بسم الله الرحمن الرحيم :-
وقفنا الفصل السابق علي وصول الفتيات لقصر العمري
نبدا بقي الفصل الجديد :-
دخلت الفتيات القصر و رحبت بهم صفيه و اختها هدي و لكن هدي نظرت لنورسين نظره طويله تشعر أنها تشبه أحد تعرفه ولكن لم تشغل بالها و بعدها اوصلتهم الي غرفه تولين
دخلت الفتيات وجدوا حور تساعد تولين علي ارتداء الفستان و وجدوا شهد تجلس ببرود و لا مباله
نورسين بابتسامه : محتاجين مساعده
حور بفرحه : نور اخيرا وصلتوا كل ده تأخير
جميله : غصب عننا الطريق كان زحمه جدا
تولين : مفيش مشكله يله علشان تساعدوني
وعد بضيق و غرور : يعني انتم ناس غنيه عائلتك ماجبتش بنات من Beauty Center ليه تساعدك
تولين بضيق منها : علشان انا عايزه كده و مش بحب المكان ده
جميله : عادي يا وعد في ناس مش بتحب الأماكن دي
نورسين ببرودها المعتاد : تولين جميله من غير اي حاجه و مش محتاجه المكان ده
شهد بغرور : مفيش واحده مش بتحب Beauty Center
تولين : أنا مش بحبه و كمان علشان عامله حسابي أن اخواتي هما اللي هيجهزوني
جميله و بتول و حور معا : طبعا اما نورسين فابتسمت بحب و حنيه
حور بطفوله : حضن جماعي بقي
ضحكت جميله و تولين و نورسين و بتول عليها و احتضنوا بعض و التقطوا مجموعه من الصور و بعدها ساعدوا تولين في ارتداء الفستان و الاكسسوارات و وضعت لها نورسين ميكب خفيف و جميل و بعد الانتهاء كانت تولين تشبه النجمه كانت جميله جدا
حور بفرحه : شكلك حلو اوي يا قلبي
بتول : مبروك يا قلبي
تولين بفرحه :شكرا يا بنات بجد أنا مبسوطه اوي يله البسوا انتوا بقي
حور : تمام
وبدأوا في ارتداء ملابسهم
🌸🌸🌸🌸🌸🌸🌸🌸🌸🌸🌸🌸🌸🌸
في جناح إلياس
كان يرتدي ملابسه وهو يتذكر حديثه مع خالته بالأمس
فلاش باك :-
هدي بتوتر : من اللي قالك الكلام ده اكيد بيكذب عليك
إلياس : لا مش كذب أنا متأكد من اللي بقوله
تنهدت هدي بضيق و قد علمت أنه لامفر من الاجابه
علي أسئلته.
هدي : أنا هحكيلك علي كل حاجه
إلياس بتركيز : سامعك
هدي ببكاء : احنا كنا عايشين كويس لحد ما زوجه مصطفي صاحب خالد اتوفت فاهله أجبرته أنه يتجوز تاني علشان ابنه ميتحرمش من حنان الام فاتجوز شروق بنت صاحبه امه بعد فتره لقيت خالد متغير معايا و كل شويه بيسال عن موضوع الخلفه و مرت الايام عادي و بالصدفه فتحت الفون بتاعه لقيته بيكلم شروق علطول و لما سألته اتوتر و بعدين قالي أنها مرات صاحبه و بيطمن عليه في غيابه و شويه كلام ملوش لازمه و في يوم جيه متأخر و كان متعصب و التعصب عليا من غير سبب وطلقني و طردني فأنا خرجت من البيت مصدومه و بعيط و تائهه مش عارفه اروح فين و مكنش معايا فلوس فاغمي عليا في الشارع و الناس كتر خيرهم خذوني المستشفي ولما صحيت الدكتور قالي اني حامل خفت لما اقول لخالد مش يصدق أو ينتظر لما أولد و ياخذني مني فخفت و طلبت من ممرضه تتصل علي امك وهي جت اخذتني و ابوك كتر خيره جاء و أخذني ومن وقتها و انا قررت اني امحيه من حياتنا بس كنت بعرف أخباره و عرفت أنه دخل السجن ولما خرج اتجوز شروق و خلف بنت و سمعت أنه كان خطف بنته و غنوه بنت مصطفي و كان عايز يقتلهم بس أهل غنوه انقذوها هي والبنت وهو مات هو وشروق في الحادثه دي أنا مش ندمانه اني خبيت هو مكنش يستحق ابني كفايه اللي عمله في بنته.
إلياس وهو يحتضنها :متزعليش أنتِ كلامك صح بس وسيم من حقه يعرف و كمان يعرف أن ليه اخت
هدي : أنا هقوله بس بعد لما يرجعوا من شهر العسل مش عايزه اضيع فرحته بس خايفه ليكرهني
إلياس : لا متخفيش أنا معاكي و ان شاء الله كل حاجه هتمر بسلام
نهايه الفلاش بالك :-
استفاق إلياس من دوامه تفكيره علي صوت ادهم
ادهم : إلياس إنت يا عم
إلياس : ايه عايز ايه صوتك عالي كده ليه
ادهم : بنادي عليك من بدري بس انت مش هنا مالك سرحان في ايه
إلياس : مفيش كنت عايز ايه
ادهم : مفيش كنت جاي اشوفك خلصت ولا لا
إلياس : لا خلصت تعالي يله نشوف وسيم
ادهم : تمام و خرجوا متجهين الي غرفه وسيم
🌸🌸🌸🌸🌸🌸🌸🌸🌸🌸🌸🌸🌸🌸
في المساء في اكبر قاعات القاهره يشهد علي زفاف اميره عائله العمري
كانت تنزل تولين كالملكه كانت شديده الجمال و الروعه في يد اخيها الاكبر ادهم و عند نصف الدرج قبل جبهتها
ادهم لتولين بحب : مبروك يا بنوتي
تولين بابتسامه : الله يبارك فيك يا حبيبي
ادهم بابتسامه وهو يسلمها لأخوه إلياس
إلياس بابتسامه وهو يمسك يدها
إلياس :مبروك يا قلبي لو الواد وسيم ضيقك في حاجه قوليلي و انا اجي اكسرهولك
تولين بابتسامه :حاضر يا إلياس
سلم إلياس تولين لوالدها بابتسامه استقبلها والدها بفرحه وقبل رأسها
محمود بدموع فرحه : مبروك يا نور عيني هتوحشيني
تولين بابتسامه : وانت اكتر يا حبيبي
محمود اوسيم وهو يسلمها له :دي قطعه من قلبي احميها و صونها
وسيم بعشق :دي في قلبي قبل عنيا و مسكها من ايديها وقبلها وقبل رأسه وذهبوا الي أماكنهم
وسيم بعشق : مبروك يا حياتي
تولين : الله يبارك فيك
حضر الجميع و بدأ الفرح و تألقت الفتيات بالفساتين اللي صنعتها نورسين فكن رائعين بشده مما ضايق الشباب و حضر عائله عدي و كذلك ادم و عائله غنوه
كانت اصوات الموسيقي عاليه فابتعدت نورسين عنها و وقفت في مكان بعيد و لكن وجدت من يجلس بجانبها
إلياس : واقفه لوحدك ليه
نورسين ببرود : عادي مش بحب الاغاني و الاصوات العاليه
كان عدي يبحث عن نورسين وجدها تقف مع الياس. فتملكته الغيره و ذهب في اتجاههم و كانت وعد تراقبه و تشعر بالضيق و الغضب أما في جهه اخري كانت حور تتجول في المكان تبحث عن مكان البوفيه علشان تشرب ولكن وهي تسير خطبت في حد و كانت تتبع لكن مسكها هذا الشخص
حور : سوري و ابتعدت عنه وكادت تمشي لكن هو مسك يدها
الشاب بوقاحه : انتظري رايحه فين خلينا نتعرف الاول
حور : نتعرف ايه و هبل ايه اترك ايدي
الشاب بغلاسه :و لو مسبتهاش هتعملي ايه
انس و هو يقبض علي يده بشده و غيره : أنا اللي هعمل يا خفيف
خاف الشاب من قوه انس و غادر سريعا
حور برقتها المعهودة : شكرا يا انس علي مساعدتك ليا مش عارفه ايه الناس دي
انس بحب : عادي مفيش مشكله و اكمل بصوت منخفض أنا بلتمس ليهم العزر بجد أنتِ اللي حلوه بزياده يخربيت جمالك
حور : انت بتقول حاجه
انس بهبل :لا اه بقول كنت رايحه فين
حور : كنت عطشانه و بدور علي ميه
انس : طيب تعالي اروح معاكي و ندور مع بعض
حور بابتسامه : ماشي
نرجع لنورسين
جاء عدي و تحدث بغيره : اذيك يا إلياس و الف. مبروك لأختك
إلياس : الله يبارك فيك
عدي بغيره : انت بتعمل ايه هنا مش المفروض تكون بجانب اختك
إلياس باحراج : اه اكيد بس كنت بشوف الانسه نور وافقه لوحدها ليه بعد اذنكم وذهب
نورسين : ايه اللي انت قولته ده
عدي بغيره :ايه زعلانه علشانه
نورسين : ايه الكلام اللي انت بتقوله ده انت مدرك بتقول ايه أنا كان قصدي انك أحرجته
عدي : خلاص غيري الموضوع بقي حضرتي شنطتك علشان هنسافر بكره بدري
نورسين : ايوه
و مرت ساعات الفرح بسعاده علي الجميع و غني إلياس و ادهم اغنيه أختي حبيبتي لتولين و كانت الفرحه تغمر الجميع و ودع الجميع العروسين فى المطار بدموع الفرحه و تمني لهم الجميع بالسعاده و قضاء وقت ممتع
🌸🌸🌸🌸🌸🌸🌸🌸🌸🌸🌸🌸🌸🌸
في فجر اليوم التالي
استيقظت نورسين و صلت الفجر و جلست تقرأ في المصحف و بعدها فطرت و نزلت لاسفل و تحدثت مع بتول بأمر الشركه و ان تهتم بها هي و جميله حتي تعود من السفر و بعد فتره وصل عدي و حمل حقيبتها و هي ركبت بجواره في السياره و انطلقوا الي المطار و بعد فتره وصلوا وجدوا إلياس في انتظارهم رحبوا به و بعدها ركبوا ثلاثتهم الطائره و جلسوا بجوار بعض و لكن نورسين تشعر بالتعب فنامت و راسها وقع علي عدي فاعدل عدي وضعيه نومها بحب و ابتسامه
🌸🌸🌸🌸🌸🌸🌸🌸🌸❤️❤️❤️❤️🌸
انتهي الفصل بتمني يعجبكم
١- يا تري هدي صح في كلامها أن تخبي ابن عن والده
٢- يا تري رد فعل وسيم لما يعرف الحقيقه
٣- يا تري رد فعل نورسين هتتقبل أن يكون لها اب وهي اصلا مش متقبله اسمها
٤- يا تري انس وحور هيحبوا بعض و هل في حواجز هتمنع حبهم
٥- يا تري هيحصل ايه في خطوبه ادم و بتول
٦- ايه اللي هيحصل في السفر
🌸🌸🌸🌸🌸🌸🌸🌸🌸🌸🌸 🌸🌸🌸
