مثل مكتلكم هاي الروايه راح ارجع انزله هنانه
واريد منكم تفاعل قوي
لان اعرف الاغلبيه جانو كلش حابين هاي الروايه
ومتونسين بيه
لذالك اريد الكل يصوت والكل يعلق. سولي شويه حماس
قراء ممتعه
تابعو الحساب حته تجيكم باقي الشعارات
وهمات تابعو قناة التلي وحساب الانستا
https://t.me/zahraarzaq(قناةالتلي)
حساب الانستغرام z.r.k99
رايح كون الشر يوميه بليل ساعه ١١ اذا الله راد منا لحد متخلص متاحاناتي
باااااااي ادعولي
مره نعشك مره ننعشك بس مو كل نثنين عشگو بعض صارو سوى
ولا كلمن حبت اخذت حبيبه
ولا كلمن. حب صارت اله
الحب محتاج زلم.
الحب محتاج مرة مات كلبه لكل الزلم بس ينبض باسم واحد.
الحب يحتاج. حر مو مملوك حتى لو وعد يوفي لو جان صاحب الوعد عدو.
حبه وحبته. وعدته الغيره مصير مره
وعده. لو دمه الثمن مايتركه
صافي جان الجو وعشگو عشك احرار.
بصراوي والعشگ
شدو روسكم.
وحضرو السلاح. وخل تنصب شيوخكم جوادهره.
لو الي حرمه صير لو الدم للركاب يصير.
رافض بنتك تصير حرمه لأخوي. والسبب دم بيني وبينك
خل ينفتح بحر دم ثاني لعد وخلي دمي الي يسيل وارد الفصل بنتك لأخوي. لأخذه فصليه
بحضرة ابوي. والمضيف مضيفه وابن ابوي الي صرح حكمه وكال لو هيه الك لو يحرم هل دم وخلي يصير مي
ابن هذا الي مضحي بدمه
ابوي هذا الي كال بري منك لو طبت بنت چتال اخوي. جنه الي.
حاير وافكر. ياهو ارضي ياهو ارفض
واسمع ابن ابوي يكول
جنه ام الشيوخ مو بعينك ام الشهم. اخت چتال اخوك.
لو عشگ اخوي. لو. ذبو عكلكم والبسو الشيله بدله
مو زلم. وننحسب عل زلم اذا. عشگ اخوي لغيره يصير.
ليل لتنامه امه. لا الله الا الله. مانمته.
حر وعشك. بت چتال عمه
شيخ والي بضهر اخوه الي يعادل الف رجال
يصدح ويصيح دمي يفداك مو زلم. وعشگنه يضيع منه
مهدي
ساهر مثل كل ليالي الي مضت من عرفت. فرح بنت شيخ. طه. يعني بنت خالي الي ماشفته من شفت الضوه. ولا اعرف غير هو چتال عمي.
كبرت واني اسمع. خالك كتل عمك والفصل چانت امك.
من دون كل خلك الله العشگه گلبي. بنت عدوي.
چنت اسهر كل ليلي. واني احجي لأخوي شهم. عن حبي لهل طيره
اي چنه طيره. مو بت.
نسمه ريح جانت من تمر من يمي.
ولد شيوخ جنه وعشگنه
وبقاموسنه الشيخ لو عشگ ياخذه لو بدم
وهيه بنت شيوخ مو من شيمه توكف بوجهم وتكول. اريد فلان.
شلون لو جان فلان ابن العدو.
ساهر. واني اعد نجوم. دمعته شهگته. حركت كلبه. وهيه تكلي. وحق الي رفع سبعه بسته. خلي يكتلوني ولا لغيرك اصير
سمعت صوت السياره. چنت. مدد بالسطح
هذا شهم. محزم بسلاحه وطلع. بسرعه برق
شهم اخوي الجبير. بس من غير ام. شهم ابن الجبيره بس امه متوفيه قبل ما ابوي يزوج امي
وجانت امي عادله بينه. جان عمره اشهر من ابوي ازوج امي. لذالك امي مرضعته ويانه.
عنده امي تسوه. العشيره بكبره
مره سمعته يكل لمرت عمي احركه بجهنم الي يكول عن امي فصليه.
شهم جان. خط الدفاع الأحمر بين العالم وامي
حتى جديتي ماجانت تكدر تكله لا رغم جانت عداوته ويه امي شي عجيب.
بس لليوم مافهمت العلاقه بين امي وابوي.
ويكمن ماراح افهمه
مكان ثاني.
مضيف هيبته. سابقته تلث شيوخ كاعده ولدهم. وأحفادهم يصف شهم سيارته. كدام مضيفهم وينزل.
محزم بسلاحه. وبيه عكازه
شاب ثلاثني بس هاي العكازه ارث من جده الشيخ مهدي. أناطها اياه من جان عمره ١٢ سنه.
هل شهم محد يعرفه بهل مضيف بس مبين من رسومه. والشبه البينه وبين اهله مبين. من احفاد. الشيخ مهدي. وكف بنص المضيف وكال
شهم
السلام عليكم
الكل / بستغراب
وعليكم السلام ورحمه الله وبركاته
شيخ طه ( رجال جبير ومبين رجل محترم)
هل بالضيف ياهو انته
شهم
مو ضيف اني صاحب بيت.
حر / ابن شيخ طه
كل الهلا بيك يل ضيف. ياهو انته
شهم
كلت صاحب بيت اني يبن الخال
من كال هيج الكل كام وكف الشك. الي جان بداخلهم. تاكدو منه وكله سحبت سلاح
اما شهم تربع وكعد كدام شيخ طه الي جان كاعد بمكانه حط عينه بعين. الشيخ طه وكال.
شهم
شهم الشيخ شهم هذا اني. يل خال. اخت الشيخ طه الضاهر غلطت من كالت الضيف عدكم عزيز
شيخ طه
ماتغلط اخت الشيخ طه. نزلو سلاحكم
حر
بس بويه.......
شهم
نزله لا براسك أفرغه. وأنسى وصيت امي.
شيخ طه
كض السانك لا اكصه شيخ شهم انته بمضيفي
شهم
حشى والله صوت فوك صوتي يعلي بس خال. وتمون
شيخ طه
شجابك وبيني وبينك بحر دم
شهم
جفً بحر دمك. وجففته بحر دمي. الراح منك راح مني. ماكلك سامح وآنسه اني لو المهدور دم اخوي اكطع نسل بس صرت اليوم خال
شيخ طه
تزيد النار تراك وتشمر عليه الماي
شهم
طبتي لديوانك. دون رضات ابوي وعمامي. تساهل حرك كونه وغركه بغضب والكون مني الممنون
شيخ طه
شنهي طلبتك يبن اختي. مكضيه إنشاء الله
شهم
معروفه بالعربان لو راد الرجال يخطب عمه بيمنه وخال عله يساره
شيخ طه
المطلوب
شهم
ابن اختك. يريد يكمل دينه. وكصدتكً يل خال الي هاويه ابن اختك غيرك مايجيبه اله. شوفني الخال شيكول.
شيخ طه.
كبل ماكلك. راييي اختي شنهي خبره
شهم
الي دزتني عليك ام الشيخ شهم. وتكول العشكه ابني. منك تريده
شيخ طه
كله أبشري. چنه الج صارت.
نهض شهم وبيده عكازته وكال.
شهم
كفووو منك يل خال
حر
هل مره دخلت هل ديوان. وراح تطلع سالم مرت الاخره راسك يطلع كدامك
شهم
جدي يكول. مايعلي صوته غير الفارغ. نصي حسك ابن الخال. وخليك مليان.
وهل ديوان الي طبه اخره اله.
وحطه بالك ديوانك يدخله عدو وصديچ. المراجل مو تهوبز بالفعل تنقاس
اودعناكم. يل خال
شهم جان يضغط على الشيخ طه بكلمات. اختك كاصدك بس عندك شغلتي مكضيه
طبعا شيخ طه ماعرف الي جاي شهم يخطبه هيه بنته مو وحده ثانيه
واصلا مو الشهم.
وأنطله كلمه. انو صارت اله
من رجع شهم للبيت جان كل اخوته. بحاله إنذار شهم حكيم عادل بس بركان وطلعتته بهل وكت ومخاليه
ومن سمع اخوه الصغير عباس.
سمعه يحجي هو وأمه
ام شهم
لا يمه كلامك غلط مايصير شنهي تريد تعيد امجاد الماضي شنهي تثيرهم ويكتلونك وتاخذ بنتهم فصليه
ولو كلنه صار الي بالك شمدريك الي تنعطي فصليه هيه فرح
وشنهي الي يثبت. شيخ طه يضحي بنته فصليه.
ليومي هذا اذكر. من ابوي كال فرحه تروح فصليه. جر سلاحه وكال دم ابنهم بدمي اختي ماتروح فصليه
شهم
الحل يمه مهدي. راح يروح من ايدي.
ام شهم
شيخ طه اخوي ابن امي وابوي واعرفه. يأثر بيه الكلام وانته ماشاء الله تتلاعب بالكلام مثل الي يسل خرزات سبحته.
شيخ طه حيييل جان بعزني وهل سمه بنته فرح. عله اسمي
روح يمه. لمضيف وطلبه منه وكال خال والدزتني امي
شهم
وابوي. شلي يرضي ويخلي يروح يطلبه
ام شهم
عوفه عليه وان ماكدرت عليه هذا حصتك
شهم
عد عيناج ام شهم. ما اسمه شيخ شهم اني ما جبته بثوب ابيض لأخوي.
عباس نقل كل هل كلام لإخوته ( مهدي حسين )من دخل شهم بسيارته. ركضو اخوته ولد عمه بتجاها.
حسين
هااا يخوي ليش هيج تنشف دمنه عليك كول. مره وحده وين رايح
عباس
ترى وراك حزام زلم ليش هيج يخوي تروح وحيدك. شنهي مانه بعينك
مهدي
لو صايرلك شي شكول
شهم
شتكول غير تحرك بهاتهم
محسن
ههههخههخخخ كول يبن عمي. جبته الصيده لو نطلع نصيد سوى
شهم
وسفه. والله شيخ شهم. ودخل بيه عيب عليه ماتنصاد
مهدي
شلون يعني
شهم
الجمعه بعد اذان الضهر. كل شيخ موجود بكاع العرب سمعنه باسمه حتى لو بالغلط اريده معزوم بمضيف ابوي.
والغايه خطبه بنت الشيخ طه لابن الشيخ. عساف.
بس ديرو بالكم. احد يعرف. بهل سالفه إلغايه خطبه للشيخ مهدي. ياهمه اهل البت محد يدري
مهدي
مو ليالي الي تمر لا هاي سنين. شنهي شيصبرني الجمعه واليوم. ثلاثاء.
خابرت فرح وكتله بس حذرته. ماتكول لاحد. خطيه هيه كون الله الوسيع مالم فرحته
مكان ثاني
.........
غظب يغظب ولج مو احاجيج
فرح
جده تريده هل بلوه ترد عليج مدري شبيه صارله فوك الربع ساعه فاصله
غضب
وحق الي اسمه الله هل نذل الي مظيف ابوي لوجانت نيته عاطله لهدر دمه
فرح
ليش ياهو الي مضيف ابوي
غضب
سمعت صوت سلاح وجرته. جنه راجعه من بيت عمي. وكل الي سمعته ابن الشيخ عساف. بمضيف ابوي
الجده
يمه ابن الغاليه يمه هذا ألبي ريحه فرحه. دخيلك يا سبع النجف كون سالم غانم يرد
فرح
من سمعت ابن الشيخ عساف بمضيف ابوي. احس الدم. وگف بعروكي. هذا ابن گلبي هذا عشگ سنين
هذا روحي الي بجوفي دون ماحس كلت
فرح
شيخ مهدي
الجده
يا يمه يحفضه المهدي كون بجاه محمد وال محمد شجابه بهل ليل لمضيف ابوج
بهل اثناء دخل ابن عمي جعفوري عمره ١٢ سنه كالتله جديتي
الجده
حبيب جعفر يمه ياهو الضيف
جعفر
ابن العدو
الجده
لا يمه مايصير الدم مايصير ماي هذا لحمك ودمك
جعفر
شيخ حر. كاله لو ما بديواني جان سيحت دمك
غضب
ليش جاي شعنده
جعفر
عاشگله وحده وطلبه من عمي طه
جده
شنهي.
غضب
چا وين اهله وعمامه شنهي جنهم مو كفو يخطبون لابنهم
الجده
ولج تسكتي غضب الله. عليج تعال جده شنهي. الي كاله الولد.
جعفر
كال ( امي كالت شغلتك خالك يگضيه )
غضب
من جانه مو گد العشك. شجابه لدرب العشك. وهسه داخل مضيف عدوه يريد منه يخطبله
جديتي صفنت عليه وكالت.
الجده
فرحه هم سامعه شلون شكله الشيخ مهدي
فرح
جده يكولون يشبه امه.
الجده
إنشاء الله خير
اني كل ضني الي بلمضيف مهدي وره ساعه دخل ابوي واخوي حر. تلكته جديتي وكالت بلهفه
الجده
يمه وليد اختك
شيخ طه
سالم رد لامه
الجده
يمه هذا لحمك ودمك امه ضحت بروحه لاجلك طب مضيفك وانته كتال عمه ....
الشيخ طه
شنهي الفلم يمه شني ماعرف الأصول. كتله مكظيه شغلتك وكتله. الجمعه. انروح نخطبلك. وهل لخاطر امه راح اگعد اني وعساف. بنفس المكان شسوي بعد
ام حر
وليش گصدك من دون الكل.
شيخ طه
والله يم حر هو ماكاصدني هل شهم. جاي بوصيه امه مو بشوره.
الجده
كالو اسمه مهدي
شيخ طه
لا. حط عينه بعيني وكال شهم اني الشيخ شهم.
الجده
وشراح سوي
شيخ طه
كتله مكظيه هم. راح تنحسب نقطه الي. يحضره شيخ عساف واني الي اخطب لابنه
فرح
من حجيت ويه مهدي فهمني كلشي بس چنت حيل خايفه من القادم شهم. يعتبر غش ابوي. بكلامه وماعرف شراح يصير بهل حاله اخذ كلمته من بالغدر هيج راح يعتبره ابو ي.
ضليت الوب. مثل سمجه الي طلعوهه من المي.
خلصت روحي لبين ماجه يوم الجمعه. البيت جان هوسه وماجنت اكدر احجي مهدي وافهم منه شصار لان حتى ابوه ماراضي عل هل خطبه.
بس الصبح دز رساله كاتب بيه ( اليوم ملكي صيرين. وعدتج وعد حر وهل اليوم اوفي لو بدمي)
من كلشي خايفه. مهدي مستعد يموت ولا لغيره اصير. الف مره يكلي يلمني التراب ولا غيري يلمچ
واني من خلصت الجامعه سمعت امي وعمتي يحجن جنهن يردن. يزوجني لابن عمتي
اهنانه تخبلت
ورب محمد خليهم يكتلوني ولا لغيره اصير.
مهدي
ابوي من سمع. شهم رايح لبيت شيخ طه. گامت الدنيا عنده وماگعدت حار شيحجي شيسوي وهواي ثكل بالكلام وبحضور امي
انتبهت على امي دمعه بطرف عينه
وعافت الكل وطلعت.
شهم احسه مورث. بس مايكدر يحجي حسين كاله
حسين
بويه اعتبره كسره خشم اله وأخذ بنته
شيخ عساف
محد كسر خشمي غير هل طالع من صلبيً
شهم
حشى عل شيخ شهم يكسر ضهرك. تراك ربيت زلم. مو ولد الشيخ عساف الي يأخذون حگهم منهم. بنت طه حك ابنك ولزوم الحك ينخاذ
شيخ عساف
اكسر عصاته من العشيره ومآخذه اله
شهم
وهم اكسر عصاتي وياك
شيخ عساف
تعاندني يل شهم تلزمني من ايدي لتوجعني
شهم
حشى بس بويه الحك حك.
حتد النقاش. كل واحد يحجي شكل. الشيخ عساف عافهم وطلع. لاحظ مرته ماكو.
دخل للغرفه حتى يفرغ غضبه بيه لان عرف هيه الي دزت شهم
مألكاها عرف وين يلكاها.
طلع جانت الدنيه. غروب. لگاها كاعده عله جرف الشط. كال بغضب
شيخ عساف
صارو ولدچ بطولجً بس انتي كبر عمر بلايه عگل
فرحه
مشكور شيخ
شيخ عساف
غصبا ماعليج كسبتني چانت بيج لو رايح شهم من ايدي
فرحه
عمر الفصليه ماكانت مكسب لأخذه. شيخ. تامر امر مهدي ماراح يأخذ. بنت اخوي وشهم وحسين وعباس اعتبرهم اخرسو وحس بعد الهم ماينسمع.
وهل فصليه الي صارله ٣٠ سنه وياك كافي حرره الابن الي ينهي بحر الدم. صار اربعه مو واحد.
لهنا وخلص حررني. شيخ من عبوديتك
شيخ عساف
فرحه شتكولين انتي شهل حجي
فرحه
صح بنت الشيوخ اني بنت الحسب والنسب. الأصل والفصل. بس اني بيتك خدامه. خلك فصليه.
اذكرك. هاي اول كلمه كلته الي.
وراح ظل للكبر وياي. صح. بطلت تكوله. بس فعلك يكوله.
شيخ عساف
اني...
فرحه
عاذرتك اني اخت كتال اخوك. وماتجوز عل ميت غير الرحمه. ماريد اجيب طاريه. بس لهنا وكافي.
عافته عله جرف الشط ورجعت اول مادخلت نهضو كل ولده. جان الشيخ عساف وراها شهم قبل ميشوف ابوه كال
شهم
هاااا يمه بشر ي
فرحه
مو امك اني. تذكر هل كلمه. اني ام لاربعه مهدي وعباس وحسين وترفه.
شهم
ام شهم شهل حجي
فرحه
ماثنيه چلمتي. يبن الشيخ عساف. مانك ابني
عباس
يمي شهل حچي
فرحه
اني بنت الشيخ. عامر من اليوم. ماني الفصليه.
شهم
يمه اكص السانه الي يكول عنج فصليه. يمه هدي ترى ابوي ساعه غضب وحجه الي حجاه
فرحه
ابوك صاحب حك ي شهم. عمك حاول يعتدي على عرض. اخت الشيخ طه. وانطاه الشيخ طه حكه وجيله جان ولو مايستحكه نكس ايده بدم قذر
شيخ عساف
فرحه لا تتبلين عل موته
فرحه
شيخ عساف. ضلمكم وضلم عاداتكم وتقاليدكم. خله المضلومه صير ضحيه فوك الضلم.
گبلك شيخ عامر ضحه بيه. فصليه ولا ينكال. احد تجاوز حده عله بنته. فصل بنته. واني انجبرت اسكت. بحجه اخوج يروح دمه.
هذا الي صار من ٣٠ سنه
بس لهنا حدك. شيخ عساف. ضلمك كفاني.
وانتو اسمعو. مره من بين شيخ طه لهل جحيم ماتدخل بعد.
صح مهدي عاشگ بس ضالم مثل ابوه.
صح ي مهدي انته ابني. بس لهنا وكافي ضلم. بنت شيخ طه. حلم بليس بالجنه طب بيتك
اني. من صباح الله راده لبيت. اخوي
شيخ عساف
وان جانت ماراضي. حط طلقه براسي. كل عمرك تهددني بهل طلقه هسه. حطه چنه اجه وكته
كالته وطلعت. شيخ عساف من صدمته كعد لان زين يعرف فرحه ماجذب يعني الي كالته صح
يعني فوك ما راد اخوه يصخمه انطووهه فصليه. جان مستند عله عكازته. ومدنك راسه.
مهدي كال
مهدي
هههههههههه هاي تاليه. يعني أنهجم بيتك شيخ عساف ترى اذا طلعت امي حفنة تراب مايسوه
رده بقوة وجبروتك اذا كدرت. اليوم الي صدرت حكمه بت شيوخ. مو فصليتك
عباس
انته شجاي تخربط ولك شني هيه. مراهقين وتروح. كل عقلكم ولكم. الهم ٣٠ سنه
ترفه
حقه تروح. وضلم منه نجبره تبقه أبوي بعمره ماتحرمه. وصدكوني لو جان شهم الي رايد. هل بنيه جان ابوي حرك كونه وجابه بس مهدي ابن الفصليه
شيخ عسااااف
تررررفه حسج
شهم
لا خويه كلنه ولد الشيخ عساف وأمنه فرحه ماكو فرق.
ترفه
هههه يله هسه احنه شريد. على كلنه. هاي اني اصغر وحده بيكم صار عمري ١٨ سنه يعني ماعدنه بحاجة مربيه.
خله تروح بويه
وأخذ عشك سنينك تزوج بنت عمك.
من كالت ترفه هيج ضربه شيخ عساف راشدي. وكال
شيخ عساف
الضاهر بنت الشيوخ ماعرفت تربيج
شهم
بويه هدي بعده جاهل.
شيخ عساف
لا حشى هاي قله أدب. شمعرفج اني شبي كلبي. شدراج اني مخلي امج هنا علمود. تربيكم. هاااا لو هم اصدري حكم. حالج حال اخوتج وامج وهم بوجهي كولي ضالم.
ترفه
بويه. انييي ...
شيخ عساف
اشششششش ماريد اسمع حس لاحد
صارت نص ليل وشيخ عساف. خارج بيته. شهم دك باب غرفه امه. ودخل جانت كاعده عل سجاده. خله راسه بحضنه ونزلت دمعته وكال
شهم
حيل تاذيني. يمه كلمه انته مو ابني.
فرحه.
بجت بحركه وگالت
جا لعد اني الي مايحرك كلبي من يكلي هذا لو وأحد من ولدج جان مادزيتي.
شهم
شني يمه. اني ماعرف معزتي عندج ترى اني ادري اني اعز من هل اربع مخابيل.
فرحه
هههه اووف يايمه. أمانتي يمك ترفه يمه. هاي دم فاير مثلك. بس يمه لا تخلي احد ياذيه
شهم
يمه ستهدي بالرحمان وعوفي هل سالفه. چا لو طلعتي اني هم الم غراضي والحگج احس شيخ طه حبني.
فرحه
چا تريد شيخ عساف يموووت.
شهم
احسه حيل يحبج يمه
فرحه
جنك نعست. يمه كوم نام
شهم
هل كايم انام بس من هسه اگلج هل شارب مو علي اذا خلاج تروحين لو يدري مو يعتذر لو مو يروح يخطب لمهدي برجلينه وكولي شهم ما كال
بعد يوم
