بسم الله الرحمن الرحيم :-
🌸🌸🌸🌸🌸🌸🌸🌸🌸🌸🌸🌸🌸🌸
في قصر محمود الصاوي وبالأخص في غرفة حور
كانت تجلس علي السرير و النوم يجافي عينيها من السعاده لانها سوف تحصل علي حريتها و تخطب لمن تحب و ترضي .
قطع عليها رنين الهاتف حاله السعاده التي تحيط بها
حور : ايه الرخامة دي مين اللي هيكلمني دلوقتي مش عايزه أخرج من الحاله كنت لسه هتخيل شكل الفستان
حور وهي تحمل الهاتف من مكانه و تنظر لتجد المتصل والدتها فردت بسرعه
حور بتوتر : الو يا ماما فيه حاجه
وفاء بفرحه : عندي ليكي خبر بمليون جنيه يا حور
حور بفرحه : بجد ايه قولي بسرعه
وفاء بضحك : اهدي يا حبيبتي هتكلم ازاي وانتي مش سيبالي فرصة اتكلم
حور بضحك : خلاص سكت قولي
وفاء بفرحه : الوزير كلم باباكي و فسخ الخطوبة
حور بصدمه : بالسرعه دي يا واصله يا جامده
وفاء : هي مين دي
حور بفرحة : نور طبعا
وفاء باستغراب : نور مين وانتي كنت عارفه ازاي أنه هيفسخ الخطوبه أنا مش فاهمه حاجه
حور بفرحه :هحكيلك يا ماما علي كل حاجه من الاول
🌸🌸🌸🌸🌸🌸🌸🌸🌸🌸🌸🌸🌸🌸
في قصر محمود الصاوي :-
في غرفه محمود الصاوي
حمل فونه ورن علي اخوه و انتظر الرد
محمد :الو يا محمود فيه حاجه
محمود : خير بقولك كنت عايز اتكلم معاك في حاجه بخصوص حور
محمد بحزن : علي سيره حور لسه الوزير مكلمني و فسخ الخطوبة
محمود : لا حول ولا قوه الا بالله ليه كده
محمد : بصراحه ابنه عمل مصيبه في البلد هنا و هو اكتشف أن ابنه مش هيتصلح حاله
محمود : شوفت أنا قلتلك قبل كده بلاش الخطوبة دي أنا مش مرتاحله الحمد لله انها خلصت منه
محمد : يلا حصل خير كنت عايزني فايه
محمود : هقولك تحس ان ربنا حب يرضي حور فيه شاب محترم جدا اعرفه و اعرف أهله شاف حور و طلب ايديها و مصمم جدا عليها و اكمل بمكر معرفتش أقوله أنها مخطوبه واهي جات من عند ربنا
قلت ايه
محمد : مش عارف متاكد أنه كويس
محمود :جدا و بيشتغل مع اخوه و والده في شركتهم و هم ناس محترمه جدا
محمد باقتناع : طب وحور
محمود : حاسس انها موافقه بس برده لازم نعرف رأيها
محمد : ماشي اسالها و ربنا يعمل اللي فيه الخير
محمود : بس هو عايز يجي يتقدم بكره
محمد بصدمه : بكره ازاي مينفعش قوله بعد اسبوع اكون نزلت
محمود : ماشي هكلمه و اقنعه لانه مستعجل عايز خطوبته تكون مع اخوه بعد ٣ اسابيع
محمد : ماشي انا هرتب اموري و احجز التذاكر و اكلمك
محمود : ماشي يا حبيبي مع السلامه
اغلق محمود الفون ونظر لزوجته و ابنه
الياس بضحك : مش قادر اصدق انك عرفت تقنعه بالسهوله دي مش سهل انت يا حوده
محمود بضحك : طبعا هو انا اي حد يلا مش انت سمعت اللي حصل كلم الشباب بقي و عرفهم يلا بيتك بيتك عايز أنام
الياس : طبعا يا باشا ليك حق تتكلم كده تصبحوا علي خير
خرج الياس و ذهب في اتجاه غرفته و حمل فونه
و اتصل علي نورسين و انتظر الرد
🌸🌸🌸🌸🌸🌸🌸🌸🌸🌸🌸🌸🌸🌸
حور : بس كده كل ده اللي حصل يا ماما
وفاء : ياه طلع فعلا شاب مش كويس مش كلام وخلاص كنت لما اقول لباباكي كده يقولي ده اشاعات علشان أبوه وزير و عايزين يشوهوا سمعته
الحمد لله انك خلصتي منه
حور : الحمد لله و انس كويس جدا يا ماما
وفاء : ماشي يا ست الحبيبه لما اشوفه هحدد
حور : إن شاء الله هتنزلي امتي يا ماما
وفاء : قريب إن شاء الله هقول لباباكي شهد عامله ايه
حور بحزن من ابتعاد اختها عنها : كويسه يا ماما
وفاء : ماشي يا حبيبتي يارب ديما تكونوا كويسين هقفل بقي علشان تنامي تصبحي علي خير
حور : وانتي من أهله
أغلقت حور مع امها و اخذت تقفز علي السرير من شده الفرح لأن امها باتت تعلم كل شيء و تشجعها أيضا كانت و هتظل اقرب صديقه إليها بعد تولين لأنها لم يكن لها أي اصدقاء في الخارج فكانت امها صديقتها الوحيدة لكن الان لها نور و بتول و جميله بالإضافة إلي تولين فهي تحبهم بشده ولا تريد أن تعود للعيش في الخارج ابدا .
كانت تتمني لو أن شهد تحبها لكن شهد منذ كانت في عمر الخمس عشرة سنة وهي تبتعد عنها و كلما تقربت هي منها تصدها و تبعدها لذلك يئست منها
🌸🌸🌸🌸🌸🌸🌸🌸🌸🌸🌸🌸🌸🌸
في غرفه الياس :-
انتظر الياس كثيرا الرد لكن ما من مجيب فتأكد أنها نائمة فقرر محادثتها غدا و قرر هو كمان النوم لكن وجد هاتفه يرن
الياس : الو
الشخص : باشا عرفت حاجه بخصوص اللي قتل المدام
الياس بلهفه : بجد قول
الشخص : مش هينفع في الفون لازم اقابلك
الياس : ماشي بكره في المقر
اغلق الفون معه و تمدد علي السرير و أجبر نفسه علي النوم استعداد ليوم غداً الحافل بالاحداث
🌸🌸🌸🌸🌸🌸🌸🌸🌸🌸🌸🌸🌸🌸
في قصر المنصوري
كانت تقف موج في شرفتها "البلكونة " كعادتها وهي تنظر لشروق الشمس وتغمض عينيها لتشعر بضوء الشمس عليها كأنه يخترق روحها و يشفيها من أوجاعها يشعرها بحياه جديده مليئة بالفرح و السعاده كل صباح .
تفكر هل هيأتي عليها صباح تكون حياتها أصبحت اجمل .
تنهدت بالم و بعدها جلست علي مقعد بجانب السرير و أمامها اللاب الخاص بها تقوم بإنهاء عملها سريعا قبل موعد الإفطار
بعد الانتهاء من العمل قامت بروتينها اليومي و استعدت للنزول للاسفل.
🌸🌸🌸🌸🌸🌸🌸🌸🌸🌸🌸🌸🌸🌸
في غرفه نورسين :-
استيقظت علي صوت غنوه وهي تنادي عليها بحنية
نورسين : صباح الخير يا حبيبتي فيه حاجه
غنوه بحنيه وهي تحمل صينية بها طعام الإفطار لهما
غنوه : لا مفيش يلا علشان اساعدك تغسلي وشك و تاخدي العلاج و تفطري
نورسين بحب : ليه تتعبي نفسك أنا كنت هنزل أفطر معاكم تحت
غنوه بحب : لا مفيش تعب ولا حاجه و كمان انتي لازم تستريحي مفيش نزول تحت الوقتي خالص كل أكلك هيكون هنا يلا يا حبيبتي
نورسين : بس
غنوه : مفيش بس
بعد الافطار وجدوا باب الغرفه يطرق
غنوه : ادخل
دخلت موج و هي تضحك و تقول : ايه ده اخيرا شوفتك بتسمعي كلام حد اخدتي الدوا يا صغنن
نورسين : يا رخمه
غنوه بضحك : طب انا نازله اشوف العيال كملوا انتوا بقي بس ياريت لما ارجع تكوني كويسه يا موج
نورسين : حتي انتي كمان يا غنوه
خرجت غنوه وهي تضحك عليهم
موج وهي تجلس بجوار نورسين : عامله ايه النهارده
نورسين : الحمد لله احسن كتير وأكملت بتنهيده ألم مش كفايه بقي
موج باستغراب : كفايه ايه
نورسين : بعد هتفضلي طول حياتك بره
موج بحزن : أنا مرتاحه بره و كمان وجودي مش هيعمل فرق
نورسين : هيفرق معايا موج أنا عايزاكي جمبي
موج : لو عليكي فأنا بكلمك كل يوم بس اسفه مش هقدر ارجع تاني انا نزلت بس علشانك
نورسين : زي ما نزلتي علشاني افضلي هنا برده علشاني و كمان مش عايزه تاخدي حقك ولا نسيتي
موج بحزن و دموع : فرح انتي عارفه اني عمري ما نسيت اللي حصل ولا هنسي
نورسين بحزن وهي تحتضنها و تمسح علي رأسها و ظهرها بحنية :علشان أنا عارفه كده بقولك خليكي جمبي واوعدك هجبلك حقك
موج وهي تبكي في حضن نورسين : وحشني حضنك اوي السنين دي عدت عليا بصعوبه اوي من غيرك اللي كان بيهون عليا مكلماتك كل يوم
نورسين : مش نبعد عن بعض تاني انتي اختي يا هبله
موج ابتسمت بفرحه و راحه
قطع عليهم هذه اللحظه التي لا تأتي كثيرا صوت رنين فون نورسين
موج : مين اللي هيكلمك بدري كده
نورسين : ده الياس اكيد موضوع امبارح
نورسين وهي ترد : الو
الياس : صباح الخير صحيتك
نورسين : لا ابدا صاحيه فيه حاجه
الياس : لا مفيش بابا كلم عمي وهو وافق بس قال إنه يخليها بعد يومين يكون نزل مصر فياريت تعرفي انس
نورسين : كويس جدا هعرفه إن شاء الله مرسي
الياس : العفو مع السلامه
أغلقت نورسين معه و نظرت لموج بفرحه
موج بفضول : ها كان عايز ايه
نورسين وهي تكاد تموت من السعاده : وافقوا علي انس بس هيأجلوا اسبوع لما أهل حور ينزلوا مصر
موج بفرحه : واو مبارك عقبالك يا صغنن
نورسين :بلاش صغنن دي عقبالك انتي الاول يا روحي يلا علشان نعرف الشباب
موج بفرحه :هاتي فونك هرن عليهم مكالمه جماعيه
بتول : صباح الخير يا نوري عامله ايه النهارده
نورسين : صباح النور يا تولي الحمد لله كويسه
جميله بمرح : صباحو يا حب
موج : صباحو يا جوجو
ادم بنوم : بتتصلي بدري ليه كده يا نور
انس بنوم : ايوه ليه الرخامه علي الصبح
نورسين : أنا رخمه ماشي
موج :خساره فيك الخبر والله
عدي : سيبك منه يا نور صباح الخير عامله ايه النهارده انتي وموج
نورسين : صباح النور الحمد لله كويسين
موج : فل يا باشا
نورسين بضحك : طب شباب نركز علشان اقول الخبر
انس : قولي بقي علشان عايز أنام
نورسين :لما كله يرد لسه الباقي
تولين : صباح الخير
الجميع : صباح النور
حور : صباح الخير
ادهم : صباح الخير
الجميع : صباح النور
انس : يا بنتي قولي بقي عايز أنام انتي عارفه لو حاجه تافهه هعمل ايه
نورسين : هتعمل ايه
انس : ولا حاجه طبعا
نورسين : لسه وعد و هتكلم
جميله بضيق : اكيد في الجامعه
نورسين بحماس : ايوه صح خلاص هقولها بعدين سامعين مركزين
ادم بملل : ايوه يا ستي قولي بقي
نورسين : بابا حور وافق بس هيجي بعد أسبوع
ادم بعدم إدراك : بجد هو ده الموضوع ايه انتي قولتي ايه
نورسين : لا مش وقت غباء استوعب مع نفسك مبارك عقبال الفرح
حور بفرحه : الله يبارك فيكي يا حبيبتي
بتول بفرحه : لولولي مبارك الليله ليله هنا و سرور
ضحك الجميع عليها و باركوا لهم و بعد فتره انتهت المكالمه .
🌸🌸🌸🌸🌸🌸🌸🌸🌸🌸🌸🌸🌸🌸
في قصر الشرقاوي
في غرفه انس
يجلس علي السرير وهو غير مستوعب بعد هل ستكون له من احبها و قريبا ستكون زوجته
انس بعدم إدراك : ادم هو انا سمعت صح بجد باباها وافق
ادم وهو يحتضنه بفرحه : ايوه يا حبيبي وافق
انس بفرحه : مش قادر اصدق
ادم بحب : لا صدق دي حقيقه وخطوبتنا هتكون مع بعض زي ما خططنا من واحنا صغيرين
انس بفرحه و هو يهرول بسرعه : انا نازل اقول لبابا
نزل انس السلم بسرعه و دخل عرفه الطعام
وجد والده و والدته يجلسون
طائف : مش مصدق أن انس صاحي بدري هتفطر معانا ولا ايه لا و كمان ادم هي القيامه هتقوم ولا ايه
انس بفرحه : بابا حور وافق يا بابا
طائف بفرحه : مبارك يا حبيبي
والدته هناء بفرحه : مبارك يا حبيبتي عقبال الفرح
انس : إن شاء الله هنروح بعد اسبوع يكون باباها رجع
طائف : إن شاء الله
انس وهو يصعد لغرفته وهو يغني : أنا العريس ايوه انا العريس
صعد ادم خلفه وهو يضحك عليه
🌸🌸🌸🌸🌸🌸🌸🌸🌸🌸🌸🌸🌸🌸
في لندن و بالاخص في منزل الوزير شاكر شعيب
فريال : انت كده ارتحت عملت اللي في دماغك وانا ابني مرمي مش عارفه هو عامل ايه
شاكر : ابنك غلطان و يستاهل
فريال : بس انا مش هسكت
شاكر : مش هتعرفي تعملي حاجة كل الأمور تحت سيطرتي
فريال بحزن : علشان خاطري ابني مش هيستحمل يفضل هناك دقيقه و أكملت بلهفة طب طلعه و ربيه براحتك بس وهو هنا جمبي
شاكر بغموض : هيطلع بس مش الوقتي خليه يتربي شويه
جلست فريال تبكي علي ولدها هي تعلم تمام العلم شاكر و تحفظ جميع ردود أفعاله و تعلم أن ابنها في مأزق كبير وان الفتره القادمه ليست سهله ابدا مع هذا الشاكر
🌸🌸🌸🌸🌸🌸🌸🌸🌸🌸🌸🌸🌸🌸
في مقر العمليات الخاصه :-
دخل الياس مكتبه وجلس علي مقعده و حمل الهاتف الموجود بجواره
الياس : ابعتلي يا بني العسكري أحمد
العسكري : حاضر يا فندم وذهب
بعد فتره سمع طرق علي الباب
الياس : ادخل
الشخص وهو يلقي التحيه : صباح الخير يا باشا
الياس : صباح النور ادخل
الشخص وهو يجلس أمامه
الياس : ها قول اللي عرفته
احمد : من ساعه ماحضرتك قولتلي وانا بدور روحت الفندق اللي كان فيه الفرح و شوفت كاميرات المراقبه
الياس : ما انا شوفتها كانت ممسوحه
احمد : بس فيه كاميرات في الشارع الجانبي للفندق مش ظاهرة و مفيش حد يعرف انها موجوده الا قليل جدا وانا عرفت اصلا أن الشارع ده فيه كاميرات بالصدفه و لما رحت لصاحب المكان واخدت نسخه من سجلات الكاميرا لليوم ده لقيت فيها المجرم وهو يركب عربيه وبيهرب بيها بس هو نفسه مش ظاهر فأنا اخدت ارقام العربيه و كتبتها في ورقه و دي فلاشه برده عليها الفيديو
الياس بفرحه : جدع يا احمد
احمد : تعليماتك يا باشا
الياس : اتفضل انت الوقتي
احمد : حاضر يا باشا
خرج احمد و ترك الياس وهو في يده الورقه
الياس بكره و توعد وهو يمسك الورقه في يده و ينظر لها : قربت اوصلك و هدفعك التمن غالي
سمع صوت الباب
الياس بانتباه : ادخل
العسكري : اللواء إبراهيم طلب حضرتك يا باشا
الياس : ماشي روح انت
العسكري :حاضر و خرج
وقف الياس و أدخل الورقه في محفظته و خرج من مكتبه متجها الي مكتب اللواء
طرق علي الباب وعندما سمح له اللواء دخل والقي التحيه و جلس علي الكرسي المقابل للكرسي الذي يجلس عليه عدي
اللواء : أنا طلبتكم النهارده في قضيه جديده
الملف اللي قدمكم ده فيه كل حاجه ادرسوه الاول و بعدين هنعمل اجتماع نتناقش فيه مع بعض و هنشوف القضيه هتمشي ازاي
عدي والياس : تمام يا فندم
ابراهيم : اتفضلوا انتم الوقتي
خرج الياس و عدي و كل واحد يحمل في يده ملف و اتجهوا الي مكاتبهم
🌸🌸🌸🌸🌸🌸🌸🌸🌸🌸🌸🌸🌸🌸
مر الاسبوع بسرعه البرق و تسارعت الأحداث
فقد وصل محمد الصاوي و زوجته وفاء الي مصر
و سأل محمد الصاوي علي انس و علم عنه حسن سيرته وأخلاقه .
تجهزت العائله لزياره انس و عائلته لهم.
انشغل الياس في القضيه الجديده و ترتيبات زياره انس و لم يبحث عن صاحب السيارة .
و كذلك انشغل عدي في دراسه القضيه و انس .
زار اللواء إبراهيم نورسين و اعتذر لها و تمني لها الشفاء .
لم يسمح شاكر لفريال بزياره ابنها او الاطمئنان عليه
كان شاكر يتابع أخبار ابنه و علم أنه في المستشفى.
تحسنت حاله نورسين قليلا لكن غنوه لم تسمح لها بعد بالنزول للاسفل .
كانت الفتيات تزور نورسين كل يوم و كانت وعد تعتذر عن الذهاب لها ولم تعلم بعد بحوار انس
امتنعت الفتيات عن محادثة وعد بعد الموقف الاخير وهي ايضا ولكن لم يخبروا نورسين بعد عن هذا الموقف .
كذلك جاء وسيم لنورسين للاطمئنان عليها و كان يأتي يوميا هو و زوجته بحجه الاطمئنان عليها و علي صحتها و كان يتقرب منها بهدوء ولطافة و موده تحت إطار الاخوه والصداقه مما أغضب عدي و نال استغراب الجميع واقلق عائلة المنصوري .
أما بالنسبة لنورسين فكانت تستلطفه بسبب خفه دمه و احترامه معها و تفهمت حضوره المتكرر من باب الزوق و الصداقه كونه زوج صديقتها
🌸🌸🌸🌸🌸🌸🌸🌸🌸🌸🌸🌸🌸🌸
جاء يوم ذهاب انس وأهله الي أهل حور
ارتدي بدله سوداء انيقة و كذلك أدم
انس وهو يلبس الساعه : ايه رايك فيا يا ادم
ادم : قمر ماشاء الله
انس : رن علي عدي شوفه اتاخر ليه
ادم : طيب
انس : كان نفسي تكون نور معانا
ادم : وانا والله وهي برده كان نفسها وصممت بس هي لسه تعبانه مينفعش نخاطر بصحتها. الو يا عدي انت فين
عدي : أنا داخل علي القصر انزلوا يلا
ادم : ماشي سلام يلا يا انس عدي وصل
انس : يلا
نزل انس و ادم ووجدوا والديهم في انتظارهم
طائف : ايه النظافه دي نظفت امتي يا انس
ضحك الباقي
انس :كده برده يا بابا أنا طول عمري نظيف وشيك
والدته هناء : طبعا يا حبيبي ابني طول عمره قمر
انس بحب وهو يقبل يدها : انا مليش غيرك
ادم : يلا يا جماعه عدي بره هيولع فيا
خرجوا و ركبوا السيارات وانطلقوا إلي قصر الصاوي.
🌸🌸🌸🌸🌸🌸🌸🌸🌸🌸🌸🌸🌸🌸
في قصر الصاوي
كانت الفتيات مع حور من اول اليوم مما أشعر حور بالسعاده و الطمأنينة لأنها كانت خائفه أن تكون بمفردها وحيده في مثل هذا اليوم تعلم أن اختها لن تهتم بها وظهر لذلك عندما خرجت من اول اليوم للتسوق و شراء فستان لها أما تولين و باقي الفتيات حتي موج التي تعرفت عليها حديثاً معاها من الصباح الباكر يحتفلون بها حتي نور كانت معهم علي الفون تشاهد و تتفاعل معهم .
انتهت الفتيات و كانت حور في افضل واجمل مظهر
دخلت عليهم والده حور : خلصتوا يا بنات بسم الله ماشاء الله ايه الحلاوه دي يا حور
حور بفرحه: بجد حلوه يا ماما
وفاء : قمر يا عمري ربنا يحفظك من العين كلكوا يا بنات قمر ماشاء الله عليكم
الفتيات : شكرا
وفاء بفرحه : نسيت كنت طالعه ليه من الفرحه اه يلا انزلوا العريس جه من شويه و بيسالوا عليكي
🌸🌸🌸🌸🌸🌸🌸🌸🌸🌸🌸🌸🌸🌸
وصلت عائله انس و معهم عدي إلي قصر الصاوي
و دخلوا كان في استقبالهم عائله الصاوي تبادلوا التحيه و جلسوا و تم تقديم الضيافة
كان الجميع يجلسون ادم وانس وأهله و عدي بجانب و في مقابلهم محمود و زوجته و محمد و زوجته و شهد و ادهم والياس .
محمود : القصر نور بوجودكم
طائف: منور بأهله حمدلله علي السلامه يا محمد بيه انت والمدام
محمد بابتسامه اعجاب بالشاب و العائله : الله يسلمك وياريت تقولي محمد بس احنا هنكون أهله
طائف : طبعا
اخدوا يتحدثوا في أمور كثيره منها العمل و غيرها
و اعجب محمد بطائف و عائلته و بعدي أيضا و ارتاح لنسب هذه العائله و كذلك طائف اعجب بذكائه و طموحه
هناء : مش كفايه بقي كلام عن الشغل عايزين نشوف عروستنا
انس : اخيرا بقي هشوفها
عدي بضحك : اتقل
انس بضحك : مش قادر
محمود : طبعا ممكن حد يطلع ينادي البنات
وفاء والده حور : هطلع أنا
نزلت الفتيات و كانت حور خجلة جدا عندما وصلت لهم سلمت علي الحضور و عليه و استشعرت طيبه أهله
هناء : بسم الله ماشاء الله ايه الحلاوه دي اسم علي مسمي
حور بخجل : تسلمي يا طنط مفيش اجمل منك
طائف بابتسامة: أنا يسعدني و يشرفني اني اطلب ايد بنت حضرتكم الجميله الانسه حور
محمد : أنا طبعا موافق مش هلاقي احسن من ابنكم لبنتي
طائف : متقولش كده احنا اللي مش هنلاقي احسن من حور
الياس بهزار : خلاص يا جماعه الاتنين احسن من بعض. ضحك الجميع
انس بلهفه : نقرأ الفاتحه بقي
محمود :يلا بسم الله الرحمن الرحيم
بدأ الجميع في قراءة الفاتحة في جو من السعاده و كانت نورسين تقرأ معها علي الفون الخاص بموج
طائف : صدق الله العظيم كنت عايز اطلب طلب
محمود : طبعا اتفضل
طائف : كنت عايز الخطوبه تكون بعد اسبوعين علشان تكون مع خطوبه ادم لأن ده حلمهم
محمد بعد تفكير : أنا معنديش مانع ولا انت رايك ايه يا محمود
محمود : طبعا موافق علي خيره الله
اتفق الجميع علي كل شئ و استعدوا للرحيل علي موعد للالتقاء قريبا في حفله الخطبة.
🌸🌸🌸🌸🌸🌸🌸🌸🌸🌸🌸🌸🌸🌸
في صباح اليوم التالي
كان الياس في طريقه الي صديق له في المرور يطلب منه معرفه صاحب رقم هذه السياره
بعد فتره وصل و طرق علي الباب و دخل بعدما سمع صوت الأخر يخبره بالدخول
الشخص وهو يقف : صباح الخير يا الياس باشا عامل ايه عاش من شافك
الياس وهو يحتضنه بمحبه : الحمد لله انت اللي عامل ايه يا معاذ
معاذ بمحبه : انا كويس انت اللي اختفت
الياس : معلش ظروف كنت عايز منك خدمه
معاذ : طبعا من غير ما تقول
الياس : ده عشمي فيك برده ده رقم عربيه عايز اعرف صاحبها
معاذ : سهله لما تكون شربت الشاي بتاعك و نفتكر الذكريات بتاعتنا يكون اسم صاحبها ادامك
بعد مرور نصف جاء شخص و في يده ورقه
الشخص : اتفضل يا معاذ باشا
معاذ : تسلم روح انت
خرج الشخص
معاذ وهو يعطي الورقه لالياس : اتفضل يا باشا
الياس وهو يمسك الورقه بلهفه و يفتحها و نظر إلي الاسم بصدمه : ايه ده
🌸🌸🌸🌸🌸🌸🌸🌸🌸🌸🌸🌸🌸🌸
اطول فصل اكتبه في حياتي .
بتمني يكون الفصل عجبكم تعبت فيه اليوم كله و بعتذر علي ايه أخطاء لاني ملحقتش أراجعه كله .
و بعتذر كمان علي التأخير و الاختفاء ده بس كان عندي ظروف كتيره في الفتره اللي فاتت بس مما حصل اكيد هكمل الروايه و كنت حابه لما ارجع يكون بفصل كبير و قوي واهو حصل .
🤍🤍🤍🤍🤍🤍🤍🤍🤍🤍🤍🤍🤍🤍
عايزه رايكم في الفصل و توقعكم للقادم .
فقره الاسئله بقي 😂
1.هل الخطوبه هتعدي علي خير ولا لا
2. رد فعل نور لما تعرف حقيقه وعد وهل هتصدق الكلام ده عليها
3.يا تري نور هتكتشف أن وسيم اخوها و رد فعلها هيكون ازاي
4. يا تري الياس اتصدم ليه
5. وايه حكايه موج
كله ده واكتر هنعرفه في الفصول القادمه
انتظروني في امان الله 💚
