ودي كانت بت خاله يوسف ما قدرته احدد طبيعه زهجها وضيقها الظاهر في وشها لحد ما اخته قالت لي امي وخالتي كانو عايزين نهي دي لي يوسف وهو جا قال ليهم انا عندي وحده وما داير غيرها ،،، خرب ليهم كل امالهم دي وحتي انها ما جات حضرت العرس 😂"اخته اسمها تفاؤل"
رجعنا لي قعدتهم واتعشينا وجبت ليهم التحليه المهم ما قصرته ناس امي كانو طالعين وكدا عشان شيراز قالت تعبانه وبكره عرس صحبتها المهم طلعو وفضلو اهله بس شويه وقالو ماشين لكن السيده نهي قالت عايزه تقعد معانا عشان حاتنزل مع يوسف خدمه في المستشفى" حضرته سيادتها قرت طب عشان يوسف دكتور" انا ما اتضايقت من الموضوع ابدا وهم مشو وخلوها وطوالي ركبت لي وش لما يوسف طلع يوصل اهله استغربت العغير المفاجئ الفيها دا وكميه النفاق
نهي : شهد انتي عارفه اني مقتنعه تماما انك ما بتحبيه
انا : منو هو
نهي : يوسف وما تتغابي انتي ما عايزاه خليه لي او ممكن تكوني انتي على زمته ويعرسني انا ما عندي مشكلة
،، بيني وبين نفسي قلت المعاقه دي مالها بعدين من وين هي بتعرف انه انا ويوسف ماف بيناتنا حاجه خليتها بتتكلم براها ودخلت عايزه انوم جاني يوسف اعتذر عشان نهي حا تقعد معانا الكم يوم ديل وحذرني اني اتكلم معاها كتير بس ما بين لي الاسباب الا انا سلفا عارفاها💔
نمنا ليلنا داك وصحيت بحركة في المطبخ لقيت يوسف بشرب في الشاي ونهي برضو قاعده في كرسي جنبه وبتشرب وبتونسو سوا،، قعدتهم عاديه شديد وما فيها حاجه بس ك اي امرأة شرقيه لازم نار الغيره تولع فيها لمجرد طيف انثي غيرها يقرب من شي يخصها بس ركزت وانا بتكلم مع نفسي شي يخصني كيف بس بررت انه م الا الغيره تكون علي راجلي،، احتمال صاحبي وسندي او متي ممكن يكون علاقتي معاه بدون مسمي بس في النهايه شي بيمسني وبحسسني بنقص
صبحت عليهم وكبيت كبايه شاي ودخللته غرفتي هو حصلني اتكلم معاي شويه بعدها طلع وهو ماشي اتعمدته اني اوفقه مسافه في الباب مع انه ما كان في موضوع مهم بس كله عشان يقول ليها انزلي وانا بحصلك وفعلا دا الحصل وما نزلو سوا،،
بعد طلعو انا كمان طلعت بس ما مشيت عند زين،، مشيت السوق اشتريت حاحات ناقصاني ومشيت سلمت علي جارتي الكان سالتها من الكوفير دييك وبقت صحبتي شديد يعني حتي علاقتي مع يوسف انا حاكيه ليها عنها مع انه ما كنت بندمج مع الناس سريع اسمها علا ومعلش علي الاسامي الكتيره دي💔
علا : طيب هسه انتي ماشه كويس بس انا بقول ليك اهتمي بعلاقتك مع يوسف ما تفرطي فيه
انا : المشكلة انه ماف علاقه بيناتنا دا احنا اصحاب لا
علا : انتي غبيه ساي والله هسه حياتك ماشه كويس و يوسف بحبك وانتي غبيه و متخلفه تجي العقربه دي هسه تشلبو منك بي لبسها وهيع وميء بتاعتها دي حره انتي،، طلعت منها وانا زعلاانه وببكي انا م عارفه اعمل شنو قلبي اغصبه يحبه ولا اعمل شنو يدي م فيها حاجه،،، نص ساعة وعلا جاتني رتبت معاي الغرفه وغيرته فيها حاجات وغيرته برضو مواقع جزء كبير منها شكلها ريحني تلقائيا بقيت بدخلها كتير عشان بقت مريحه وهي اصلا غرفته دي مرتبه المهم وصتني اعمل كم حاجه كدا بس حا اعمل رايحه لانه علاقتي معاه عاديه شديد،،رجعو ونهي بتتكلم معاه نفس ما ادته ليه لحد ما مشي استحمي وجا للغدا قال لي التغير حلو الليله وعاجبني ورفع لي حاجبه وفهمته قصده التغير الفي الغرفه ابتسمته ليه ونطت نهي تغير شنو ورونا معاكم انا من الغيظ قلت ليها راجل ومرته بيتكلمو في شي ضروري يعني تعرفي،، حسيت بسكووت في المكان وهي بلعت لسانها بعد الاحراج دا وهو بقي بتبسم براه زي المتخلف اتحرجت شديد وبقيت اكل بدون نفس وقمت لما دخلته جوه حسيت باصابعه لي وسطي اتخلعت قال لي مالك هسه ما كنا كويسين،، طوالي عيوني رقرقت مابعرف ليه او السبب شنو الخلاها تكون قريبه كدا بس وجوده بطمني وبضايقني في نفس الوقت بحس اني بخون يوسف بالطريقه دي فكاني ومشي وين مابعرف،،
تاني يوم نفس الروتين وهم طلعو وانا مشيت لي علا وياهو مناقره كل يوم،، وعدا كم يوم كدا لحد الجمعه لقيتهم الجوز مندمجين شديد في الونسه وما حسو بوجودي وكانه يوسف بدا يميل ناحيه نهي واتعلق بيها وهي بدت تقوي وتغيظ فيني بثقه والموضوع ما عجبني نهائي بس قلب دام انا م بحبه مالي ان شاء الله يحب بنات الدنيا كلها💔
#إعتزل_ما_يؤذيك
#شهد_محمد
