مساء الخير شلونكم شخباركم. شحوالكم مشتاقتلكم كووووومه
تابعو الحساب
تابعو حساب الانستا z.r.k99
أعاتب روحِي مَدري شلون ردتك
إنهِ عاگولِي أترف مِن وردتك .
حسين
اليوم البيت صاير هوسه. اليوم حنه اخويه. مهدي يعني اكيد. الامه كله يمنه من الصبح الكل يركض منا ومنا.
كله يمنه. اله شمس وقمر.
اكثر ثنين جانن مايفركن بيتنه اليوم. ماهنه
موقفي ويه شمس والشغله الي عرفته خلتني من سبوع. اني النوم ماعرفه
يعني بعيد عن كلشي.
اني شكد اذيته لعد من خليته تروح تحجي ويه ميسم الي اصلا ماخذت منه لا حق ولا باطل
ولهسه ماعرفت شتريد ساعه. اي وساعه لا.
بس كل بالي يم شمس.
حاولت الهي روحي. بكلشي بس ماريد افكر بيه
شويه وشفت قمر اجتي هههههه طبعا هاي شكد ماتزعل لو الدنيا تنكلب ماتكدر تبعد عن ترفه وامي
من دخلت صحتله
حسين
قمر تعاي
قمر
هاا حسين.
حسين
شمس وين
قمر
هاااا بلبييت ليش
حسين
ماراح تجي مو
قمر
مادري حسين فدوه لا تسالني وفدوه لا تحسسه انته دريت بالسالفه والله اروح بيه اني
حسين
لا تخافين كلشي مايصير
قمر
ماشي اني. اروح اشوف ترفه حركت التليفون عليه
قمر
جنت مقرره ماروح لبيت عمي بس منا امي تسمعنه حجه شكو متروحن وموجنت اتعارك وياجن حتى تبقن ساعه بالبيت هسه شكو. ومنا بيت خوالي اجوي واني كلش ماحب ولد خالتي. عيونهم طاليح حضه وهاي خالتي كل عقله تسوي جنايني عود تاخذنه لولده التووم خرب حضي.
رحت البيت عمي حتى اشرد منهن.
توني اريد ادخل لغرفه ترفه واشوف. عباس واكفه ويدور عله مدري شنو. اعرف عباس. دومه مضيع. غراضه رغم الف مره اكله هنا مكانهن هنا خليهن. حتى مضيعهن بس وين. يسمع راسه والف سيف. خلي يحير بروحه منا وهيج. اني قررت اشيل ايدي وترفه راح تزوج واريد اشوف شلون. يحير باموره. من شافني كال
عباس
الله. حيو. اليوم الگمر يمنه
قمر
هههههههه بله صبغ. شمضيع
عباس
هاي مو خوش سالفه انتي تعرفيني بله ماحجي
قمر
مع الاسف اي حافضتك ماتكدر تمثل كدامي
عباس
لعد تعاي يروحلجن فدوه كل بنات العشيره.
قمر
(بغرور )
بس بنات العشيره.
عباس
بنات الدنيا كله
قمر
افكر اجي اساعدك لو لا
عباس
تجين لو اجي اسحلج
قمر
جايه بس ترى لخاطر مهدي خاف تتاخر عنه. مو خوفا منك
عباس
المهم تعاي
قمر
رحت دخلت وياه لغرفته طبعا شغله كلش عاديه. اصلا هو جان محرم عليه دخول غرف اخوانه. بس غرفته لا. هاي شي خاص
المهم دخلت كال.
عباس
هسه قبل كلشي. شلبس دشداشه لو قاط. لو عادي كاجول.
قمر
هو انته شمظيع
عباس.
كل لبسه مضيع منه شغله
قمر
البس دسداشه يعني زي اماراتي عماني. وباجر. البس قاط.
عباس
خاف ماتلوگلي
قمر
ترى انته اكثر واحد بالشباب اتلوكلك الدشداشه.
عباس
القرد بعين امه غزال.
قمر
شهل مثل بله
عباس
لان رجلج. تشوفيني. حلو
قمر
رجل منو
عباس
اووووو نسيت احنه لغينه سالفه. راح نزوح. المهم هسه يعني البس دشداشه.
قمر
اي احسه تلوكلك وانته اصلا اعرفك راح ضل تدبج وتلعب جوبي
عباس
اي والله متحلف. الهم.
قمر
ههههههه اعرفك وين رايحه عنك كل عرس لازم راس الدبكه
عباس
ولج وين. شايفتني
قمر
ترى عادي احنه البنات لو نصعد عل سطح ونشوفكم لو نسد الاضويه ونشوفكم. من الشباك
عباس
لا ولله ولج شنو هل حجي يعني انتي هم مثلهن اضلين تباوعين عل شباب. ومثلهن تتغزلين بيهم
قمر
لا والله عباس شبيك والله بس عليك اباوع والله
عباس
هاااا عبالي. المهم هسه شنو لون الدشداشه الي لازم البسه
قمر
الرصاصي حلو عليك تبرز عيونك. وتطلع تخبل.
عباس
خوش تمام.
عباس
جنت احجي وياها واسوي روحي مامنتبه عل كلام الي اكوله. واجرجره بالحجي. اني اصلا جنت مطلع ملابسي. ومكمل. بس حبيت ابين اله بعد اله مكانه ولمسته ماريده تبتعد عن البيت. وراها لبست الدشداشه وطلعت. كتله
عباس
بله تعاي سويلي الدابيس مال الردان.
قمر
ترى تليفونك جان يرن من جنت تبدل بالحمام.
عباس
منو
قمر
مدري وحده مكتوب عليه جوجو.
عباس
بعده تتصل
قمر
شبيك هيج ملهوف اي بعده
عباس
اكلج مو يكولون ابن العم وكت الشده
قمر
اي وبله شنو شدتك
عباس
راح افتح. خط. وانتي احجي واكيد راح اكلج انتي منو كليله مرته.
قمر
مالي دخل بسوالفك شكو تضحك عله بنات العالم
عباس
انجبي ولج. شنو اضحك عله بنات العالم هاي. وحده طايح حضه وبايعته
قمر
وشوداك عليه
عباس
من تعاركت وياج اول مره. جنت ضايج وهيه جانت تراسلني عل فيس ورديت عليه وتورطت
يعني اني جنت اريد اضوجج بيه انوب جبت بلوه الروحي
قمر
عابت يصوجني بيه حل مشاكلك. انته لدخلني
عباس
ولج قمر لا تخليني ارجع لخبالي ردي وانجبي لا اجبرج تريد
قمر
راح ارد بس كونك ابن عمي واجبي اساعدك
قمر
ماعرف من يكول رجلج. لو مرتي. صح يرف وياها جنه لو قبل لو سابقا بس احس كلبي يرفرف عليه
ومن حجالي عن هاي الحقيره الي يحجي وياها طبعا هو مافسرلي شي هيج حجه مو قصده يكلي منو بس لان يريد يخلص منه
عاد اني. صدك متحمله عليه وشابعه بجي من وراها من رديت وكتله. مرته. اشو هاي كعدت تعد وصف عاد اني ماسكتت مابقيت حجايه ماكلته عليه
بحيث من سديته لكيت عباس فاتح حلكه وكال
عباس
انتي قمر مالتي اقصد بت عمي لو وحده ثانيه
قمر
شبيك مو انته كتلي هاي وحده. بايعه ومخلصه وطايح حضه وهيج بشر هيج يحجون وياهم
عباس
لا لا صايره تخوفين
قمر
ديله خلي اروح لترفه اشوفه وانته لضل تفتر بالبيت اطلع گبل يم الشباب
عباس
ليش شكو شبي البيت
قمر
مابي. بس لضل تفتر كله نسوان
عباس
عادي واذا نسوان. ترى كلهن بناتنه
قمر
اي حياتي براحتك سوي الي يعجبك
ترفه
ترفه سد التليفون بوجهي واني ميته ضحك. كل عقله الافندي. يجي لا ويحجيه بزود
وره شويه حسيت روحي جوعانه. نزلت جبت اكل. ورجعت صعدت لغرفتي
لكيته متصل تلث مرات. رجعت اتصل بيه اليوم عاجبني ارفع الضغط والسكر عنده.
اول مارد كال
حر
راح أوصل بيت اهلج تردين ادخل. بالخفيه واوصل غرفتج لو حابه نگعد بمضيف ابوج
ترفه
تشاقه مو. اي حر تشاقه
حر
راح ادزلج صوره واشوفج اني وين
ترفه
ضليت صافنه بالصوره هذا موً صاحي. عززه بعيني عمامي كله هنانه ملتمه وهم محد طايقه. لا ونوب جاي بتالي اليل والله مو بس هو يروح بيه حتى اني اروح وياه. كبل كتله
ارجع لبيتكم حر
حر
ارجع. بس اكو مقابل
ترفه
قابله. بكلشي بس ارجع
حر
محد يلمح ضلج اذا محسن شافج لو وكف يحجي وياج ادفنج بارضج. شعرايه ترفه شعرايه محد يشوف منج. وهذا لبسج المشلح حتى اخوتح اذا. شافوج بيه. اسوي. معركه الطف فوك راسج
ترفه
مالبس والله وماحجي ويه كل احد. وراس ابوي. خلص بس ارجع
حر
تمام راجع. ولو جنت حاب اسلم عليج. اكعد. اناقش عرسنه وره عرسهم بشهر
ترفه
ارجع لبيت اهلك من ساعته السوده القبلت بيك
حر
هاهاهاهاهاهاهاها. راجع راجع.
ترفه
احس قطره دم مابقت بيه. حتى مجنت اسمع شروطه وكلامه. كل الي جان براسي يشوفوني وياه هسه باخر اليل دون. عذر دون اي سبب دون اذنهم
ابن كتال اخوهم.
همه نص عمامي جايه تاديه واجب محد قابل. بهل عرس وجاين جبر. لان محد يكدر يكول لا لشيخ عساااف
واله جان شربو دم حر برحابه صدر مو ينطونه بنتهم.
عاد انوب ينطيهم عذر جاي بنص اليل تختل. حتى ما اريد اتخيل الي يصير.
فرح
مدده عل سرير . وصافنه بدلتي الي معلكه كدامي. منو جان يتوقع. اني ومهدي ممكن. نكون سوى.
العلاقه الي جانت مستحيله وبالاحلام صارت اليوم واقع.
واقع جدا جميل
صح بسبب علاقتنه هواي صارت احداث. وامور. اختي. واخويه الي نجبرو على ارتباط ماريدينه
بس الواحد ميعرف الله شضامله وماريد اصلا افكر بشي سيء
واني سارحه بافكاري. احس روحي حيل مشتاقتله اليوم ماعرف شبيه
اتصلت عليه وره رنتين رد
مهدي
ادري مشتاقتلي. وروحج اليوم صايره بيه بس هانت يروحي بس اليوم وباجر بحضني
فرح
شمدريك مشتاقتلك
مهدي.
گلبي حسني ماعرف گعدت من الصبح. واني روحي بيج
فرح
يروحي انته. مهدي. حيل احبك
مهدي
فرحتي رحمه الاهلج لا تتغزلين بيه واستري عله روحج لا هسه اجي اخذج وخلي الي يصير يصير
فرح
هههههههههه. حبيبي انته وروحي وعمري وكلشي بيه. هانت.
مهدي
اشو انتي تحجين وياي شنوو. مجاي جهزين روحج
فرح
مو كلت ماجي احنيج ماكدر خلص بعد المن احضر روحي
مهدي
فرحتي جهزي روحج. جايج كل الشغل. يروحلج فدوه.
فرح
مهدي جان يحجي ويتغزل بيه واني دموعي تنزل بعد كل ذاك التعب والقهر والخوف. اليوم احنه سوى
وراها اجتي ميسم هجمت عليه. وكالت يله ام الصالون اجتي.
عاد ودعته ورحت اجهز روحي
وراها بلشت الهوسه. ولل ربعه العصر. اجه حبيبي چنه العافيه هو وقاطه شيخ كلبي.
حناني. وهو يهمس باذني كلمات الحب والعشق والهيام. هو. راح بس البنات بقن يمي كال اني مظطر ارجع بس همه حسين يجيهم.
حسين
احس الدم وگف برجليه. من الصبح الهسه عله نفس الوگفه. وره الغده. گدرت شويه اخذ استراحه
طلعت من الديوان. ورجعت للبيت. شفت مره عمي علي. ام شمس وقمر
كلت اكيد شمس اجتي
الصراحه ماعرف شبيه احس بالذنب اتجاها واريد اشرد من شوفته
وبنفس الوقت. اريد اشوفه وينه شلونه
بس من دخلت هيه ماكو شفت قمر كعادته تكمز منا ومنا كتله
حسين
ها ماجتي مو
قمر
خالاتي بالبيت
حسين
خالاتج جايات عل عرس ليش مايجن هنانه شكو باقيات بالبيت
قمر
حسين اكدو افهم انته شتريد من شمس شعليك اذا اجتي او لا عوفه بحاله حسين جاي تحاول تنسه وتبتعد. عوفه
حسين
ادري من حقه تنسه وتبتعد بس اكو شي بداخلي يكول لا لا مو من حقه
وراها. اجهزن النسوان حتى يروحون يحنون فرح طبعا بس امي ومرة عمي
والبنات. اكيد الكبار وماراح يرحن
مهدي كال اني وياك ناخذهم كتله خوش
اخذت امي ومره عمي وبنات اخته المرة عمي. وطلعت كدامهم. ترفه وقمر يجن ويه مهدي
وصلتهن ورجعت. مهدي كال ساعتين وروحلهن
هو محني مرته. وجايب امي ومره عمي والي اني اخذتهم كال. ترفه والبنات رادن يبقن شويه ياخذن صور مدري شيسون
هم ضليت ساكت احس روحي حيل تعبت.
بس ماحجيت.
بس المصيبه من رحت جبتهن. اني مامنتبه منو صعدت وياي جانن يحجن ويسولفن سطرني
بس من سمعت صوته نداريت بسرعه هههه جايه. ويانه
بس شهل خلقه هاي معقوله احد شافه هيج اكيد
شافوهه مهدي الي وصله
بيتنه الي متروس عالم
احس روحي دخنت. اني الي الج شمس بعيني. الف مره كايل اله. هيج مكياج متخلي
بس حضرته اليوم طالعه جنه وحده من الشارع بهل مكياج. والله يعلم. شلابسه. جوه هل عبايه لان هيه ماتلبس عبايه
من وصلت البنات للبيت. هيه كالت اني. دايخه وصلوني البيتنه كتله بعيني هو هذا الي اريده انفرد بيج
..............................
يگول الها :
لا تخسريني صعب تلكين هيج
واحد يحبج مثل حبه لهله
يشهد الله من الهوا يمعوده اغار
طبعي لو حبيت احب بمرجله
حر
حبيت خوفه مني وتنفيذه لكلامي زين اعرف مدام حلفت براس ابوهه مستحيل تسوي غير الي كلته اله بس الفضول جان عندي قاتل حتى. اشوف شكله لان اكيد ماراح تجي. للحنه مال فرح لان حنه مهدي بيتهم
اتصلت بيه. حوالي الساعه ب ٤:٣٠. ماردت ضليت الح رفضته ودزت رساله
ترفه
*ماكدر ارد هوسه يمي *
حر
*ماشي بس صوريلي روحج اريد اشوف شمصخمه شلابسه *
ترفه
* لا بله شو انته مستحتي *
حر
* ولج شنو ماستحي. شهل تمسلت نسيتي روحج لو شنو صاحبچ اني لو رجلج. وهسه دزين صوره لا وحق ابو فاضل هسه اني بنص بيتكم واريد اشوف شسوين*
جنت صافن عله تليفوني ودمي يفور حيل نرفزتني ضليت مصنم بالتليفًون
هاي شلابسه. والله اليوم موته عله ايدي وخلي الثار. ينفتح من جديد
اباوع عل فستان مطلع اكثر من ما ضام هاي كل عقله طالعه هيج واكيد شافه هسه احد
مانتببهت هاي الصويره وين ماخذته ولا شنو يمه ولا شنو وراها
احس روحي صخنت معقوله. اني عرضي هيج يطلع گدام الكل
نزلت اركض حتى مانتبهت لروحي چنت لابس گلبيه مال بيت
نسيت اليوم حنه. فرح والبيت متروس نسون اول مانزلت صارت امي بوجهي. وكالت
امً حر
يمه اذا. عندي خاطر يمك سلم عليه لخاطر ابوك وجدييتك
حر
منو هاي الي اسلم عليه يمه وخري من كدامي. عندي شغل
ام حر
هيج مالي خاطر عندكً.
حر
استغفرك ربي يله فضيني منهي الي اسلم عليه
ام
گالت وهيه تدخل وللاستقلال لان الحفله بي.
مرتك يمه منو قابل
ضليت صافن مرتي شنو يعني ترفه بيتنه رجعت صفنت بالصوره. اباوع. هاي استقبالنه
خرب بعشيرتج ترفه طيرتي عقلي.
قبل متطلع ترفه اجتي مريم. والثانيه ما شاء الله امصلخه بالزايد وحاطه عله خلقته اشكال الوان.
عطت بيه
حر
انتي شمصخمه بروحج
مريم
ليش حبيبي مو حلو
حر
هو شنو الي حلو. عبالج الحلا والجمال. بالتشلح والصلخ والعالم تتفرج عليج
مريم
متروح تحاجي ست الحسن. الي كل شويه وحده تخطبه وحضرته اتسوي لا حياتي اني مختوبه
حر قبل مارد واجاها الرد مثل الصاعقه
ترفه
ولج هاي منو الي تگول مختوبه ام احلك الاعوج وانتي شجابج الي وتقارنين نفسج بيه. وشكو تقارنين روحج باحد شعليج بالعالم. تصلخت نسترت كلمن عليه بروحه. وهسه يله وريني عرض كتافج خلي اسلم عله الافندي. الي ما شاء الله مسويلي استعراض ويحجي عل عالم
حر اباوع عليه شلون تحجي بغضب وقوه عبالك شهم الي جاي يحجي مو ترفه والله هل ابنيه بس بالاسم ترفه
ومن جهه صافن بجماله خرب شرفه مو شكل صاروخ
صنفت. بيه وتيهت الاول والتالي داركت روحي من كالت مسوي استعراض
واني ناسي كل ذاك الفضب الي جنت بيه كتله بستغراب
حر
هااا
چانت عيونه تبارع عله صدري خرب هههههه الكلابيه مفتحه دكمه وصدري عاري
خرب شرفج حسستني اني بنيه. وطالع صدري واني مثل الاثول. سحبت الكلابيه
والست مريم. رفعتلي حاجبه
اوف ربي اليوم. شلون راح تخلص
بس اجتي غضب. وخلصتني من صاحت لمريم
باوعت عليه وكتله
حر
يله گدامي
ترفه
خيرك وين يله گدامكً
حر
ترفه وحق الله والي اسمه الله اذا ماصعدتي كدامي لسويلج هسه فضيحه معدله
ترفه بدلت وتمكيجت ورتبت نفسي عله حسب الاصول. ورحت لبيت خالي طه علمود حنه فرح
لان ستاذ مهدي قافل اله هو يحنيه
المهم رحنه اني وقمر. وست شمس الي اجتي باخر لحضه بعد ماهددته كتله بعد ماعرفج ولا تعرفيني اذا ماجيتي
المهم رحنه والاجواء جنن
اباوع. فرح چنه اميره. ومهدي طاير من الفرحه رگص هو وياها وحناها بذيج الحضه حسيت تضحيتي لخاطره ماراحت بلاش
وره ماراح مهدي وامي ومرت عمي. وگال حسين يجيجن لان احنه كلشي مافهمنه من فرح بس مهدي حاضنه ويركص واحنه نصور بي
المهم.
اباوع. تليفوني. حترك اتصالات
هذا حر بس شيريد دزيتله رساله. وحجيت وياها. كلب خلقته وسواها سالفه اخر شي دزيت صوره اله بس شافه وماحجه شي
وره شويه اجتي امه
كالت حر يريد يسلم عليج
اهااااا الافندي. طلع. يريد يحجي وجه لو جه
الصراحه اني ماعرف ليش گدامه ماتقييد واطلع مثل ما اني
يمكن هيه هاي السكينه الي بين الزوجين الي يحجون عنه. انو تحس انته ملك المقابل وحلاله حتى لو جنت رافض هل فكره.
المهم طلعت اله سمعته يحجي عله. مريم ويرزل بيه ماعرف. ليش ضجت وتنزفزت رغم اني زين اعرف. هو يحبه ويريده
اما اني. علاقتي بيه مجرد اتفاق وصفقه وتم انععقاده
بس هم ماسكتت اله.
ومن اجتي. غضب صاحته صفنت بغضب وذكرت
شهم. شلون كالي غطي وجهج من تطلعين
رغم اني جنت لابسه حجابي وعبايه وكلشي مامبين مني
خلي يجي يشوف الحلوه مرته شلابسه
لا وفاتحه الشعر واصل لركبته رغم صغر سنه بس جسمه مو مال عمرهه
لابسه فستان
لونه بيج غامق طالع ويه بشرته يصفن والصدر والشعر والمكياج تصفن اكبر واحد. الله يعينك شيخ شهم عله. بلوتك
انتبهت عله حر وهو يحجي عليه ويهدد
مالي خلك اسوي مشاكل ومنا العالم صعدت وياه اول ماطبيت الغرفه سد الباب وكال
حر
اني شكتلك من حجيت وياج. شحجينه عل ملابس
ترفه
كلت بيتنه مو بيتكم
حر
شنو الفرق
ترفه
بيتنه بيه زلم وحنه ولد وناس طابه وطالعه. واصلا اني. اعرف احدودي ماحجه احد يگلي بس حبيت اخبث وياك مو اكثر
وشي ثاني هنانه حفله بس. بنات. لذالك اخذت. راحتي
ماجنت اعرف اكو ناس كاعده تراقب الطاب وطالع
حر
ولج شنو قصدج اتراقب الطاب والطالع.
ترفه
شسوي باقي بالبيت حنه اختك هيه لو اخوك.
حر
احترمي نفسج لا شوفين وجهي الثاني. خوش. وشي ثاني. اني مانزلت من غًرفتي
ترفه
لا بله يعني مجنت تكدر ذزلي رساله اصعدي للغرفتي. لو اله تنزل مسويلي عرض لعضلاتك السداسيه
حر
شگدر افهم هاي غيره لو شنو
ترفه
هههههه غيره عليمن عليك. كل عقلك المهم. هسه شرايد اريد اروح. حنه اخويه مو كل مناسبه اگضيه محبوسه بغرفه حضرتك
حر
كيفي مرتي وباليعجبي تبقين هنانه ماكو نزله.
ترفه
لا والله. خاف صدكت بروحك. مرتك شنو
ترفه
اني جنت احجي وياه بطريقه مستفزه وهذا حقي. اني وياه مجرد حبر عله ورق وبينه اتفاق. شكو جاي يلعب عليه دور. الزوج الغيور
اني من كتله هيج شو هذا. لطشني بالحايط
وصار يضغظ عليه بحسمه وهو. لازم ايدي بقوه وكال بغضب
حر
ليش شنو حضرتج عاجبتج سالفه كل شويه وحده تخطبچ
ترفه
وخر مني لا اني هسه اسويلك فضيحه خاف قبل شويه چنت تهدد بيه اسويلي فضيحه لا اني هسه اسويلك
وغير هذا كله اني لو اهتم لهل سالفه. ماجان هسه يمك
حر
(زاد غضبه وزاد بضغطه عله ايدهه وكال بغضب )
اي جان هسه مزوجه محسن افندي مو
ترفه
اولا. والنعم منه شيخ محسن ابن عمي وتاج راسي
وثانيا. بطل هل سالفه. ترى محد يخسر غيرك خوش اختاريت اقبل بيك لذالك سد السالفه. ولضل تنبش بيه كل زواجنه كم شهر وكلمن يروح بحاله.
حر
انتي عله شنو هيج شايفه. روحج
ترفه
ابد بس ليش انته اتحس روحك اقل مني واني شايله خشمي عليك
حر
ترفه الزمي السانج واتقي شي
ترفه
وانته. احترم الاتفاق الي بينه وكافي تدخل بيه. وهم شيل ايدك عن ايدي راح تكسرهه
حر
هو اله يوم. اكسره
ترفه
شحدك وسفه والله بت شيخ عساااف واحد مثلك يكسر ايده
حر
ههههه واحد مثلي. بعيني ياترفه يجي يوم واشوفج واحد مثلي شراح يسوي وهسه ولي يم البنات تخلص الحنه وتروحين لاهلج
وهاااا. اذا تردين طلعين مصلخه هم عادي انتي مو من مستوى اكول محسوبه عليه حتى اهتم السالفه شافوج لو لا
ترفه
( من كال هيج احس حرك اخر ذره واگفه بيني وبينه كتله )
اني اذا لبست محتشم وحترمت روحي. وصنته مو لان اني مرت واحد مثلك يغار عليه بمزاجه لا
اني علم فوك الكل. لان اني بت الشيخ عساااف اني تربات شيوخ. مو حي الله وحده
مو مثل هل قرد ? الي اسمه حبيبتك مريم. طالعه شبه لابسه هدوم كدام ابن خاله. عله آبو حي الله يحبه
اني اعرف شنو حرام الله وحلاله. اني مو رخيصه وانتضر حضرتك تغار عليه وله لا حتى يكون عله هل اساس لبسي
حر
كاااااافي. كااااااافي سدي حلگج واطلعي لا اسوي شي مايخطر حتى بكوابيسج
ترفه
والله ياريت تسوي لان الصراحه بعد اليوم مامستعده حتى علمود مهدي اجازف واكون تحت ضلك
حر
لا مو غبي لهل درجه اولج وتاليج تحت ضلي
ترفه
عفته وطلعت من غرفتي واني بقمت. غضبي صارت عضب كدامي وگفت گدامي وگالت بكل صلافه
غضب
هذا مو مكامج خلي عندج كرامه. والغي هل زواج. هاي فرح ومهدي باجر زفتهم ابوي مايكدر بعد يتراجع
وره زواجهم احفضي البقه من كرامتچ وروحي
حر
غضببببب
عضب
وليش هل عصبيه انته تحب مريم وهيه تحبك من سنين. لشوف ست ترفه ملكه جمال. ترى. هذا كله يروح بمرور الوكت وتاليك خسران مريم وضال طول عمرك بوجه وحده سببب تعاستك
اذا زوجه ترفه انسه مريم
حر
انتي لا تدخلين سدي حلگج لا اجي اشگه
غضب
ترى جاي احجي لمصلحتك ابوي مكيف بهل ترفه وامي وجديتي لا تفكر مجرد تفكير اذا ازوجته راح يقبلون تاخذ. غيره
ترفه
اشوف كلام اختك صح خللي ننهي هل مهزله
حر
هاهاهاها اي هو هذا الي. تريدينه حتى تروحين لمحسن بس وربچ لو ادري اخسر كل الكون مو بس مريم هم اشو اخذچ اخذچ
ترفه
تره هيه مو شغله عناد
حر
امشي روحي من كدامي وانتي غضب اختفي من كدامي لا واحق الي سماچ عضب اكفر بيچ
غضب
انته سميتني
گالته هيج وشردت وترفه دخلت للاستقبال. وخابرت عله حسين يجي ياخذهم. اما حر رجع لعرفته وهو يثور ويسعر
حسين
اخذته. واني الطريق كله صافن بيه طبعا حضرته مو يمي من وصلت قمر وترفه البيتنه كملت بيه البيتهم. هيه كالت.
شمس
ميسم تكول خلي يرد عله اتصالاتي
حسين
كيفي ارد مارد.
شمس
واني شعليه معصب عليه. انته وياها
حسين
هسه اوصلج بيتكم واكلج. شنو دخلج
حسين
من حجيت هيج. هيه ضلت صافنه بيه من نزلت ودخلت وراها بيتهم جان فارغ كلهم بيتنه هيه كالت
شمس
محتاج شي ليش نزلت ويايه
حسين
هاي شمسويه بروحج
شمس
هااا. شتقصد
حسين
خلقتج شمسويه بيه. ولج شنو جايبج من الشارع شهل المكياج عبالك رايحه الملهى هاااا شنو محد بعينج
شمس
شبيك شنو تخبلت شهل حجي شهل عصبيه والصياح
حسين
ولج شايفتنه مگرنين وهيج تطلع بناتنه. ذبي العباه خلي اشوف شنو المصيبه الي مسويته بعد
شمس
شبيك حسين تخبلت شنو اذب العباه تخبلت انته. شبيك
حسين
خلي اشوف شلابسه لا اكفر بيج
شمس
(كامت تبچي من الخوف وهيه تشوف اعصابه وعيونه الي صايره ضلام من العصبيه وشلون ذب العباه وهيه لبسه مو مال يشوفه شلون مكان هو حرام يشوفه بهل لبس ضلت تبجي عاط بيه بغضب وكال)
حسين
هااااا حضرتج مستحيه ذبينه مو بس من رحتي سويتي استعراض گدام العالم ماستحيتي
شمس
شبيك حسين والله محد شافني هنه بس بنات بعدين شمعنه اني من دون الكل هيج هاجم عليه
حسين
ولج شهاجم عليج انتي شلون طلعين بهاي خلقتج
شمس
والله محد شافني بيتهم فارغ شبيك
حسين
ومهدي ماشافج مو هو الي وصلج هم گولي ماشافني
شمس
شبيك انته تخبلت شنو فرقك عن مهدي.
حسين
من كالتي هيج ماجان عندي رد شكله اني نفسي ماعندي رد لروحي بس استمريت اعيط واصيح عليه وكتله تمسح خلقته وتلبس لبس مال بشر ونص ساعه اذا ماشوفه بيتنه تقره عله روحه الفاتحه
طلعت وصلت لسياره وذكرت تليفوني شمرته بيتهم
رجعت اجيبه وعساني مارجعت جانت نازعه العبايه والحجاب وكاعده عله ركبه تبچي بحركه بس المنظر طير عقلي هاي شلابسه
فوك ظيم المكياج والصخام هذا الفستان احس روحي صخنت واني اشوف جسمه كله طالع. وهيه فعلا شمس اسم عله مسما
رجعت بسرعه حتى تليفوني عفته
ماگدر بعد ابقه ماعرف شنو ممكن يطلع مني
رحت لحفله مهدي. الامه مكلوبه شيوخ وناس اكبار جايه من كل مكان وخطار متروس البيت بس اني كل ماغمض عيوني منظره يبقه براسي
خلصت الحفله واني كل بالي مشغول بيه
رجعت للبيت الساعه ب ١٢:٣٠. شهم دزني عله شغله لان ميگدر يعوف ابوي والمظيف
اجيت ادخل. واشوف شمس وقمر طالعات وياهن واحد من ولد خالتهن
اجيت بتجاهم واسمعه هل عار يكل لشمس
شمسي اي شمسك ليش لا اليوم اكفر بساعتكم. صحت عله قمر بحده
حسين
قمر
قمر
هله شيخ گول
حسين
وين موليات بنص اليل
همام
شبيك حسين وين رايحات يعني البيتهم واني هل طالع وياهن
حسين
مشكور انته روح بناتنه لو رادن شي احنه نوفره الهن وانتن فوتن جوه عندي شغل وياجن
شمس
ميتاجل هل شي لباجر كلش تعبانه واريد انام
حسين
( كال بحده وغضب مكتوم )
شمممممس
قمر
خلص همام انته روح وگل لامي البنات راح يباتن بيت عمهن واذا. ردنه نجي الولد يجيبونه
همام
ماشي
بعد ماراح همام. حسين كال
حسين
اني رايح اودي هاي لشهم واجي الكاجن كلجن بغرفتي انتن وترفه لا وحق الله اليوم اكفر بيجن
قرااااااءه ممتعه ولتنسون التصويت
