اريدك گون تشبگني
لحد ما تنخبط بيه
لحد ما ألتفت للدنيا
وألگه الناس ماهيه .
حر
مر سبوعين واني اتصل عليه ماكو تليفون مغلق عرفت حاضرتني
شجاني ماعرف شبيه صوت شهكته مايطلع من راسي
خابرته من خطي الثاني هم مغلق
صرت يوميه اودي غضب وارجعه للمدرسه
بس ماكو ماشوفه مرتين شفت بنت عمه ويه السايق ومره ويه حسين اخوهه بس هيه ماكو
شنو الفلم شصاير
بدلت ونزلت اسمع فرح تكل الامي
فرح
يمه والله عيب شبيج ترى مو بس عله مودي اصلا البنيه صارت جنتج واذا على حر زين تدرين هذا مايسال عليه لو بعد الف سنه
ماشوفينه هو ومريم ولا عبالك خطب وعرسه قرب
يمه حتى لو اروح اني وجديتي هيج ابوي مايحجي
ويوصلنه السايق حتى ماصير اي مشاكل
ام حر
فرح ترى اني حابه ترفه الله وكيلج وصدك رايدته اكثر من مريم بالف مره
بس يمه هل شوفين اخوج
صدكي هسه اذا تكليله البنيه نايمه مستشفى يمد مصلايته ويسجد شكر لله
روحي حاجي جديتج اذا رضت روحي وياها
حر
ضليت صافن شنو نايمه مستشفى واني مادري دون نقاش شلت تليفوني وتصلت عله مهدي
مهدي
هله والله بالشيخ شذكرك بينه
حر
بالمهلي بس ترى سوايتك هاي محسوبه عليك شيخ مهدي
مهدي
خيرك شكو شمسوي
حر
ادري الضروف الي صارت خطبيتي بيه اني وترفه صعبه بس ترى صارت عله اسمي ومحسوبه مني
ومن الاصوال اعرف شبيه مابيه شسمومنه يل شيخ مرتي سبوعين صارله بالمستشفى واني ماعندي علم لو مو بعينك اني
مهدي
هدي هدي يمعود كول يا الله خلي اعرف ارد عليك
اولا الله وكيلك ماندلل روسنه من رجلينه هاي اول مره توكع هيج وشي ثاني اني عبالي فرح كايلتلكم
حر
هذا مو عذر مهدي بعدين فرح ماحجت شي ولا جابت طاري بالصدفه اليوم سمعته تحجي ويه امي
يله اني مسافه الطريق جاي
مهدي
حر اذا تجي لا تجيب فرح وياك المستشفى مكلوبه
حر
ماشي همزين كتلي
حر
بدلت وطلعت صارت مريم بوجهي هم بدت بسسوالفه ماعرف هل بنيه ماتسمع غير شكو شغله ماريده تسمعه
فهمته من باب الاصول وعلمود فرح ومن هل حجي وطلعت
وصلت للمستشفى
ما شاء الله العشيره كله موجوده احس الكل يريد ياكلني مثل واحد طاب بنص قطيع ذياب
وصار هذا للحقير محسن بوجهي
اذكرته من كالتلي ( يسوه راسك شيخ محسن)
امدي اشرب من دمه لا والحلو مبين من شكله منهار وماثره بي هواي وكعته
من سلمت عليهم عادي ردو عليه اله هو طلع من الصاله رحت لا رديت
ماجان احد موجود من اخوته غير عباس
سلم عليه وكال اتفضل ادخل شوفه كاعده بس امي يمه
دخلت واني عبالك مدري وين داخل
حر
السلام عليكم
ام شهم
وعليكم السلام هله عمه شلونك
حر
الحمد لله عمه شلون صارت ترفه
ام شهم
نحمد الله اليوم احسن
حر
احجي ويه عمتي واباوع عليه هيه دايره وجه عود متريد اتشوفني
بس شنو هاي رايحه منتهيه جوه عيونه سواد والوجهه اصفر اني ماكدرت اسكت كلت لعمتي
حر
عمه هاي شبيه ليش هيج صاير شكله
ام شهم
ماتاكل يعمه موتتني عايشه عل مغذيات
حر
اذا متصير زحمه تكدرون تتركونه خمس دقايق
ام شهم
اي عمه حقك اخذ راحتك
ترفه
انام واكعد كلماته دك براسي توعده وتهديده واتهاماته اني بت الشيخ عساااف بعمره محد هاني لو سمعني حجايه
اخوتي اذا واحد منهم صار عصبي عليه اشبع بجي لحد ما يراضيني ويجيبلي هديه
هاي تاليتي لا ويكلي اله اخليج خدمه وغصب عنج اخذج
صرت بين نارين لا اكدر ارفض وترك كلشي
هنانه معناته رجعت سوالف الدم من جده وجديد
وغير هذا كله مهدي وفرح الي راح يخرب كلشي بينهم
هاي اذا ماخطفه شهم وجابه المهدي والمصيبه صير اكبر
كل ماتخيل حياتي شلون راح صير وياه اموت من البجي والحركه
وخاصه واني اشوف محسن الي متعذب من وره هل سالفه
صح اني ماحب محسن ومابينه شي
بس لو محسن حاجي قبل ماصير كل هل هوسه جان اكيد قبلت بي
عل اقل لحمي ودمي واعرف شبي مابي
ورها اكل كمت ماكل ونفسيتي دمرت
صرت اني واكفه اوكع شهم كال مدرسه ماكو منا لحد متتحسن
وهاي سبوعين اني بالمستشفى فرح تحجي وياي اتصال من تتصل بمهدي يجيب التليفون ويجيني يركض فرح تريد تحجي وياج
واكثر من مره حجيت ويه بيبي ومرة خالي
اما بالنسبه لخطيبي عشتو هذا مادري عنه شي ولا يسال ولا يكول
اصلا يكيف اذا متت
بس اليوم جنت كاعده ويه امي نسولف ودخل عباس وياه حر اني اول ماشفته نسدت نفسي شجابه
انوب الحقير يعيب عله شكلي علساس هو توم كروز
بس استغربت من كال اريد ابقه وحدنه
طلعت امي وعباس هو سحب الكرسي وكعد قريب كلش عليه
وكال
حر
اي ست ترفه نيتج تموتين اكيد حتى اتخلصين مني
ترفه
والله اذا تخدمني حضرتك وتموت قبلي اشيل هل فكره من راسي
حر
ليش حتى تتزوجين الشيخ محسن الي يسوه راسي
ترفه
من كال هيج حسيت بغلط الكلمه الي كلته بس حبيت شغله باقيه باله وخلي يحس بالي حسيت بي من كال عندي الي تسوه راسج حطيت عيني بعيدنه وكتله
ترفه
شوف حر قبل ما اصير عله اسمك جانت عندي حياتي الخاصه وعالمي الخاص حالي من حالك
مثل مانته اكو ناس بحياتك اني مافرق عنك
واني اسفه لان حجيت بهل طريقه بس انته الي ستفزيتني وكثرت بالكلام
وكل الي سويته رديت بالمثل
لذالك مو كل الغلط عليه
حر
اسمعي هل كلمتين الي راح اكولهن
اني قبل كتلج اكو احد بحياتي وهل انسانه تنتضرني من سنين مو يوم وثنين حتى لخاطر حضرتج اتركه
لذالك لا اني ولا انتي راح نكدر نلغي هل زواج بحر دم راح ينفتح
ترفه
اني زين ادري بهل شي وهذا الي مخليني مثل بلاع الموس ..
حر
اني مستحيل اعتبرج بيوم زوجه الي كطنه وشيليه من اذنج
اول ميزوجون مهدي وفرح نحاول نلكه طريقه نخلص بيه من هل مصيبه
وحتى لو ضطرينه وزوجنه راح يكون حبر عله ورق لبين مانلكه سبب للطلاك
ترفه
ماشي موافقه
حر
اني رايح هسه والحضر شيلي ماله داعي
ترفه
خطي القديم كسرته والصراحه ماحس اله داعي تاخذ رقمي
حر
لا اله داعي وخليه براسج الكلام الي حجيناه مايعرف بيه اي مخلوق واله انتي الي تتحملين النتائج
وهسه تتصرفين عادي وكان ما صار شي
ترفه
طلع بعد ما اصدر احكامه واني صافنه معقوله هيج راح تخلص حياتي بعدني ماشفت شي منه باول عمري هيج يصير بيه
ضليت افكر بكلامه وكلام شهم من كال اذا ماقابله ارفضي ومينضر مهدي وفرح
بس شهم حلوله واحد اخطر من الثاني
لا خلي اكعد واسكت احسن ما يروح اخوتي بيه ماستحمل اخسر احد بيهم
وراها طلعت للبيت ورجعت صحتي تتحسن ورجعت اداوم
الحمد لله ماكو هل غثه علاء كله من وراه
واكو بنات بس يبسبسن عليه وانو استاذ علاء راح من ورايه
قمر كالت اسمعي منا وطلعي منا
وشهم الصبح من وصلني حجه نفس الحجي
وهيج مر اول شهر
شهم يوديني ويجبني حتى السايق ماروح وياه وقمر خطيه معايفتني
حسين
طلعت من الجامعه من وكت رجعت للبيت لكيت الخطار والهوسه اكيد اليوم ابوي مسوي عزيمه ثواب
سلمت ورحت للمطبخ اريد اشوف امي
لكيت شمس بالمطبخ هيه وامي يبسبسن
طبعا شمس صاير اشوفه صدف حتى مستفقده
بس شو ذني من شافني طبيت سكتن
اني رحت عله امي حضنته وكتله
حسين
خير ام شهم بيمن جاي تكصن ومن شفتني سكتن
ام شهم
ههههههههه يا يمه شنو نكص جنه نذكر محاسنك
حسين
?انتي وشمس ومحاسني ماصدك كولي جنه نحجي عليك اصدك
شمس
عمه اني كملت كلشي واصلا العاملات موجودات راح اروح للبيت
ام شهم
عمه وين رايحه هيه امج وهاي يمنه
شمس
عمه لا تنسين بيت خالتي يمنه هم زحمه من البنات عايفتهن وحدهن
حسين
خالتج احلام هنانه
شمس
اي
حسين
وشكو ماجن بناته ضالات وحدهن
شمس
غسان مريض وماكدرن يعوفنه
حسين
نعلان شعنده جاي
ام شهم
حسين شهل حجي ابني
حسين
اني مولي لغرفتي لحد يكعدني عل غده
ام شهم
يمه شنو لحد يكعدك غير خطار بيتك
حسين
الف واحد موجود غيري
ام شهم
هسه يجي شهم وهو يصرف ةياك
حسين
يله شمس امشي اوصلج ويمه اني ضال بيت عمي علي
شمس
اصعب شي يمر عل انسان هو تواجده ويه شخص مايعرف شيريد
حسين جنني خبلني ساعه اني اخر همه ومجرد بت عم ومن يشوف احد يقترب مني يهيج مثل الثور
اليوم جانت عزيمه بيت عمي
كملت شغل ويه مرت عمي
وسمعت صوته كتله عمه اني اروح مالي خلك معارك وياه
جنه نسولف عليه وطب سكتنه
اني صرت اجنبه واشرد من شوفته
بس وين اكو حسين لازم يحط خشمه بكلشي
طلعنه من الباب الخلفي
هو يمشي كدامي البستان فارغ وهو يدردم
جان يكول
حسين
وهذا ابن خالتج شبي مثل النسوان باقي بالبيت ماجه لاديوان
شمس
حسين الولد مريض بعدين انته ليش هيج شاد وياه
حسين
اذا ادافعين عنه اكفر بيج هسه هنانه
شمس
لا ادفع عنه ولا شي
حسين
انتي وين هاي الفتره ليش مختفيه
شمس
دوام وامتحانات
حسين
ليش قبل مجان اكو دوام وامتحانات
شمس
عوفك مني حجيت ويه عمتي علمود هاي البنيه
حسين
يابنيه
شمس
شبيك بت خالتك
حسين
لا بعدني ماتحاجينه انتي
شمس
احاجي منو
حسين
سبوع الجاي حنه مهدي وفرح وهيج اكيد راح شوفيه واحجيي وياها
شمس
ليش متكل لترفه
حسين
يمعوده راح ادخل تحقيق ومالي خلك اشرح انتي تعرفين شكو ماكو
شمس
ماشي تمام
