بسم الله الرحمن الرحيم:-
عارفه اني اتاخرت كتير اوي بس كان عندي حاله وفاه اخويا💔 و بجد مكنتش في حاله اني اكتب حاجه و حاولت كتير والله بس مكنتش قادره
بتمني منكم كلكم تدعوله بالرحمه و ادعوا لبابا كمان فضلا
🤍🤍🤍🤍🤍🤍🤍🤍🤍🤍🤍🤍🤍🤍
نبدا بقي الفصل :-
وقفنا الفصل اللي فات لما الوزير كلم نور علشان يطمن عليها و يعتذر علي أفعال ابنه
شاكر بحب : عامله ايه يا نور الوقتي
نور : أنا كويسه الحمد لله
شاكر : اكيد بتقولي أنا بكلمك ليه الوقتي و ايه سبب المكالمه دي
نور : اكيد
شاكر : أنا كنت عايز اطمن عليكي و بجد انا اسف جدا علي اللي حصل و عارف ان اي إعتذار مش هيغيير اللي حصل ولا حتى هيخففه بس صدقيني أنا بعتبرك بنتي ولما عرفت اللي حصل مفكرتش الا فيكي و كنت خايف عليكي
نور بصدق : مصدقه كل كلمه حضرتك قلتها و مش حضرتك اللي تعتذر
شاكر : أنا عارف ان مفيش حاجه تعوضك علي الرعب اللي شوفتيه و التعب ده كله بس شوفي انتي عايزه ايه وانا اعمله
نور : اولا أنا مش بحب اخلي اي حد ياخد حقي لكن أنا عايزه اطلب طلب منك
شاكر بلهفه : عايزه ايه يا بنتي
نور : اول حاجه حضرتك تكلم والد خطيبه ابنك الاستاذ محمد الصاوي و تفسخ الخطوبه و تقوله الحقيقه ان ابنك مينفعش لبنت محترمه و خلوقه زي حور
شاكر بحزن : فعلا ده اللي هيحصل لأن ابني ميستهلش حد زي حور أنا كنت فاكر لما اخطبله بنت مفيش في اخلاقها اتنين و احسسه بالمسؤلية و أنه كبر يعقل و يفهم بس للاسف كنت غلطان وابني ضاع مني
نور بحكمة : حضرتك تقدر ترجعه لحضنك تاني
للاسف انت سبته لمامته وهي معرفتش تربيه لوحدها صح لسه قدامك الوقت انك تصلح اللي اتكسر فيه حاجات للاسف مش بتتصلح لكن في المقابل فيه حاجات تنفع أبدا معاه من الاول
شاكر : ازاي
نور : انا هقولك بجانب اني هاخد حقي منه
اول حاجه انا عرفت أنه خريج تجاره لكن مشتغلش بشهادته و انك فتحته فندق يديره و هو متعلق بيه اوي و كمان ٣ مطاعم
أنا هوقع اسم فندقه في الأرض و كمان المطاعم يعني هيطلع من اللي هو فيه هيلاقيهم متشمعين لكن في أي وقت حضرتك عرفتني أنه رجع انسان اوعدك هرجعله فندقه و مطاعمه زي ما كانوا واحسن كمان
شاكر : اولا ده حقك و انا واثق فيكي ثانيا أعلمه الأدب ازاي بقي
نور : انت عندك شركات شغله عندك بشهادته زي اي موظف صغير و علمه الرجوله ازاي
شاكر بإعجاب : الفكره دي حلوه اوي شكرا يا نور بجد
نور : ولا شكر ولا حاجه أنا موجوده في أي وقت احتاجتني فيه
شاكر بحب ابوي : متشكر جدا والف سلامه عليكي تاني في امان الله
عندما انتهت المكالمه
انس وهو يصفر :دماغ شياطين ايه يا بنتي الجبروت ده
ادم : ده انتي بتخاف منك بقي هتضيعي للواد أملاكه
نور بسخرية: مابلاش انت يا انس بدل ما أكلمه تاني و أقوله كمل في الخطوبه و جوزهم كمان
انس برعب :خلاص يا باشا ده انا بهزر معاكِ يا نور يا قمر يا احلي واحده في البنات
عدي بغضب : ما خلاص يا حبيبي
انس بضيق مصطنع : هم كلكم عليا طب أنا ماشي
عدي :يبقي احسن امشي
انس بضحك : لا مش ماشي ها بالعند فيك
نور : وانت يا آدم بلاش أنا علشان ممكن بسهوله خالص افشكلك الخطوبه
ادم بخوف : لا خلاص براحتك يا باشا
موج بضحك :كنت بسمع علي خوفكم منها بس اول مره اشوف لا عظمه يا نوري
نور بضحكه و غمزه لموج بهزار : اي خدمه يا روحي
نور : نتكلم جد بقي الوقتي أنا هاخد حقي منه و صفحته هتتقفل من حياتي الوقتي الوزير اكيد بيكلم بابا حور فانت يا الياس تاخد معاد مع والدك و تمهدله الموضوع و قوله يكلم عمك و حددلنا معاد مع والدك اللي هو هيكون بكره بالليل علشان نخطب حور و نخلي الخطوبه بعد ٣ اسابيع مع ادم و بتول
انس بفرحه :يحيا العدل هو ده الكلام الصح تعيش نور زغرطي يا غنوه انتي وماسه وجلنار و كلكم و كلكم أنا هتجوز حور
موج بضحك :كملي يا نور ده واحد مجنون ملناش دعوه بيه
الياس بضحك : هو انتي حددتي معاد الخطوبه كمان
نور بضحك : طبعا علشان نخلص منهم بقي
بتول بزعل : كده يا نور عايزه تخلصي مني
نور بحب وهي تحضنها : ابدا يا روحي هو أنا أقدر خلاص نلغي كل حاجه لاجل عيونك
ادم : لا ابوس ايدك والله انتحرلكم هنا و اغرقلكم الدنيا هنا دم
فريده بخوف : لا كده السجاد يبوظ
ادم بخوف :هو انا وقعت مع عالم يهود ولا ايه
ضحك الجميع عليهم و انقضت الليله بسعاده سريعا 🤍🤍💚💚💚💚💚💚💚💚💚💚🤍🤍
في غرفه نورسين
كانت تجلس علي السرير شارده و الجو من حولها هادي و الضوء خافت
دخلت عليها غنوه لتطمئن عليها وجدتها شارده
غنوه :نور يا نور نور
نور بتركيز :ها نعم
غنوه بخوف : مالك شارده في ايه انتي كويسه
نور : انا تمام يا حبيبتي مفيش حاجه
غنوه براحه : طب الحمد لله كنتي شارده في ايه بقي
نور : بصراحه في اللي حصل مش قادره استوعب أني هنا وسطكم تصدقي اني مكنتش خايفه اوي ولا مرعوبه و الكلام ده بس مقدرش اكدب و اقول مكنتش خايفه فاهمه قصدي اي بنت في موقفي كانت ممكن تنهار لكن أنا لا لاني واجهت اكتر من كده وانا صغيره تعرفي اني معنديش رغبه للحياه اه والله يمكن اللي حصلي عدا عليه سنين وسنين بس مش قادره انساه و لا عارفه اتقبله بخاف اوي لو سمعت اسمه ولا اسمها مش عايزه افتكر اي حاجه تفكرني بيهم لدرجه اني ساعات بكره نفسي لأني منهم بكرهم لدرجه مش قادره اتحملها و أكملت بدموع تتلألأ في عيونها في جروح علامتها اختفت لكن بتبقي لسه معلمه في الروح والقلب كأنها حاصله امبارح نفسي بجد ارتاح و احس بالسكينة و أكملت بسخريه شوفتي دكتوره و مش قادره تساعد نفسها
غنوه وهي تاخدها في حضنهاو تدمع علي اختها : حبيبتي حاسه بكل ده و مش بتتكلمي ليه يا حبيبتي مش انا اختك
نور وهي تحضنها بكل قوتها : مش عايزه احملك فوق طاقتك كفايه انكم ربتوني و علمتوني و اهتميتوا بيا احسن من اللي خلفوني و سرفتوا عليا فلوس كتير
غنوه بحزن : كده ازعل منك يا نور انتي اختي لا بنتي أنا بحبك فوق ما تتوقعي و كل اللي هنا بيحبك بابا لو سمعك هيزعل منك اوي
قطع حديثهم دخول جلنار و معها موج
جلنار بهزار : قطعناكم عن حاجه
نور : لا ابدا ادخلوا
جلنار : طب يلا علشان اكشف عليكي و نطمن
نور :أنا كويسه
موج : بس يا حلوه اشتغلي يا جوجو
بعدما انتهت جلنار من فحص نور
جلنار :نور انتي تعبانه علفكره اوي وبلاش تتحركي كتير و لما تحسي بوجع الدواء ده هيخفف الوجع
موج ممكن مايه علشان نور تاخد الدواء
موج :طبعا من عيوني
نور بطفوله : اخير خلصت بجد الدواء طعمه وحش اوي
غنوه وهي تمسد (تمسح ) علي شعرها : معلش يا حبيبتي علشان تبقي كويسه و بخير
جلنار : ارتاحي بقي يا نونو لانك تعبتي النهارده و علفكره الدواء فيه نسبه منوم علشان تسترخي و جسمك يرتاح
نور :طيب
موج : علفكره يا نونو انا وقعت فندقه و المطاعم بتاعته في الأرض خلاص و علي الصبح هيكونوا بيتشمعوا
نور بمتنان : مش عارفه اشكرك ازاي تسلمي يا جوجو
موج : بلاش هبل مفيش بنا الكلام ده كده حقك وصل
نور : ايوه الحمد لله
ظلت الفتيات يتحدثون لبضعة دقائق نامت فيهم نور
عندما تأكدت غنوه من نوم نور قبلت جبينها و غطتها و خرجوا بهدوء
موج بنعاس :تصبحوا علي خير هنام لاني تعبت اوي وبكره نقعد مع بعض من بدري بقي
جلنار و غنوه : و انتي من أهله يا حبيبتي . إن شاء الله. و احلام سعيده
ذهبت بعدها موج الي غرفتها مباشره و كذلك كل فتاه ذهبت الي غرفتها بعدما ودعوا بعض و تمنوا لبعض احلام سعيده .
🤍🤍🤍🤍🤍🤍🤍🤍🤍🤍🤍🤍🤍🤍
في غرفه غنوه
دخلت الغرفه وهي حزينه مهمومه لم تكن تدري ان اختها لم تتخطي الأمر ابنتها الصغيره تتعذب ولا احد يعلم بكت بشده
استيقظ ياسين علي صوت بكاء
فتح مفتاح الاضاءه وجد زوجته و حبيبته تبكي علي الاريكه الموجودة في الغرفه
ياسين بخوف :مالك يا حبيبتي ايه اللي حصل
ألقت نفسها بين أحضانه و بكت بشده
ياسين وهو يربت علي ضهرها و يهديها بكلماته الحنونه
عندما تأكدت انها توقفت عن البكاء و اصبحت بخير
ياسين بحنيه :ايه اللي حصل لكل ده
غنوه بحزن :نور و حكت له ما قالته نور بتتالم و مفيش حد حاسس بيها فاكره أننا ربناها شفقه
ياسين بحزن علي هذه الزهره الجميله :كنت حاسس انها هتتاثر باللي حصل بس كنت فاكر أنها هتنسي لما تكبر بس للاسف احنا اللي نسينا نور شافت كتير اوي
وعد مني أنها هترجع إن شاء الله هنلاقي حل لأن ربنا واقف معانا و حاسس باللي احنا فيه خلي عندك يقين في ربنا ان كل حاجه هتكون تمام بس قومي انتي ارتاحي لانك تعبتي جدا النهارده
غنوه : حاضر
صعدت غنوه الي السرير و اغلق ياسين الضوء
و أُسْدِل السِّتار استعدادا ليوم جديد
🤍🤍🤍🤍🤍🤍🤍🤍🤍🤍🤍🤍🤍🤍
في خارج البلاد و بالاخص لندن
في منزل الوزير شاكر شعيب :-
عندما اغلق الوزير المكالمه مع نور
اتصل فورا علي والد حور
محمد بود :الو يا شاكر اخبارك ايه بقيت كويس
شاكر : الحمد الله بقيت كويس
محمد بقلق : طب الحمد لله خير فيه حاجه قلقتني
شاكر :لا مفيش قلق ولا حاجه كل الحكايه اني كنت حابب افسخ الخطوبه بتاعه الاولاد
محمد بصدمه : ليه حصل حاجه بنتي ضيقتكم في حاجه
شاكر : بصراحه لا ابدا بنتك قمه في الادب والاخلاق لكن أنا ابني اللي مش محترم و اكيد انت عرفت اللي حصل
محمد : ايوه عرفت بس ده طيش شباب و اكيد هيعقل لما يتجوز و يتحمل المسؤولية
شاكر : للاسف كنت فاكر كده بس طلعت غلطان أنا بعتذر تاني لكن اللي مقبلوش لنفسي اكيد مقبلوش لغيري و بنتك جوهره حافظ عليها للي يستاهلها
محمد بحزن : يعني ده اخر كلام
شاكر : ايوه
محمد: تمام والشبكه هب
شاكر بمقاطعة : الشبكه هديه مني لحور
محمد بحزن : لا مينفعش
شاكر : دي اقل حاجه بعتذر مره تانيه مع السلامه و اغلق المكالمه
كده عملت اللي عليا و ابدا افكر بقي في تربيه ابني
🤍🤍🤍🤍🤍🤍🤍🤍🤍🤍🤍🤍🤍🤍
في منزل محمد الصاوي
من وقت انتهاء المكالمه وهو يجلس حزين مهموم
دخلت زوجته مكتبه وهي تحمل كوب القهوه الخاص به وهو لم يشعر بها ووضعته أمامه بهدوء و
جلست زوجته بجانبه : محمد مالك مضايق ليه
محمد بحزن : الوزير فسخ الخطوبه كل حاجه باظت يا وفاء
وفاء بصدمه : ايه انت بتتكلم جد
محمد : ايوه لسه قافل معايا الوقتي و حكي لها مضمون المكالمه
وفاء : خلاص ولا يهمك هو اعترف أن ابنه اللي غلطان و حور ملهاش ذنب و ربنا إن شاء الله هيرزقها بالاحسن منه مزعل نفسك بقي ليه
محمد :خايف ليلغي الشراكه اللي بنا كده كل حاجه بنيتها هتضيع مني
وفاء : لا متخافش هو اللي فسخ مش احنا يعني الغلط من عندهم و كمان هو مش هيقدر يعمل كده لان الشغل ماشاء الله ماشي كويس كده و بيكسب اوي و احنا في ازدهار و شركاتنا مسمعه و مشهوره
محمد باقتناع و اطمئنان : ماشي ربنا يسهل و كلمي بنتك عرفيها هتفرح اوي لما تعرف لأن الهانم كانت رافضه أنا رايح انام
و خرج من المكتب و صعد الي غرفته
أما في المكتب
وفاء بفرحه :الحمد لله يا رب انها أخيرا خلصت منه
و حملت الفون بتاعها من الفرحه مش قادره تصبر عايزه تقولها بسرعه و طلبت رقم بنتها و انتظرت الرد
وفاء بفرحه : عندي ليكي خبر بمليون جنيه يا حور
🤍🤍🤍🤍🤍🤍🤍🤍🤍🤍🤍🤍🤍🤍
قصر محمود الصاوي
دخل الياس وجد الهدوء طاغي و مفيش حد خالص
الياس : اكيد ناموا
لكن وجد مامته خارجه من المطبخ
صفيه : انت جيت يا حبيبي انا فضلت صاحيه علشان اطمن انك جيت تحب اجهزلك عشاء
الياس وهو يبوس يدها : لا تسلمي يا ست الكل مش جعان بس فين المجانين
صفيه بضحك : طلعوا يناموا من التعب مفيش غيري أنا و باباك بس
الياس : طب كويس كنت عايز بابا في موضوع مهم
صفيه بقلق : خير فيه حاجه
الياس باطمئنان : خير والله تعالي نطلع و انا هحكيلك
و صعدوا الدرج حتي وصلوا للغرفه
طرق الياس الباب و تحدث من الخارج بابا ينفع ادخل
محمود : طبعا
فتح الياس الباب و دخل مع والدته
محمود : تعالي يا حبيبي
الياس وهو يجلس بجوار والديه
الياس : بصراحه انس عايز يجي يخطب حور بكره
محمود بذهول و ضحك :بكره كمان و مين بقي اللي قال كده
الياس بضحك : نور
صفيه : أنا مش فاهمه حاجه و غير كده حور مخطوبه
الياس : لا ما هي الخطوبه اتفسخت
محمود : وانت عرفت ازاي
الياس : هشرحلكم و حكي لهم كل شي من الاول للاخر بس كده دي كل الحكايه و نور طلبت مني اقولك و انت تكلم عمو محمد و تعرفه و تطلب حور منه لانس و إن شاء الله هو يوافق وهم هيجوا يخطبوا حور بكره و الخطوبه تكون مع بعض يعني خطوبه انس و ادم
ضحك محمود : اهم حاجه أن نور مخططه كل حاجه و مفيش في كلامها مجال للرفض
صفيه بضحك : فعلا
الياس :قولت ايه يا بابا
محمود : قولت محمد رسول الله انا عن نفسي موافق انس شاب كويس جدا و محترم و اكيد مش هنلاقي احسن منه لحور و الحمد لله أن خطيبها ده غار أنا اصلا مكنتش مستلطفه خالص بكره إن شاء الله هكلم محمد و أقوله
صفيه بحب لحور: طب ما تكلمه الوقتي يا محمود
محمود: انتي اكيد عارفه فرق التوقيت ممكن يكون لسه نايم
صفيه : مفيش مشكله حاول
محمود : ماشي
و حمل فونه و رن علي اخوه وانتظر الرد
محمد :الو يا محمود فيه حاجه
محمود : خير بقولك -----
🤍🤍🤍🤍🤍🤍🤍🤍🤍🤍🤍🤍🤍🤍
الفصل خلص بتمني يعجبكم
كبير اهو و كله احداث
١-هل عقاب نور لساهر شاكر شديد ولا لا
٢-يا تري بابا حور هيوافق علي انس ولا لا
٣- الخطوبه هتعدي علي خير ولا هيحصل حاجه
٤-البنات هتحكي حاجه لنور علي كلام وعد ولا لا
انتظروني في فصول ولا اروع 🔥🔥🔥🔥
في امان الله 💚
