بسم الله الرحمن الرحيم :-
وقفت السيارات أمام باب المستشفى
فخرجت نورسين اولا وخلفها بالطبع عدي و إلياس و دخلت المستشفي و ذهبت الي غرفه العمليات مباشره و أمرت الممرضين بتجهيز الغرفه و بعدها دخل الوزير الي غرفه العمليات
ساهر بغضب : لو ابويا حصل ليه حاجه مش هيكفيني عمرك
نورسين ببرود : اتكلم علي ادك يا بابا و ثانيا الاعمار بيد الله و تركته وهو يكاد ينفجر و دخلت غرفه العمليات و شرعت في تنفيذ العمليه و بعد عده ساعات خرجت وكان يبدو عليها التعب الشديد و الإرهاق
اقترب منها عدي و أمسك يديها
عدي بقلق و لهفه : نورسين انتِ كويسه
نورسين بتعب : اه أنا تمام
ساهر : و ابويا
نورسين ببرود : العمليه نجحت بس هيظل تحت الملاحظه شويه و بعدها هيتنقل غرفه عاديه وتركتهم و ذهبت سريعا الي اقرب مكتب و دخلت و جلست علي الكرسي بتعب و أغمضت عينيها و بعد عده دقائق سمعت صوت فتح الباب لكنها لم تتحرك من مكانها وجدت شخص يجلس بجانبها فرفعت راسها لكي تراه وجدته بالطبع حارسها و حاميها عدي
عدي بابتسامه و حنيه و عشق : نورسين كويس انك صاحيه يله علشان تأكلي
نورسين : مش جعانه
عدي بإصرار : لا لازم تأكلي و ساعدها علي تناول طعامها و أما بالخارج كان يقف إلياس امام باب الغرفه فوجد ساهر يخرج بغضب من المستشفي فاستغرب و لكن سريعا ما لم يعيره اهتمام
🌸🌸🌸🌸🌸🌸🌸🌸🌸🌸🌸🌸🌸🌸
أما في مصر
في شركه نورسين
كان يجلس انس و ادم و بتول و جميله
انس بضيق : هنفضل كده لحد أمتي حور بتتهرب مني
ادم : اهدي اكيد في حل
انس : حل ايه و هي مش عايزه تتكلم
بتول : عندي فكره
انس بلهفه : الحقيني بها
بتول : نورسين
انس بعدم فهم : مالها نورسين مش فاهم
بتول : أنا قصدي أننا نكلمها و اكيد هيكون عندها حل
انس بفرحه : صح أنتِ صح طب منتظره ايه اتصلي بيها فورا
بتول بفرحه لرؤيه سعيد : حاضر
و أخرجت الفون بتاعها و اتصلت علي نورسين و انتظرت حتي تجيب
🌷🌷🌷🌷🌷🌷🌷🌷🌷🌷🌷🌷🌷🌷
في لندن
كانت نورسين تتحدث مع عدي و إلياس ولكن قطع حديثهم رنين فون نورسين
نورسين : الو يا بتول
بتول : اذيك يا نور عامله ايه و اخبار عدي
نورسين : احنا كويسين الحمد لله في حاجه
بتول : بصراحه ايوه في موضوع عايزه اتكلم معاكي فيه
نورسين : طيب قولي
بتول : هو أنتِ لوحدك
نورسين : لا عدي و إلياس معايا
بتول : تمام كويس افتحي الاسبيكر
فتحت نورسين مكبر الصوت
نورسين : سامعينك اتكلمي
بتول : بصي اولا انس بيحب حور
نورسين : عارفه فين المشكله بقي
انس بزعل : المشكله أننا كنا بنلعب و حور اتسالت سؤال وهو أنها مرتبطه ولالا
نورسين : و الاجابه كانت ايه
بتول : قالت إنها مخطوبه
إلياس وعدي بصدمه : ايه
بتول : ايوه بس كانت بتقولها بزعل و احنا شاكين أن في الموضوع ده حاجه غلط و حور حبسه نفسها في الغرفه بتاعتها من اليوم ده و مش بتخرج خالص
نورسين بتفكير : تمام و انتم بقي عايزين مني طريقه تخلي حور تطلع من الغرفه بتاعتها و تعرفوا سر خطوبتها صح
انس :ايوه
نورسين : تمام اسمعوا بقي اللي هقوله و نفذوه بالحرف الواحد
الجميع : قولي
نورسين :--------------------------------------------
ادم بمزاح : دماغ شغاله مبتنمش
نورسين : بس يا زفت فهمتم هتعملوا ايه
بتول : ايوه
نورسين : تمام يله روحوا نفذوا
انس : تمام
و أغلقوا معها و هي نظرت امامها بشرود
إلياس :يا تري مين خطيب حور
عدي :شويه و هنعرف
🌸🌸🌸🌸🌸🌸🌸🌸🌸🌸🌸🌸🌸🌸
نرجع لمصر
بتول :يله نمشي احنا بقي علشان نبدا بتنفيذ الخطه
انس بلهفه :يله بسرعه
ضحك الجميع علي لهفته
خرجت بتول و جميله و انطلقوا الي قصر العمري و بعد فتره وصلوا و دخلوا وجدوا صفيه و اختها هدي يجلسان
بتول : اذيكم
صفيه : الحمد لله انتم اخباركم ايه
جميله :احنا بخير فين حور
هدي : في غرفتها مش بترضي تخرج مش عارفه مالها البنت دي
بتول : متقلقوش احنا هنطلع نشوفها و نخليها تنزل
صفيه : ياريت
صعدت الفتيات الي غرفه حور و طرقوا الباب
فتحت حور الباب لهم و كانت تبدو علي ملامحها التعب و الإرهاق
بتول :مالك يا بت يا حور مش بتيجي الشركه ليه و سمعت انك مش بتخرجي من غرفتك
حور بزعل : مفيش تعبانه شويه
بتول : مالك تحبي اخدك للدكتور
حور : لا مش مستهله
جميله : طب تعالي نخرج شويه
حور : لا مش ليا مزاج ولكن قطع حديثها صوت رنين فون بتول
بتول : الو يا ادم في حاجه
ادم :-------------------
بتول بتمثيل الخوف و القلق :ايه انت بتقول ايه طيب أنا جايه حالا و أغلقت معه و حملت حقيبتها و نظرت لجميله و تحدث يله يا جميله بسرعه
حور : اهدي بس في أيه
بتول بخوف : انس
حور بخوف و لهفه : ماله
بتول : ادم كلمني و قال إن انس وقع من طوله في الشركه ولازم اروح بسرعه
حور بخوف : ايه طب انتظري اغير ملابسي و اجي معاكم
بتول : مفيش داعي أنتِ تعبانه
حور بإصرار : لا هلبس بسرعه و ذهبت باتجاه الدولاب أما بتول فنظرت لجميله بفرحه و صافحوا بعض بالأيدي دليل علي نجاح خطتهم
بعد عده دقائق انتهت حور من ارتداء ملابسها و خرجت لهم
حور : يله بسرعه
جميله : تمام
و خرجوا من الغرفه و نزلوا الي الاسفل و اتجهوا ناحيه الباب لكن استوقفهم صوت صفيه
صفيه : علي فين
حور : هنخرج شويه
صفيه : تمام بس خلي بالك من نفسك
حور : حاضر و خرجوا و ركبوا سياره بتول و انطلقوا الي الشركه مره اخري و بعد فتره وصلوا وصعدوا الي مكتب نورسين و دخلوا و جدوا انس نائم علي الاريكه و أمامه ادم
جرت حور الي انس و أمسكت يديه
حور بدموع و خوف : انس استيقظ انس
فتح انس عينيه و تحدث بعشق : بحبك
حور بصدمه : انت كويس
انس بحب : بحبك
حور بعصبيه :يعني دي تمثيليه و قامت حتي تخرج لكن امسكها انس
انس : دي كانت الطريقه الوحيده علشان تيجي و اكمل بترجي حور علشان خاطري اجلسي علشان نحل الموضوع ده
جلست حور بحزن و دموع و جلس الجميع
اتصلت بتول علي نورسين
نورسين :اذيك يا حور
حور : الحمد لله
انس بوجع : أنتِ قلتي انك مخطوبه
حور بحزن : ايوه
انس بوجع و خوف : أنتِ بتحبيه
حور باندفاع :لا
تنهد انس براحه
بتول :طب ايه الحكايه
حور بحزن : هقول لكم
🌸🌸🌸🌸🌸🌸🌸🌸🌸🌸🌸🌸🌸🌸
في قصر العمري بالاخص في غرفه شهد
كانت تسير في الغرفه ذهابا و إيابا وهي متوتره و خائفه بشده و تنتظر مكالمه
و بعد عده دقائق سمعت رنين الفون الخاص بها فجرت نحوه سريعا و ردت
شهد : الو يا بابي عملت ايه جهزت الفلوس
محمد والدها : معلش يا شوشو أنا جهزت ٤٠٠الف جنيه دول اللي معايا الوقتي ممكن تنتظري كمان يومين و ابعتلك الباقي
شهد بضيق: ماشي يا بابي حول ليا الفلوس علي حسابي في البنك
محمد: حاضر يا قلبي أنتِ عامله ايه و اخبار حور ايه
شهد : انا تمام يا بابي و حور كمان كويسه
محمد : تمام يا قلبي في امان الله
شهد : باي و أغلقت معه و جلست علي سريرها بضياع تفكر في طريقه لإيجاد باقي المبلغ
🌸🌸🌸🌸🌸🌸🌸🌸🌸🌸🌸🌸🌸🌸
حور : في يوم كان عندي رحله و لما رجعت منها مامي قالت ليا أن صاحبتها و جوزها و ابنها معزومين عندنا بالليل فأنا مشغلتش بالي و طلعت غرفتي و نمت من التعب و بالليل صحيت و لبست طقم عادي و نزلت و لقيت صاحبه مامي و جوزها وابنها موجودين سلمت عليهم و جلست بس نظرات الشاب
كانت مش مريحه و انتهي العشاء علي خير لقيتهم بعد اسبوع جاين و عايزين يطلبوا ايدي لابنهم أنا وقتها اتصدمت و مامي كانت موافقه و بابي كمان وافق علشان يعني حالتهم الماديه كويسه أبوه وزير و كده بس انا مكنتش موافقه و دورت وراءه عرفت انه مش كويس و لا محترم فرفضت و اصريت علي راي بشده بس بابي اجبرني و بعد الخطوبه بيومين جيه عندنا و طلب من بابي اننا نخرج سوا بابا وافق طبعا و خرجنا و انا قلقانه و ركبت معاه السياره فهو كان بيحاول يمسك ايدي و انا امنعه لحد ما لقيته ماشي من شارع مهجور و
نورسين : كملي يا حور
حور بخوف من تذكرها لما حدث و بدموع ولكن وجدت انس يمسك يدها بحمايه و يطمئنها بنظراته فتشجعت حور و اكملت
فلاش باك
حور للشاب بخوف : انت رايح فين
لا رد
حور بخوف وهي تحاول فتح الباب لكن هو منعها و مسك ايديها و قربها منه
الشاب ببرود :في ايه اهدي كده وبلاش جنان و حاول تقبيلها ولكن حور ضربته بالبوكس في بطنه فتالم وتركها فحاولت حور فتح الباب و بالفعل استطاعت و خرجت من السياره و ركضت بعيدا عنه وهو يركض وراءها و هي تركض بخوف و كل دقيقه تنظر وراءها حتي تري المسافه بينهما حتي وصلت الي طريق عام و اوقفت تاكسي و ركبت و اخبرته بعنوان منزلها و عندما وصلت صعدت الي غرفتها و لم تتحدث مع احد و جلست علي سريرها و اخذت في البكاء و بعدها حمدت ربها لانه أنقذها منه وبعدما ارتاحت قررت السفر الي مصر حتي تبعد عنه
نهايه الفلاش باك :-
صدم الجميع مما سمعوه و توعدوا لهذا الوغد بالدمار
انس بغل :الحيوان وربنا لو شوفته لهشرب من دمه
نورسين بتركيز : اسمه ايه خطيبك ده يا حور
حور بكره شديد: ساهر شاكر شعيب
🍁🍁🍁🍁🍁🍁🍁🍁🍁🍁🍁🍁🍁🍁
انتهي الفصل
بتمني يعجبكم و طويل اهو 😍
انا نزلته النهارده بمناسبه العيد
١- يا تري شهد هتجيب باقي المبلغ منين
٢- ياتري رد فعل نورسين ايه علي ان ساهر هو خطيب حور
٣- يا تري هيعملوا ايه علشان يخلصوا حور من ساهر
٤- ايه رايكم في شخصيه نورسين و افكارها
٥- حد كان متوقع خطيب حور
🍁🍁🍁🍁🍁🍁🍁🍁🍁🍁🍁🍁🍁🍁
انا عايزه اعرف رايكم في الروايه لانها في ناس بتشوفها و مش بيصوتوا لو الروايه وحشه قولوا و انا امسحها
