حر
اليوم يمكن اسوء يوم بحياتي. اليوم اشوف هل بلوه الي الله بلاني بيه. من وره ست فرح تورطنه هل ورطه غضب اليوم ماتحجي ويه ابوي.
من وره سالفه هل عرس
وأنه احسه. ضلمني بهل قرار. انه ابنه الوحيد شلون هيج يسوي بيه
جنت نايم بغرفتي. سمعت صوت. بالبيت طلعت اريد اغسل. شفت. فرح وياها بنيه وطبت لغرفته من شافتني كالت
فرح
حر خويه بدل وتعال
حرً
شكو
فرح
مره وحده. سوي الي اكلك عليه دون نقاش
حر
چنت لابس تراك بيت عادي رحت لبست دشداشه مرتبه عطري وساعتي. واخذت السبحه ونزلت أتفاجئت عمتي فرحه
شني السالفه. چنه صدك هل عداوه خلصت.
ويه نزلتي دخلت. غضب. طايره. مبينه جانت. هيه وحصانه. بجوله. اباوع عمتي صفنت بيهن وجن الوضع ماعجبه.
وغضب اخر واحده. ممممكن تفكر تاخذه جنه
سلمت وگعدت وهذا. مهدي احسه
خوش إنسان. عكس. شهم. الي ابد. ماحبيته. سولفت وياه كم سالفه مبين. خوش رجال
رغم كل المشاكل الي بينه والعدواه بس كلمه الحق تقال. شيخ والنعم منه
بس هذا الي اسمه شهم مستحيل اهضمه بيوم الي من وراه صار كل هذا.
بس ضل بالي ويه. البنيه الي جانت يم فرح
استاذنت منهم. لان مو بس مهدي كاعد. لا عماتي ثنين وهم عمي. ولد عمي بس ابوي ماكو.
اني صعدت لفوك اول مادگيت الباب فتحته فرح وكالت
فرح
اهلا شيخ. تفضل اني نازله اجيب عصير.
حر
قصدج ادخل وحدي
فرح
شبيك ترى بشرع الله مرتك.
حر
أرده الج هل. ورطه. لا عبالج. غشيم اني بس اصبريلي
فرح
ليش خويه عدوتك اني
حر
اصبريلي اذا. ماخليت هل بلوه الي جوه. شوف انجوم الضهر. واكيد اخوته. ماراح يسكتون. ويردوه بالمثل
فرح
مشكور خويه
گالت فرح هيج. وطلعت وهيه تمسح بدموعه. دخل. حر للغرفه وهو كاره روحه لان. وصل هو واخته التووم لهل مرحله.
شاف بنيه واگفه عل شباك ومنطيته ضهره. كال
حر
سمعي صح انتي بنت عمتي. وهسه صرتي عله ذمتي. بس للتوقعين بيوم. ممكن احبج. او. حتى افكر بيج بهل طريقه. خوش
وغير هذا كله انتي زين تعرفين اني مجبور عليج. وماعندي خيار.
والأهم من هذا كله. اكو وحده تسكن. گلبي تسواج.
من كالت اخر كلمه اندارت عليه. حوريه اي هاي حوريه. طافره من الجنه. بيضه بخدود ورده. خشم حد سيف مبين من البجي صاير احمر. وعيون. چنهن لون السمه. واضح بيهن الحزن. وصاير بياضهن حمااار. اندارت وضليت صافن بملامحه. وكالت وهيه ترفع راسه وتحجي وياي. بتحدي وفخر وشموخ لدرجه حسيت اخوهه شهم مو هيه
ترفه
اسمع يل چنك بس اسم شيخ.
حر
انتي شل.....
ترفه
ششششششش. حرف ماسمحلك تحجي الي عندك كلته وخلصت. ان چانك نيتك. تعذبني. وتاخذ حيفك من اخوتي. ترى اخوتي زلم يشگون الحلك. وهاي الدليل. مهدي بينه وبينك دم بس اختك صارت بشرع الله مرته
يعني يشيخ يلي ماتعرف من الشيخه لا راس ولا رجل
لو غلطت وياي انته خصمهم مو فرح. مو زلمه الي يمترجل عل مره
وإخوتي. زلم. يعرفون حگ الله. ماياخذون. احد بذنب غيره
يعني يشيخ حر. ترفه لو گالت غلط وياي. ينمحي شي اسمه. حر
وغير هذا كله مو بت الشيخ عسااااف الي تتهددد.
خله براسك. هل كلمه. اني. رضيت مو غصب اني چانت ضحكت اخوي. تسوهه الدنيا عندي وهيبتهم انه رفضت ابن عمي الي شاريني بروحه. ورضيت بيك مو حبا بيك. وزين تعرف هل شي بس لخاطر اخوي.
يعني كلمه عندي تسواج. ههههههه. عرفني اول شي وبعدين قيم يا ابووو تسواج.
اني. وحيده الشيخ. عساااف حطه بالك. اقل مابدي اسوي اهدر دمك وحك ربك
گالت هيج وطلعت بسرعه لحگه يريد يرد عله كلامه. من وصلت للصاله الي جان الكل مجموع بيه وهيه بهل سرعه. والغضب الي واضح. نهض مهدي وأمه. كالت امه
فرحه
ترفه. ... ترفه
ترفه
اني طالعه يم اخوي. وهل بيت. دخلتي اله غلط. چان المفروض. من مادخل. شهم كلنه نرجع. بس كسرت ضهورنه يبن امي بهل عشگ
وخليتنه نطخ روسنه واحنه هيبه نخل شامخ
شيخ طه
ماعاش الي. يزعل بنت الغاليه وأنه موجود
ترفه
عساك سالم شيخ طه. بس بنت الشيخ عساااف بضهرهه زلم شگ حلك السبع لو بس اشرت.
خل المدلل مالك يحط هل كلمه براسه.
انه انتضركم يم شهم كملو. ولحكوني
فرحه
ترفه يمه شهل حجي لازم. نسولف. عل عرس.
ترفه
شتردين. اسولف ام شهم. الي عندي كلته شنهي تعرفونه وتحرفونه. چن صدكتو. طايره من الفرح بهيج عرس.
سوالف المهر. انتي حليه. وسالفه يدخل بيت الشيخ. عساف. يلبسنيً ذهب هههه حلم بليس بالجنه. لا يفكر بيه.
فرحه
تررررفه شهل قله الأدب
مهدي
عوفيه. يمه هيه حره
شيخ طه
شنهي الي حره بي. مثل ما انته وأخوك. تشوفون نسوانكم. هذا هم حق ابني
ترفه
ما مجبور. عله هل شي والمهر حقي وأنه ماريده.
حر
چنت صافن بيه هل كتله النار. الي. ورطني بيه ابوي يعني. راح اخلص عمري بجحيم.
مستحيل أتقبل هيج وحده لا وفوك الضيم. شوفني بعين الصغيره
بعني يترفه.
چنچ بس الاسم ترفه. بس وحق ربج خوش ناويلج نيه
ضل وحيد و لا تضـل عدهم رخيص ?
النجمه هم عاشت بدون هـلالـهـا ?♂??
فرح
ماعرف هل حب لعنه راح تحل عل كل. لو هو بدايه صلح وخير.
بسبب حبي اني ومهدي
الكل صار حياته جحيم.
ابوي الي مايرضه يرد عليه السلام. وميباوع بوجهي
لو حر اخوي التووم الي يتوعد ويهدد وچني عدوته مو اخته.
وهم مرات اكول حقه.
مثل ما اني. لاجل حبي يمكن جان صار بحر دم لو ما رحمه الله ولطفه بينه.
هو هم حقه يزوج الانسانه الي اختاره كلبه. وحبه مثله مثل اي. شاب
ومن شفت ترفه.
حسيت بقهر اكثر.
سبحان الي خالقه كامله مكمله چنه العافيه. دوخ اكبر رجل شفت نضرات العجاب بعيون كل ولد. عمامي
واحس بس يردون. حر يكول. لا خلي غيري ياخذه
وهم حر شاف هل شي بعيونهم
وخايفه حيل يسوي هل شي بسببب حبه لمريم بت عمتي.
ومن جهه ثانيه. اشوف ترفه. مليانه غضب وشموخ ومبين مستحيل يخطر باله تفكر تكسبه وتخلي يحبه.
رغم اشوف الفرحه بعيون امي وجديتي من شافنه
حتى ابوي رغم. عدم رضاه بكل الي جاي يصير بس. مبين بعيونه الفرح بيه وانو بنت اخته الي يمووت عليه راح صير جنه
وهم خايفه من غضب هاي طفله.
متمرده. ومن گد أعصابه. وغضبه حتى نسينه نصيحله باسمه وكله گامت صيحله غضب.
طفله مددله بت شيخ. وتامر والكل يكول تم.
وزين اعرف شنو شهم. الشخص الي ما سكت على سالفه اخو يحب وحده ومتقدمله احد.
وسوه كل الي سواه. شخص مثل شهم. شلون راح يكدر يعيش ويه هل بلوه.
وخاصه بعد الكلام الي سمعته ابوي. رافض يزوجه هسه
هههههه يعني يريد من الشيخ شهم ينتضر. عل اقل سنتين
جنت اجهز بروحي. اليوم حفل. تلبيس الحلقات. واني كل هاي الأفكار. براسي.
صافنه على روحي بالمرايه لا بسه فستان. وردي بسيط. طبعا هذا مهدي اختاره وهم اختار شكل المكياج عبالك هو العروس مو. اني. وشعري رفعته هم بتسريحه بسيطه وتاج. فضي بس حبات كريستال. ههه امي تكول گمر. چنچ
وفجاءه سمعت وحده تگول.
ترفه
لا شمس مرة اخوي.
فرح
ترفه يروحي شوكت اجيتي
ترفه
هههه. هسه وصلني. عباس. تعالو بنات خلي اعرفكم على سارقه قلب الشيخ مهدي
فرح
ههههه يمعوده صوتج
ترفه
ههههه هو منو ميدري بسالفه جن ابن شيخ عساف بعشك بت كتال عمه
شمس
سدو هل سالفه ترى طلعت رواحنه منه. حبي فروحه اني. شمس. بت عم مهدي وتكدرين تكولين. اخته
وهذي اختي قمر. اختي الصغيره.
قمر
اتشرفت بيج حبي.
فرح
هله بيكم حبي اصلا اني اعرف كلشي عنكم بس شكل مشايفه
قمر
فديته ابن عمي معرفه على كل العائله.
فرح
ههههه بس هاي فديته تشليه حبي منا مهدي بس اني اتغزل بي
شمس
عمي هاهيه. هسه بس خلصونه خلي ننزل لا يصعدلنه وتصير موخوش سالفه.
ضحكنه كلنه. ونزلنوني للصاله طبعن غضب صح كاشخه ومعدله نفسه بس الوضع معاحبه
وهيه اصلا متحاجيني
اني ناسيه تليفوني فوك باوعت. ماشفت غير ترفه كتله جيبه اصلا هسه هيه حكم جنتنه
ترفه
بعد ما سمعت كلام. هل حقير وشلون يهدد اخته بيه. حتى كرهته وكرهت هل وضع الي اني بي اذكر اخواني. شلون جانو مستعدين يتركون كلشي بس اكول لا ماريده
الصراحه اني ماعرف اسكت عن حقي
لا وفوك الضيم هذا كله يكلي بگلبي الي تسواج
امدي اشرب من دمه. بس صار مهدي بين عيوني
وذكرت فرحته وشلون جان مكيف من صارت اله
رغم اني جنت مستعده ابدي وياه من الصفر وأحاول. احبه
وحتى رفضت ابن عمي لخاطره.
بس هسه لا بعيني ان ماشوفتك اني انجوم الضهر ماسمه ترفه
وكلتلهم حفلت مهر ماريد وغصب عنه هم
محد كدر يحجي بس
بعد اسبوع حفله مهر. مهدي. لان شهم هم ماقبل يسوي حفله
وخاصه بعد ما خالي كاله بعد سنتين يله يزوج
والصدمة جانت مرت شهم عمره ١٦ سنه يعني بعذه قاصر.
وطلعت ثالث متوسط
بس هيه ماشاء الله جسم.
واحس شايفته. وياي بالمدرسه بعدين اذكرته هاي طركاعت المدرسه
هههههههه منين جتك هاي تايه شهم. وكع بيه
طبعا شهم اخر همه ومهتم السالفه
صح من عرف عمره تخبل. علينه. وضل يعيط ويصيح على مهدي.
بس اخو شي سكت
وكال اني كلت ازوج الي تعجبني وهاي. راح اسكت على سالفته ولحد اصلا يذكرني بيه شوكت ما اني طخ عندي عود افكر.
شهم شخص محد يكدر يجبره على شي
واصلا كلنه حاسين. اكو وحده باله. مبين. لان حتى رفض يشوفه.
رغم شكد لحينه عليه بس هو قافل
وآخر شي سكتنه امي كالت عوفو. اله يوم ويقتنع.
أخذني. حسين اني وبنات عمي شمس وقمر. طبعا شمس اكبر مني طالبه جامعه بس قمر بكدي ثنينه خامس عدادي
رحنه شترينه ملابس للمهر
وبيوم الحفله مهدي طلع يجنن فديته اخويه. هو وقاطه الرصاصي والفرحة تارسه عيونه
رحنه لبيت خالي وحيل مارتاح لولد خوالي احسهم عيونهم مو راحه
أنوب. هاي قمر. بت الاوادم لابسه ابيض. ومكياج احنه من طلعنه عباس جان يرزل بينه بس هيه مدنكه راسه وماشافه. بس من ضل واحد من ولد خوالي صافن بيه.
انتبه عليه. بس كال
عباس
بس خلي. نرجع واني علمج عله هل خلقه والله لعلمج لله حق
قمر
شبيك متكلي شبيك الدرب كله هاد علينه هي حفله لعد شلبس شسوي
عباس
نرجع. واني اعلمج شسوي. طبن جوه وبنت ابوهه الي الكف ظله.
دخلنه كلنه وقمر طكطك زين ندري. عباس مراح يفوته سلامات. دخلنه للبيت جان مهدي وامي ومرت عمي. واصلين قبلنه
طبعا بيتهم هوسه مليان. نسوان
احنه وصلتنه. بنيه لغرفه فرح وراحت. دخلنه تعرفت على بنات وهم هنه
وبسرعه ندمجن
من نزلنه كعدناها لان مهدي كل شويه ودز رساله فضنه.
هيه ناسيه تليفونه فوك. كالت روحي جيبي
اني جنت لابسه فستان احمر قصير فوك الركبه مدنفس من جوه وحذاء رصاصي ورفعت شعري كعكه
اخذ جهاز فرح وأريد اطلع. ونضربت بشي عبالك حايط. رفعت راسي وشفت. هل. بلوه حر بوجهي اوووف ربي وين اشرد وين انطي وجهي.
اخر شي استسلمت للأمر الواقع هو زوجي. قابل شنو وإذا شافني هيج لا عيب ولا حرام
كتله. واني كاره. شوفته
ترفه
مممكن تبتعد اريد انزل
حر
انتي شلون. تطلعين بهل شكل. شنو البيت فارغ مابي بشر واني مادري. لو انتي متعوده عله هل شي بيت ابوج تمشين مصلخه
ترفه
هييييييي. الزم السانك خوش واحترم نفسك.
بعدني مامكمله كلامي وماحسيت غير لو ايدي وره ضهري وسحبني لغرفه مدري مال منو اصلا مالحكت. اشوفه
وكال بغضب
حر
اسمعي لج. لو مو اخوتج وابوج لو كل عشيرتج. محد يوگف بعيني سمعتي. محد بعيني يوكف.
احترامي. شرط وأجب عليج غصب عنج تحترميني لا وحق الي اسمه الله. انسيج حتى اسمج
ترفه
كالت بالم وغضب وشموخ وتحدي وهيه تحط. عينه بعينه
غير بالمثل ما عاملك.
حر
من عيوني. لعد دللي. ان ماكرهتج حياتج
ترفه
اترك ايدي خلي انزل. ماريد اسوي. مشكله. وماريد اخرب فرحت اخوي
حر
لا بله اشو شراح سوين.
من كال هيج استقزني حيل وخاصه هو لاوي. ايدي وره ضهري ولاطشني بي احس روحي صخنت من قربه. واحسه هو لا حيه ولا مستحه احاول أبعده. بيده الثانيه كل مادفعه الحقير يسحبني اكثر.
وآخر شي. لواديه اثنينهن وره ضهري ماجان عندي غير حركه وحده.
عضيته من ركبته كل قوتي.
وركعته كله.
بس حضي المصخم اني الي فقد الوعي ودخت وكعت مو هو.
ماعرف شكد صارلي من فاقده. حسيت على لمسات على وجهي. وصوته وهو يكول
صدك انتي ترفه.
فتحت عيوني بغضب ونهضت قربه هيج مني يضوجني. وكفت بعيد عنه.
جان يكول.
حرً
هل مره راح أعيده بمزاجي. بس خليه بالج. ترى حركتج يغبيه. ضدج مو الج
ترفه
مافهمت كلامه. خاصه نضراته على شفايفي. وراسي احسه مسطور. كتله
اي اذا انته حايط كونكريت. مو راس جلمود
حر
شكلتي ولج
قبل ما يوصلني فتحت الباب وشردت. يمه هذا شلون راح اخلص حياتي وياه.
نزلت واني كلبي يقره الف وحتى فرح. انتبهت عليه كالت
فرح
وين رحتي متي. صار ساعه. حتى مهدي ضل يسوي وينه
ترفه
عزززه ليش شنو مهدي لبسج الذهب.
فرح
گرت عيني حمدي ربج الته بيه بس مرتين سال وينه
ترفه
غير هذا الثور اخوج. ...
فرح
هههههههه عزززه بس لا شافج بهل ملابس
ترفه
اي واني شمدريني. هو هنانه
فرح
اكيد اخذتي المقسوم. حر يتخبل من هل ملابس.
ترفه
عله روحه. والله اني جايه. حفله اخويه شلبس بوشي.
فرح
اكله لعد بعد كلبي لان هو. وغضب. معارك يوميه. من وره صدريته مرات يكله راح احركچ واكول. هيه حتركت
ترفه
عززززه يمه
فرح
ههههههه والله غضب ابوي يوكف بوجه حر من يتعاركون بس انتي شلون بيج
ترفه
والله اخلي شهم يحط طلقه براسه
فرح
ههههههه تصيرين. ارمله واخوج يدخل السجن
ترفه
هاي شلون ورطه. هاي
حر
اليوم حفله المهر. مال. فرح شلون ورطه وهل هوسه فوك. راسي. أنوب صح ابوي. مايحجي وياها. بس ماشاء الله. شلون زعل
شتريد يجيب بدون ماتطلب
بعد هاي فرح الغاليه.
بدلت وطلعت ادري شلون مجان. ولد عمتي فرحه. راح يصيرون نسابتي
وهم اريد اشوف هل طركاعه شهم
طلعت من غرفتي بعد مابدلت. وأشوف وحده كدامي لا موخلقه. مدنكه راسه شهل. جسم احس روحي صخنت. استغفرك ربي منو هاي. ضليت مثل الصنم بمكاني لحد مانصذمت بيه من رفعت راسه. اباوع. هاي ترفه
هههه مرتي وطالعه. هيج مشلحه مصلخه هاي. والله اليوم اذا احد شايفه اليوم احرك عشيرته
خاصه من اخر مره. علي ابن عمي كال اذا. هيج رافضه. اني اقبل بيه
امدي احركه
حتى لو ماريده. وكارههه بس ضل عرضي صارت مرتي. واشوفهم شلون يردون ياكلوهه بعيونهم وهيه ماشاء الله. ترعد رعد جنه اخوهه شهم. تريد تاكل بشر
نوب هيج يشوفونه لويت اديه وسحبته لغرفتي احس عطره دوخني وقربه بهل شكل. سطرني وهيه مخيله أيديه على صدري ماكدر أسيطر. عله روحي
وآخر حركه سوته طيرت عقل راسي من حسيت شفايفه على ركبتي حتى مانتبهت انو هيه عضتني. غير من حسيت بألم الحقيره حتى دم مطلعه مو سنون سجاجين
ههههههه والأقوى من هذا كله. عود هيه تريد تضربني كله براسي. هيه الي داخت وكعت واني الي حرت بيه.
داخت وگعت بين اديه. ضليت صافن بيه. حتى ماحولت اصحيه حفضت كل تفاصيله. صدك حيل ترفه.
ومن صحت رجعت لخباله جنه نار. وطلعت وهيه تردم. من نزلت. وره فتره. عدل دشداشتي اريد انزل واباوع
أيًا حقيره هسه الي يشوفني شيكول لا يا الله شوف شمسويه بركبتي
أنوب. من نزلت صارت مريم بوجهي. واحس. روحه طالعه. ومن شافت رگبتي تخبلت عليه اريد اسكتي ماعرف شلون لا تفضحه.
سامعه كلام. فرح وترفه وجتني هاده تكلي. شكو تغار عليه.
اريد افهمه مو شغله غيره بس هاي محسوبه عليه صارت مرتي
من اكله مرتي يزيد إخباله
اخر شي عفته وطلعت بعد ماعندي طاقه اله
فرح
جنت كاعده اباوع عل كل مكيفه احس فرحتي. ما مطيته لاحد. حييييل فرحانه ومن دخل مهدي خلص امدي أطير وشلون طالع غير يجنني كعد بصفي وكال
مهدي
شنو هل جمال انتي فرحتي. لو احد غيرهه
فرح
شنو قصدك قبل ماجنت حلوه وهسه صرت حلوه
مهدي
ههههه اكلج هي شنهي وكت زعل هسه بروح موتاج. ماتخليني اخذج وياي. شكو. باقيه يم. اهلج.
فرح
يا مهدي. لحد يسمعك فدوه
مهدي
ويطبهم طوب لاتخليني هسه بنص العالم اوكف وأكوم اصيح اني احبه.
فرح
لا عمي خلص سكتت سوي الي يعجبك
مهدي
هاااا لعد بسرعه خلي البسج هل ذهب وتعاي خلي اسولف وياج
نتفق عله كم شغله
فرح
شنو الي نتفق عليه
مهدي
معليج. اني من تجين اسولفلج
لبسني ذهبي وهو ما شاء الله. حار شيسوي. وهاي شمس الحقيره تسويله. اخذ راحتك. ابن عمي اني واكفه محد يشوف
شگد ميستحون
وراها. عاد. طلع وره عشر دقايق. كالهم اريد احجي وياها رحت للاستقبال الثاني هو جان گاعد يكلب بتليفونه من شافني طفر
اجه وكف كدامي وكال
مهدي
كتلج يجي يوم واكف بنص بيت ابوج واخذج. وفيت بوعدي فرح
فرح
انته كل فرحتي ودنيتي واحس روحي طايره. حبك الي جان مستحيل. اكثر حتى من المستحيل نفسه
مهدي
اليوم احنه سوى خليني املي عيوني بيج.
فرح
ههههه بس انته نضراتك. مو راحه.
مهدي
هههه هو غير انتي مال واحد ياكلج كلج
فرح
ههههههه شنو الفلم شبيك اليوم مهدي
مهدي
مابيه شي. بس شو تعاي قربي. هاي شنو
مثل الثوله قربت عليه اريد اعرف شكو اول ما وصلت يمه سحبني. اله وهجم عله شفايفي.
احس النفس. انكطع. وخر مني واني كوه ادفع بصدره. وخله جبهته عله جبهتي.
وكال
مهدي
اموت. بيج فرح. اطلعي من يمي لا. ماضمن بعد روحي. وهسه صير مصيبه
كال هيج وطلع بسرعه واني مادري شبيه احاسيسي كله انجمعت فرح رهبه وخوف. وكلشي حلو كلهن بيه
وراها طلعت رجعت كعدت يم البنات بس ترفه ماكو ختفت.
وره ساعه يله نزلت اصلا احس عمتي لا حضت اختفائه كتله راحت جيب تليفوني
ومن اجتي خرب عقله من حجتلي. كله عقله توكف بوجه. الشيخ حر وغيرته
بس انقهرت على مريم. جانت واگفه من حجت. وراها طلعت بسرعه
وراها راحو همه لبيتهم واني صعدت. بدلت ونزلت بقيت كاعده يم. عماتي. ونسوان عمي وهم بناتهم
بس احس. الكل. مراضي عله هل عرس بس محد يكدر يحجي خاصه جديتي قابله. وتكلي انتي. الي كطعتي هل عداوه
بس اني. احس روحي. حيل ضايجه لان. اختي الوحيدة. ماتحجي وياي وحتى مبروك ماكلتي
مهدي
واخيرا. صارت الي. احس روحي. طير وطايره من شفته بين اديه ذايبه. هاي عشگ عمري وتعب سنيني.
شگ فرحان بيه
بس من اشوف. شهم. ووضعه. وشلون انجبر عله هل موضوع احس روحي غلطان
خليتهم بهيج موقف خاصه. البنيه طفله بعده ثالث متوسط
وينه وين الزواج. مو شهم بكبره.
حر
مرت الأيام. واني حاير بأمري ماعرف شسوي. بأمري. لا اكدر اعوف مريم ولا اكدر اعوف هل بلوه هاي عوفته مصيبه
وهم احس روحي دايخ بين الاثنين. صرت أقارن بين ترفه ومريم
احس روحي راسي راح ينفجر
كاعد بالديوان. وخابر علي السائق مال غضب
كال السياره عطلت ومايكدر يرجعه بدلت ورحت لمدرسته
اباوع. هذا. شهم واكف باب المدرسه. معقوله جاي عليه. شيسوي هنانه يشوفه من ورانا.
والله. اشرب من دمه لو مو رجله
اباوع غضب متخوصره واكفه كدامه بس هو حتى ما شال راسه
تذكرت هو اصلا ما شايفه. يعني مايعرفه.
وهاي الافنديه اله. تريدني اذبحه من وره سالفه البس هاي. صعدت غضب بالسياره. كتله اصعدي وانتجيت عله سيارتي اريد اشوف. هذا شيسوي هنا
شفته تعدل بوكفته اني جنت واكف. وراه. شفت وحده لابسه عباة راس. حضنه. وهيه تشهك وحده ثانيه. هم مكبعه. حلوه ومرتبه وكفه بصفهم تضحك وتهز بيده
هو كال
شهم
اووووف اوووف بويه. شهل خلقه ولج احرك ابهاتهم وامهاتهم اليوم. شني ياهي الي منزل دموع روح الشيخ شهم
قمر
شيخ هاي تبجي هيج من اول. ما نطونه النتائج لهسه
شهم
قمر اشو ضحكين. شني بس. لا. مرسبينهه
قمر
لا شيخ ادري. ترفه ترسب واني اضحك. بس الأخت. حاطيله درجه نازله بالخمسين وهاي راحت ماتت من الدرس الاول لهسه تشهك وتبجي ماتخلص جن دموعه
شهم
وسفه والله بويه اليوم اهدم المدرسه على روسهم. شني. يحطولج بالخمسين واني اريدج برفسوره صيرين
حر
هنانه عرفت هاي ترفه. يعني هيه وغضب بنفس المدرسه. بس شني ماكافي محاضن بنص الشارع فهمنه اخوهه. بس شني ما كافي
أنوب. اشو هاي زادت بشهكته. وهي مجلبه بحضن شهم. ً وكالت
بصوت ناعم. وبيه غصه ولا عبالك هاي الترعد رعد يمي
ترفه
والله شهم. كله جاوبته بس هو حقير.
شهم
فهميني منو الحقير. شنو الفلم لا تخبليني
قمر
معليك بيه شهم خويه خل نروح
شهم
اشششش خلي افهم مدام اني بعدني هنا كدام المدرسه.
قمر
كتلك ماكو شي والله
شهم
كال بغضب
احجي ترفه
ترفه
والله اني معليه. واصلا ماجنت ادري. هو معجب بيه. هو اني شمدريني واليوم من انطونه النتائج. رحت حتى اكله ليش هيج درجتي اني شاطره
جان يكلي هاي ثمن. صرتي الغيري. احمدي ربج مارسبتج. والدور على اخته
شهم
شسمه.
قمر
فدوه اهدهه شيخ. الله يطيح حضج. ترفه
شهم
بغضب
شسمه
ترفه
وهي تبجي
علاء
حر
من سمعت واحد حاط عينه على مرتي. لا. وانوب أستاذه.يعني مكابله وكاعد. كل الدوام قبل لا يدخل. شهم للإدارة. اني دخلت وسحبته من. ياخته
ودون. كلام جبته بوكس
ماحسيت غير. شهم فوك. راسي هو من شاف شهم كبل گال
استاذ علاء
شهم. بروح امك اسمعني قبل متتهور
شهم
سحبه من الكاع ولطشه بالحايط. كسر عضامه وكال.
اني شگتلك. من حاجيتني مو كلت. علاء سد الموضوع. البنيه لعمامه كلت لو ماكلت.
كال اخر. كلمه بغضب. وجابه بوكس
حر
التمو المدرسين والمدرسات. وبس يردون يفكونه من ايد شهم. محد كدر. وخاصه. الضاهر هل ستاذ صديق. شهم لان من خلال كلامهم. هيج فهمت من كاله
شهم
ولك حقير كتلك. لا تحط عينك على عرضي افكسه وهاي تاليه. اليوم احطك جوه التراب. وربك.
شويه وانشوف. الشرطه فوك روسنه اخذو. شهم. التفت عليه وكال
شهم
وصل. ترفه وقمر. للبيت وإذا ماكدرت. خابر عله مهدي يجيهن.
حر تبقه يمهن لحد ما احد. يجيهن وعلي. اذا سمعتك عايفهن ورايح
حر
خلص. شهم شهل كلام ترى مو بس اختك هاي مرتي. روح اني راح أوصلهن. و اخبرهم نجي نطلعك.
شهم
ماشي خويه اعتمد عليك
حر
اباوع على. ترفه ترجف. وكل عقله تريد تروح ويه شهم للمركز. اباوع. عليه راحت ماتت سحبته من ايده. اليه. ماعرف ليش حضنته وكتله
حر
كافي ولج. راح تموتين
ترفه
وهيه مجلبه. بقميص. حر وتبجي.
حر فدوه اخويه. راح يروح بيه واني السبب
حر
اشششش كلشي ماعليه. هسه يرجع.
ترفه
وهيه اتشهك.
لا لا راح ينسجن. ويمكن ستاذ علاء مات
حر
اشش ولج شنو ينسجن هو صاحب حك
وهذا. علاء اذا ما موته شهم اني اموته.
حر
من كتله هيج. ابتعدت عني انتبهت. على نفسه وانو هيه بحضني ومجلبه بيه وكالت. بخجل ماجنت مصورهه هيج تخجل وصير هيج عبالك طماطه
ترفه
لا كافي رحمه لمحمد. ادري ماكو عدكم لغه حوار. كله درب النجف.
حر
هههههه ولج هيه مال حوار. غير. متغزل بعرضنه. يله. امشي خلي اوصلج وانشوف اخوج. المتوحش. شنسوي. ونطلعه
ترفه
علساس. انته. كتلة لطافه ترى شفتك انته ضربته قبل شهم
حر
جا راح. أبوس راسه. غير. متعرض لمرتي ويه بله حجي زايد خلي اوصلكم
قمر
مشكور خويه. هسه نتصل عله واحد من الولد.
حر
ليش انتي منو
قمر
احم. احم. اني بت. عم الشيخ شهم واسمي قمر.
حر
والله والنعم. سمو. الأميرة قمر يله شرفو اني اوصلكم ماله داعي. تتصلون على احد.
ترفه
احس روحي. مختنكه. وعيوني. بس صب. دمع وهل رجفه الي ملكتني. عزززه بعيني بس لا شهم. يصير شي بي
وهذا. ستاذ علاء الي. اخذوه للمستشفى. وإذا. صار عليه شي يعني راح بيه شهم.
