مشيت لي بابا عشان موضوع الشغل دا وانا بحاول بقدر الإمكان اني ابعد من شي بخص يوسف ولما بابا سالني منه قلت ليه كويس ما فيه شي رجعته البيت متاخر يعني بعد رجعته هو عشان المواصلات بس جات فيني وعلي صوته وهنا انا فقدته السيطرة علي دموعي وخليتها تنزل قدامه بكيت لمن بقيت اشهق وهو اول ما بدا يتحرك ناحيتي انا بعدته منه وما اديته مجال يتفاهم معاي وعدي علي وضعنا كدا اسبوع بعدها كان عرس تفاؤل اخته والمفروض انه اساعدهم الايام القبل العرس دي وانا زهجانه وشوفه نهي حا تزهجني اكتر بس المره الفاتت عدت المره دي لا 💔
مشيت لي علا ظبطت لي الطقم الحا احضر بيه وشلت مكوتها بتاعت الكيرلي لانه حقتي ما جبتها ولاول مره في حياتي حا اجرب البس توب واحاول اجذب انتباه يوسف بطريقة ما،،
اخر يوم قبل العرس كان عندي اجتماع مع بابا ومشيت وقلت لي يوسف يجيني في الكوفير ونهي مشت كوفير تاني غير بتاع تفاؤل قال عشان تتفاجأو هناك في الصاله 💔
المهم مشيت لي تفاؤل واتعرفت علي باقي بنات اهلهم المشكله كلهم ظريفين الا هذه النهي ما عارفه ليه.
جهزت نفسي وكان في كميه تناقض كبير حاسه بيه ناحية يوسف وكيف حا يشوفني الليله ويلاحظ اللختلاف ولا انا عاديه عنده،، لبسته توب تقليدي من لون الشااي بلبن غاامق مايل للرمادي لون افهموه براكم،، معاه وشبط عالي نفس لونه وظهر لي الحنه بطريقه خراافيه كسرته الألوان الفاتحة دي باكسسوارات اسود وشنطه سوداء،، اصلا ما كنت بظهر قدامهم بمكياج او جوطه زي دي م كانت الحاجات دي من اهتماماتي ودا خلاني غريبه شديد قدامهم مشيت معاه الصاله وهو عينه ما نزلها مني وانا م قدرت احدد البحس بيه لسه ناحيته بس نظراته كنت بحسها بتخترقني من حدتها،، و هناك لقيت احمد ولد عمتي ولاني طولت منه اتكلمت معاه كتير وم لاحظت لوقفتي معاه الطالت ونهي وامها وكلامهم مع يوسف وامه عني في نص كلامي مع احمد جاني يوسف قال لي يلا يا شهد استغربته فجأة شداني من يدي وطلعني رجعنا البيت وهو لسه ماسك معصمي قال لي اعتقد كفايه ونسه انتي جايه هنا لعرس تفاؤل ما للونسه مع احمد قلت ليه وانت والسنيوره كنتو برضو جاين لشغل ما للحصل داك
قال لي انا ما قدرته ابعدها مني يا شهد
انا :والله معقوله انت كلك كدا ما قدرته تبعدها وضحكت وفجأة حسيت بيه بقى بيني وبينه أقل من انش وباسني اخدته دقيقه مصدومه بعدها حاولت ازحه مني ما قدرته بقيت بضربه في صدره لانه حسيت اني حا اخنق ونفسي ضاق حتي بعد مني وهو بيلهث قال لي زي م انتي م قدرتي انت م قدرته ولما جمعته نفسي بعدتها مني،،
صراحه ما كنت عارفه كلامه صح ولالا او حني انا ملت ناحيته ولا دا شنو احاسيس كتيره جاتني مع بعض بس راسي رجع تاني يجوط،تاني اتجهجهته ورجعته لي زين.
زين: انتي يا شهد عارفه انه بحبك ومع ذالك انتي ما بادلتيه نفس الشعور ولسه معلقه ب يوسف الله يرحمه عارفه ليه؟
انا : ليه
زين : لانه الحب دا شي من ربنا هوو البزرعه فينا وفي نفس الوقت ممكن يشيله مننا يعني ما معني انك حبيتي يوسف دا انتي نسيتي داك لا انتي كدا حبيتي نفسك واديتيها فرصه انها تعيش بطريقه أفضل والبموت دا بموت جسديا لكن الاهم من دا انه تتذكريه في صلاتك وفي اي شي تقيفي معاه بدعاك ليه لانه انتي ما عارفه قدر شنو الاموات بحتاجه لدعائنا ❤️انتي كنتي مختلفه عن المرضي لانك عارفه نفسك نا مريضه بس عايزه تحكي،، عايزه تعرفي الطريق الصح يوسف ما تفرطي فيه كفايه عليك بعد يوسف واحد وربنا اداك عوض قلت ليه الناس دي كلها عكسي ولا انا المايله وهم شايفين الصوره كامله وانا شايفاها من عندي بس.
_سيعوضك الله عن كلِّ هذا الحِمل الَّذي حملتهُ وحدك في هذا الطَّرِيق، عن كلِّ هَذا التَّعب الِّذي قاومته دُون أن تتكلَّم، سيعوَّضُك اللهُ عن كلِّ ألمٍ تألمته لوحدِك و كلّ حزن خبئته في صدرِك ..
#إعتزل_ما_يؤذيك
#شهد_محمد
