علا: شهد انتي ما بقول ليك بتحبيه لانك حا تعانديني وانا م راجيه من وحده بتعاند في روحها حاجه بس انتي مدام وافقتي عليه لاساب هسه ما تضيعيه منك لاسباب، اول شي انتي عروس جديده حافظي علي بيتك خصوصا انه راجلك ماف منه اتنين وكويس معاك لابعد الحدود،، والبت دي ادبيها بس تحت تحت يعني حركات برودك الحلو داك واوعك تقولي ولا تعملي ليها شي قدام اهله او قدامه هو وما تهتمي بيه الفتره دي اهتمي بروحك انتي ،، قلت ليها طيب وانا بفكر في كلامها بس قلت يلا مدام جاطت ضربته لبابا قلت ليه انا نازله معاك شغل من الاسبوت الجاي 💔،،
دخلت البيت نضفته وعملته الغداء ومشيت نمت صحيت وانا متاكده انهم حا يكونو قاعدين ياكلو بس ما طلعت ليهم جاني يوسف قال لي مالك نهي قالت صحتك للاكل بس قلتي ما عايزه،، هنا انا قربته اطلع بره اكفتها بس ما قلت ليه ارهاق ما اكتر وقبلت منه وانا مغيوووظه بس ادبها عندي البت دي💔
دخلت الحمام اخدته دش وغسلته شعري ووقفته قدام التسريحه وانا بنشف فيه وشايفه يوسف جاي داخل بس ما لميت شعري زي كل مره خليته ينزل رغم انه م طويل بس طوله مناسب للعين وهو واقف بعاين لي باعجاب ظاهر في وشه نشفت شعري ولميته اتصادمت معاه في الباب كاني ما شفته واستمر موال انه علاقتنا باردة كدا اسبوع💔 يوم ، ما عملته غداء خليتهم كدا م شغاله مع زول انا عشان انضف واعمل اكل لواحده تافهه اول ما جو طوالي رقدته في السرير عملته روحي ميته عديل قلت ليه مصدعه ما قدرته اعمل شي وهي اتطوعت تعمله وانا عارفه انه هي 0 في المطبخ،،
دخلت جاطت الدنيا وساعه ونص ما عملت شي قلت ليه باين انها ما عرفت تعمل شي ف حا امشي اساعدها قال لي انتي تعبانه لالا بمشي انا مشي وانا بقطع في نفسي بس قلت معلش دخلت المطبخ لقيت يدين نهي وحده لي صدره والتانيه في رقبته وباسته واول ما فصله من بعض لزاها وبقي بكورك وهي عملت فيها اتصدمت لما لقتني واقفه وبقت بتمتم احساس هم ما عملو شي وانا عارفه انها بتعمل كدا عشان تديني الأحساس دا،،
طلعت وانا ماشايفه قدامي من الدموع بقت بتنزل عشره عشره انا ما بحبه ولا اي شي بس ليه هو يقول يحبني ويتقرب من نهي ليه
نزلت وهو بكورك لي بس ما اشتغلت بيه دقيت باب علا فتحت لي وانا ببكي ويوسف كان وراي اشرت ليه انه يمشي وهي دخلتني
علا : حبيبتي مالك بتبكي كدا احكي لي لي شنو
انا : دخلت المطبخ لقيتهم ببوسو في بعض ووين في بيتي وقدامي
علا : شهد انتي مش ما بتحبيه وما عندك ليه حاجه بتبكي ليه اهو لقيتي سبب مقنع عشان تخليه بدون ما تعملي مشاكل وتكوني انتي اذيتيه بدون سبب
انا : طيب وانا ليه هو يعمل فيني كدا دا انا حتي كنت بحاول ما افكر في يوسف الله يرحمه عشان هو راجلي وما نفسي اخونه بيني وبين نفسي
علا : انتي اما بتحبيه او بتميلي ليه وفي الحالتين انتي الحاتضرري ارجعي بيتك واتفاهمي معاه ماف حل غير كدا قلت ليها اوك رجعته لقيت نهي شايله شنطتها وطالعه عاينت ليها من فوق لي تحت ونزلت وهو خاتي يدينه لي وشه ومنزل راسه،، دخلته الاوضه طوالي وقفتها علي ورقدت نمت بعد معاناه لانه حسيت اني كل ما اتعلق بشي بتلقائيه بيبعد او يتسرب ما بيني،، الأفكار السوداويه موقف واحد قادر انه يرجعها كل مع بعض وبطريقة اقوي من قبل،،
طلعته المصحف قريت ونمت صحيت لقيته نايم وخاتي مسند من الكنبه تحت راسه منظره وهو نايم بديك احساس الرحمه الكنبه صغيره عليه وظاهر انه متضايق فيها وم نام نوم مريح قربت اصحيه واخليه يدخل يكمل نومه جوة بس اتذكرته الحصل امبارح طردته الافكار دي من راسي وطوالي نزلت وانا لابسه عبايتي وشايله شنطتي وطلعت
#إعتزل_ما_يؤذيك
#شهد_محمد
