مساااااء الخير ايها القوم
تابعو الحساب
الانستغرام z.r.k99
ترفه
جنت كاعده. وياهم عل عشه رغم الكل حابتي ومرحب بيه ومكيفين بيه
بس اني احس روحي
غريبه بنصهم
حر كاعد مقابيلي كل مارفع الگاه صافن بيه
هذا شبي
وراهه كملنه عشه وساعدت البنات بلم السفره
وكعدنه بغرفه فرح. اني وفرح وغضب
لان فرح كالت امج اتنام ويه جديتي بنفس الغرفه.
وجديتي اليل كله تشخر متخليج. تنامين
امي ضلت تضحك وكالت روحي نامي ويه البنات
ضلو يحجون انو باجر. حفله المهر مال بت عمتهم هناء
الي هيه نفسه خالتي بس اني ماصور. اگدر احضر لا جايبه ملابس
لا محضره نفس وغير هذا كله أصلا ماتوقع اهلي يقبلون ابقه. هنا بعد يوم اضافي
ورها فرح. غيرت الموضوع وسالتني فجاة
فرح
مهدي شلونه
ترفه
والله فرح ماعرف. يكول. شهم. هو زين بس احنه ماحاجين وياه
فرح
تره خطوتين بين البيت وبيتكم ليش متروحين شوفينه
ترفه
شوفي فرح يمكن هل موضوع صعب عليج تقبله بس مهدي اصلا مو بالعراق
فرح
شلون يعني مو بالعراق ليش وين راح
ترفه
ترك كلشي وسافر كال اريد اكمل ماجستير
فرح
قصدج تخله عني بكل سهوله مو
ترفه
لا فرح. موهيج لان احنه محد حجه وياه وعرف شبي
بس اعتقد طلعتج من البيت. اذته
فرح
انتي شتحجين ترفه اخوج اتخله عندي واني عروس. الي سبوعين. بس
مافكر بحجي العالم مافكر بيه
اصلا ماكال هاي البينه الي احبه والدنيا رانهجمت فوك روسنه يله صرنه البعض لا هيج بكل سهوله تركني وراح
ترفه
فرح ماعرف شجاوبج بس انتي تعرفين شگد مهدي يحبج يعني .......
فرح
كافي ترفه سدي الموضوع. احنه خلص انتهينه
ترفه
جنت احاول اقنع. فرح بانو. مهدي وضعه مو احسن منه بس هيه نهت الحديث واني احترم. موقفه
صح مو سهله عليه. بعدهي عروس ?♀️ موقف مهدي ميسولف
وراها دخلت. غضب وكالت
غضب
حضري روحج باجر تروحين ويانه
ترفه
وين اروح وياكم
غضب
للحفله غير
ترفه
لا والله واثقه من روحج. باجر من الصبح تلگين شهم بابكم
غضب
حجيت وياه. وانتي باجر بليل. عود يجيج وهم كتله باجر منداوم
ترفه
وقبل
غضب
اي بس كال متابات يجيج بليل
ترفه
ضليت صافنه هاي جاي تحجي عن شهم اخوي واله واحد. غيره
وراها.
طلعت كعدت بالحديقه. نسمات الهوه حلوه واني اصلا احس روحي مخنوكه
وماعرف شسوي شصرف شراح يصير
امي بجه وابوي بجهه
مهدي وفرح انگلبت حياتهم
الله يستر من الجاي
جنت صافنه رفعت راسي شفت. حر واگف گبالي
اجه كعد بصفي وكال
حر
تدرين موضوعنه صار شبه مستحيل
ترفه
يا موضوع
حر
اقصد موضوع زواجنه
ترفه
تره احنه اصلا جنه نريد ننهي الموضوع.
حر
هاي انتي مو اني
ترفه
حر. مالي خلك. تره تعبانه ورحي طالعه.
حر
عادي اني مو احسن منج تدرين اني حته صاير ماعرف شريد.
ترفه
هل ثنين خربطو حيااة الكل وبالاخير. شوف وينهم كل كل واحد بجهه
حر
متعرفين الله شضام الهم. الحمد لله عله كل حال
ترفه
والله ماعرفتك هاي شنو راضي بالواقع وكاعد وساكت
حر
ههههه يمكن عاجبني
ترفه
لا والله شنو الي عاجبك اختك بيته مهجوم. وحضرتك عايف حبيتك و واگع بموقف لا تحسد عليه
والدنيا مگلوبه شنو الي عاجبك
حر
ههههه مادري عله كلا فوتي نامي الوقت تاخر
ترفه
هذا احسن شي اسوي. تصبح عله خير.
ترفه
عفته ورحت لغرفه. ضليت صافنه. اني وين وشگد الدنيا دواره قبل كم شهر. جان اسم خوالي محضور ومحد يذكره بيت اهلي
واليوم اني نايمه بيتهم
وراها كعدتتي غضب من الصبح. عبالك هيه العروس خابصه روحه.
كتله
ترفه
تعاي صدك هو اني. حتى ملابس ماعندي شلون راح اروح
غضب
الله شنو هل معضله. تره عندي كنتور شكباره وقسم بي خاص بس للمناسبات
ترفه
تحسسيني حضرتج نجمه سينمائية
غضب
حبيبتي اني بت الشيخ طه. احسب حساب لكل شي
ترفه
الله عليج ديله بله حجي زايد. خلي نجهز
رحت اني وياها. ما شاء الله. مو فساتين ضيم. جهزنه كلشي وقررنه وره الغده نبدل ونكمل ونروح
فرح مقبلت تروح. مريضه مدري شبيه احواله متخربطه
وامي هم مرادت احد يعرف هيه زعلانه بيت خالي
فقررنه بس اني وغضب نروح
دخلت للحمام سبحت وكملت طلعت لافه المنشفه عليه. كلت شكو راجعه مبدله هو راح ارجع البس فستان ?
غضب كالت. راح اجيب شسوار من غرفه فرح واجي
اني ضليت كاعده عل سرير بعدين ذكرت نسيت تليفوني بالحمام
خلي اخابر عباس اشوفه شلونه
رجعت للحمام هو موجود ضمن غرفه غضب
طلعت صار حر بوجهي داخل.
كل عاده اخذله صفنه ودارك روحه وگال. اسف عبالي بس غضب هنانه وطلع
اني ماعرف ليش من حر ماتحسس اوك اخجل وماريده يشوفني هيج بس بنفس الوقت ضميري مرتاح. ماحس بشي مو زين
وراها اجتي. غضب ? معصبه
كتله
ترفه
خيرج ست هستوج جنتي تغنين
غضب
التواصل ويه اخوج جان اكبر خطا اسوي
ترفه
يا اخ منهم
غضب
شهم ههه الشيخ شهم عشتو
ترفه
خير شبي.
غضب
اتصل يسال عليج انتي وعمه وكتله شويه انبدل ونروح لبيت عمه هناء
فكلي شنو راح تلبسين شوفته الفستان.
ترفه
هههه اي شسوه اكيد. كلج يجنن شكله وكلش راقي
غضب
نننن اي كلش كلي جاي اشككه عله راسج
ترفه
اي وشراح اسوين.
غضب
عندي نفس الموديل بس. لونه اسود راح البسه
ترفه
شگد صلفه عزه بعينج
غضب
خلي يطير عود اذا سالني اكوله انته حجيت عله الاحمر مو عله هذا
ترفه
والله اني معليه. بهل سوالف بس غضب نصيحه لوجه الله. شهم. لا تتاملين منه شي. يعني ....
غضب
تره مو زغيره ادري شجاي يصير. داير مدايري لذالك لتخافين عليه
ترفه
الله كريم
ترفه
ماعرف شنو الي راح يصير بالمستقبل. بس اني زين اعرف شهم. مراح يغري جماله هذا كله ولا راح يهتم بسالفه طفله وتعلقت بي
شهم انسان عملي. ويريد هو يختار
يعني يسويه ويترك مهره. حته لو حبه لمجرد فكرة مجانت اختياره انفرضت عليه
غير هذا كله المشاكل الي صارت. بين العائلتين
لذالك. ماعرف شلون اتصرف. بوضعهم بس يارب شهم ميكسرهه
وراها كملت بدلت وطلعت واو اشرد صح جنت ذيج الفتره ممهتمه بنفسي بسبب. الي جان يصير بس ست غضب اعادت فرمتي
هيه راحت خالي طه صاحله واني واكفه كدام المرايه اتفرج عله نفسي
انفتح الباب عبالي غضب كتله
ترفه
هاااا شلوني
حر
جميله بما فيه الكفايه
ترفه
( انداريت مصدومه كتله )
رجائا حر ممكن تطلع.
حر
ليش. مو المفروض اني الي ينطي رائيه بشكلج
ترفه
بصفتك شنو تره الي بينه انتهه وحته لو استمر فانت جنت تعوف طبيعه العلاقه
حر
بعدج عله ذمتي بعدج مرتي
ترفه
جان يحجي ويتقدم عليه واني ارجع ليوره. لحد ماطخيت بالحايط. ماكو بعد مفر
كتله
ترفه
حر كافي شنو هل حركات
حر
مطلعين هيج
ترفه
مالك حق تحاسبني.
حر
اني ابو الحق تره
ترفه
ممكن توخر
حر
راح احجي وياج بالعقل والمنطق
ترفه
بحركاتك هاي ماكو لا عقل ولا منطق ممكن توخر
حر
اولا اني رجلج ومارضي عله طلعتج بهل شكل
ترفه
مو كلش اهتم لهل فقره.
حر
ثنين. مايهمني اذا همج او لا. ولا تعتبرين هاي حركاتي ناتجه عن غيره. لا. بس اني اعرف طبيعه البيت الي رايحتله.
اكيد راح يدخلون ولد عمتي. ورجال اني مو رجل كرسي ويشوفون عرضي. هيج
ترفه
لا والله تره مهره. لابسه نفسي
حر
خههه مصورتج من جماعه. اختك. بس مهره تعرف. شنو الانضمه وتعرف شلون تصرف
