فهمي اتغير كم درجه كدا،، حسيت التغير بتسلل لروحي وبعد 5سنوات كنت واقفه في البلكونه وانا شايفه يوسف نازل وماسك في يده دانه الماشه الروضه لي براعم وهو مقربها علي حضنه باسها في خدها واشر ليها تسلم علي،،
انا يوسف ما بقول حبيته الحب الي هو عايزه لانه بحس اني مقصره فيه كتيير وهو ما مخليني عايزه شي بعده اهتميت بيه وحسنت علاقتي معاه وبقينا متفاهمين لابعد الحدود وتوجنا حبنا او الاصح اقول عنه عوضنا من الدنيا بي وجود دانه وهسه حامل في السابع وما عرفته نوع الجنين بس المهم انه يكون بشبه يوسف مع انه ماف زيه ابداََ
عمره ما قسي علي واي شي بعمله لي حتي وانا غلطانه بعتذر مني هو،، حياتنا ما خلت من المشاكل بس هو كان بحلها❤️
بعد يومين عرس احمد اخيراََ لقي نصه التاني،، وهو واحد من الناس الفضلهم علي كبير،، لانه وقف معاي وقفه مازن اخوي ما وقفها،، وبالمناسبه دي شيراز اختي اتزوجت وعندها توأم نرجس نادر ومازن عنده ياسين وميس ،، وتفاؤل كانت جابت بت سمتها رحيق وكلنا متلمين في عرس احمد والناس جايطه وطالعه ونازله شويه وقالو عقدو انا الدموع الشفتها في عيون احمد ويوسف وهم ببكو خلتني اعيد حساباتي الف مره،، هو يعني الرجال ديل مشاعرهم ممكن تكون كدا وموقف زي دا ممكن يخليهم يبكو،، جاته دانه بتبكي قالت في ولد ضربها وهي بتلعب في ثانيه عيونه دي قلبت وتعابيره اتغيرت لمن ضحكني في النهايه طلع دا ياسين ولد مازن اخوي يوسف قال ليه يا حبيب لم ولدك من بتي عشان ما نختلف،، موتوني ضحك وهم بتناقرو في اولادهم حسيت انه انا كان عندي ضهر من زمان بس انا بتجاهله وما كنت حاسه بوجودهم،،ما كنت خاته في بالي انه حاجه بسيطه واحساس وقرار صغير ممكن يغير حياه البني ادم بالصوره دي ،❤️
قبل الخمس سنوات دي كنت بفكر بغرابه شديده وما برمي اللوم علي اي زول ولا بنتظر تبرير من زول.. بتجنب اني اخوض النقاشات،، وبتجنب كل الناس كان الموضوع اشبه باعتزال ما يؤذيني وما لا يؤذيني لاني كنت بخاف من انه ياذيني بس م كنت عارفه اني باذي في نفسي بنفسي 💔
الليله كانت لحظه ولادتي لي داني ودا كان احلي من لحظه وجود دانه لانه داني كان اسم اخترناه انا ويوسف الله يرحمه،، وهسه انا سميته باختياره لانه ما بعد مني،، ويوسف راجلي كان بيغير اشد الغيره منه بس كان بحبه مع انه ما شافه بس لمجرد اني انا بحبه،، كل فتره كان بيوديني ليه اتكلم معاه واحكي ليه الحاصل معاي حتي لما انا وهو نتشاكل كان بجي المقابر يلقاني في قبر يوسف وببكي 💔وهسه بندعي ليه سوا بقيت بواظب وبحاول اتمسك بالصلاه عشان ادعي ليه واحس بقربه مني ،، ولما يوسف قال لي يوم خطوبتنا اخيرا ََ قابلتي راجل ،، وبكل عفويه اكتشف كيف باكل،،كيف بحب القهوه.. ودمي الباندا.. كيف بكون وشي بدون مكياج،، كيف بكون صاخبه وقت اللعب والهظار،، وكيف بهدا وقت اكون زعلانه،، كيف بتكون ملامحي لما ابكي ،، وكيف باخاف من نفسي،، وبكره صوتي ،،كيف بفكر اني ما جميلة في الصور،، حة كل دا عمري ما اتخيلت انه الشخص دا ممكن يكون يوسف غيره بس جبر ربنا عظيم ،،❤️
بعد خصلت من الصلاه ودعيت ليوسف بالرحمه وربنا يخلي لي اولادي ويوسفي اتذكرته الحله الفي النار وحاتكون اتحرقت جريت ولقيتها حرقت فعلا جاني صوت ضحكات يوسف من وراي قال لي يلا اصلا اتعودنا ناكل بره جهزي داني عشان نتغدا برا قلت ليه انت جاي تعبان وحيلك مهدود غيار ما غيرته هسه خليني بتصرف رد لي انه لو شي بريحك يا شهد وبهد حيلي اهد حيلي واعمله ❤️
_انا ك شهد كدا ما حاولت اجتهد في الروايه دي استخدمت فيها شخصيات ومواضيع اصلا متعارف عليها بس كل الفيها وحبيت اوصله انه ماف شخص بموت ويخلينا وانه ماف شي اسمه ما عندي سند لانه ربنا السند وربنا الصاحب،، والحب ما مره وما حبك الاول هو الحقيقي بالعكس حبك الاخير نو الحقيقي،، وانه الغايب حايرجع حتي لو في شكل عوض زي يوسف❤️
والمسافر حا ترتد غربته، واي شي سيء بينتهي،، وعمرها الناس ما كانت بتتقاس بالشكل وكمان الصحبه والحب بالمواقف،، الدكاتره النفسيين راحه وبحلو معطم مشاكلنا الي كمان معظم حلها عندنا احنا بس ما شايفنه،، وربنا لما بياخد منك شي عشان يديك الافضل منه وبمراحل لانه لما علق قلبك بشي ماعشان يحرمك منه بالعكس عشان يديك ❤️
وبعد مرور سنوات ما قدرته اعدها اخيراََ دانه عرس بتها لين بعد كم يوم اما داني اولاده لسه عليهم بس هو سمي يوسف علي يوسف خطيبي ما يوسف ابوه لانه طوالي كنا بنحكي ليهم عنه❤️ وانا بحكي لي لين ويوسف في قصتنا جاني صوت دانه وهي بتقول ماما البت الغبيه دي لسه بتحكي ليها خارجيها خليها تمشي تجهز نفسها ولين قالت ليها لااا لسه م خلصنا كلامنا 💔
..
وانت ماري استغفر وادعي دعوه من قلبك انه ربنا يرحم شهد،،
#إعتزل_ما_يؤذيك
#شهد_محمد
#النهايه
