زينا الشيله ومشينا وكانت يعني ناس بسيطه كدا اهلها واهالينا القراب قراب وطبعا لمت فيني ساره كلام وونسه وكدا مع اني بحاول اتغير بس يعني ما طوالي ادخل في الناس كدا،، عدا اليوم بخيره ورجعنا هلكانين جاتني شيراز تاني قالت تتونس معاي حبه وفعلا غيرت لي جوي،، جاتني اسبوع بعد المشيه ديك تتونس كل يوم وتاني في يوم ما جات حسيت اني نقصت حاجه من يومي وشبه اتعودته عليها مشيت ليها كانت بتخلط قبضتها وهددتها تشتري لي شوكلاته 😂.
مشينا االمول وجينا راجعين لاقينا يوسف من بدايه الشارع لحد م جانا عينه ما نزلها مني نهائي حسيته ما برمش عديل بس اتخطيت ليه الموضوع سلم عادي وقدمنا ومشي وطبعا شيراز الفضول قتلها لازم تعرف اني هاديه معاه كدا ليه بس قلت ليه انه اعتذرته منه وصلحت اي شي وقالت لي انا بقيت ما بفهمك قلت ليها انا زاتي بقيت ما بفهم نفسي🤣❤️
جيت عايزه انوم بالغلط فتحت ريكور كان في تلفوني القديم ليوسف كان ما سمعته ركبته السماعه وركزته فيه بكل حواسي ومع نبره صوته وبحته و،، و،، المهم قال لي شهدي يحلوه مساء مساء يا بيبي وانا الليله مشغول حبتين بس يلا قبل تنومي م تنسي كلام كل مره فاهمه وتيك كير لحد م انا اجي اهتم بيك ياروحي❤️
دموعي نزلت وانا بسمع بس دخلت الحمام اتوضيت ووقفت في المصلايه وانا دموعي بتنزل مع كل ايه كانه حمول الدنيا كلها كانت في قلبي وبدت تنزل شوية شوية،، خلصت وقريت سوره الملك ورقدته مرتاحه ،،
الليلة وبكره امتحاناتي ما كنت خايفه مع انها اخر سنه لي وحصاد عمري بس برضو الموضوت ايزي لاني قاريه ومركزه كلامي وبعده الثبات من عند الله،،
دخلته اشتغلت وجيت مارقه فقدته جيه يوسف لي وسؤالو من الامتحان بس ربنا عوضني بي مازن لقيت في وشي بابتسامته الحلوه رجعني البيت بعد فرحني عشان اشتغلته كويس.
ويداب انا ركزته انه هم ليهم فترة طويلة كانو بيسعو عشان يطلعوني من الانا فيه بيحاولو لحد ما الحمدالله انا كويسه ظاهرياََ وحتي داخلياََ بديت احس بالنور جواي،،
وطبعا لازم اكتر من جلساتي مع زين لانه بقيت بحب احكي ليه بنتظر متين تجي ايام الجلسة عشان ادخل واحكي،
زين : طيب انتي مش قلتي احسن هسه؟
انا : ايوه بكتير
زين : طيب لا قدر الله لو رجعتي لحالتك ديك حا تعرفي تتصرفي
انا : اكييد لاني هسه بقيت قويه
زين : شهد القوه ما عايزنها ظاهريا انتي عارفه انك هشه شديد وبتتكسري من أقل كلمه انا عايزك تقومي من جوه يعني انتي بتكوني كويسه فجأة بتقلبي صح؟ وتحسي مودك اتغير
انا : بالضبط
زين : دا لانه جواك لسه ما فضي في ذكريات في شعور لسه جواك ارجعي ليه اتفاوضي مع الوجع دا حليه ما تخليه ينهش فيك من جوه،، شفتي انتي حاتكوني واقفه في مكانك مع حزنك ووجعك وركوضك في نفس الوقت الدنيا لسه ماشه الناس بتطلع وتنزل ماف شي بشتغل بحزنك الا انتي،، يعني لما تفوقي كدا وتقبلي وراك عشان تشوفي المحطات الكنتي ليها ما حاتلقي ذكريات بس حا يكون سوااد وفراغ لانه ماف شي ،،شهد نفسك اولي بيك نفسك اولي بيك خليك عارفه الحته دي ❤️
طبعا نتيجتي الليله وانا شايفه البنات قدام البورت بينهارو ورجلينهم ما بتشيلهم،، استسلمت للأمر الواقع ومشيت عافرته ولقيت اني اوله الدفعه، رجعته البيت فرحتهم وباركو لي وكلام زي دا اني يوم جات خالتي نوره باركت لي وقالت لي شهد صحي في زول متقدم ليك قلت ليها رفضته وقصه وانتهت،،
خ، نوره : يابتي هو ولدي وحته مني ربنا شاله جنبه ما توقفي حياتك جيبي ليك سند ينفعوك ويوسف زاته ما بيرضي ليك كدا وخلي بالك من نفسك
بعد مرور كم يوم كدا كنن مستكينه في البيت وبقيت بضحك عادي وبتنونس بس الفي القلب في القلب،، يوسف جا وضيفوه في الصالون مع مازن وابوي واتفاهمو تاني واتكلمو والمره دي يوسف كان جاي يطلبني للمره التانيه انا اتحمقت منه لانه احنا اصحاب بس ليه تاني،، قال لي شهد انا عارف وانتي عارفه انه البحب ما بنسا وانتي ادري وانا لو اترفضت هسه حا اطلبك بدل المره الف لحد ما تليني قريت رسالته واتنهدت وقفته في المصلايه صليت الفرض ووقفت استخير ❤️
استخرت في يوسف ،، حسيت كاني بعيد الاستخارة ديك بس تشابه الأسماء ما ليه علاقه بالشخصيات ، ونمت علي كدا،،
ايام من الزهج ماف موضوع وكدا وطبعا التخريج والكلام دا
#إعتزل_ما_يؤذيك
#شهد_محمد
