لا نظرهَ ظلّت لا هلا ، لا كلمه بيني وبينه
مَرينه بيهُم يا حَمد ومحد يمر بينه .??
شهم
الصدمه الي عشته كافيه عليه بغض النضر عن كون البنيه جانت عاجبتني الصراحه
بس بعد الموقف الي صار. حسيت اختياري غلط.
خاصه من كالتلي اني مو حمل اوجه بت الشيخ طه
ههههههه بت الشيخ طه الزعطوطً
الصراحه بقه تصرفه براسي ادري هيه طفله. واكيد هل تصرف ناتج عن شعور التملك مو شغله حب وغيره
بس انتبه جسمه مو مال عمره
لا والبس معقوله. شيخ طه يرضى بته تطلع بهيج. صدريه تريد طك عليه. ورجليه طالعه بيه بفتحه
يعني الصراحه هاي مكتوبه عله اسمي واني هل سوالف ماصرفلي حتى لو ابوهه مايقبل هسه ازوجه واصلا اني مالي اي نيه بهيج مشروع منا السنتين الكالي شي عذر واخلص منه
بس ظلت بالي. يومين اني افكر بيه وراها. حاله حال غيره راحت ونست
بس اليوم مهدي جاي يرتب بغراضه اني بالديوان. ويه ابوي
قابل شروح اسوي بنص النسوان همه ولد عمتهن وياهن اني شكو
حر وصلهن وراح. ماشفت منو اجه.
بس وكت الغذه تغذينه اني وامي وابوي. وحدنه الجماعه بيت مهدي كلهم. وراها ابوي راح ينام جان تكول امي
ام شهم
يمه شفت مرتك
شهم
مرتي منو
ام شهم
يمه البنيه جايه ويه اخته. جان سلمت عليه
شهم
اكول ام شهم ليوين تردين توصلين سولفي من اخير لان كلش مالي نيه لا اشوفه ولا اسمعه.
ام شهم
مالي نيه يمه براحتك.
شهم
زين ادري امي. ماتهون عليه هل طركاعه بت اخوهه بس شسوي اني مالي نفس بيه كارهه وكاره طاريه واحد مثلي وينجبر. عله مره.
امي راحت واني تندمت لان كسرت بخاطرهه كلت خلي اروح اسلم. هو اصلا لازم اسلم. عله مرت مهدي
سمعته تحجي ويه وحده.
ام شهم
اي عمه اكو بس لا توصلين يمهن ذني بس شهم يوصلهن. وهسه هو نايم. جان خليته يوديج.
غضب
لا عمه عادي. هسه اتمشه شويه. بالبستان وارجع
ام شهم
براحتج حبيبتي البيت. بيتج والبستان بستانج
شهم
اخذت. عكازتي. وطلعت. ماشفت منو. الي جانت تحجي ويه امي رحت لبيت. مهدي. بس مهدي وحسين. وفرح واكو بنيه. ماشفت وجه. اكيد هيه هاي بلوه حياتي. المصيبه الوكعت فوك راسي
من سلمت اندارت عليه. وردت السلام بابتسامه.
ضليت صافن بيه حلوه. حلوه حيل مو شلون ماجان. ومبينه هادئه. الصراحه. ضليت اتمعن بيه بين قوسين مانزلت عيني منه وهيه هم احسه بين فتره والثانيه. تبادلني النضرات
بس احنه وضعنه. مو مال هل سوالف واحد يدري بالثاني. ماريده.
بس الي صدمني. ترفه من دخلت وشافتني. صفرت وكالت
ترفه
هااا شهم انته هنانه
شهم
ليش عندج مانع.
ترفه
لا شعدي قابل. اسويلك جاي
شهم
تسلمين. اريد اروح اشوف. حصاني
ترفه
هاااا لا وين رايح ابقه يمنه
شهم
شبيج بابا. شنو ترديني اشوف حماتج المصون( كلته بصوت ناصي ). واني غمز الترفه. حليوه بس مو الي بالي اثني اثني
ترفه
هاااا اي هيه حلوه هواي مو حليوه بس انته وين شفته
شهم
مو هل مكابلتي
ترفه
وينه. ليش غضب هنا
شهم
شسمه ولج.
ترفه
وينه اهنانه شبسرعه رجعت
شهم
شبيج بابا مو هاي البينه كدامج.
ترفه
وينه شبيك شهم هاي فرح وميسم. بت عمه وينه
شهم
هااا ميسم منو ولج صارلي ساعه صافن بالبت
ترفه
صخام الصخمني شهم هاي حسين يريده وحاط عينه عليه طركاعتك يم امي
شهم
طلعت من البيت واني مدخن صدك مدخن اسمع صوت الفرس مالي تصهل. رحت عليه. بعدني باب الاسطبل. وطلعت تركض.
الصدمني. عليه بنيه. الفرس هاي محد يركبه غيري بريه متوحشه. طارت والبنيه عله ضهرهه
اخذت اصحاني الثاني. وطرت وراها.
الحجاب. طار شعرها ليل يسابق اليل. وشاح حرير. وطاير بريح عاصف. الثوب واصل لفوك الركبه وطالع ضيم الله كله.
بنص هل رعب كله وهيه تريد. تصيطر عل فرس. اني صرت قريب عليه.
جريته الي وصرت اني ويها عله نفس الحصان.
مجلب بيه كل قوتي. وكفت الحصان ونزلت سحبته حتى انزله غطتني بشعرهه سطرتني بعطرهه. من رفعت راسي كصتي بكصته
دفعتني.
وندارت وكالت
غضب
ما جان اله داعي تدخلك
شهم
لا والله. ابوي. الي راد. يطير ويه الهوى
غضب
جنت اكدر اسيطر عليه. انته الحطيت روحك
شهم
انتي منو وشلون اخذتي. حصاني.
غضب
مو مهم عجبني واخذته يعني مانكلبت الدنيا
شهم
هيووووو اوكفي وين موليه بهل شكل وين راح حجابج. .... لج مو جاي احجي وياج
شهم
ماعرف منو هاي ولهسه ماشفت خلقته بس حيل استفزتني دايره ضهرهه وتحجي معلك لا والحجاب ماكو مدري وين. وكع.
هيه عافتني ومشت اني جريته من ايده. كل قوتي. الطشت بيه صفنت بعيونه. مو عيون تسببي عربان. شهل شفه شهل خشم. بويه مو مره هاي.
حرت بيه هيه دفعتي وراحت وانه ضليت مثل الصنم. واگف مكاني. الله لا يجذبني فوك النص الساعه. واني دايخ مني هاي
بعدين. صفنت اله. هاي وحده من بيت الشيخ طه اي هاي نفسه الي شفته ذيج النوبه راكبه الحصان.
واله ماكو بت غيره تجرأ تاخذ هيج فرس وتركبه بس منو هاي
اكيد مو طركاعه حياتي. لان هاي ترفه. كالت يم امي.
منهي هاي.
اخذت. الاحصنه ورجعتهن للاسطبل ردت اروح لبيت مهدي. صاحني ابوي. وكال. اجو خطار بالديوان. ومحسن وحده.
رحت ويه ابوي بس كلش موكت شيخ عساااف.
ضليت كاعد وياهم وبالي مو وياهم. كل بالي يم هل مهره الشفته اي مهره هاي مو مره سبحان الخلقه
وره ساعه تقريبا اجه حر. سلم. وماطول بكعدته دقايق. ونهض الجو مشحون منا ابوي الي ماعنده مشكله بحر بس يضل ابن كتال اخوه
ومنا محسن الي ادري بيه هواي ترفه وهسه صارت الحر
من طلعت وياه. جانن كاعدات بالسياره ومهدي واكف ساد الشاشه خرب شرفك هسه هيه هاي وكفه
راحو وكلشي مافهمت وكلشي ماشفت
قمر
من كال عباس لشمس اطلعي وسدي الباب شمس ماحجت شي رغم ماعجبه الوضع.
هو كبل. اندار عليه. وعيونه نار وغضب وحمر. جمر. يخوفن وكال
عباس
لهذا السبب جنتي تنفرين مني.
قمر
هااا
عباس
ليش. هسه يله. حجيتي لييييييش. ( كاله بغضب وحركه وهو يضرب الحايط بيده )
قمر
ماجنت اعرف والله. عباس. وشكلك. يعني
عباس
( من كالت قمر هيج رجع كعد. يمه عل سرير ودكم دشداشته فتحه وهو. مخنوك يجر النفس بصعوبه واكال)
هو شنو الي ماتدرين بي
قمر
شبيك عباس. يعني شمدريني. هيه تحبه هاي قبل فتره موصيه تحجي ويه ميسم كونه طالبه وياها وزينه علاقتهم وهنا بدت تتغبر واخر موقف حجتلي كلشي وهيج عرفت.
واصلا اليوم لوما خفت من حسين ماكتله اصلا هسه امدي اطم روحي عله هل دكه
عباس
سمعتج باذني تكليله احبك ومن شفتيني كلتي شمس
قمر
كل عقلك انته ً
عباس
احجي قمر سولفي اتحبين حسين مو
قمر
هههه ليش شنو متكدر تكول خلصنه خليت هل عذر يله شيخ عباس. مثل ميعجبك الي شوفه هو الصح
عباس
من احجي وياج احجي عدل لا هنا احفرلج كبر
قمر
العندي حجيته عباس. وغير هذا كله اشو احسك هواي هامك الموضوع خير
عباس
( لزمه من فكه كل قوته وهو ينحني عليه. وكال)
شنو الي مايهمني واني اسمع المره الي راح صير مرتي تكول لاخوي احبك
قمر
( من كال هيج نزلت دمعتي واني اذكر من جان يحجي ويه هاي البينه وكتله )
باحلامك.
عباس
شنو الي بحلامي.
قمر
اصير الك. بحلامك. بعدين شنو. لازم عافتك.
عباس
منو هاي الي عافتني
قمر
كافي عوفني وطلع منا عباس سمعتك باذني محد كلي وبعدين وخر ايدك ترى كسرت فكي
عباس
شسمعتي. ( كاله وهو يتلمس خدوده )
قمر
(وخرت ايده ونهضت. )
عباس. ممكن تعوفني وحدي
عباس
ليش. متريدني.
قمر
هههههههههه روح عباس روح. بس بشرفك سوال. وجاوبني بصدق لان حيل ضل براسي. ماعرف ليش.
عباس
( انحنه عليه وهو يبعد خصلات شعرهه وكال )
اي اسالي تدريني اني مالف وادور
قمر
احلا مني
عباس
هيج هامج الموضوع
قمر
يعني الي تغير عباس. وتخلي يديرلي ضهره. واصير عنده اني والماكو سوى لدرجه حتى كوني.بت عمه مايسال عليه.
اكيد. بيه شي مميز
عباس
يعني. شعور صعب. حسيتي بي من جاهلتج. وتغيرت لو. اني مومهم الي ضوجج اكو وحده غيرج
قمر
هههه الي باوع الغيري. بعد مايملي عيني لو ينصب ذهب بس تكدر تكول ارضي غروري كمرءه
عباس
املي عينج وعين عشيرتج غصب عنج. وهل مره سمعت هل كلمه مره ثانيه. احفر كبرج. سمعتي.
وشغله وحده خليه براسج لو اطلع باليوم ويه الف وحده. تاليج انتي مرتي.
وهااا خليه براسج. انتي السببب.
ولا عبالج راح تهمني سالفه حبيتني او لا. ضلين الي
قمر
( من كال هيج احسه ذلني ذله ماله حد ردت ارده اله كتله)
اذا انته عندك عادي. احد يشارركك بيه اني اعذرني ماكدر الي يكون وياي يكون بس اليه.
عباس
( سحبه كل قوته من شعره وضربه راشدي خله اثر بوجهه وهو يحجي بجحيم)
اليوم كلتيه وراح اعديه بمزاجي. مره ثانيه. تودعين الحياة. واعلمج شلون. يشاركني احد بيج
قمر
( اذاني هواي. مو بس كلامه. وحته ضربته من غير شي اني اصلا احس روحي دايخه ضليت. بس دموعي تجري حتى مارديت عليه وهو يعد ويصف اخر شي كتله )
هاهيه عباس. الي تريده
عباس
شنو
قمر
مادري بس خلص. الي تريده.
عباس
لشوكت احبج والمقابل هذا.
قمر
( من كال هيج ماعرف ليش كمت اضحك بهستريه احس الم بداخلي وينه الحب. هذا كتله)
ههههه الله عليك تحبني هيج ( كلته واني اشر عله روحي )
هيج عباس هيج الحب قصدك. تنتقم على ماعرف شنو
عباس
( سحبه الحضنه بقوه وكال )
انتي تجبريني.
قمر
شلون جبرتك تحجي ويه غيري هااا شلون فهمني ماصرت بعينك من اتكله خلص يروحي. الله ياخذ روحك عله هل حب
عباس
اوووووووف اووووف. هيج ماذيج ترديني اموووت
قمر
لا مو تموووت. بس
عباس
مو انتي الي كتيلي اني ماحبك ومريدك. وانته راح تزوجني غصب وماكدر اعترض
الصراحه اني عجبج او لا. وبكل الاحوال مزوجج
لذالك كلت خلي اعيش حياتي واشوف وحده دللني وسمعني كلام حلو وتريحني
قمر
( رجعت تبجي. وهي اسوي )
خاااااين. ليش ياي يوم اني مسويت كلشي تريده ليش. هيج سويت
عباس
هسه هذا شسمه قمر تحبيني لو انجرحت كرامتج لان حاجيت غيرج وضحي
قمر
لا ما احبك.
عباس
( بعده عن صدره وفرك وجه وكال )
خلص يبت الناس لعد من اليوم. حتى سالفه الزواج راح اعوفه. انتي حره. وانتي هم بعد مالج حكم عليه
عباس
اني احب لا مو احب اني هوسي قمر ? بس هيه ابد مو يمي. جنت اكول يجي يوم وغصب عنه. صير يمي
بتعدت عنه. حتى تحس. وحست. هيج تصورته
صار هواي ماشايفه اليوم شفته ذبلانه الورده مالتي ذبلنه وحزن عيونه مليانه
من سمعته وهيه تكول لحسين احبك. احس ضلمت دنياي. صح كملت وكالت شمس. تحبك. صورت كالت هيج لان شافتني
وراها وكعدت من طوله اخذناها. وحسين بصدمته اباوعله شلون صافن بشمس. وراها طلع
من صحت. مرةً عمي نزلت. واني طلعت شمس الي صرت احسه حاقده علينه. مو ذيج شمس الي كل همه. احنه. متغيره كلش.
ضليت. احجي وياها وسولف وصلت بيه مديت ايدي عليه.
بس حسيت بيه. تحبني. وتعاند روحه. كتله خلص انتي حره واني اشوف الحزن بعيونه وكان. سلبت شي من روحه
كلته وطلعت. خليه تحس بخسارتي بس وحق هو علي لو تثالث الدنيا ماعوفه
حر
مرت الايام وعلاقتي. بمريم رجعت طبيعيه وتفقنه. عله شغله زواجي من ترفه. مجرد مساله وقت ولازم. مياثر عله. حبنه مريم ادري بيه حيل تحبني سكتت وقبلت بشروطي
اما ترفه مصيبه حياتي. الي حاير شلون اكمل وياها علاقتي بيه صطحيه وتقريبا شبه معدومه.
صار شهرين يمكن مره لو ثنين حجينه
مرت اتصلت. كالت طالعه ويه حسين اخويه.
الصراحه عحبتني فكره احترمت هيه عله ذمتي. وماطلعت اله بعد ماكتلي
جنت اشوفه. بالمدرسه. من اروح اجيب. غضب
حيل يعجبني التزامه وثكله. بس هيه الحقيره سلام مسلم عليه ولا عبالك واحد يعرف الثاني. تفوت من يمي وتكمل للسايق.
اخر مره شفته من رحت وصلت فرح والبنات. لبيتهم. شفته من بعيد. وماعرف ليش من شفت محسن ابن عمه طلع احس امدي اشرب دمه
ما جاي يتقبل هل فكره عقلي. مرتي والرجال الي يحبه وحاط عينه عليه بنفس المكان.
وراها. رجعت بليل اتصل بيه مترد.
بس باجر حنه. فرح ومهدي. ولازم اذكره. بشغله لان حضرته بالحفلات تنسه روحه
اتصلت بيه ردت ماتاخرت شعجب
حر
الو
ترفه
هلو
حر
شعجب. ردتي بسرعه
ترفه
تريد اسده وضل تتصل وره فتره. افتح خط
حر
.....
ترفه
احجي شردت. اتكلول اكيد مامتصل تسال عليه
حر
لا ماعندي. شي هو. اتصل اسال شلونج.
ترفه
غريبه بس الحمد لله. تسال عليك العافيه
حر
الله يعافيج. باجر تجين لحنه فرح مو
ترفه
اكيد لا
حر
ليش.
ترفه
ترى مو كلش تعجبني الجيه البيتكم وغير هذا كله. باجر هم عدنه حنه يعني اذكرك اني اخت العريس.
حر
ترفه.
ترفه
هااا
حر
انتي. بالمناسبات. الي يمكم هم تلبسين. يعني شسمه مثل ما اجيتي بمهر فرح
ترفه
اكيد ماهو حنه اخويه.
حر
حتى ادفنج غير واحسب الله ماخلقج. استعراض عدج. مشلحه. وطالعه ومحمد اجي اهدم البيت فوك راسج اذا احد لمح ضلج سمعتي ترفه. ادفنج بارضج
ترفه
بعد الاتفاق الي صار بينه بالمستشفى تقريبا هده الوضع بينه. واني ابتعدت عنه وهو احترم هل شي
وعادي مرت الايام. هو اني اصلا شمنتضره من هل زواج بس ماكول. غير. الحمد لله
وراها. جان يوميه. يجي ياخذ غضب. مرات. يغيب كم يوم وراها يجي.
عادي اخر همي اني سلام ما سلم عليه
بس قبل فتره. ردت اروح للسوك. امي كالت. خابرني رجلج كليه. ضليت صافنه ما مستوعبه الفكره شنو يعني لازم. اخذ اذنه. وهو شكو. بس امي قفلت.
كلت والله اذا رفض. صدك اسويه سوده عليه
بس هو مجرد سالني. ويامن. رايحه. وما علق بعد.
وراها شفته من اجه اخذ فرح والبنات ومدري شبي يخزر بايه. يردني ادخل انتبهت محسن واكف.
اكيد. راح يتحسس منه خاصه اني. كتله بيوم يسواك. دخلت جوه. وهمه راحو
اليوم جنت اكلب بتليفوني وتصل عليه رديت. استغربت يسال عني هاي من شوكت.
وراها بلش. بسالته. اني زين اعرف هو يتخبل من سالفه الملابس فرح هواي حجتلي عنه يعني تقريبا. كل. ماتصل بيه لو تحجي وياي.
تخلصه تشرحلي حر وشخصيته. حبيت استفززه
بس هو طوخ هواي يعني شمتخيل. اطلع بفستان مدلع كدامكم لو شنو. هو جان يهدد كتله
ترفه
والله اعله مابخيلك اركبه. شوفني شلون تجي وتدفني
حر
من عيوني باجر جاي واريد اشوف بت ابوها. تطلع بهيج لبس ومكياج
ترفه
ماتكدر شنو نسيت انته منو. ترى انته نسيب بالاجبار.
حر
يعني انتي عبالج هل سالفه توكفني لو. ادرت اجي
ترفه
توكفك ونص
حر
خلص اريد اشوف باحر شلون ما اشوفج وكدام الكل. لو اكلهم. صيحوليي مرتي. بعد شتردين
ترفه
اي سويه بله خلي اشوف. بطولاتك
حر
ليش تريدين هسه اجي واعلمج البطولات
ترفه
شو بله شوفني
ترفه
من كتله هيج نفصل الخط. هههههههه اكيد سده بوجهي. يريد يجي الافندي وهو كله تريد بس تشرب دمه
