يوسف كان شغال في عيادته عادي بس اكيد ماف زول بيقدر يتخطي انه يحب زول ويسعي عشان يكون معاه تحت سقف واحد بالحلال ويتصد بس انا كنت غير ،،
فركته يديني شديد لانه حسيت كميه الأوكسجين الفي الجو دا خلصت مع قرب خطواته مني،، سلم علي بي بشاشه وكانه ما عندنا سوابق مع بعض وفضلني في مكتبه ابتسمت ليه واعتذرته لي عن اي موقف حصل بيني وبينه فجأة مد لي يده بدون سابق إنذار قال لي اصحاب؟
قلت ليه اي أصحاب وطلعت منه شويه حسيت بالراحه لاني اعتذرته عن غبائي وتصرفاتي الطفوليه مع يوسف،، ومنه اتحركته علي المقابر عشان اشوف يوسف خطيبي،، وصلت ونزلت لمستوي قبره وختيت راسي عليه وحاوطته بيديني احتمال البشوفني بقول علي مجنونه بس ما اهتميت كتير لانه عمو محمود ودا الساكن في المقابر بعرفني وطوالي عارف اني بكون مع يوسف كدا،، اتكلمت معاه كتيير وحكيت ليه الحصل حسيت روحي ارتحت شديد لما نزلت كل الضيق الفيني،، رجعته البيت وابوي عاين لي عادي وانا متاكده انه عارف اني كنت في المقابر لانه عبايتي اتوسخت بس ما اشتغلته بيه،، في الغداء كنت باكل فيه براي وبحاول اقرا عشان اعوض الفروقات الحصلت وقت قعادي في البيت لقيت ماشي كتير كدا،، ونمشي ليهم تحت،
ابوي : انا شايف يا مازن وشيراز انكم تساعدوها شويه تفرقو ليها تطلعو تتونسو معاها ولا تطلعوها اعملو اي شي لانه شهد كل ما ليها ماشه في النازل خليهم جنبها انتو سندها والعمر ما معروف انا نفسي اتطمن عليكم كلكم،،
مازن :بعد عمر طويييل ان شاء الله حا تطمن وتشوف اولا اولادنا يااخ ،، وكملو نقاشهم كدا جاتني شيراز قالت الليلة عايزه تبيت معاي ما رديت عليها بضيق ورحبت ب الفكرة عكس الجواي لاني ما بحب التدخل في اي شي بخصني،،اتونست معاي شويه بعدها رقدت نامت انا مسكت التلفون حسيت روحي صدعته كدا تاني نمت صحيت الصباح بنفس الروتين اليومي بس الاختلاف انه الليله مفروض يكونو خلصو حاجات عرس مازن ويودو الشيله ❤️
وفي نفس الوقت كان عندي جلسه مع زين،، مشيت الجلسه وقلت ليها بحصلكم قبل تطلعو،
زين : شهد انتي عايزه شنو
انا : عايزه اكون براي بعيده منهم بدون ما زول يتدخل فيني او يتكلم معاي
زين : طيب افرض ابوك تاني فتح معاك سيره العرس حا تمشي تشرطي يدك تاني؟
انا : لا ما حاعمل كدا
زين : طيب حا تحليها كيف
انا : الحل عندك انت عشان كدا انا قاعده اجيك
زين : لالا انتي فاهمه الموضوع غلط، الحل عندك انتي بيجي منك وبكون العايد بتاعه عليك،، يعني انتي بتجي هنا عشان انا اسمعك وانتي تفصلي من جوطه الناس لكن م عشان احل ليك شي،، انا ما جربته شعورك في ولا تفصيل من الكنتي بتحكيه لانه ماف زول بحس باحساس زول مهما كان قريب بس الشعور الممكن يكون اقرب او مشترك بين الناس هو شعور الالم بغض النظر عن الاسباب،، ويا شهد يوسف مع ربه وقاعد منتظرك يبقي انتي المفروض تسعي عشان تصلي ليه تحسني عملك تدعي ليه تتصدقي وكدا مش تموتي نفسك لانه ربنا ارحم بيك منك،،
انا : طيب اذا انا عايزه اتغير اعمل شنو
زين : ربنا قال "لايغير الله مابقوم حتي يغيرو ما بانفسهم" يعني شوفي نفسك في الاول حبيها قبل تحبي شي تاني اقيفي قدام المرايه اتحسسي تفاصيل وشك شوفيها كانت كيف وبقت كيف وبالمناسبه انتي اول مريضه تثبت لي اني ما ملم بجوانب شغلي 😂❤️
انا : كيف دي
زين : لانه طلع حب الدواكن منك وفيك ما شي جديد عليك
انا : وعرفته كيف كمان
زين : صوره الخطوبه نفس الدواكن انتي وهو،،، سكت لانه بالجد ابهرني بدقه ملاحظته وذكائه وطلعت منه ابتسمته ابتسامه صغيره لانه حسيت اني لازم اطلع من الجو دا كفايه،،، رجعته البيت ولقيتهم علي طلعه قلت ليهم نص ساعه وبكون تحت طلعته فكيت شعري واصلا هو ما طويل فعملته كعكعه لفوق وعملته ميك اب خفيف شديد ولبسته فستان زيتي بي بيجي وشبط عالي بيجي وحجابي بيجي نزلته ليهم وطلعنا تحت خلعه اهلي من التغير وهم ما عارفين انه سره كام بدايه بي احمد مروراََ ب زين، انتهاءََ بي اقتناعي انا❤️
#إعتزل_ما_يؤذيك
#شهد_محمد
