شهم
شيخ طه هذا علاج امي صحته مو تمام
شيخ طه
من تطلع من هذا البيت تصير بخير وتسترد عافيته
فرح سندت امي واني ابااوع عليهم. امي ساكته واني دموعي تجري
خالي باوع عله فرح وكال
شيخ طه
انتي وين عايفه بيت رجلج وجايه
فرح
مالي مكان بهل بيت شيخ طه
خالي ماكال شي غير صفن بمهدي وكاله نسيت انته ابن عساااف وامنتك عله بنتي
اخذو امي وفرح وطلعو واني اصفن بالوجوه
مهدي الي عافنه وطلع البيته
ابو دخل لغرفته
حسين وعباس واحد صافن بوجه الثاني وميعرفون شيسون
غير شهم الي اعصابه بركان ?
مر سبوع عله هل حادثه
امي عايفه تليفونه بالبيت وفرح قافله جهازه
شهم كال لمهدي
شهم
حاچيت فرح امي شلونه
مهدي
لا حجيته ولا اريد احجي وياها. وممنوع احد يجيب طاريه گدامي
شهم
شهل خرط مرتك هاي
مهدي
شهم. الي عندي كلته واذا الي هامك كونه مرتي عادي من الصبح اروح اطلگ. مو بندله
ضلينه صافنين هذا يحجي كل عقله هاي الي علموده راد يسويه الدم للركاب هسه هيج يحجي
وره اقل الشهر مهدي كمل اوراقه وجواز سفر وكال اني طالع لالمانيا اكمل ماجستير
ابوي كلشي ما حاجاه.
شگد ردنه نغير رايه بس قافل. مهدي تحول ١٨٠ درجه مدري شبي
مهدي سافر. وشهم يجيبه اليل ويرجعه اليل صرت ماشوفه
حسين وعباس مدري شبيهم متخبلين
جنت اخلص الوقت وحدي. عبالك منبوذه حته قمر وشمس ما يجن عليه
قمر اخابره عل تحاضير تكلي تعاي يمي نقره ماجي
واني اذا اروح امه ضل بس تسال وتحجي وتزعجني من جيب طاري امي
اني اجاني انذار لازم اداوم گلت الشهم باجر اداوم وصلني
صدگ ثاني يوم رحت للمدرسه
من شفت غضب ماگدر ابقه واگفه رحت عليه
ترفه
هلو
غضب
هله ترفه شلونج
ترفه
الحمد لله اكلج فدوه امي شلونه
غضب
عمه زينه ودائما تسالني عنج بس انتي مادومين
ترفه
صدك والله زين ماقررت ترجع
غضب
عمتي حيل مقهوره من ابوج بس هيه هوايه تحبكم ٢٤ ساعه تحجيلي عنكم
ههههه حته اني صرت احبكم من وراها
ترفه
يروحي فدوه الگلبه امي ميته عله شوفته
غضب
ليش متجين وياي تشوفيه. تره انتي اكثر وحده باله مشغول عليه
ترفه
مادري لازم اگل لابوي وشهم خاف مايرضون يعني انتي تعرفين الوضع
غضب
ماشي كوليلهم ونطلع سوه نزوح لبيتنه
ترفه
كلش ميته عله شوفته وفرح شلونه
غضب
اسكتي هاي سالفته سالفه لا تطلع ولا تحجي ويه احد وحته صارله يومين كلش مريضه ومتقبل تروح للمستشفى
ترفه
ياااا عزه ليش شبيه
غضب
والله مادري.
ترفه
زين هيه تدري مهدي سافر
غضب
شنو سافر وين سافر. كل الي كالته ميسم حسين كايل اله مهدي ميقبل يجيب طاريه او نحجي بيه بس مكالت سافر
ترفه
لم جنطته وترك كلشي وراح
غضب
عززه وشهم شسوه شلون يخلي هيج يترك كلشي ويروح
ترفه
محد كدر يغير قرار وهو مو طفل حتى شهم يجبره عله شي
ترفه
ضلينه اني وغضب الي حسيته متغيره هواي. نحجي عل وضع والي ديصير وراها اجتي قمر. سلمت من وره خشمه عله غضب وكالت يله الدرس بلش
اني ودعت. غضب ورحت للدرس
بس هاي قمر شبيه ليش هيج تتصرف
شهم
فجاة البيت تحول من اجواء عرس وفرح لجحيم وضلام
ابوي سكن الديوان. صرنه نشوفه صدف وضعه ابد ماعجبني اكثر من مره اشوفه ياخذ علاج من اكله شنو هذا يكول سني يوجعني
مهدي عاف البيت وهج وترك عروس وراه ماصار عله عرسهم سبوع
طلعت امي من البيت.
هدمت كلشي ترفه الي ماترضه داوم بس اليوم. الحمد لله وصلته للمدرسه
جنت واگف انتضره تطلع
وطلعت. ههههه غضب هل بلوه مالتي. بس شو هاي مو مثل كل مره. مسودنه چانت هادئه
عله كولتهم تمشي بصف الحايط حبيت استفزه كتله
شهم
ها طلعت النتائج وحضرتج ماداخله وزاري
غضب
شهم شسوي هنانه
شهم
سوالي واضح جنج. كسوله
غضب
لا بله روح اسال على مستوى مهره طه. وشوف شيكلولك
شهم
منو هاي مهره طه
غضب
دنكت راسه وگالت صلاوات على محمد ماتعرف مرتك شسمه
مهره. اسمي مهره
شهم
لا بربج لعد غضب شنو
غضب
هاي من جنت زغير يعني بطفولتي جنت حركه وكحه وعصبيه واسوي مصايب هواي لذالك جانت جديتي كل ماشرفني تگول غضب وين. وين راحت هل غضب
الله غضب علينه ودزلنه هل بينه.
وهيج صار الكل يصيحلي غضب
شهم
اممممم بس بعدج طفله وهم شايله كل وكاحه وصلافه الكون
غضب
عادي
شهم
امي شلونه ليش ماتقبل اترد عله احد
غضب
عمه زينه بس عازله نفسه يعني حاله من حال فرح
شهم
اليوم تروحين يمه واني راح اتصل عليج وسوي نفسج تحجين وياي وراها حاولي تخليه تحجي وياي
غضب
ماشي وعله فكره عمه هواي تحبك
شهم
لا والله ليش مو علساس حب مصلحه
غضب
ههههه لا مو مصلحه اصلا كومه تحجي بيك
شهمً
شتحجي بيه
غضب
عادي امور مختلفه بس تكول انته اقرب واحد اله
شهم
ماشي انتي سوي الي كتلج عليه والله كريم
غضب
ماشي الله كريم إن شاء الله تنحل وترجعون سوه
شهم
ولج شنو هاي ماجاي اعرفج صايره حبايه
غضب
اكول اروح للبيت اشرفلي
شهم
حجته ومشت گدامي. هاي شنو شنو لبسه صدريته طافره وبيه فتحه وگصيفه صحت بيه
شهم
مهرره
غضب
اندارت بستغراب وكالت
ها شهم
شهم
شنو هذا لبسج
غضب
خير شبي
شهم
لا يابه شبي شنو بويه انتي جايه سوين استعراض
غضب
اهووو انته من هل جماعه شوف من يوم الله خلقني لهذا اليوم اني وحر معارك عله لبسي يوم يرد يذبحني يوم يريد يشنقني بس ماغيرته
لذالك لا تجي هسه تتحكم بيه
شهم
لا والله بس اني مو حر اني وضعي مختلف
غضب
شلون يعني
شهم
يعني اذا كتلج غيري لبسج وماقبلتي معناها جاي تعصيني
غضب
واذا عصيتك
شهم
حسب الشرع والقانون انتي مرتي واذا المره عصت امر زوجه تبقه الملائكه تلعن بيه من الصبح اليل ومن الليل لصبح
غضب
وين لگيت هل سالفه انته
شهم
والله هذا شرع الله قابل جايبه من عندي
غضب
صفنت بيه وكالت
ماشي اسمع الكلام بس مستحيل البس عبايه مثل ترفه
شهم
تره محد جبر ترفه تلبس عبايه هيه من كيفه لبست حتى من كيفه لبست الحجاب
بعدينً اني ماكتلج البس عباه انتي بس البسي صديريه طويله وشويه اعرض من هاي
وبله هل فتحات
وهاي اردان وقميصح نزليه
شهم
جنت انزل بردانات قميصه الاخت موصتهن لعكسه حسيته من احجي وياها بلين. ماتعترض وراها گالت
غضب
يله اني هسه اروح
شهم
وين ترحين بعده حر ماجه
غضب
لا حر مو هنانه راح لبغداد عنده شغل
شهم
لعد منوً يجي ياخذج
غضب
منا اصعد تكسي وارح
شهم
باوعتله بطرف عيني وكتله
شهم
اااا لا والله ديله گدامي للسياره تروح بتكسي
غضب
شهم شبيك خليني اروح يمعود مابيه حيل اتاخر واسمع محاضره من امي
شهم
اني اريد اروح اشوف امي واوصلج بطريقي
غضب
صدك والله.
شهم
اي بس ليش هيج فرحتي
غضب
مو خطيه ترفه حيل حابه شوف عمه
شهم
لا ومطوره علاقتج بترفه
غضب
تره ماعدي شي وياها
شهم
اي اي صدكت يله گدامي للسياره
شهم اخذته ورحت كعدنه بالسياره ننتضر گعدته بالصدر
باوعت عليه. جانت واگفه بالشمس خذوده صايره حمره
وهسه يله نتبهت شنو هل حجاب نص شعره طالع
كتله واني ارتب بحجابه وادخل شعره
شهم
وهذا شعرج بعد مايطلع البسي حجاب مثل البشر
شهم
هيه ضلت صافنه عليه ودارت وجهه
وراها اجتي ترفه وقمر
ترفه من سمعت نروح لامي بس ركص ماركصت
قمر
بعد ما راحت عمه فرحه لاهله صار بيت عمي ماله طعم وكلهم يعاركون الهوى
خاصه عباس صاير بركان. بس يريد احد يتعارك وياه
عبالك اني الي مطلعه امه من البيت
ومن ارجع واشوف شمس شلون ذبلانه ومقهوره
تگول يوميه اشوفه هو وميسم گدامي
بحجه يسال عله امه مخلص النهار كله وياها
صرت اكره كل شي يخص خوالهم
زين حسين يدري شمس تحبه ليش هيج يسوي كدامه
صرت حتى بيت عمي ماروحلهم
ادري ترفه حيل تعبانه عله غياب امه. وحتى دوام مجاي داوم.
بس اني اذا اروح البيتهم يعني اتعركت ويه عباس
وامالي خلگه
بس اليوم شهم قفل يريد يروح لبيت خواله يشوف عمه.
واني مجبوره اروح وياهم
خابر ابوي كاله اني وترفه رايحين نتغده بره وقمر ويانه
ابوي مايحجي اذا طلعت وياهم
بس هو جذب. عله ابوي واخذني وياهم لبيت خواله
من وصلنه تلكانه ولد شاب. اسمه حمزه كال لشهم
حمزه
خيرك شسوي هنانه شنو حجتك
شهم
شنو حجتي اني موبحاجه حجه حته اروح للمكان الي يعجبني اطب واطلع بكيفي.
واذا اتريد حجه.
بهذا البيت
امي
ومرتي
ومره اخوي
تريد بعد اعذار وهسه روح سويلي درب اريد اشوف امي وفرح. لان مرتي هاي وياي
قمر
الولد عيونه صارت بگصته بس ماحجه شي وفات جوه. وهذي المسودنه اخذتنه اني وترفه ودخلنه جوه
ليش اجذب اني كلش مشتاقه اشوف عمه اول مادخلنه خطيه عمه كيفت بينه وظلت حاضنه ترفه وتبجي وراها دخل شهم
وهنانه عمتي فقدت عليه عبالك جان بحرب وهسه رجع
عمتي توسلت بشهم يبقي ترفه يمهم تبات بس اليوم
هو گاله بس خلي اخذ اذن ابوي
طلع ماعرف شحجه ويه عمي ورجع
كاله بس اليوم باجر انتي بالبيت الشيخ عساااف مايگدر يفارگ الاثنين
عمتي من سمعت هيج بسرعه غير الموضوع وكالت لطفله يمنه جانت صيحي عمتج فرح
وراها اجتي فرح بس حيل متغيره صايره فلم
وراها اجتي غضب بيده لفه تگمز وكالت لعمتي
غضب
هااااا فروحه شفتي. حبيب گلبج نسيتيني
ام شهم
هههههه ?
شهم
هاي عله امي فروحه
ام شهم
ولكً هيه لابوهه شيخ طه بكبره تكله لولايتي لو تگله حبيبي الصاك
شهم
هههههه لا هاي واگفه شيخ طه ينگاله لولايتي
غضب
تره ابويه وكيفي
ام الشيخ طه
ولج غضب من غضب الله عليج هاي شلابسه بعدين شني ماشايفه اكل انتظري الغده
غضب
خير حجيه يمنه خطار لو بلشت رحمه الله. بعدين شلابسه دشداشه عادي
وكاتلني الجوع. وغداكم توهن يصبن
ام طه
اي بهاي حگج توهن يصبن احنه لازم نصب قبل ماحضرتج تجين بنص ساعه
غضب
لا مو لهل درجه يبرد الاكل واني ماحبه بارد
قمر
جانت بيبيتهم تحجي عليه وهيه تفر بشعر لو سوي حركات بحلكه اباوع عله شهم شلون صافن عليه
لابسه دشداشه قصيره وبيه دلعه وربع ردان. وهيه ما شاء الله موجسم
عله گولت شمس صاروخ ?
وراها تغدينه يمهم. صح بالبدايه ستحيت بس طعم الاكل خرافي
شال المستحه من كملنه غضب كالت
غضب
هاي شنو ترفه شو ما كتيلي عاشت ايدي عل طبخ
ترفه
ههههههه وانتي شوكت طبختي مو جنتي وياي بالمدرسه
غضب
وسفه والله شنو متدرين اني احضر الغده قبل ماروح للمدرسه يعني حوالي الساعه خمسه صبح اگعد اطبخ
ام طه
هجم بيتج يم السان هو انتي سوي استكان چاي والله كريم حايره تركضين وره الخيل والجلاب
شهم
ههههههههههههههعهه هسه الخيل بيه وجهه الجلاب شبيج تركضين وراهن
غضب
خلفله عليج حجيه شنو اركض وره الجلاب. عمي اني عندي جلاب تاكل كلشي شوفه وكدامه انسان حيوان لذالك من اطلع وحدي اخذهن واي
وبما انو اني ماطلع ويه اي بشر اطلع وحدي اكيد اخذ جلابي وياي
وره الغده شربنه جاي وسولفنه ويه عمتي وطلعت اني وشهم وگال لترفه يجي ياخذه باجر من المدرسه
وسلمنه عليهم وطلعنه
من وصلنه بيت عمي عباس جان واگف يم سيارته جنه توه جاي باوع علينه وكال
عباس
لعد ترفه وين
شهم
ضلت يم امي
عباس
جنت يم امي
شهم
اي
عباس
شلونه اخباره
شهم
الحمد لله بس مثل حال ابوك تضحك جذب
عباس
الله يهديهم. ...
قمر صيبلي غده ميت جوع
قمر
ماگدر بعد ارفض واشرد رحت للمطبخ طلعت اكل من المجمده لان ترفه تطبخ بليل خطيه ماكو احد يسوي اكل
حميته وجنت جاي اسوي زلاطه دخل عباس توه طالع من الحمام وكال
عباس
انتي تليفونج وين
قمر
امي اخذته
عباس
ليش
قمر
راح ابلش مراجعه بس هل سبوع نداوم. راح نگعد شهر مراجعه
عباس
اهااا وليش ماتجين مختفيه
قمر
الصبح ويه ترفه بالدوام وبليل نقره سوه وين اجي بعد
عباس
شوكت بليل يمنه شو مادري
قمر
احجي وياها تصال فيديو
عباااس
هاااا گلتيلي فيديو
قمر
اي. انته شلونك اخبارك
عباااس
الحمد لله. تلكين قميص ابيض بغرفتي اغسلي الي وكوي اريد اطلع العصر عندي. حنه مال صديقي
قمر
من شوكت تلبس رسمي بالحنه
عباااس
عاجبني اليوم
قمر
ماشي
قمر
زين ادري بي بس يريدني اگله لا عله شي حته يتعارك وياي وادري بي ماصدگ سالفه امي اخذت تليفوني
لان حضرتي چفصت وگلت احجي اتصال فيديو ويه ترفه
صعدت لغرفته ما شاء الله مهجومه هجمه
رحت غسلت قميصه وجففته كلت خلي شويه شمس تظربه يله اكوي
وگعدت ارتب بغرفته ما شاء الله. ولا قطعه ملابس نظيفة هاي ترفه وين عنه ولو حقه شتلحك عليمن
خليت ملابسه بالغساله ورتبت سريره غيرت الفرشه والمخدات
چنت جاي امسح بالارضيه من دخل صفن عل غرفه
وكال
عباس
مشكوره
قمر
عله شنو
عباس
نظفتي الغرفه
قمر
وشنو الجديد بسالفه تنظيف الغرفه
عباس
هههه صدك ماكو جديد من يوم يومج تنضفين غرفتج
قمر
لا والله
عباس
زيلي الحظر عن رقمي لا اطيح حظج كافي عليه الي اني بي
لا تزودينه علي انتي
قمر
اني ما حا......
عباس
اشششششش بله لغوه تعبان اريد انام
قمر
الئ متى هيج وضعي اني وياك
عباس
شبي وضعنه
قمر
يجي يوم تلگاني مو يمك من وره سلوبك
عباس
من اموت عود الله كريم
قمر
عباس جاي احجي صدك
عباس
اليوم بليل اگعد اني وياج ونسولف. بكلشي ونحط النقاط عل حروف
قمر
ماكدر ابقه لليل
عباس
اتصل بيج حبيبي مو تبقين هنانه
ترفه
جنت نايمه بحضن امي وهيه تلعب بشعري. فجاة دخل خالي اني نهضت
هو سلم عليه وباس راسي.
وكال
شيخ طه
كل الهلا بحبيبه خاله
ترفه
هلا بيك خالي
شيخ طه
اليوم تبقين يمنه ماكو روحه
ترفه
هو اصلا. باقيه حيل مشتاقه لامي
شيخ طه
هذا بيتج حبيبتي
خالي طلع واجتي غضب ترفعلي بحواجبه كتله بهمس
ترفه
خير جبيج.
غضب
اجه حر
ترفه
واذا.
غضب
اخويه يحبج
ترفه
غضب توخرين من يمي لا ارفسج رفس
غضب
شوفي. هسه انتي راح تروحين ويايه نسوي عشه وراح اسولفج شغله
رحت اني وياها للمطبخ صدك جانو يحضرون بالاكل وفرح هم نزلت تحجي ويانه اني جنت كاعده بالكاع اسولف. ويه فرح
جان تكول
غضب
اگولج فرح خابرتي ترفه شفتيه شلون صارت خطيه اليوم بالمدرسه وگعت من طوله واخذوهه للمستشفى
فرح
هااااا
حر
خير شبيه ترفه شصاير وياها. وين فرح خل تخابره
ترفه
اوووو شنو جذبتو الجذبه وصدكتوهه مو هاي اني كلشي مابيه
حر
ترفه انتي هنانه
ترفه
ضل حر صافن عليه بعدين كال مثل واحد مرتبك
حر
هله بيج.
ترفه
شكرا
حر
اني صاعد لغرفتي من يكمل العشه صيحولي
عافنه وراح مثل الشارد واني هجمت عله غضب صدك جديتي ماغلطت من سمته غضب
.............. يتبع
