كلش حلوه بس ما اعرف شگد
من ضحكة عيونچ گلبي يبرد
و من شامة رگبتچ و الكحل ذاك
-احب الليل چي من لونها اسوّد ،🖤
فرح
بعد اجه الكل اخذ عمتي وراح بقه البيت فارغ جنت كاعده وياهم وصافنه بالوجوه وينه مهدي الي جنت اتباهه بحبي اله
عافني بمهب ريح اذكر مره جنت اني وياه كاعدين بمكتبت الكليه بعد ماعرفت هو منو وابن منو واني منو وياهو ابوي جانت الدنيا ضلمه بعيني
كتله
فرح
لهنا حدنه مهدي سالفه مترهم بعد اني بت كتال عمك مستحيل اهلك يرضون بيه
ولا تنسه ابوي مستحيل ينطيني الك. لاتنسى ابوك أخذ اخته فصليه
مهدي
شوفي لج كلام فارغ ماريد واعذار واهنه بطليه تردين تعوفيني كولي من الاخير ماريدك وخصمي الموضوع لا ضلين تمسلتين
فرح
مهدي انتي تسمع روحك شسولف اكلك بيني وبينك دم اريدك وماريدك شنو
مهدي
ي وهسه شنو تردين تزوجين جايج عريس لو شايفتلج شايفه
فرح
مهدي الي ينكال هذا الكلام. اني الي ينكال شتيفتلج شايفه
مهدي
اسمعي يبت الناس اني شيخ مهدي ابن شيخ عساااف وراي قبيله بكبرهه عرب كامله يعني لو حبيت وعشگ مو اني الي ينكاله لا. اذا تكولينه بيني وبينك دم.
تره لاجلچ افتح بحر دم. اني مشتريج بروح بابا شنو ابوج شنو ابوي.
ذالك مو هل لحضه لو تكولين اني ويًاك للموت لو تكولين اني مو كد حبك وشوف دربك
فرح
بذيج اللحضه فرحت لان هيج انسان يحبني وبنفس اللحضه خفت عليه. ابوي مستحيل يقبل بي مستحيل ينطي مره لبيت الشيخ عساف
واكيد راح ياذي لو مو ابن اخته. ابوي يعتبرهم اعداء اخذو منه اخته باطل
خفت عليه قبل ما خاف عله روحي
لذالك كتله
فرح
صح انته تحبني. ونعم منك وادري بيك ماتضحك عليه بس اني مو حمل هيج علاقه. ماكدر اوكف بوجه اي احد واكول اريده مستحيل اسويه يعني راح تحارب وحدك
مهدي
مو مشكله احارب وحدي بس كون انتي الي.
فرح
بس اذا جبرني ابوي وكال ازوجي
مهدي
كولي لا شنو مو لهل درجه لا جيبيني بالطاري بس كولي لا
فرح
اسفه مهدي اني مو بهل شجاعه الي انته متخيله يعني اني ما كدر اكول لا للشيخ طه
مهدي
يعني بعتيني يبت الشيخ طه
فرح
تره ضرفنه صعب 😞 وعلاقتنه مستحيله. واني بنيه الى متى اضل انتضر لازم ازوج وافتح بيت واكون عائله
جنت احجي وياه هل كلمات واني اشوف كل شبر بيه كام يفور دمراته نطت حسيته راح يقتلني خلاص عيونه جانت تجدح نار
جنت احجي وياه واني بداخلي اسوي والله لو يگطعونيً الف قطعه ما صير لغيرك مره
بس اني جنت خايفه عليه من ابوي وعمامي وحته اهله. يقتلونه وماياخذون بت كتال اخوهم اله
گلت كلامي وعفته وطلعت واني احس روحي عفته يمه ثاني يوم رحت للجامعه وحاولت ابين الموضوع طبعي وشنو يعني فرح ومهدي انفصلو
بس اني اليل كله ابجي 😭 عيوني صايره عبالك عيون مدمنين مخدرات
شفته واكف باب القسم ويه جماعته يضحك ويسولف ولاعبالك هذا الي جان يريد يذبح ويجلد علمودي
رحت كعدت بالقاعه انتضر الدكتور كاعده وحدي جني بومه نزلت دمعتي مسحته بسرعه وفتحت ملزمتي ارجع عود بس اني كل شويه نازله دمعه عل كتاب 📕
مسحت دموعي ورتبت شكلي بدت الطلاب تدخل هو كعد كدامي. هاي اول مره يجاهلني ومايكعد بصفي.
كعدت بصفه وحده مايعه اموووت منه. هو ارتاج عل ستول ورخه جسمه ورافع راسه يباوع للسگف جان يكله دكتور
