راشد : ايشش
ام سعد : ياولدي الرجال ابن ناس واصل وفصل وعنده خير
راشد : منهو
ام سعد : عبدالعزيز الي استأجر بيتي الصغير
راشد : قصدك العامل ؟؟
ام سعد : صحيح يشتغل عندي بس انا عرضت عليه لان ماعندي عمال كثير ولا هو ولد خير ونعمه واغنى مننا
راشد : بيوم وليله يخطبها اكيد فيه انن لا يكون شافها
ام سعد : لا بس هو يبي يتزوج وفكر ببنتك وجاني يعلمني اذا انت موافق والبنت موافقه بيجي يخطبها
راشد : تمام نشوف
قام راشد وراح لبنته
راشد : ملاك
ملاك : هلا يبه
راشد : في واحد خطبك موافقه ؟
ملاك : لا مبغى
راشد : فكري زين
ملاك : ودراستي ؟؟
راشد : حطي الدراسه والوظيفه من شروطك وامي قالت الرجال مايتفوت
ملاك : بفكر يبه
اما عند بطلنا كان مو مصدق انه طلب الزواج قالها من قلبه بدون مايفكر وقرر يتصل بابوه
سلطان : هلا عزوز اخبارك
عبدالعزيز : بخير يبه انت اخبارك
سلطان : الحمدلله بس ياولدي شفيك بخاطرك شيء؟
عبدالعزيز : ابي ازورك بكره وين اجيك ؟
سلطان : بالقصر
عبدالعزيز : يبه ما ابغى القصر
سلطان : بتجي القصر يعني القصر
عبدالعزيز : تمام بجيك بكره متى تكون فاضي؟
سلطان : الساعه ٢ العصر
عبدالعزيز : تمام مع السلامه
جلس عبدالعزيز يفكر وداخله خوف مو مصدق انه نسى ريم وكان خايف ان ملاك ترفضه
نام البطل
اما ملاك كانت تفكر لو تزوجت بترتاح من ابوها
اليوم التالي
كان عبدالعزيز متوجهه صوب القصر
دخل القصر وشاف العيال وتركهم
نايف : عبدالعزيز
عبدالعزيز : وش تبغى مني ؟؟
يوسف : انت بخير ياعزوز
ناصر : وين عايش الحين
عبدالعزيز : يهمكم ؟؟
سالم : طبعا
الا نايف يقرب من عزوز ويضمه
نايف : اسف والله اسف بس جدي طلب مني اسوي كذاا اني اتعامل معك بذي الطريقه
يوسف : وش المغزى ان جدي يسوي كذا
نايف وهو يبكي : يقول يبي عزوز يرجع نفس زمان رجال ومحترم ويكبر مايبقى طفل
عبدالعزيز : يا نايف كل انسان تعرض لموقف قوي ومؤثر بطفولته ماراح يتعداه الا اذا انحل الموقف بس انا عندي مواقف كثيره و لا انحلت مستحيل اكبر لا تنتظرون هالشيء
نايف يضم عزوز ويقول : سامحني سامحنيي تكفى
يوسف : ياليل دراما
ناصر : عزوز ليش تنقل مستشفى ثاني
الجد ابو فيصل جاء وقال : وش جايبك ياعبدالعزيز بيتي
عبدالعزيز : بزور ابوي ماكنت ابي اجي بس ابوي قال بيتك وبس ماعليك بطلع الحين
الجد بصراخ: حركات الاطفال ذي ما احبها متى تكبر هاه
عبدالعزيز : الحين وش تبغى
الجد يضرب عبدالعزيز كف ويقول : ابغاك انت ابغاك ياعبدالعزيز ابغاك تكون نفس زمان وينك ويننن عبدالعزيز المتفوق المحترم الي الكل يحبه لا تخرب حياتك عشان الماضي
عبدالعزيز وهو يبكي ويصارخ : ايش اسوي يعني مو بيدي موو بيدي
الجد قرب ويضم عزوز : انت حط يدك بيدي وتصير عبدالعزيز الحقيقي صدقني يا ولدي انت كنت احسن حفيد لا تخرب حياتك ياولدي
عبدالعزيز يبوس يد جده وقال : ابشر احاول
الجد : وين تعيش الحين
عبدالعزيز : بقريه بعيده واشتغلت بمزرعه
يوسف : على طول يلقى وظيفه ذا هههه
ناصر : مو هين
جاء سلطان معصب : اهلا وينك انتظرك امش
الجد : وش السالفه
عبدالعزيز : بتزوج
سلطان : وشش
الجد : الساعه المباركه
سلطان : منهي يا ابن الكلببب منن
الكل انصدم
عبدالعزيز رجع له الخوف من ابوه وقال : رحت امس قريه وقررت اتزوج من حفيدة صاحبة المزرعه
سلطان : خير ان شاءالله ليش
عبدالعزيز : عشان ما اكون وحيد
سلطان بصراخ : على جثتي ياولد منيره
الجد : ليه لا يكون بتمنعه من الزواج
سلطان : كنت احسبه جاي يسولف لي ولا شيء اثره الكلب يبي يتزوج مافيه زواج
عبدالعزيز : ليش
سلطان : انا حر انت ملك لييي ازوجك متى ما ابي والبنت الي ابيها
جاء العم فيصل وقال : شسالفه
يوسف : ياعم عمي سلطان رافض يزوج عزوز
ناصر : حتى الزواج بيمنعه
سلطان : اسمع يا عزيز وربي لو تتزوج وربي لانهي حياتكك
الجد ابو فيصل : وش قاعد تقولل انت انا اجتهد وافصله واعينه واسوي بالشركه عشان يرجع زي قبل تجي انت تسوي كذا
سلطان : لا تدخل في ولديي
الجد ابو فيصل : حسبتك ياسلطان تغيرت بس طلعت شيطان
سلطان بضحكه : على اساس انت طالع منها مو انت الي طردته من الشركه
الجد : تبي نقول الحقايق يا سلطان
سلطان : تكلممم اي حقايق
الجد : اها نسينا من الي قال لي اقنع عبدالعزيز يدخل تخصص ادارة اعمال لاني ما ابغاه يصير دكتور وانا سكت طول ذي السنين عشانك ولدي حتى امس تقول اني منعته من طموحه وسكت فوق انك انت السبب حاط السبب علي اني منعته كل ذا عشانك واساسا انا طارده من الشركه عشان يدرس طبب
عبدالعزيز مصدوم ودموع وقال : كنت احسبك يبه تحبني والكلام الحلو وانك تحبني وبخليك تحقق طموحك ومدري ايشش طلعت انت الي ماتبيني اصير دكتورر !!!
سلطان : انا احبكك طبعااا
عبدالعزيز : اجل خلني اسوي الي ابي
سلطان : لااا انا الي اقوله يصير يكفي انك هربت منيي
عبدالعزيز بصراخ : ما سألت نفسك ليشش انا هربت ما سألتك نفسك ولو مرهه ليش انا اخاف منكك ما سألت نفسكك ليش عبدالعزيز حياته كذااا هاهه
سلطان ضرب عزوز كف وقال : انا قلت لك لا ترفع صوتك علي
الجد : خلااصص
الكل يناظر بالهوشه بصمت
عبدالعزيز : ليش ماتبغاننيي اتزوج هاه
سلطان : ولا حرف روح لمكتبي
عبدالعزيز : ماني رايح
سلطان : لا تختبر صبري
عبدالعزيز يقرب من ابوه ويقول : وش بتسوي بتضربني ؟؟ اضرب مايهمني
سلطان بضحكه : شكلك ناسي من اناا
عبدالعزيز : للاسف مانسيت
سلطان بعصبية مسك رقبة عزوزز
يوسف ونايف بعدو سلطان عن عزوز
العم رائد والعم سالم وصلو وقال رائد : وش فيهه وش فيه
الجد ابو فيصل : تعالو كلكم المجلس عيالي بس
راحو المجلس
وجلسوا الا يدخل العم خالد
العم خالد : هلا يبه
الجد ابو فيصل : اسمعوني كلكم ولا احد يقاطعني
العم سالم : تفضل يبه
الجد ابو فيصل : انا غلطت والانسان يغلط انا غلطة عمري ونادم اشد الندم هي غلطتي يوم زوجت سلطان بمنيره واجبرتهم يجيبون طفل ماتوقعت ان الطفل هذا بيعيش اسوء عيشه حسبت سلطان مثل باقي اخوانه بيقبلون هالشيء بس للاسف سلطان بدال ماينسى الماضي ويربي ولده ويتزوج بس الي صار انه عذب هالولد وحط كل حرته بهالولد عبدالعزيز حياته انتهت هو يحاول يعيش يحاول يصدق ان امه وابوه يبونه بس كله كذب لو امه تبيه كان حاربت عشانه مو تركته وتقول ايش لمصلحته واما سلطان يضربه ويعنفه ويقول احبه ولدي اي حب اي ولد اي بطيخ لو يحبه ماضربه وخرب حياته الا صح يا سلطان انت غريب تبكي على ولدك بس اذا شفته ضربته ايش تبغى
سلطان بدموع ماتكلم
الجد ابو فيصل بصراخ :سلطان تكلم ليش تسويي كذا تحب ولدكك ولا لا وبصراحه لا تكذبب
سلطان يبكي مو قادر يتكلم
العم سالم : هدو واذكروا الله
الجد بصراخ : سلطاننن تكلم تبييي تجلطنيي انت
سلطان بدموع: انا في البدايه ماكنت ابيه بس لما جاء على ذي الدنيا وعدت نفسي اني اخليه يعيش التعاسه والكآبه وبعض الاحيان اشفق عليه
العم رائد : يعني ماتحبه
سلطان يشبك يدينه ويقول : كنت احاول بس قلبي وعقلي وحياتي ماتقبلته ما ابغاهه منيره جابته وهي عارفه اني ما ابغاه انا قلت لها تجهضه ما ابغاههه
العم فيصل : يعني انت تضحك عليه لما تقول انت ولدي واحبك ومدري ايشش طيب وش تبرر يوم هرب كيف توترت وغير انك تبكي اذا مرض
سلطان بصراخ وحقد: لاني اشفق عليه لان ضميري يعورنيي يا فيصل مو عن حب ولاغيره في النهايه ذا ولدي لازمم يكون معي لازم هذا عياله بيصيرون من نسلي مهما كرهته وضربته وعنفته
الجد ابو فيصل : ما اقول الا حسبي الله ونعم الوكيل فيك
العم سالم : وش بيصير
الجد : عبدالعزيز عرف خطتي الي عشانها طردته
العم فيصل : الحين ابغى اعرف ليش انت رافض تزوج عبدالعزيز يا سلطان ؟؟!
سلطان : لاني حر وابغى اتحكم فيه يكفي هرب مني ٦ سنوات ولا عاقبته عشان لا يجيب لي مصيبه
العم سالم : انت مو صاحي حرامم عليك
العم رائد : يا سلطان انت تتحكم بولدك تحسبه لعبه لو انت تزوجت الي تحبها وجبت منها ولدك ماكان كرهته كذا ولا تحكمت فيه انت تتحكم فيه عشانك تكرهه ماتبغاه يعيش حياته
سلطان : ما ابغىى احد يتدخل
العم خالد : الحين وش بيصير بسالفتكم ذييي
الجد : ما باليد حيله سلطان ولدي ومقدر اسوي له شيء يسوي بولده مثل مايبي انا حاولت ان عزوز يعيش سعيد ولاقدرت
سلطان : حلوو اجل لا تدخلون
خرج سلطان
أنت تقرأ
قدر عبدالعزيز
General Fictionقصة حزينه تتكلم عن ولد ذاق مرارة الحياه اتمنى تعجبكم طبعا ما احلل من يسرق روايتي لان من كتابتي كتابتي انا الكاتبة سلوى حسابي تيك توك www.tiktok.com/@rw.salwa حسابي انستجرام rwayatsalwa حسابي تيك توك rw.salwa ما أحلل احد ياخذ رواياتي 👏🏻
