بعد خلصو كلامهم وجوطتهم جاتني امي تتكلم معاي شويه وبتحكي لي عن انه عايزن يعملو شنو وناقص ليهم شنو وصراحه الموضوع ما كان عنده اهميه عندي كدا،، ف ما ركزته في التفاصيل بتاعة كلامه واكتفيت بابتسامه مجامله وطلعت خلتني عشان ابدا ارسم في رسوماتي واشخبط ساي لانه ماف موضوع وعندي الليله محاضره وَحده وما نفسي خالص امشيها،،
ماف احداث تُذكر في اليوم داك غير لما جا الليل وبقيت براي وماف اي زول معاي،، كان الموضوع مخفيف شديد وما عارفه اعمل شنو فتحت دولابي وطلعت تلفوني القديم،، فتحت الاستديو شفت صوره،، كان ملتحي اسمر،، بشرته اشبه بالابانوس،، عيونه قهوجيه داكنه،، فارع الطول واكتافه عريضه،، حواجبه طبيعياََ منعقده بتدل علي انه عبوس طوالي وماف شي بيرضيه،، انفه حااد ،،عيونه ناعسه ورموشه وسط يعني ما غزيره شديد لكن طولها مناسب مع لون عدساته،، صوره ابتسامته بحه صوته اي شي بخليك غصب عنك تحبه وقلبه ينعقد بقلبك.
اتاملته صوره لفتره خمس دقايق بعدها حسيت بوخذه في قلبي لانه الشي الكنت بستقوي بيه ضاع مني وبعد،، رغم كلامه انه ماف يوم حا يمر بدون اسمع فيه صوته او يكون قريب مني بس هو خان العهد وما وفي بيه،،
لملمت نفسي وحسيت انه شهقاتي علت كتمتها بيدي كملت بكي وغمضت عسي ولعل الصداع الملازمني دا يخف لكن هيهات،، شويتين ورن تلفوني وكان دا احمد بذكرني ب موعدنا لدكتور زين تاتي يوم وانا حاولت اتملص بعذر خطوبه مازن بس هو عارف وكويس شديد اني ما من مفضلين او محبي اللمات ف كل محاولاتي بائت بالفشل،،صحيت الصباح بنفس الصداع والضيق استحميت ولبسته عبايه سوداء وطرحه وجزمه وشنطه ضهر كلهم اسود وكان في اضافري منكير بني م طلعته وما اهتميت بيه كتير طلعته الجامعه لاقتني ساره باركت ليها لي اختها ودردشنا شويه كدا واصرت تسوقني معاها بس اتحججت باني ماشه اول لغرض حتي ماشه الجامعه واقتنعت تمشي انا مشيت بعد 4شوارع من بيتنا دقيت باب حديدي كبييير مزين سور البيت باشجار وورود بس البيت ظاهره فيه كميه كبيره من الحزن بدايه من ازهاره ال شبه بقت ذابله وناشفه ونهايه بي اهله،،
فتحت لي الباب نهي عمرها 18 سنه ابتسمت لي وبعدها ضمتني بشوق وسلمت على خالتي نوره ودي ام يوسف الي هو خطيبي❤️
اصلا اكبر واحد ل خالتي نوره هو يوسف مهندس بترول ووصفه كان في الصور العندي،،، بعده يمني ودي متزوجة بي اولادها وتاني توأم نهي ونبيل نهي مختبرات ونبيل معمار،،المهم سلمت عليهم كلهم وقعدته معاهم شويه وجاني صوت نبيل بقول لي شهد انتي مش بعد دا خلاص كفاك لازم تشوفي نفسك؟
انا : كيف يعني اشوف نفسي ما فهمته عليك
نبيل: انتي فاهماني ما تتغابي
