الناس بتقول،، الناس بتتكلم،، الناس بتّطلع اشاعات،، الناس والمجتمع،، المحيط،، الاهل والأصحاب،، كلها مجرد مسميات ل علاقات احتمال 70%منها يكون بسبب ليك الم ووجع انت في غني عنهم.
بس لو ركزت في العلاقات دي دقائق بس ح تعرف قدر كيف انت م محتاج تعمل المجهود دا كله عشان الطرف التاني في العلاقه دي يكون مبسوط وانت جاي علي نفسك ،،
،،
الروايه دي م بقدر احكم علي نوعها شنو بالضبط بس بِقدر الامكان كنت بحاول اطلع فيها الوقت البعدي واحنا بنضحي عشان م نكون الطرف الجارح فيها حتي لو بدون قصد او بننتظر حاجات احنا سلفاََ عارفين انها مستحيل تبقي لينا في يوم بس القلب بتعلق باقل شي وم معروف احتمال المستحيل يكون ممكن في يوم من الايام او عالم موازي تاني؟
،،، ف متابعه ممتعه واثناء مرورك صلي علي النبي ويلا نرجع لي موضوعنا .
كالعادة المعتادة انا شهددد،، فئتي العمريه عشرينيه ،،ك وصف خَلقي لي نفسي سمراااء،، طويله نسبياََ،، عيوني ناعسه ،،م ضعيفه شديد لكن عشان الطول بظهر اني ضعيفه،،، شعري م طويل وفي نفس الوقت م قصير،، ساكنه امدرمان مع امي وابوي واخواني ،،
مازن اكبر مني عمره حوالي 27 سنه شغال في شركه استيراد وتصدير شريك هو وأصحابه،، بعده شيراز 25 خلصت الجامعه هندسه طبيه بس اصلا م فكرت تشتغل وكسلانه هي اصلا شديد بتحب قعاد البيت والنوم والاكل. وانا 22 اخر سنه لي بقرا اداره اعمال جامعة الاحفاد اصلاََ احنا 3 بس امي اميمه وابوي محمد.
بعد خلصت يوم ممل شديد طلعته ماشه علي البيت ضرب لي مازن عايز يشوفني وين قلت ليه انا خلصت م تفلقني برجع براي قال لي ريحتي زاتوو،، ،جيت داخله البيت مصدعه مشيت رقدته بس بدون م اتكلم مع زول،، تاني يوم صحيت وبرضو م اتكلمت معاهم ابوي قال لي خير يا شوشو فيك شنو ساكته كدا من امبارح
انا :: مافيني شي بس ارهاق اخر سنه وكده
ابوي : هااانت والله خلاص تاني تتذكري ايام الجامعه وتقولي ياريت لو ترجع
انا بيني وبين نفسي ضحكته و قلت والله ايام ان شاء الله م تنعاد ولا تمر علي ابدا بس ابتسمت ليه وم رديت،، طلعت اركب المواصلات لقيت بت جيرانا اسمها ساره ماره بعربيتها اصرت الا توصلني وانا بطبعي منطويه وم بحب اتعرف علي الناس خالص.. البت بتتونس وانا برد ليها علي قدر الكلام بس اتضايقت كدا وانا حسيت علي دمي البارد سالتها كيف مع الجامعه وكدا وحاولت الطِف الجو،،، بس نزلتني وشكرتها لما دخلت الجامعه لاقيت شلتي الي هم اصلا 3 موده وريان وضحي وديل زاتهم م قدرت اصاحبهم الا بعد نزلنا السمستر الرابع لاني م بحب التدخل زي م قلت ليكم ،،،، اخدنا محاضراتنا وجينا نمشي قالو ناكل وانا م كان عندي نفس وكل مره بكون نفس العذر وهم بمشو لي لكن هسه اصرو علي شديد في النهايه استسلمت ليهم ومشينا مطعم في بحرييي عشان اي وحده تركب المواصلات من الموقف وترجع بيتهم،، اول م دخلنا قعدنا وطلبنا وبدينا ناكل لمحت ساره الوصلتني الصباح معاها صحبتها تقريباََ لانه كانت بتتونس وتضحك معاهاوظاهر في إلفه بيناتهم وحكايه بتاعه 3،،او4 اولاد معاهم وشكلها دي شلتهم،،، استغربته الصدف الغبيه الخلتها تجي من الجامعة لهنا بس قلت عادي، ابتسمته ليها وهي جات تسلم علي،، اثناء قومتها جا الولد الخامس وسالها علي وين اشرت علي واتكلم وفهمته انها قالت ليه بت جيرانا او صحبتي كله واحد ما يفرق،،، سلمت و َرجعته تاني بعد خلصت جات هي واصحابها قعدو معانا وانا كرهت الحركه دي لانه م بحب التدخلااات وصحباتي عشان عارفني اتداركو الموقف وقالو اتاخرو ومشو وفعلاََ كلنا رجعنا وانا رجعت مع ساره لانه زي م قلت هي ساكنه جنبي ❤️
بعد يوم طويل مليان بالحركة رجعته لي غرفتي،، هدوئي وسكينتي ،،،ابتسمت ومسكت القلم وجنبي كان في رسمه بتاعت بت مغطيه عيونها وجزء من راسها مضروب ونازل منه دم والشاش المغطي بيه عيونها برضو نازل منه دم والرسمه ابيض ب اسود بعد خلصت اخر تفاصيل كانت باقيه فيها شلتها علقتها ضمن لوحاتي البرسمهم فجأة جات داخله شيراز بدون م تدق الباب،، وانا بكره الحركة دي من اعماقي قالت لي الغدااء،، وعاينت تجاه الحيطه وقالت بصوت يغلب عليه الزعل لسه يا شههد لسه،، نزلت اكلت معاهم وهم بتكلم عن موضوع خطوبه وانا ما ركزته فجأة ابوي قال لي انتي رايك شنو خلعني طبعا بس قلت ليه م منتبهه كنت،، قال لي اخوك مازن عاايز يخطب ايناس اخت ساره صحبتك،، قلت ليه ساره صحبتي منو ما عندي صحبه اسمها ساره؟؟؟
حتي بعد مسافه ركزت انها دي ساره الوصلتني الصباح قلت ليه اهااا مالها يعني ما فهمته.
ابوي : رايك فيها شنو انتي
انا : والله الرااااي لمازن هو العايزها انا اصلا م بعرفهم معرفه تُذكر ،،وبالمناسبه ساره ما صحبتي☺️❤️
وقمت غسلته ومشيت خليتهم،،،
لما صحيت تاني يوم قمت بمزااج عاالي شديد وشغلته اغنيه help I lost myself again اصلا فنانيني المفضليين تشارلي بوث وبيلي ايليش اضافه لـ كذا فنان غيرهم بس ديل البسسست ،،
لبسته وجهزته عشان اطلع الجامعه سلمت عليهم وهم بشربو في الشاي وبتونسو،، سكتو مسافه حتي قعدته بين امي وابوي شربته الشاي وطلعته،،، كنت بتمشي مسافه في الشارع كدا حتي ركبته المواصلات وانا نازله انتبهته ل بت وولد ماشين سوا ومشبكين يدينهم سوا عااينت ليهم مسافه بدون افصل نظري عنهم لحد م اتعقدو وغيرو شارعهم وانا وااصلت طريقي وسط نزاعات بيني وبين نفسي وانا بتذكر كيف دا ممكن يحصل، متين ، ليه،، السبب شنو،،،
اصلا دي طريقتي كده مع الناس سوااء مع اهلي او اصحابي في البتعود علي كدا وب طبعي دا وفي الما بيعجبه وبيبعد ودي اصلا حريه شخصيه ما بقدر افرض علي زول انه يكون قريب مني وهو ما عايز،،
انا ما مريضه نفسيه ولا بعاني من اي مرض نفسي بس محتاجة احكي،، بس كل الموضوع البني ادم بياخد تجارب وعلي حسب التجارب دي هو بحدد طريقه تعامله مع الناس بعد كدا وبشوف الطريقه الافضل واهم شي انها تكون مريحااه هو.
،،،
استغفر،، لاتدري، لعلها ساعه استجابه 💛
#إعتزل_ما_يؤذيك
#شهد_محمد
