز فديتك ماشاءالله عقبال نشوف لك عروسه تليق فيك
عبدالعزيز : ان شاءالله ياجده
وخلصو الغداء وتجمعوا في المجلس
عبدالعزيز : غيرتوا اثاثه كنت اتذكر لونه احمر كيف صار ابيض ههههههههه
العم ابو صالح : اكيد بتغيره جدتك غيرته مليون مره
عبدالعزيز : كنت ادري ذوق جدتي لانه حلو ما شاءالله
الجده : فديتك ياقلبي تعال اجلس عندي قول لي وسولف لي
عبدالعزيز اشتاق لسوالفها وراح جلس جنبها
الجده : كيف كنت عايش يابعدي
عبدالعزيز : الحمدلله
الجده : لا اقصد كيف عشت ووين درست
عبدالعزيز : هنا بالرياض
الجده : انت بالرياض ولا شفناك
عبدالعزيز : حبيت ارتاح شوي ههههههه
الجده : ياقلبي عليك واضح انك تعبان
عبدالعزيز تذكر المرض وقال : استاذنك ياجده
وقام يبي يطلع
سلطان : على وين
عبدالعزيز : مشوار وراجع
سلطان : وين هالمشوار
عبدالعزيز ناظر ابوه وقال : المستشفى
سلطان تذكر وقال : بروح معك
يوسف : جاي معكم
الجد : ليه سلامات
الكل صمت
عبدالعزيز : الله يسلمك بس تعبان شوي
الجد : ماتشوف شر
طلع سلطان وعبدالعزيز وشاف العيال وراه
عبدالعزيز : وين
ناصر : معك
عبدالعزيز : منجدكم
يوسف : مانمزح
سالم : انا ونايف بعد بنجي
عبدالعزيز : ياعيال شفيكم بس بنقل اوراقي لمستشفى التخصصي وارجع
يوسف : متأكد
عبدالعزيز : ايه
نايف : طيب تحلق شعرك
عبدالعزيز : ذكرتني برجع احلقه
ناصر : طمنا طيب
عبدالعزيز : ابشروا
ركب عبدالعزيز مع ابوه وتوجهوا للمستشفى الي كان يتعالج فيه كان مستشفى حكومي بسيط
سلطان : منجدك كنت هنا
عبدالعزيز : ايه كان راتبي اربع الاف بس وماقدر اسدد بعدين واذا حكومي شغلهم افضل
سلطان : ايه
دخل عبدالعزيز ومعه سلطان لعند الدكتور
الدكتور : اهلا ياعبدالعزيز
عبدالعزيز : هلا فيك
الدكتور : من الضيف الجديد
سلطان : انا ابو عبدالعزيز
الدكتور قام وصافح سلطان
وجلسوا يتكلمون عن مرض عبدالعزيز ونقل عبدالعزيز لمستشفى خاص وافضل
في السياره
عبدالعزيز : وقف هنا بحلق
سلطان : احلف تتأمر علي بعدين قول يبه ممكن توقف كاني اخوك الصغير !!
عبدالعزيز : المعذره يبه ممكن توقف
سلطان : يلا انزل واحلق على الصفر لان شعرك نصه طايح
عبدالعزيز : تمام
ونزل عزوز وحلق شعره ورجع ركب السياره
جلس سلطان يناظر صلعة عزوز وقال : ماتوقعت تصلع بيوم هههههههه
عبدالعزيز بحزن : شكلي يضحك صح
سلطان : لا لا بالعكس عادي
وصلوا القصر
دخل عبدالعزيز غرفته يرتاح وتذكر الشغل
طلع من الغرفه عشان يروح لعمه سالم شاف ابوه بالصاله
سلطان : وين
عبدالعزيز : بروح لعمي سالم عشان موضوع الشركه وبعد اذنك بروح للشركه الي اشتغل فيها استقيل
سلطان : ماله داعي تروح قدمتها بدالك وقبلوها
عبدالعزيز : شكرا بروح لعمي
سلطان : روح
عبدالعزيز اتصل على نايف
نايف : هلا
عبدالعزيز : انتو في الشركه
نايف : ايه
عبدالعزيز : ابي عمي سالم هو عندكم
نايف : لا بالبيت
عبدالعزيز : تمام
عبدالعزيز راح لجناح عمه
العم سالم ابو ناصر : ارحب
عبدالعزيز : البقى ياعم اعتذر عن الازعاج بس ابغى اكلمك بموضوع الشركه
العم ابو ناصر : تعال تعال جبتها
جلسوا
العم سالم : وش تشرب
عبدالعزيز : سلامتك ياعم خلنا مدخل بالموضوع
العم سالم : شوف انت اساسا كان مكانك جاهز بس الله يهداك فقعت ولا حد درى وينك
عبدالعزيز : ادري ياعم بس وش وظيفتي بالشركه
العم سالم : مدير للتسويق لين نشوف كيف بتسوي
عبدالعزيز : مدير للتسويق بدري ياعم
العم سالم : ياولدي اعرفك زين انت تشتغل ماشاءالله وتبي الصدق ليتك انت المدير لادارة الموظفين بدال صالح بعد بس وش نسوي مخلينه عشان ابوي
عبدالعزيز : انا موافق وببدا من الحين
العم سالم : بكره تبدا الساعه ٨ وانت في مكتبك
عبدالعزيز : ان شاءالله ياعم يلا استاذنك

تتوقعون عبدالعزيز رضى بالقدر وبيترك ريم لصالح ؟؟