وصلوا القصر
يوسف يركض صوبهم
يوسف : عبدالعزيز تعال ابيك
سلطان : اذا خلصت ياعزيز من ولد عمك تعال الجناح
يوسف يمسك عزوز ويقول : شفيك
عبدالعزيز كانه جثه بس تمشي مايحس بلي حوله
يوسف : تعال امش معي
مسكه يوسف وخلاه يمشي معه لين وصلوا الجلسه الي بالحديقة فيها العيال
ناصر : حي الله عزوز
نايف : وينك تأخرت
سالم : مانبي مشاكل نجلس ونسولف
صالح : اي والله
يوسف جلس وعبدالعزيز جلس جنبه
يوسف يهمس لعزوز : شصار
عبدالعزيز : ولا شيء
نايف : عزوز علمنا
عبدالعزيز ناظر صالح
يوسف : تبي صالح يروح ؟
هز راسه عبدالعزيز بنعم
صالح : تمام تبون شيء
العيال : سلامتك
ناصر جلس عند عزوز وقال : وش صار وش قلتوا لاهل البنت
يوسف : ايه وش صار
عبدالعزيز : ولا شيء
نايف : يعني ماراح تتزوجها
عبدالعزيز : لا
سالم : انت شفتها ؟
عبدالعزيز بابتسامه: ملاك تمشي على الارض
يوسف : الله يكتبها من نصيبك
عبدالعزيز بحزن وضحكه : تصدقون هي حياتها مثلي اول ماشفتها لقيت ابوها يضربها
ناصر : عشان كذا انت تبي تتزوجها ؟
عبدالعزيز : ايه
يوسف : خلونا نقنع عمي
عبدالعزيز : خلاص ماعاد ابيها اصلا وش الزواج مايهمني
ناصر : الله يهديه عمي لازم ينشب لك
نايف : كل شيء وله حل
سالم : اي والله انت خلها على ربك ياعزوز
يوسف : شرايكم نطلع نتمشى بعد صلاة العشاء؟
نايف وسالم : تمم
ناصر : اي والله نبي
يوسف : وانت ياعزوز
عبدالعزيز : بفكر
يوسف : لا يكون عمي رجع على نظامه القديم !!؟
عبدالعزيز : مدري بعدين ما ابغاكم تسولفون عن حياتي طفشت
يوسف : تمام تمام
عبدالعزيز : يلا انا استأذنكم
يوسف : تمام بس فكرر هاه
راح عزوز للجناح ودخل شاف ابوه بالصاله يدخن
سلطان : تعال اجلس اشوف
جلس عزوز ويناظر ابوه بعتب
سلطان بعصبية : ناظر الارض وانا اكلمك ولا نسيت من انا الغلط مو منك مني انا اني سمحت لك تتعدى حدودك الله يالدنيا ماكنت تتجرأ ترفع عينك من الارض وانا اكلمك بس صدقني بترجع زي قبل
عبدالعزيز صمت
سلطان : ماتبي تقول شيء؟
عبدالعزيز وعينه بالارض : وش بيصير بشغلي وبحياتي
سلطان : بخليك تدرس طب
عبدالعزيز بفرح : صدق؟
سلطان : بشرط
عبدالعزيز : وشهو
سلطان : ما تطلع من شوري ولا من اوامري ولا بفصلك
عبدالعزيز : تمام
سلطان : والشغل ماله داعي
عبدالعزيز : كيف ماله داعي
سلطان : انت عندك مواعيد بالمستشفى وبتداوم للجامعه كيف تبي تشتغل ؟؟
عبدالعزيز : تمام بس ابي اعتمد على نفسي
سلطان : اذا ماقبلوك للدراسه بخليك تشتغل بأي شركه ياكثرها الشركات واذا قبلوك تدرس طب ماراح تشتغل
عبدالعزيز : تمام
رن جوال عزوز
سلطان : امك؟
عبدالعزيز : ايه
سلطان : قفل ولا ترد عليها
عبدالعزيز تذكر كلام امه عنه وحقد عليها وقفل
عبدالعزيز : يبه
سلطان وهو يدخن : نعم
عبدالعزيز : بعد العشاء بطلع مع العيال
سلطان : مافيه مشكله بس ارجع بدري
عبدالعزيز : تمام
وراح لغرفته ورتب اغراضه
أنت تقرأ
قدر عبدالعزيز
General Fictionقصة حزينه تتكلم عن ولد ذاق مرارة الحياه اتمنى تعجبكم طبعا ما احلل من يسرق روايتي لان من كتابتي كتابتي انا الكاتبة سلوى حسابي تيك توك www.tiktok.com/@rw.salwa حسابي انستجرام rwayatsalwa حسابي تيك توك rw.salwa ما أحلل احد ياخذ رواياتي 👏🏻
