وقفنا الفصل السابق علي أن نورسين أخبرتهم أنهم هيروحوا الملاك
بعدما انتهي الجميع من تناول الإفطار
نورسين ببرود : كل واحده فيكم تتطلع تلبس ملابس مريحه
الجميع : حاضر
صعدت الفتيات الي غرفهم و غيروا ملابسهم الي ملابس مريحه و هي أيضا صعدت و كذلك فعل الشباب وبعد القليل من الوقت نزلوا و تجمعوا
نورسين ببرود : يله السيارات وصلت
الجميع :تمام
خرج الجميع وجدوا اربع سيارات
نورسين ببرود : مين هيركب معايا
جميله و تولين و بتول و حور معا : أنا
نورسين : تمام و نظرت للباقي احنا هنركب و انتم قسموا نفسكم و ذهبت ومعها الفتيات واتجهت ناحيه أكبر سياره و اجملهم
عدي ببرود لالياس : مين هيركب معاك
إلياس : أنا و ادهم و شهد هنركب مع بعض
عدي : تمام كده فضل سيارتين
انس بسرعه : أنا هركب في سياره لوحدي
ادم : و انا هركب معاك
عدي في سره : ندل تركني لوحدي مع وعد
وعد بفرحه : مفضلش الا أنا و انت هنركب مع بعض
عدي :اه و اكمل بصوت منخفض سمعه انس من حظي الاسود
ركب الجميع و انطلقت سياره نورسين اولا و هم وراءها
🌸🌸🌸🌸🌸🌸🌸🌸🌸🌸🌸🌸🌸🌸
في سياره نورسين
تحدثت الفتيات مع بعضهم كثيرا و احبوا بعضهم و تأكدوا أن حور تختلف كثيرا عن اختها
🌸🌸🌸🌸🌸🌸🌸🌸🌸🌸🌸🌸🌸🌸
أما في سياره انس و ادم
انس بضحك :ياعيني عليك يا عدي تركوك لوحدك معاها يا ضنايا بجد صعب عليا
ادم بضحك : بجد كان منظره مسخره وهو مصدوم أن وعد هتركب معاه
انس : مش بعيد لما نوصل يفرومنا علشان تركناه
ادم : لا متخافش مش هيعمل حاجه امام الشباب بصراحه حاسس أنه مش مستلطف اللي اسمه إلياس ده
انس : لا هو اصلا مش مستلطفه علشان نظراته لنور
ادم : مش عارف ساكت ليه لما حد يجي و ياخذها منه
انس : طب قول الكلام ده لنفسك
سكت ادم بضيق لان كلامه صحيح
وصلت نورسين و اوقفت السياره و نزلت و نزل و وراءها الجميع
نورسين و هي تقف أمام باب حديد عملاق
نورسين : يا حج حامد
فتح حامد البوابه و خرج لها
حامد بابتسامه : نور هانم نورتي المكان اتفضلي
نورسين : ده نورك يا رجل يا بركه يله يا شباب
دخل الجميع وراءها و هو ينظرون بدهشه و زهول
حامد : الملاك نورت بيكم يا جماعه
انس بهزار : و اللهي انت اللي منور يا حوده
حامد بهزار : لسه زي ما انت يا انس دمك خفيف
انس بفخر مصطنع : و سوف اظل هكذا للابد لازم يا حوده يكون معاهم واحد مثلي انا اللي بفرحهم و اللي بفرفشهم هم من غيري ولاحاجه
عدي : انس
انس بخوف : ماعدا انت ياكبير طبعا
نورسين : أنا هفرجهم علي المزرعه و بعدين ابقي طلع ليا ليل
حامد : حاضر يا نور
حور : مين ليل ده وايه المكان الجميل ده
نورسين :دي الملاك اكبر و اجمل مزرعه خيول في العالم و ليل ده الحصان بتاعي
تولين بفضول : طب و دي بتاعتك و ليه اسمها الملاك
نورسين : المزرعه دي ملك جدي اللي يرحمه وهو كتبها باسمي و عملها علشان عارف اني بحب الخيل و اسمها الملاك علشان هو كان بينادي علي بملاكي فهمتي
تولين : ايوه بس المكان جميل و تصميمه جديد و حديث
بتول : كلامك صح نورسين لسه مجدده المزرعه من سنه
حور : المكان جميل اوي
🔰🔰🔰🔰🔰🔰🔰🔰🔰🔰🔰🔰🔰
دقيقه علشان اشرح شكل المكان 😊
المزرعه كبيره جدا محاطه من جميع الاتجاهات بأشجار و زهور فريده و خضره بجانب تصميمها الفريد فهي تعد من اجمل الاماكن في العالم
🔰🔰🔰🔰🔰🔰🔰🔰🔰🔰🔰🔰🔰
نورسين : يله علشان تتفرجوا علي المكان
حور و تولين بحماس : يله
ضحك الجميع عليهم
في أثناء تجوالهم في المكان ابتعدت عنهم وعد من غير ما حد يشوفها و بعدها بفتره قصيره انضمت لهم ولم يلاحظ أحد غيابها بسبب انشغالهم في مشاهده كل شي في المزرعه
نورسين : حد عايز يركب خيل
انس و بتول و جميله و ادم : أنا
إلياس و ادهم و تولين و حور : و احنا كمان
نورسين : وانت يا عدي مش هتركب
عدي بابتسامه : اكيد هركب
نورسين لشهد : و أنتِ
شهد بكره : طبعا هركب
نورسين لوعد : وانتِ يا دودو
وعد : لا مش عايزه
نورسين : تمام
نورسين لحامد : جهز ليل و جهز عشر احصنه كمان
حامد : تمام يا نور و ذهب
بعد عده دقائق رجع و معه خمسه رجال و كل رجل يمسك حصانين
ركب الجميع ماعدا حور فساعدها انس و هي شكرته
حامد و هو يمسك ليل : الليل اهو
اقتربت منه نورسين بشوق و احتضنته
نورسين : وحشتني اوي يا ليلي
حور : واو يا نور حصانك شكله روعه
ابتسمت لها نورسين
فاليل شكله فريد جدا لونه مثل الليل في سواده و رأسه على شكل هرم و تكون قمته الى أسفل وقاعدته إلى أعلى مع جبهة عريضة تزينها غرة (المساحة البيضاء) في وسطها و عينان واسعتان كبيرتان بعيدتان عن الأذنين و ينسدل عليها شعر الناصية ليقيها من حرارة الشمس
نورسين بفخر : ليلي مميز و ركبته و سارت به و هم وراءها
انس : نور ماتغني
بتول : ايوه غني يا نور
تولين : هي بتعرف
جميله : دي صوتها روعه
شهد : اكيد مش للدرجه دي يعني
بتول : لا للدرجه دي واكثر يله بقي يا نور
حور : ايوه يله يا نور
ادم : يا نور نور نور
نورسين بضيق : خلاص بس انا مش حافظه اغاني
عدي : عادي غني الاغنيه اللي كنتي بتغنيها و انتِ صغيره
نورسين : لا دي قديمه اوي
بتول : بس حلوه يله بقي
نورسين : طيب هغني بس انتم تغنوا معايا
الجميع : تمام
نورسين بصوت جميل و عذب و الجميع يردد وراءها
اتمخطري واتميلي يا خيل
وارقصي ويا عرايس الليل
اتمخطري ياخيل
اتمخطرى واتمايلي معانا
خلي الدنيا تميل ويانا
وخلي العاشق يجرى يجرى ورانا
ليل ونهار ونهار وليل
احنا شباب النور وزهوره
للي شبابه اتمسى بنوره
يا فرحة قلب اللي نزوره
اجري يا خيل ده الوقت سرقنا
غاير منا ومن عشاقنا
اجري وخلي النور علشانا
يا دنيا لفي بينا يا دنيا واجري بينا
بس اوعي تسبقينا يا دنيا وتفوتينا
انتهت نورسين من الغناء و صفر لها الشباب
حور : صوتك روعه
نورسين : شكرا
و أكملوا سيرهم بالاحصنه ولكن حدث مالم يتوقعه أحد
🌸🌸🌸🌸🌸🌸🌸🌸🌸🌸🌸🌸🌸🌸
هبطت الطائره ارض القاهره و نزل الجميع و ذهب كل شخص الي منزله
🌸🌸🌸🌸🌸🌸🌸🌸🌸🌸🌸🌸🌸🌸
في قصر العمري
وصل محمود وزوجته صفيه ودخلوا وجدوا شخصين بنتظارهم
صفيه و هي تحتضن اختها : وحشتني اوي يا هدي عامله ايه
هدي: أنا كويسه يا حبيبتي أنتِ اللي عامله ايه و الاولاد كويسين
صفيه : الحمد لله كويسين
الشاب بمزاح : و انا مفيش حاجه ليه و لا اذيك وحشتني ولا حمدالله علي السلامه اي حاجه حسسوني اني ليه قيمه
صفيه وهي تحتضنه :وحشتني اوي يا وسيم عامل ايه يا حبيبي
وسيم : أنا كويس الحمد لله
محمود وهو يصافحه : اخبارك يا وسيم
وسيم : تمام يا عمي اخبارك انت و اخبار خطيبتي ايه
محمود بضحك : كويس و تولين كويسه
وسيم :تمام أنا بقي عايز اتجوز حرام عليكم يا ناس خاطب من سنتين كفايه بقي هخلل كده جمبكم
محمود بضحك : للدرجه دي حالتك ميؤس منها
وسيم : اوي اوي يا عمي
محمود بضحك : خلاص صعبت عليا لما ترجع تولين و الشباب نبقي نحدد معاد الفرح
وسيم بفرحه :ربنا يخليك للغلابه
🌸🌸🌸🌸🌸🌸🌸🌸🌸🌸🌸🌸🌸🌸
انتهي الفصل بتمني يعجبكم
🌸🌸🌸🌸🌸🌸🌸🌸🌸🌸🌸🌸🌸🌸
١- يا تري أيه اللي حدث مع نورسين و الشباب
٢-ايه اللي هيحصل في فرح تولين و وسيم
ايه رايكم في شخصيه
فرح
عدي
بتول
جميله
انس
ادم
إلياس
تولين
ادهم
شهد
حور
وسيم
