بسم الله الرحمن الرحيم :-
صدم عدي و إلياس من الاسم اما نورسين فابتسمت بدهاء
إلياس بصدمه : بتقولي مين
عدي بصدمه : مش هتصدقوا يا جماعه احنا فين الوقتي
انس بسخريه و غل : هتكون فين يعني عند الزفت ساهر مثلا
ضحك عدي : اه عنده ابوه بيكون الوزير اللي نورسين بتعمله العمليه
صدم الباقي و أولهم حور
ادم بصدمه : يا صلاه النبي
بتول بولوله : يااختي
جميله : يا حلاوه
انس : يا خرابي
حور بخوف : انتم بجد عنده
نورسين ببرود : خلصتم فقره الهبل بتاعتكم دي و سكتت ثواني و بعدها أكملت حديثها قائله أنا كنت متوقعه من اول لما قولتي أن والده وزير ثانيا بقي حل المشكله دي عندي هقولكم عليه لما ارجع مصر أن شاء الله هاطمن علي حاله الوزير و هكون في مصر بكره و ان شاء الله خطوبتكم هتكون مع بتول و ادم
انس بحب اخوي : هو ده الكلام تسلمي يا نور و يارب يخليكي للغلابه اللي زي يا اميره يا بنت الامره يا جميله ياق
عدي بغيره : ماخلاص ياعم انس و اغلق الخط في وجهه
🌸🌸🌸🌸🌸🌸🌸🌸🌸🌸🌸🌸🌸🌸
في مصر
في الشركه
انس بضحك وهو ينظر إلي الفون : غيور اوي أمتي يتحرك بقي أنا لو مكانه كنت خطفتها و هددتها بالسلاح علشان توافق
ادم : علشان انت عبيط أما هو عاقل
انس بسرعه : تصحيح بسيط هو مش عاقل لا ده بارد و تلاجه
جميله : خليك اد كلامك علشان انا سجلت لك وانت بتتكلم علي عدي و هبعتهاله و ابقي استلقي وعدك منه بقي
انس بخوف : لا بلاش و النبي عايز اتجوز البت القمر دي الاول
خجلت حور و ضحك الجميع عليه و ظلوا يتحدثون في مواضيع كثيره و يضحكون بسعاده
🌸🌸🌸🌸🌸🌸🌸🌸🌸🌸🌸🌸🌸🌸
في لندن
نورسين بزهول : قفلت ليه
عدي بغيره : ليه كنتي عايزه تسمعيه وهو بيتغزل فيكي
ضحكت نورسين علي كلامه و تحدث وهي تسير ناحيه باب المكتب
نورسين بضحك : أنا رايحه اشوف حاله الوزير علشان نستعد للسفر
عدي : طيب ياختي
خرجت نورسين من الباب و اتجهت ناحيه غرفه الوزير وجدته مستيقظ و بجانبه فريال و ساهر لم تعيرهم اهتمام و ذلك اغضب ساهر جدا و أخذ يتوعد لها في سره
نورسين بابتسامه : حمد لله علي السلامه
شاكر بابتسامه : الله يسلمك
كشفت نورسين عليه و عندما انتهت
نورسين بابتسامه : لا انت حالتك كويسه جدا ماشاء الله و اسبوعين بالكتير و تخرج من المستشفي بس مش معني كده انك تجهد نفسك لا لما تخرج من المستشفى هتفضل ٣شهور في البيت ترتاح فيهم و متبزلش مجهود خالص
شاكر بابتسامه : كل ده بفضلك و أنا بشكرك جدا و ان شاء الله هنفذ تعليماتك بالحرف الواحد
نورسين : لا شكرا علي واجب و كل ده بتوفيق من عند ربنا و انا بستأذن بقي علشان اجهز حقيبتي للسفر
شاكر :تمام يا بنتي و توصلي بالسلامه و بتمني اشوفك تاني
نورسين بغموض :اترك الأمور للقدر و استأذنت و خرجت و اتجهت الي المكتب و دخلت و حملت حقيبتها
نورسين : يله علشان نلحق نجهز الشنط للسفر
عدي و إلياس : تمام
و خرجوا من المستشفي و اتجهوا الي قصر شاكر شعيب و صعد كل شخص الي غرفته حتي يجهز حقيبته للسفر
أما عند ساهر استأذن من عائلته و أخبرهم أن عنده عمل مهم و خرج وركب سيارته و اخرج الفون بتاعه و اتصل علي شخص و انتظر الرد
ساهر بغموض : نفذ و اغلق معه و انطلق الي المجهول
🌸🌸🌸🌸🌸🌸🌸🌸🌸🌸🌸🌸🌸🌸
في قصر شاكر شعيب
في غرفه نورسين
دخلت الغرفه و أخرجت حقيبتها و بعدها فتحت الدولاب و أخرجت ملابسها و وضعتها في الحقيبه بنظام و عنايه شديده و عندما انتهت ذهبت الي الحمام و بعد دقائق خرجت وجدت امامها شخص ملثم يرتدي ملابس سوداء لا يظهر إلا عينيه فقط
صدمت نورسين بشده ولكن أفاقت سريعا من صدمتها و حاولت الصراخ لكن اسرع هو بامساكها قبل إخراجها لاي صوت و وضع قماشه بها مخدر علي انفها ففقدت الوعي فحملها الشخص بحرص و خوف و خرج من الشباك وهو يحملها كما جاء و خرج من القصر و فتح باب السياره و وضع نورسين برقه علي الكرسي و ركب هو أيضا و انطلق الي المجهول
🌸🌸🌸🌸🌸🌸🌸🌸🌸🌸🌸🌸🌸
أما في غرفه عدي
كان يرتب حقيبه سفره لكن احس بانقباضه شديده في قلبه و احس ان احد ما عزيز عليه جدا في خطر و همس بوجع و خوف : فرح
لم يخف الوجع بل زاد مما اخافه بشده و خرج سريعا الي غرفه نورسين و طرق الباب لكن لايوجد رد فقلق عليها و ارتعب بشده فدخل الغرفه و أخذ يبحث عن نورسين بخوف
عدي بخوف : نور انتِ فين نور طب أنتِ في الحمام يا نور
عندما لم يسمع اجابه انقبض قلبه من جديد فجري علي الحمام و فتحه و لم يجدها أيضا أخذ يبحث عنها في الغرفه كالمجنون بلهفه عاشق متعزب
خرج من الغرفه سريعا و جري علي الاسفل و أخذ ينادي بصوت جوهري
عدي بقلق و عيون مدمعه من الخوف : نور يا نور
نزل إلياس علي صوته العالي
إلياس : في ايه مالك صوتك عالي كده ليه
عدي بخوف : نورسين مش موجوده
إلياس بصدمه : ازاي هتكون راحت فين
عدي بقلق و رعب عليها :مش عارف و نادي علي الحرس و سألهم عن نورسين ولكنهم أخبروه أنهم لم يروها من وقت دخولها معهم
عدي بغضب : عايز شرائط كاميرات المراقبة
قائد الحرس :حاضر يا فندم و خرج أما عدي كان في حاله يرثي لها
🌺🌺🌺🌺🌺🌺🌺🌺🌺🌺🌺🌺🌺🌺
امام في مصر
في قصر المنصوري
كانت غنوه مع باقي الفتيات في المطبخ و كانت تقطع الخضروات بالسكينة و لكن أحست يقبضه في قلبها فانحرفت منها السكينه و اصابت يدها و نزفت دم رأتها ماسه فجرت عليها سريعا
ماسه بلهفه : غنوه حاسبي ايدك و نظرت لجلنار و طلبت منها علبه الإسعافات الأولية فجرت جلنار بخوف و احضرتها وماسه قامت بمسح الدم من علي ايديها و عقمتها و لفتها بشاش
جلنار : مالك يا غنوه في ايه ازاي جرحتي نفسك
غنوه بوجع شديد في قلبها و شرود : محستش بالسكينة قلبي بيوجعني اوي حسه اني في حد قريب مني في خطر
ماسه : اهدي اكيد مفيش حاجه ممكن بس الإرهاق شعرتي بكده
غنوه : لا أنا متاكده كانوا أزواجكم اتطمنوا عليهم كده
ماسه و جلنار بقله حيله : حاضر
و أخرجت كل واحده فيهم فونها و كلمت جوزها تتطمن عليه
ماسه بعدما انتهت من محادثه زوجها : اهو كويس و كلهم كويسين اهدي بقي
غنوه : لا لسه مش مرتاحه هطلع اطمئن علي الاولاد ذهبت الي غرف اولادها و باقي الأولاد و اطمئنت عليهم و بعد نزلت
جلنار : الوقتي اطمنتي
غنوه : لا لسه وسكتت لثواني و بعدها تحدث بلهفه لسه فرح فأخرجت الفون بتاعها و اتصلت علي رقمها و لكن لايوجد رد فقلت بشده و أدمعت عيونها
غنوه بخوف و دموع : يا رب انا حاسه أن فرح فيها حاجه يا رب احميها و رجعها سالمه يا رب
جلنار : اهدي ممكن تكون بعيد عن الفون ولا حاجه
غنوه بدموع : لا أنا متاكده أن فيها حاجه
و رنت عليها ثانيه ولكن لا يوجد رد فاتصلت علي
عدي
🌺🌺🌺🌺🌺🌺🌺🌺🌺🌺🌺🌺🌺🌺
في شقه كبيره كانت نورسين تغفو علي سرير و بجانبها يجلس شخص وينظر لها بهوس و عشق
الشاب بهوس : أنا كنت شاب طائش و بتاع بنات وكل يوم مع واحده شكل لكن لما شوفتك و أنتِ بتضربيني و بتنقذي البنت مني اعجبت بيكي و فضلت احلم بيكي و اتمنيت اشوفك و طلبت من واحد معلومات عنك و عرفت و بقيت اتابع اخبارك أنا عديت مرحله الحب من زمان انا بعشقك و بعشق التراب اللي بتمشي عليه حتي قررت أفسح خطوبتي و اتجوزك أنتِ و تكوني ملكي و ملكه قلبي الأولي و الاخيره انتِ اكيد مش مصدقه أنا عن نفسي مش مصدق اني الشاب المغرور ساهر شاكر شعيب بعترفلك بحبي و جنوني بيكي و انا مخطط لكل حاجه حتي اني اللي رشحتك علشان تيجي و تعملي العمليه لبابا و لما عرفت أن النهارده اخر يوم ليكي هنا قررت اخطفك علشان نتجوز و بعت احضر مأذون علشان نكتب كتابنا و تكوني مراتي ولكن قطع حديثه طرق الباب
ساهر بفرحه : باين أن المأذون وصل هروح اشوفه و راجعلك يا حياتي و خرج سريعا من الغرفه وهو مبتسم و سعيد
أما نورسين فكانت مستيقظه و استمعت لكل كلامه و كانت مصدومه بشده لم تتوقع أن يكون هو من اخطفها و فوق هذا يحبها و يريد الزواج منها ارتعبت من الفكره و خافت و قامت من علي السرير و اخذت تبحث عن طريقه تستطيع بها الخروج من هنا لكن وجدت الفون بتاعها بيهتز لانه في وضع الصامت من جيب البنطلون بتاعها فاخرجته و فتحته و وجدت أن عدي من يتصل فردت
نورسين بصوت خافت : الو
عدي بلهفه : فرح انتي كويسه انتي فين
نورسين بخوف :أنا مش كويسه و مرعوبه اوي أنا مخطوفه بس مش عارفه ايه المكان ده و اللي خاطفني ساهر و عايز يتجوزني
عدي بصدمه : ايه مخطوفه و اكمل بغضب شديد و غيره مفرطه نعم يتجوز مين ده علي جثتي
نورسين بدموع : أنا خايفه اوي يا عدي تعالي انقذني
عدي بحنيه : متخفيش يا نور أنا هاجي بسرعه بس ساعديني واوصفي ليا المكان أو أي حاجه مميزه حواليكي
نورسين : طيب ولكن لم تكمل حديثها لأن الفون بتاعها فصل شحن
نورسين بضيق : هو ده وقته ايه يا رب النحس ده وبعدها اخذت تبحث عن طريقه للخروج حتي وجدت شباك صغير فذهبت بتجاهه و فتحته و نظرت منه و جدت المسافه قليله و تقدر تنزل ولكن سمعت صوت من خلفها
ساهر بغضب : بتعملي ايه عندك
🌺🌺🌺🌺🌺🌺🌺🌺🌺🌺🌺🌺🌺🌺
انتهي الفصل بتمني يعجبكم
ياريت كل اللي يشوف الفصل بصوت عليه و يكتب في التعليقات و يقول رأيه في الروايه
١- يا تري أيه هي خطه نورسين لفسخ خطوبه حور و ساهر
٢- ايه رايكم في رد فعل عدي لما انس اتغرل في نورسين
٣- يا تري عدي هيلحق نورسين ولالا
٤- يا تري ساهر هيتجوز نورسين
ملحوظه عدي بيحب اسم فرح اكتر عن نورسين و تعرفوا السبب بعدين
الي لقاء في فصل جديد
