قدر عبدالعزيز

٢

السبت الساعه ٦ مساءا
خرج عبدالعزيز من المستشفى ووصل القصر ودخل جناحه
سلطان بغرفة عبدالعزيز بعصبيه بس مايبغى يعصب عليه : يا عبدالعزيز عادي تكلم ماراح اضربك وش انت ماكل تكلم ياولد
عبدالعزيز بخوف وهو مو داري وش اكل اصلا : والله يبه ماكليت شيء غير الي ناكله مع بعض حتى مع عيال عمامي الاكل ياكلون مثلي ليش انا تسممت مدري والله ما اكذب عليك والله
سلطان وهو داري ان عبدالعزيز مستحيل يكذب عليه ودائما صادق
سلطان : اممم تذكر في شيء اكلته بدون احد ياكل معك ؟ او في المدرسه ؟
عبدالعزيز وهو يلعب بيدينه وهو خايف : لا يبه
سلطان شاف ولده يلعب بيدينه ووجه البريئ المسكين الي ما يأذي نمله حتى او يسوي شيء خطا وتنهد وقام وقال : طيب انت ارتاح بروح للشغل
عبدالعزيز : يبه
سلطان : هاه وش
عبدالعزيز : جوعان
هنا سلطان عرف ليش كان عبدالعزيز يلعب بيدينه ومنزل راسه وقال : تمام بخلي الخادمه تجيب لك اكل
عبدالعزيز ببراءه وحماس : ابي رز ودجاج
سلطان بضحكه داخله بس من برى مايبينها وقال : تمام وطلع
طلع سلطان وشافه ابوه وقال : طمني كيف عبدالعزيز عساه بخير
سلطان : ايه يالغالي بخير ومافيه الا العافيه
الجد صالح : بس ليه تعب فجاه ؟
سلطان : تسمم غذائي
الجد بإستغراب : بس يا سلطان وشهو ياكل عشان جاه تسمم والباقي لا
سلطان : وهذا الي محيرني
الجد صالح : انت شكلك مشغول
سلطان : ايه يبه رايح للشغل مكتب المحاماه مزحوم عندي
الجد صالح بينه وبين نفسه اخخخ ولدك طريح فراش وانت تبغى تروح شغلك : اها طيب بالتوفيق
سلطان باس راس ابوه وطلع
اما الجد صالح راح عند حفيده عبدالعزيز عشان يتطمن عليه
دخل الجد وشاف احفاده كلهم عند عبدالعزيز وانبسط وقال : يازين ذي اللمه تذكروني بشبابي
يوسف بروحه المرحه : انت باقي شباب ترى هههه
ناصر وسالم : يب باقي
اما صالح نظراته ماتفارق عبدالعزيز الي ياكل يبي يسوي بعبدالعزيز شيء بس مو قادر
يوسف : ياجد اذا تعبنا ماتجي الا عند عزوز حفيدك المدلع هههههههه
صالح بحقد وكراهيه : لا مو احب احفاده بس تعرف ان عزوز امه تركته وابوه يكرهه وماعنده اخوان ولا شيء عشان كذا يشفق عليه
الجد صالح بحزم وعصبيه : ايش ذا الكلامم كلكم احفادي احبكم
اما عبدالعزيز دمعته على خده وقاعد يمسحها وترك الاكل على جنب
يوسف وسالم على طول عند عبدالعزيز يدارونه
يوسف : ماعليك منه ياعزوز
سالم : ي رجال تعرف ان صالح يكرهك عشانك احسن منه هذا وهو اخوي واعرفه زين يغار منك
اما الجد يطالع بصالح بعصبيه وطلع
ناصر : يا عزوز ترى كلنا نحبك وحتى الاساتذه والكل يحبونك اتركك منه صالح الكريهه الي نايم بالثانويه وهو صاك العشرينات
سالم : ي هوه ترى اخوي بالنهايه
نايف : ي سالم لا تزعل بس ناصر صادق حتى لو اخونا
ويوسف يبغى يكلم عبدالعزيز الا وشاف عبدالعزيز نايم ثم قال : ياعيال هذا متى امداه ينام
سالم : مسكين خلوه ينام يرتاح
صالح كان يطالعهم وضرب الباب وطلع
يوسف : الا ي سالم علم امك وابوك عن اخوك ذا
سالم : علمت امي وابوي وانجلد من ابوي بس مافي فايده
ناصر : يلا ي عيال نطلع خلوه ينام
يوسف : ايه يلا نطلع