في المستشفي
خرجت الطبيبه
عدي بلهفه : فرح كويسه هي بخير صح
الطبيبه بابتسامه : متخفش هي كويسه
عدي : طب اللي حصلها ده من ايه
الطبيبه : هي عندها فقر دم و مش مهتميه بأكلها وده غلط لازم تهتموا بها اكتر من كده و تخلوها تاكل اكل في خضروات كتير و فواكه أنا ركبت لها محلول مغذي ولما يخلص تقدر تروح
عدي بغيظ من استهتار نورسين : حاضر يا دكتوره اقدر اشوفها
الدكتوره : طبعا تقدر تدخل و يارب يخليكم لبعض و تركته وذهبت
أما هو ابتسم بسبب دعوتها و دخل لنورسين وجدها نائمه علي السرير و بتعب
جلس علي الكرسي اللي بجانب السرير و ينظر لها بغيظ
عدي وهو يقلد صوت نورسين : أنا كويسه يا عدي انا بخير بجد
نورسين بنظره غيظ طفولي جعلتها جميله جدا :خلاص خلصت سخريه
عدي بسخريه : ياه سخريه مره واحد هو في حد يقدر يسخر من نورسين هانم المنصوري تيجي ازاي
نورسين بتعب : خلاص بقي يا عدي مش قادره اسمع كلام و لا تتناقش
عدي بخوف و غضب منها : اكيد لازم تكوني تعبانه ما انتِ مهمله في أكلك و بتسهري و بتتعبي نفسك في الشغل ما بين العياده و الشركه و مش بتاخدي راحه حرام بجد عليكي نفسك كل ده ليه هاه
نورسين بضيق : خلاص بقي يا عدي انت مسحت بكرامتي الارض يا عم
عدي بسخريه : وال يعني بينفع معاكي بحاجه ما البعيده مش بتحس و انا متأكد أن كلامك دخل من اذنك اليمين و خرجت من الشمال
رن فون عدي فوجد المتصل بتول
عدي : الو يا بتول
بتول بقلق : انت فين و نورسين كويسه أنا دورت عليها كتير مش لقياها
عدي نظر لنورسين وهي قالت بصوت منخفض : متعرفاش اني في المستشفي
عدي : متخفيش عليها أنا و هي خرجنا نشتري حاجه و نوصل بعد شويه
بتول براحه : طيب اهم حاجه انكم كويسين
عدي : تمام يا قلبي مع السلامه واغلق معها
نظر عدي المحلول وجده قد انتهي فنادي علي الممرضه حتي تخرجه من يد نورسين
بعد قليل قد انتهت الممرضه من عملها و خرجت
حاولت نورسين النهوض من علي السرير و لكن عندما وقفت احست بعدم الاتزان و كادت أن تسقط لكن لحقها عدي
عدي وهو ينظر في عينيها و تحدث بقلق : انتِ كويسه
نورسين بخجل و توتر : اه كويسه ممكن تتركني
تركها عدي و أوقفها و لكن أمسك يديها حتي لا تقع
و خرجوا من المستشفي و ركبوا السياره و رجعوا الي المنتجع
بعد فتره من الوقت وصلوا
عدي : انتِ تعبانه تعالي اوصلك لغرفتك علشان ترتاحي
وصل عدي لغرفه نورسين و فتح الباب و ادخلها و اجلسها علي السرير و احضر كوب من الماء و اعطي لها دواءها وبعدها دثرها جيدا بالغطاء
عدي : لو احتجتي لحاجه اتصلي عليا
نورسين بامتنان : متشكره جدا يا عدي علي اللي انت عملته معايا النهارده بجد مش عارفه ارد جميلك ده ازاي
عدي : العفو يا نور انتِ مهمه بالنسبه ليا و اكمل بغموض و لو علي رد الجميل يا ستي هبقي اقولك علي رده بس مش الوقتي بعدين تصبحي علي خير
نورسين بابتسامه : و انت من اهل الخير و احلام سعيده
ابتسم عدي لها و بعدها خرج من الغرفه و اغلق الباب وراءه و اتجه الي القاعه الخاصه بالمعرض
🌸🌸🌸🌸🌸🌸🌸🌸🌸🌸🌸🌸🌸🌸
في المعرض
ادم : بتول فين عدي و نورسين
بتول : عدي بيقول أنهم خرجوا يشتروا حاجه و هيرجعوا بسرعه
وعد بغيره : لوحده
بتول : اكيد
وعد في نفسها :عايزه تاخذي حبيبي مني يا فرح هانم بس انا مش هسكت
وصل عدي
جميله : عدي انت جيت لوحدك فين نورسين
عدي : طلعت الغرفه بتاعتها علشان تعبت من المشي
انس باستغراب : نورسين و تعب في جمله واحده مش مصدق بس ما علينا
انتهي المعرض بسلام و بعدها ذهب كل شخص الي غرفته حتي يرتاح من تعب اليوم
ولكن بعض الأشخاص لم يناموا
كان إلياس ينام و هو يفكر في نورسين
أما شهد كانت تشعر بالكره ناحيه نورسين بسبب ملاحظتها لنظره الاعجاب في عين إلياس لها
أما وعد كانت تشعر بالحزن بسبب اهتمام عدي الشديد بنورسين
🌸🌸🌸🌸🌸🌸🌸🌸🌸🌸🌸🌸🌸🌸
في صباح اليوم التالي
استيقظت نورسين بنشاط و نزلت الي الاسفل
وجدت الجميع عائلتها و اصدقائها و عائله إلياس
نورسين : صباح الخير
الجميع : صباح النور
جلست نورسين بجانب بتول
تولين : أنا معرفش اتعرف عليكم كويس امبارح ممكن نتعرف الوقتي
انس بهزار : مفيش مشكله يا قمر أنا انس توائم ادم بس هو بارد أما انا فرفوش و بنشتغل مع الأخ ده في شركته كان يشير إلي والده
تولين : مش ده والدك
انس بهزار : اه بس بزمتك ينفع حد يقوله يا بابا ده اللي يشوفه معايا بيفتكروني أنا اللي أبوه
ضحك الجميع علي خفه دمه
تولين : كمل
انس بهزار : من عنيا ده عدي بيشتغل في العمليات الخاصه بارد و ربنا ما يوريكي أيده جامده اوي
عدي ببرود : حابب تجرب ولا ايه
انس بخوف : لا الطيب احسن نكمل دي وعد بتشتغل معيده في الجامعه و دي جميله دي بصي ملاك الشله و اللهي جمال ايه و حنيه ايه و هدوء ايه
طائف : ما خلاص يا زفت بقي البت ساحت من الخجل
نظر انس لجميله و ضحك و بعدما كمل : خلاص نكمل دي بقي بتول اخت عدي بس هي فرفوشه زي كده و هي الرسامه بتاعت الشله و نأتي لآخر شخص دي بقي نورسين الكينج بتاع الشله هي و عدي طبعا
دي بقي برود تلاقي لسان طويل تلاقي ايد تقيله تلاقي و علي فكره أيدها تقيله زي عدي بس بتمني متشفوش لسانها
نورسين ببرود : حسابنا بعدين يا انس
انس : متفهميش غلط يا نور أنا كنت بعرفهم بيكي و بشخصيتك علشان لما يشوفوها ميستغربوش
شهد بتكبر : و انت خايف منها كده ليه يعني و هي بتشتغل ايه اكيد بتستغل في مكان يليق بشكلها أنا برجح أنها بتشتغل في محل ملابس آخرها
نظر لها الجميع بغضب و أكثرهم عدي الذي أمني أن يقوم بامساكها من شعرها و تلقينها درس علي استهزاءها من ملاكه
بتول بقوه : اولا مسمحلكيش تتكلمي علي نور كده
ثانيا بقي نور دي افضل دكتور في العالم و معروفه باسم النور اكيد سمعتي عنها و كمان عندها شركه خاصه بيها اسما ضوء القمر فبلاش نتكلم علي اللي يليق و اللي مايلقش اصلا لو اتكلمنا بالمنظور ده فإنتي اخرك تشتغلي في محل كشري وهيكون كمان كتير عليكي
نظرت لها شهد بغضب و تركتهم و ذهبت أما الباقي ضحك بشده علي كلام بتول
انس بضحك شديد : قصف جبهه ثلاثي الابعاد الله عليكي يا باشا
و قفت بتول و رفعت طرف فستانها بطريقه مسرحيه : شكرا شكرا ده اقل حاجه عندي بجد مش عارفه اعمل ايه بكل الحب ده
انس بهزار : وزعيه
جميله بهزار : لا بعيه علشان نكسب من وراكي حاجه
بتول : اه يا واطيه
تولين بخجل : بعتزر علي كلام شهد
نورسين : مفيش داعي أنتِ ملكيش ذنب
تولين : يعني احنا اصحاب
بتول : طبعا يا قلبي
تولين بحماس : تمام أنا تولين بشتغل مترجمه في الشركه مع ادهم وده ادهم اخويا الكبير بيشتغل في الشركه وده إلياس اخويا و بيشتغل في العمليات الخاصه ودي حور بنت عمي و اللي طلعت دي شهد اختها
الجميع : تشرفنا بيكم
وقفت عائله غنوه
غنوه : احنا هنسافر الوقتي علشان في عندنا شغل كتير و مبروك يا بتول علي المعرض
بتول : الله يبارك فيكي
و كذلك وقف أحمد الحديدي و زوجته
أحمد : واحنا كمان هنرجع
طائف: و احنا كمان
نورسين : تمام أنا هكلم الطيار يجهز الطائره علشان يوصلكم
غنوه : احنا هنحجز و نركب طائره عاديه و اتركي طائرتك ليكم علشان ترجعوا فيها
نورسين ببرود : لا أصل احنا مش هنرجع الوقتي هتفضل هنا يومين نغير جو
انس بهزار : يحيا العدل بجد مش مصدق أنتِ بتتكلمي جد
بتول : أنتِ افضل واحده في الدنيا
جميله : أنتِ بتتكلمي بجد ولا هترجعي في كلامك
نورسين ببرود : هو أنا عمري رجعت في كلامي
انس بتفكير : بصراحه لا
نورسين : يبقي خلاص انا رايحه أكلمه علشان يجهز الطائره
ذهبت نورسين المحادثه الطيار الخاص بها
جاء اتصال لمحمود الصاوي و خرج حتي يرد عليه
محمود : الو
خادمه في القصر و تدعي وفاء : أنا وفاء يا محمود بيه اخت المدام صفيه وصلت هي و ابنها
محمود : ماشي استقبليهم و انا هاجي في الطريق
وفاء : حاضر يا بيه
اغلق محمود معها و رجع لهم في نفس وقت رجوع نورسين
محمود لأولاده : يله علشان هنرجع احنا كمان
إلياس : احنا هنفضل هنا يومين
ادهم : ايوه يا بابا هنغير جو و هنرجع
محمود : تمام براحتكم يله يا صفيه علشان الحق احجز
نورسين : خليك يا عمي و ارجع معاهم في الطائره هي علي وصول
محمود : ملوش لزوم أنا حجز
نورسين : لا عادي وده اخر قرار عندي ولازم تعرف اني مش بغير قراراتي ابدا
ضحك محمود علي عند هذه الفتاه الشقيه : ماشي يا نور هانم
جاءت الطائره و رحل الآباء
ولم يتبقي الا نورسين و اصدقاءها و إلياس و ادهم و تولين و حور و شهد التي نزلت و أصرت علي البقاء حتي تبعد نورسين عن إلياس
تولين بخجل : هو بما اننا بقينا اصدقاء ممكن اليومين اللي احنا هنفضلهم هنا اتفسح معاكم اصل انا مش عندي اصدقاء غير حور
نورسين بحنيه : عادي يا تولي و كمان لو اخواتك عايزين يذهبوا معانا مفيش مانع
إلياس بسرعه : عادي ممكن نيجي
انس بفضول: هنروح فين
نورسين ببرود : الملاك
الجميع بفرحه : بجد
نورسين : ايوه
حور باستغراب : ايه الملاك دي وليه كلكم مبسوطين كده انكم رايحين
انس : لما هتشوفيها هتعرفي
🌸🌸🌸🌸🌸🌸🌸🌸🌸🌸🌸🌸🌸🌸
انتهي الفصل
١- يا تري شهد هتسكت علي اهانه بتول لها
٢- ايه اللي هيحصل في اليومين دول
٣- و ايه هي الملاك دي
ايه رايكم في شخصيه
فرح
عدي
بتول
ادم
انس
تولين
إلياس
ادهم
حور
شهد
