اخدته فتره وانا متعوده علي وجود كائن متطفل قاعد معاي،، بتكلم معاي وبجيب لي كل النفسي فيه بونسني وبعمل لي اي شي بس فكره انه الزول يتقبل شي من اول وجديد صعبه شديد.
انا : يوسف انا عايزه اطلع ممكن.
يوسف : تمام بس اوصلك اذا عايزه
انا : امم لالا ما محتاج والله بمشي براي وانت امشي شغلك
نزلت مشيت ل زين وبدينا نحكي زي كل مره
زين : شهد انا في شي واحد ما قادر استوعبه انتي كيف بين ليله وضحاها انتي وافقتي بي شخص كنتي رافضاه ورافضه اي شي بخصه وحتي فكره انه بشبه يوسف الله يرحمه في الاسم كنتي م عايزاها
انا : حتي انا كنت بفكر في نفس الشي لقيت انه كل الاطراف بتقول لي دا الصح اي زول ليه علاقه بي وب علاقاتي كان بنصحني نفس النصيحه ونفس الكلام،، انا ما غبيه ولا هبله لاني الفتره الفاتت كنت عايشه علي ذكري بس كنت في صدمه احتمال افوق منها تدريجياً لحد ما رجعته طبيعيه ❤️
زين : يعني يوسف مات جواك وخلاص فقدتيه
انا : ابدا،، بالعكس يوسف عايش جواي بكل تفاصيله باي شي فيه انا ما نسيته ولا حانساه ولا حابعد من شي بخصه بس كمان انا تعبته الحوليني فتره طويله خليتهم شويه يفرحو بس للان ما بقدر اتاقلم علي وجود يوسف دا في حياتي،
،زين : انتي هسه عارفه انك ما بتظلمي في زول غير يوسف راجلك دا
،، لما قال راجلك حسيت بقشعريره في جسمي ونفسي بقي ما منتظم
انا : كيف انا بظلمه
زين : انتي بتنسي او بتعوضي وجود زول بي زول واقرب دليل علي كلامي انه انتي ما نسيتي يوسف المات بس بتحاولي تعوضي فرط ذكرياته بوجود يوسف راجلك ومتناسيه تماما انه بني ادم وبحس وبحبك ورضي انه يعرسك وعارف كويس انك لسه ما نسيتي خطيبك المات، ،
رجعته البيت وانا كلام زين لسه بزن في راسي يعني انا كل ما احاول احلها واطلع منها باقل اضرار بلقي اني رجعته جطتها تاني وكل ما اطلع بمخرج بلقي نفسي غرقت من تاني وكانه كانت طرق النجاه من الانا فيه دائرية 💔
اخدته حمام مسافه ودخلته المطبخ جهزته الغداء ونضفت البيت وهو شويه وجا داخل سلم علي بـ بشاشه كدا ودخل اصابعه بين شعره بحركه ما غريبه علي يعني حسيت انه شفته كذا مره بكررها ابتسم لي وقال لي دقايق ونجي ناكل
اخدته مسافه وانا واقفه في مكاني بفكر وبتذكر في تفاصيله انه رغم جماله وماله واي شي كلو فيه ربنا كتب انه يكون لي انا،، ورغم طغيان حبه لي الخلاه يعرسني وانا قلبي رافضه قصاده بقي تعلقي بيوسف الي تحت التراب،، قدر شنو الدنيا دي صعبه وما بتتفهم،، قاطع تفكيري صوته وهو بقول لي يلا..
اكلنا ودخلنا عشان ننوم، اصلا بيتنا عباره عن 3 غرف وحده غرفه نومنا و2ضيافه بس وعموما ما مشيت فتحته ولا وحده فيهم للان اضافه لمطبخ وصالون وهول ،،ديكوره بسيط وحلو في نفس الوقت وفيه تناسق الوان مميز شديد،، ختيت راسي في المخده وطوالي غرقت في ذكرياتي وكلام يوسف شكله صوته،، صوره اي شي بخصه كان معاي اليوم داك يعني فررط من الذكريات خلاني احلم بكابوس ما اتذكرت تفاصيله بس كان مخيف لدرجه،، صحيت وانا عرقانه وعندي حمه خفيفه كدا وعلت صوت شهقاتي لاني لما احلم كدا اول زول بجي في بالي بكون يوسف بضرب ليه بتكلم معاي وبقرا لي لحد ما انوم ودي اول مره احلم بعد موته،،
حسيت بيد بتربت علي كتفي ودا كان يوسف راجلي،، وبدون كلام دخلني في حضنه اخدته فيه مسافه لحد ما نمت وصحيت الصباح بحركته وهو بقوم من السرير صبح علي لكن ما سالتي مالي ولا حسسني اني امبارح كنت ضعيفه ابدا،، مشي شغله وانا لسه ما نزلت شغل ولا عملته اي شي حسيت بزهج كدا بس ضرب لي هو اتفقدني وكدا وقال اهله الليله جاين يتعشو معانا قلت ليه طيب
بقيت محتاره اعمل شنو كلمت ماما قالت لي برضو يوسف كلمها عشان هم برضو يجو لعزومه العشاء وسالتني اذا انا يعني جاهزه وكدا وصراحه ما عرفته ارد ليها قلت ليها ايوه ❤️
نزلت من السرير مشيت لجارتي سالتها من اقرب كوفير وقبل اطلع طلعت الحاجات العايزاها ومشيت الكوفير عملته فيشل لوشي ورسمت اول حنه بعد العرس اشكالها بسيطه شديد وفي نفس الوقت حلوه،، طلعته منها مشيت جهزته العشاء والتحليه وطلعته حاجات الشاي بقي بس علي بعدين اعمله ورتبت البيت وبخرته،، يوسف جا داخل اخد نفس وقال لي ياريت لو اهلي واهلك بجونا كل يوم يااخ وضحك😂💔
كلامه كان عادي بس حسسني اني مقصره شديييد في حقه بس م عارفه اعمل شنو ،،دخل غير وطلع ساعدني في كم حاجه كدا وبعدها مشيت ارتاح لاني هلكت ما حسيت الا وانا نمت صحيت متاخر حبتين كدا دخلته غيرته وعملته ميك اب خفيف وروج كوبي دااكن شديد كان م عملته كتير لكن هو لونه غاامق شديد،،يوسف عقد حواجبه وقال لي امم الروج دا ممكن تغيريه ما تم كلام جرس الباب ضرب مشي فتحه وانا طلعته وراه سلمته عليهم وكان ظاهر الطيبه في وشهم بس دايما لو بتلاحظو بكون في شخصيه م مرتاحه ليكم او حاسداكم أو بتكرهكم لله ف لله بدون اي مباشره وعادي مرات بنكره زول لمجرد انه قرب او بس ليه علاقه بشي بخصنا💔
#إعتزل_ما_يؤذيك
#شهد_محمد
