حسين
جنت بالمستشفى طبيت عله غرفه ابوي لكيت امي غافيه. وهيه كاعده عل كرسي 🪑
وراسه عل سديه ابوي مخلي ايده عله راسه. ويمسح عليه
كتله
حسين
صباح الخير. شيخنا
شيخ عساااف
صباح النور بويه. شلونكم
حسين
احنه بخير. اذا انته بخير
شيخ عساااف
اني بخير بويه بس امك خطيه تعبت طول. اليل كاعده. بويه رجعه للبيت وهم العالم هسه تلتم.
حسين
بويه امي اعرفه ماراح ترضه اتعوفك
شيخ عساف
٣١ سنه امك ماخليت احد يتمعن بيه اتريد هسه انه بيدي اخليه بوسط عل عالم. تاخذه لو اخابر خالك طه
حسين
ههههههه شني بويه تغار عله امي تره راح صير جده
شيخ عساااف
هههههه بويه غيرته الزلمه عله مرته ماتخلص لو صار العمر ١٠٠ ميه عام
حسين
بويه تراضو عاد. تره احنه مو حمل فراككم
شيخ عساااف
بويه هسه اخذ امك للبيت والله كريم.
حسين
يابيت منهن بويه
شيخ عساااف
بيت خالك طه. وشوف مرة اخوك شلونه. خما محتاجه شي
حسين
ان شاء الله بويه
حسين
كعدت امي وحسيته جانت كاعده. من طلبت منه نطلع ماجادلت عكس ماجنت متوقع وصلته للبيت وماحبيت اضغط عليه
شفت فرح وحجيت وياها انطيته مصروف ماقبلت تاخذ كالت ابوي مامقصر وهم شهم انطاني كتله معليه باحد هذا مصروف ابن اخويه قابل منطي الج
وراها رجعت للمستشفى
لكيت العالمً ملتمه يم ابوي ضلينه اني ومحسن وعباس حته بالمستشفى نضيف
والدكتور كل شويه وكال تره ميصير هيج المفروض زياره المريض قصيره
وراها بيومين طلعنه ابوي للبيت
كال الدكتور بعد سبوعين يدخل عمليه ثانيه عنده مرض بمعدته وجان خافي السالفه عنه ويكول عن هاي الادويه الي ياخذه مال اسنان
خبلنه ليش ضم مرضه عنهً شنو غايته ليش هيجً جاي يضحي بصحته
جنت ميت تعب رجعتً من الديوان ب ٣ ونص الضهر لكيت شمس بالمطبخ
كتله
حسين
شمس فدوه مي بارد
شمس
شبيك شكلك تعبان
حسين
تعبان لدرجه مابيه حيل حته امشي
شمس
روح نام تره مو بس انته بالديوان اكو هواي غيرك
حسين
شهم وكع صارله سبوع عله وكفه وحده حته بليل مساهر ويه ابوي وعباس توه طب يرتاح
شمس
وين محسن وابوي. مو اجه قبل شويه كال. اني رايح للديوان
حسين
موكافي حبيبه مو كافي. انطيني هسه مي خلي اشرب وارتاح شويه وارجع بين ما يكعد شهمً خلي ينامله كم ساعه
شمس
مادري حسين بس انته من تتعب هواي تتخربط
حسين
ههه شنو بويه طفل يله. اني رايح وانتي هم لا ضلين وكفه بالمطبخ روحي ارتاحي الدنيا ضهر
شمس
هو. انتضر قمر تجي يم ترفه مكاني واروح للبيت اريد اسبح واغير. ملابسي
حسين
ماشي عيني يله اني رايح
شمس
الله وياك
شمس
كل ماشوف حسيت تعبان لو حزين اني من يمي اتعب ادري يربي شوكت يموت حبه بكلبي زين ادري بي مو الي ويحب غيري ادري شوكت امل وايااس من هل حب
اجتي قمر وره نص ساعه الحمد لله من كملت امتحاناته. عاد تكدر ساعدني هيه وترفه بهل هوسه
صارلهن يومين من كملن امتحانات
بس اني الي متعبني وضع عمي عساااف من سوه العمليه الثانيه احسه. بيه يتعب هواي
شهم يكول طبيعي اثار العمله والبنج
بس اني اشوفه يذبل يوم عن يوم.
لذالك خابرت فرح وكتله تنطيني عمتي اريد احجي وياها
