بسم الله الرحمن الرحيم :-
كان ادهم يقود السياره بفرحه و بجانبه جميله تتابع الطريق بحماس و فضول
جميله بفضول : لسه كتير هنوصل امتي بقي
ادهم يضحك : انتي زهقتي
جميله : لا بس عندي فضول
ادهم بحنان : شويه ونوصل فاضل حاجه بسيطه
جميله : ماشي
بعد قليل من الوقت وصلوا
جميله بصدمه : ايه ده
🌸🌸🌸🌸🌸🌸🌸🌸🌸🌸🌸🌸🌸🌸
كانت شهد في غرفتها وهي تكاد تموت من الرعب حاولت الاتصال بأصدقائها لتستلف منهم باقي المبلغ ولكن لم يوافق احد علي اعطائها فجلست علي سريرها و هي تنظر إلي الاعلي بشرود و حزن
قاطع شرودها صوت رنين هاتفها
شهد بحزن : الو
المجهول : احلي الو دي ولا ايه
شهدبضيق : انت
المجهول : اه ولا انتي كنت مستنيه حد تاني
شهد : ملكش دعوه
المجهول : لا كده ازعل و اجيب ناس تزعل
شهد بضيق :ماتولع
المجهول بضحكه مستفزه : ماشي مقبوله منك جهزتي الفلوس
شهد بتوتر :هو انا
المجهول بسخرية : هو انتي بتقطعي ليه لتكوني بتتعلمي ازاي تتكلمي ماتخلصي
شهد بسرعه : أنا معايا ٤٠٠ الف بس
المجهول : بس ده مش طلبي الفلوس ناقصه
شهد : في اقرب فرصه هجبهوملك
المجهول : ماشي احنا هنتقابل النهارده أخد ٤٠٠ الف و بعد يومين أخد الباقي امين
شهد بغباء : امين مين
المجهول و هو يشتمها في سره : قصدي تمام ok اي حاجه
شهد : اه ok هنتقابل أمتي
المجهول : بعد ساعه في كافتيريا ______
شهد : تمام
المجهول : ماشي يا قمر مع السلامه
أغلقت شهد المكالمه و رمت الفون على السرير بضيق و تحدثت بصوت مسموع نسبيا : ايه يا ربي المصيبه اللي اتحدفت عليا دي اما أقوم اجهز علشان الحق اروح اديله الفلوس و قامت فتحت الدولاب بتاعها و اختارت هدوم لها و ذهبت ناحيه الحمام
🌸🌸🌸🌸🌸🌸🌸🌸🌸🌸🌸🌸🌸🌸
وقف المأذون بخوف من نبره صوته التي تدل علي الشر
سامر بغضب شديد : انت بكل هدوء كده ترجع تعد مكانك و تكتب الكتاب
المأذون بخوف خفي : مش هيحصل
سامر بغضب : يبقي انت الجاني علي نفسك وأخرج مسدس من جيبه ووجهه عليه و تحدث بغضب : قرب
خاف الرجل و اقترب و جلس مكانه
فكان المنظر كالتالي
سامر يجلس و بجانبه نورسين وهو يبتسم بخبث و شر و فرحه و يقبض علي يدها بشده وكانت هي تصرخ بعنف بأنها لن تتزوجه ابدا و تدعو أن يأتي أحد و ينقذها منه و باليد الأخري يحمل مسدس و يضعه علي رأس المأذون
سامر بصوت عالي و مخيف وهو يوجه حديثه للمأذون : يله افتح الدفتر و اكتب الكتاب
المأذون و هو يكاد يبكي من الرعب :مينفعش الجواز ده هيكون باطل راجع نفسك يا بني
سامر بشر : ملكش دعوه انت تكتب و انت ساكت بدل ما اموتك سامع و اخلص بقي
المأذون بخوف و قله حيله : طيب
نورسين بقوه و شجاعه : أنا مش هتجوزك ابدا سبني
سامر بهوس و جنون :لا انتِ ملكي أنا و بعد شويه هتكوني مراتي و مفيش حد هيقدر ياخدك مني
نورسين بقوه : مستحيل لو هموت مش هكون ليك
سامر بهوس وجنون : أنتِ ملكي لو حصل ليكي حاجه أنا هموت وراكي
المأذون بحزن لتدمير هذه الشابه الجميله بزواجها من هذا المجنون : بطاقه العريس و العروسه
نورسين بقوه : مش معايا
سامر لحراسه : حد منكم يروح يجيبهم
حارس : امرك يا باشا وذهب لدقائق و عاد و هو يحملهم في يده و وضعهم امام المأذون
سامر : اهم يله سجل البيانات
سجل المأذون البيانات وهو يشعر بالضيق و كانت نورسين صلبه لم تذرف دمعه واحده ولكن من داخلها تبكي بشده ولكن لن تظهر له ابدا ضعفها فهي قويه وصلبه و ستظل هكذا دائما
انتهي المأذون من تسجيل البيانات
المأذون بضيق : اتفضل امضي
سامر بلهفه و سعاده : هات و مضي اسمه علي الورقه
المأذون بأسي و حزن : امضي يا بنتي
نورسين : مستحيل
سامر بصراخ هستيري و هو يقترب منها و يمسك يدها : يله علشان اساعدك تمضي
نورسين بقوه : لا
سامر بصراخ و غضب وهو يضع المسدس علي رأس المأذون : امضي والا هقتله
خافت نورسين علي الرجل وتوقفت عن الصراخ و سكتت بضيق فابتسم هو بنصر و مسك يدها و كاد أن يكتب اسمها علي ورقه زبحها ولكن جاء الفرج من عند الله
عندما سمعوا صوت شي يكسر نظروا وجدوا باب الشقه مكسور ومرمي علي الارض بعنف و هناك شاب مفتول العضلات قوي و معه شاب آخر كانوا يضربون الحراس بقوه و غضب و منهم من كان يضرب بخوف و غيره و قلق و بعدما انتهوا من الحراس اتجه أحد الشباب الي مكان المأذون و اخذ منه الدفتر و قطعه مئه قطعه و أمسك نورسين من يدها و أوقفها و أخفاها وراءه و تحدث بغضب وهو ممسك بها بشده : انت مجنون عايز تتجوز مراتي
نورسين بفرحه و شعور بالأمان قد احتل كيانها : عدي
عدي بخوف و هو ينظر لها بتفحص : انتي كويسه عملك حاجه
نورسين بتعب : لا بس مش قادره اتحرك
عدي بصدمه و خوف : من ايه
قطع حديثهم صوت سامر
سامر بغضب : انت ايه اللي جابك هنا و ماسك مراتي كده ليه
عدي بغيره و غضب : متقولش مراتك و اعد نورسين علي الكرسي بحنيه شديده و نظر إلي الشاب الاخر
عدي : اليأس خلي بالك من نورسين
اليأس : حاضر
اما عدي نظر إلي سامر بغضب و غيره و ظل يضربه و بقوه و شراسه لانه تجرأ وفكر في حاجه ملك العفريت
عدي بضيق و شر وهو يضربه : دي علشان خطفتها و دي علشان خلتني احس لاول مره بالعجز و ظل يضربه حتي فقد وعيه بعدها وقف و نظر له بقرف و قرب من نورسين
عدي بقلق : انتي كويسه
نورسين هزت راسها لأنها لم يعد لديها قدره علي التحدث و تشعر بالدوخه
عدي بقلق :مش مصدقك و نظر لاليأس هات الزفت ده وخلي العساكر تقبض علي الرجاله بتاعته و روح المأذون بيته بعد ما يقول شهادته في المحضر
اليأس : حاضر
ساعد عدي نورسين علي الوقوف ولكن هي لم تعد لديها قدره علي التحمل فوقعت بين يديه فاقده للوعي
فحملها هو برعب و نزل سريعا و ركب السياره و انطلق سريعا الي أقرب مستشفي
🌸🌸🌸🌸🌸🌸🌸🌸🌸🌸🌸🌸🌸🌸
في قصر المنصوري
كانت غنوه تدور في غرفه الصالون بقلق و أمامها الجميع ينظر لها بحزن
ياسين : اهدي يا حبيبتي اكيد هي كويسه و متنسيش أن معاها عدي و اليأس كمان
غنوه بقلق : لا أنا حاسه ان هي فيها حاجه أنا اتصلت عليها كتير جدا كان الأول الفون بتاعها بيرن و بعدين بقي مغلق و كمان عدي مش بيرد عليا
مصطفي :عادي ممكن يكون الفون بتاعها فصل شحن إن شاء الله خير و هترجع سالمه
غنوه : يارب
ياسين :طب اتصلي علي بتول و اساليها ممكن تكون عارفه حاجه
غنوه بخوف :صح
جود :متخافيش يا مامي فرح قويه و ميتخافش عليها
زين و زيد و ايات : صح
نظرت لهم غنوه بابتسامه مصطنعه و هي تتمني أن يكون كلامهم صحيح
🌸🌸🌸🌸🌸🌸🌸🌸🌸🌸🌸🌸🌸🌸
وصل عدي و نزل وحمل نورسين و دخل الي المستشفي بخوف وقلق
عدي بخوف : دكتوره يا جماعه
جاءت دكتوره :اتفضل دخلها الاوضه دي علشان اكشف عليها
عدي : ماشي و ادخلها الي الغرفه و رفض الخروج و ظل بجانبها و بعدما انتهت الدكتوره من الكشف عليها
عدي بخوف : هي كويسه صح
الدكتوره : ايوه الحمد لله
عدي :طب ليه مصحتش لحد الوقتي
الدكتوره وهي تاخذ نفس عميق :هو في الحقيقه حد اعطي لها حقنه تسبب الشلل الموقت و هي كانت شديده عليها بجانب أنها ضعيفه و عندها فقر في الدم و كمان في حد ضربها علي دماغها بشده فنزفت دم كتير و كمان باين انها بذلت مجهود كبير في المقاومة فعلشان كده مش هتصحي إلا علي بكره الصبح و كمان أنا عطيت لها حقنه مهدئه و ركبت لها كيس دم بس ممكن تحس بوجع فأنا كتبت لها علي ادويه مسكنه
عدي بصدمه بسبب ما سمعه وما عانته طفلته : طب هو في خطر عليها
الدكتوره :لا بس زي ما قلت هي هتكون مرهقه شويه
عدي ببرود : طيب ممكن تكتبي ليها علي خروج
الدكتوره : مش هينفع لازم تفضل هنا يومين
عدي بغضب : بسرعه
الدكتوره بخوف منه :حالا و خرجت بسرعه من الغرفه
اما بالداخل كان عدي ينظر لها وهي ساكنه و شاحبه و رأسها ملفوف بشاش و تحدث بوعيد : و حياه كل لحظه خوف و وجع عدت عليكي لدفعه تمانها غالي اوي هوريه بقي غضب العفريت
🌸🌸🌸🌸💚💚💚💚🌸🌸🌸🌸🌸🌸
انتهي الفصل
١- ياتري جميله شافت ايه صدمها كده
٢- يا تري شهد عملت ايه و خايفه من ايه و هتقابل مين
٣- يا تري عدي هيعمل ايه في سامر
٤- رد فعل غنوه و الباقي لما يعرفوا اللي حصل لنورسين
بتمني الفصل يعجبكم
مين اكتر شخصيه حبتوها
انتظروني في حلقات أخري
احنا لسه في البدايه اللي جاي بعد كده دمار 🤭
نتكلم في حاجه مهمه بقي
اولا التفاعل في ناس كتير بتشوف البارت و مش بتتفاعل ياريت يا جماعه تهتموا بالتفاعل شويه و اتكلموا و قولوا رايكم في البارت علشان اعرف انه عجبكم ولا لا و نزول البارت الجديد يعتمد علي التفاعل لو التفاعل وحش مش هنزل
ثانيا :-
المواعيد اختاروا ايام انزل فيه و كمان الساعه
بس كده وحشتوني بجد 🥺
