قمر
جنت كاعده اراجع واجتني شمس كالت عباس خابرني يكول خلي تحضر روحه اوديه للمحاضره
صفنت اني ماعدي محاضرات اكيد عده شي كمت لبست عباتي واخذت كتاب هيج كلاوات حته امي ماشك
طلعت. لكيته كاعد بالسياره بس عباس مو عباس مفول
صعدت كتله
قمر
هلا عباس شنو الفلم اليوم ماعدي محاضرات
عباس
شوكت جانت تكليلي عله سالفه الخطبه من تزوجين
قمر
يخاطبه ياعرس شبيك مو علساس وره السادس
عباس
لا تخليني اتخبل ابن خالتج خاطبج لو لا
قمر
شوكت هل حجي شو اني مادري
عباس
😒😒شنو ماتدرين ابوج اجه حاجه ابوي ياخذ
رايه ينطي لو لا
قمر
وانته ليش ضايج
عباس
هااا المفروض اكيف جاي يخطبونج
قمر
هههههههههههههه ليش يعني مثلا هو اكو احد يكدر ياخذني منك لو وحده بايعه روحه تاخذك مني شبيك عباس انته المفروض تضحك عليهم اني مالتك وانته مالتي نقطه راس سطر
عباس
قمر اني احبج بجنون تعرفين شنو يعني بجنون يعني اذا احد مجرد فكر بيج مجرد فكره اني انجن قمر انتي عالمي ودنياي ونفس الي يصعد وينزل
قمر
خلص حبييي اني الك وانته الي شكو ضايج ياعيني
عباس
ماكدرت اسكت
قمر
ليش شسويت عزززه
عباس
كلشي ماسويت بس كتلهم الي يقترب منه دمه مهدور
قمر
عباس انته متاكد محد يكدر ياخذني منك ليش شسوي هل حركات
عباس
هههه حقج. انتي مو مكاني. صدكيني لو احد كايلج عباس. راح يصير لغيرج جان نار الي بكلبي هسه نفسه بكلبج
قمر
اني اختلف الموضوع يمكن يمي شغله حب 🧡 وانته واعدني بس انته. لا انته شخص ميهمك اي شي حته لو مهما كان انته مقرر اني الك وخلص
عباس
تمام. روحي هسه كملي دروسج
قمر
مادري ليش حسيت عباس فجاة سكت وتغير بي شي مو حجيت وياه بس اني ماغلطت بشي حرفيا هو هذا عباس ليش ضاج من كلامي.
وراها رجعت اقره وهو راح
اجه ابويه وحجه ويه امي وكاله انطيت قمر لعباس يعني اصلا حته ماسالني
وامي تخبلت تريدني لابن اخته الهدان والله لو يموت ماخده
واني كلت لامي لو يضل بس ابن اختج هم ماخذه
ترفه
وصلني حسين لبيت خالي طه كعدت شويه ويه البنات بعدين طلعنه بالحديقه امي تسالني عن وضع البيت وجرجر مني حجي اخر شي كالت ابوج شلونه
ترفه
مادري لو اشوفه وكت الاكل لو ما يجي
ام شهم
شلون يعني
ترفه
يمه جنه زوج عليج بالسر وجاي يكضي وكت وياها
ام شهمً
طاح حضج بس
ترفه
هو خطيه سنه🦷 موته هواي يشربله علاج
ام شهم
ولا مره شكه من سنه
ترفه
مادري بعد
ام شهم
انتي شلون دروسج اريدج ترفعين راسي.
ترفه
الحمدلله جاي اروح وارجع لمحاضراتي واقره ومابيه بس هل شهر ونمتحن
ضلينه نسولف تقريبا ساعين بقيت يمهم وخابرني شهم كال خطار يمنه راح اجيج
سولفت لامي عله عباس وقمر
كالت
ام شهم
اني ادري بي من البدايه عاشگه يوم الي ربج يفتح عيون حسين
ترفه
اليوم جان حاير بزمانه وروحه طالعه
ام شهم
يريده بس مايدري بروحه
ترفه
والله يمه مادري
