سأختارك دائمـا وكأنك الوحيد والأُبدي 🤍.
ترفه
كعدت الصبح ب ٦ ونص سبحت وصليت وبدلت ونزلت تريكت اخذني شهم للمدرسه اني وقمر
كال تكملن وتخابرني واكيد انطانه لسته تعليمات ولازم انكون هادئين ونركز ومنستعجل
دخلت الحمد لله الاساله زينه طلعت راجعت الاساله ويه قمر
خابرت شهم كال عدي شغله اخلصه اتاخر عليجن عباس راح يجي
قمر كيفت من سمعت عباس راح يجي
وراها اجه عباس مشعشع مثل العاده يضحك ويصنف
كال انروح لامي
ترفه
امتحانات. خاف نتاخر
عباس
بعد يومين لمتحانجن انسلم ونرجع خطيه فرح هم محد سال عليه
قمر
ماشي نروح وياك
عباس
تروحلج فدوه ذيج المعبسه ولج خاف ماجاوبتي
ترفه
مجاوبه شبيك والله بس تعبانه 😴
عباس
هسه اخلي امي ترزلج رزاله محترمه
ترفه
ليش شمسويه ترزلني
عباس
اكله ماتهتم بينه وبس نايمه ما تقره
ترفه
هاي اني
قمر
والله اكله جذاب
عباس
هاي منو الجذاب
قمر
شوف لاعبالك صرت خطيبتك اصف وياك بكلشي الحق حق
ترفه
ضليت اضحك عله قمر وعباس. شلون يتناكرون يارب يعيشون كل حياتهم سعاده وافرح
اول ما وصلنه استقبلتنه امي بضحه وهيه تكول
ام شهم
هله يمه والله البارحه حلمانه بيكم. هستوني اريد اخابركم
عباس
(انحنه باس راسه وكال)
ان شاء الله حلمج خير يمه
ام شهم
خير ان شاء الله يمه خير
ترفه
امي بوستته وحضنت قمر بقوه وهيه اتكه هل مجنون امانتي الج يمه
دخلنه جوه. فرح مبقيه بغرفه امي
امي مقابله تصعد بغرفه. ضلينه نضحك ونسولف. وراها اجه خالي
سلم وكعد ضب يسال عباس عن احواله وراها كالو الغده جاهز
الصراحه اخذنه الوقت مجنه محسبين اصلا نبقه عل غده
عباس طلع خابر شهم كله خاف تسال مره عمي عله قمر كله اخذته اني وترفه نتغده بره
لان هيه من غير شي مقابله بهل زواج انوب عباس مآخذه لخوالي
رحت للمطبخ اني والبنات اساعدهم جانت مهره هادئه شويه
باركتله عله. نجاحه ههه صارت طالبه اعداديه والي يشوفه يكول عمره ٢٥ سنه
وراها. رحت اجيب المي لان كلشي نقلنه للسفره بقه بس المي
جان يدخل حر للمطبخ صفن بيه ومسح وجهه وراح فتح للثلاجه ولا عبالك اني موجوده شنو مرئيه ومادري بروحي
كبر حته كبر عل اقل سلم
اني هم سويت روحي اخر همي اخذت المي وطلعت رحت كعدت بصف امي وعباس
شو هذا من طب سلم وعبالك مصدوم 😳
والله هل بشر مو صاحي بي شي
كل مارفع راسي الكاه صافن بيه شبيه هذا يالله عيونه مركزه عليه حته مخلاني اعرف اكل
وراها كملنه غده. وشلنه السفره جنت واكفه اني ومهره بالمطبخ جان يدخل كال
حر
شلونج اليوم بالامتحان
ترفه
زينه الحمد لله سهله الاساله
حر
الحمد لله ...... غضب اني رايح لغرفتي. وانتي جيبلي الجاي هناك
مهره
تره عباس كاعد هنانه زحمه تعوفه وتصعد
حر
سوي مثل ماكتلج بسرعه.
ترفه
عادي مهره اصلا احنه هسه رايحين. تدرين فتره امتحانات مو مال. نتاخر جينه نشوف فرح ورايحين
