بسم الله الرحمن الرحيم 💚
دخل وسيم القصر بغضب شديد وفضل رايح جاي زي الأسد المحبوس في قفص
تولين : اهدي يا حبيبي مش كده
وسيم : أنا هادي جدا هادي خالص
تولين بسخرية : باين و سكتت وهي عارفه بأنه هينفجر فيها الوقتي
وسيم وهو ينظر لها بغضب : ليه عمي كذب هناك و ماخلنيش اتكلم واقول الحقيقه وأن نور اختي
الياس بصدمه : اختك
تحدث محمود وهو يدخل القصر و خلفه الباقي :هقولك أنا قلت كده ليه
نظر له الجميع باهتمام لكن قطع عليهم
الياس بعدم تصديق : أخته ازاي أنا مش فاهم حاجه حد يفهمني
ادهم بسخريه : متعملش الشويتين دول علينا ده انت اول واحد عارف وواجهت خالتو كمان بلاش استهبال
الياس بضيق : وفيها ايه يا اخي لما أمثل الدور مش يمكن اتقبل و امثل ولا انت اللي متغاظ مني علشان مش عارف تقلدني
ادهم بقرف :أنا اتغاظ منك انت ده انت ممثل فاشل
الياس بحزن مصطنع : افضل كسر في طومحاتي كده حرام عليك يا شيخ اللي بتعمله فيا ده هو انا مش اخوك فيه ده بيعمل في أخوه كده
تعالت أصوات التصفيق و الهتافات
حور وهي تصفر له : يا ليسو يا جامد ايه العظمه دي يا راجل
الياس :بعيدا عن ليسو عجبتك المشهد كان حلو
حور : ابداع
الياس : قلبي مفيش غيرك اللي ناصفني ليكي الف جنيه علشان موقفك ده
حور : يا حبيبي يا ليسو انا موجوده في أي وقت لو احتاجتني قول بس يا حور و هتلاقيني بقولك شوبيك لوبيك حور بين ايديك
تولين بسخريه :ليه كنتي مارد المصباح
حور وهي تخرج لها لسانها :لا حور
ادهم :طب وانا اللي كنت بمثل معاك مفيش اي حاجه ليا
الياس :ليك خمسين جنيه كرم اخلاق مني علي فكره
ادهم بسخريه : و ليه تتعب أخلاقك بلاها خالص
الياس :يكون احسن بس انت الخسران
ادهم :ياسيدي انا حر أنا عايز اكون خسران
الياس : طب فكر
ادهم :فكرت مش عايز منك حاجه
الياس : فكرت يعني
ادهم :ايوه فكرت
الياس بهزار:طب وايه يعني فكر تاني أحنا مش ورانا حاجه
محمود بغضب ظاهر ولكن من الداخل سعيدا جدا لعوده ابنه لقديم عهده شخص فكاهي تافه و معرفته أنهم يحاولون تخفيف حده الموقف
محمود : لا أنا ورايا ايه فقره التمثيل دي حسيت بحنينك للتمثيل الوقتي يعني ولا ايه مش شايفني بتكلم في موضوع مهم و خطير
وسيم :قولهم يا عمي مفيش عندهم احساس بالمسؤلية
محمود بسخريه : وانتي اللي عندك
وسيم وهو يضع يده علي رأسه باحراج : متكسفنيش بقي يا عمو
ضحك الجميع عليه
محمود :خلينا نرجع لموضوعنا
نظر له الجميع باهتمام
وسيم بحزن شديد : ايوه قولي عملت كده ليه يا عمي ليه
محمود بحكمه : يا وسيم يا بني نور مكسوره و ده باين حتي لو هي مخبيه و مبينه أنها قويه لكن باين في عينيها وواضح انها مش هقدر تتقبل وجودك بسهوله أنا فاكر لما تقولها انك اخوها هتجري تاخدك بالحضن و تقولك فينك من زمان دي من كتر ماكرهت أهلها الحقيقين غيرت اسمها و عايسه حياتها باسم مزيف و لو تخيلنا أنها قبلت بيك عائله المنصوري هتقبل
وسيم : وهم مالهم
محمود : لا مالهم و نصف كمان انت فاكر لما تقولهم انك اخوها هيفرحوا و يرحبوا بيك دول مش بعيد يطردوك بره و يمنعوك تشوفها
وسيم بغضب :ميقدروش فيه قانون اروح فيهم في داهيه
محمود بضحك و زعل : صدقني عائله المنصوري لها نفوذ كتيره اسهل حاجه يعملوها يقولولك اثبت انها اختك دي معروفه في العالم يا بني بنورسين المنصوري غير أن غنوه روحها في نور فاكر أنها ممكن تسبهالك و ده غير ان العائله نور عندهم حاجه مهمه جدا
الحكايه مش سهله زي ما انت فاكر دي معقده و اوي كمان
نظر له وسيم بصدمه ووضع يده حول رأسه وكأنه الان اتسوعب الأمر وأن الوصول لقلب أخته صعب و قد يكون مستحيلا
وسيم بياس : طب هعمل ايه
ادهم بذكاء :لازم تحبك علشان لما تعرف الحقيقه متقدرش تبعد عنك
وسيم : ازاي
ادهم : نمهد لها الموضوع يعني تقرب منها شويه بشويه من صديق لأخ لحد ما نتأكد انها بقت تعتبرك شخص مهم و زي اخوها وقتها تقدر تعرفها انك اخوها
وسيم : بس هي ممكن تكرهني لاني خدعتها
ادهم : هي اكيد هتزعل بس مش هتوصل للكره فاهمني
وسيم :مش عارف
شهد بكره :أنا عرفت ازاي هبعدك عن طريقي يا نور ولا أقول فرح احسن وصعدت الي غرفتها سريعا دون القاء اي كلمه
الياس :خير ان شاء الله تعالوا نطلع يلا علشان نكمل بقيت المشاهد
وسيم و حور و تولين و ادهم بضحك :يلا
وصعدوا الي الاعلي يركضون بسرعه مثل الاطفال
أما في الاسفل
محمود :ربنا يحميهم و يطمئن قلوبهم و يجعل البسمه مرسومه علي وجوههم ديما
صفيه و هدي :امين يا رب العالمين
🌹🌹🌹🌹🌹🌹🌹🌹🌹🌹🌹🌹🌹🌹
