شهم
كل عقلي جاي اوصي طفله عله ترفه اني شصاير ويايه
يمكن مرضه ابويه وكعدته اثرت عليه
رجعت للمستشفى بعد ما راحت ترفه وعباس وحسين وياهم مهره
حر بقه شويه يمي وهم راح ميكدر يطول اكثر
دخلت للغرفه لكيت أبويه صاحي ويمسح بدموع امي ماردت ادخل عفتهم وطلعت بلكت الله يصالحون
شيخ عساااف
هااا يفرحه شسوين هنا
فرحه
شماجان الصاير انه مو انته وتهون عليه العشره وابو ولدي داخل غرفه عمليات واني يغمضلي جفن
عساااف
هسه انه صرت الي تهون عليه العشره انه يفرحه
فرحه
مو وكت معاتب يبو شهم رد سالم وخيمه فوك راس ولدك وكلش ماريد
عساف
وهل دموع ال تارسه عيونج لعد
فرحه
كتلك ضل عزيز عليه ماتهون عليه شما سويت
عساااف
شفتي بعدج شسوه بيه حته تصدكين من جنت اكلج ضعيف انه من دونج
فرحه
لو جنت صدك عزيزه عليك والي مكانه ما جان سويت الي سويته انه مره ولدي بطولي.
ماسالت روحك لو طلعت قابل وين تروح
لا وابنك وياي.
عساااف
الغضب عمه عيني يم شهم. وانه بعمري مامتعود طلعين وانه مو وياج ومادري وصارلج سبوعين مو عله بعضج وبعيده عني
التمن كلهن علي
فرحه
صار الصار بعد
عساااف
رديلي يفرحه رديلي روحي الخذتيه من يوم رحتي
فرحه
لا يبو شهم. عذاب بعدك ولا ذله قربك
عساااف
افه عليج ام شهم تحت جناحي جنتي بذله
فرحه
ي نعم
عساااف
خلص لعد يم شهم مالي عليج حكم من اليوم انتي حره وان جانت ضلتج هسه يمي اسقاط واجب اني اعفيج من هل واجب
شهم
جنت كاعد بالممر عله مسطبه مخليه. عفت امي وابوي يسولفون بلكت الله يهديهم وتنحل امورهم
رن تليفوني شفته هاي مهره. خير يا ستار بس لا صار شي
شهم
الو هااا مهره
مهره
نامت ترفه كتله عمو صحه ومابي شي
شهم
هو فعلا صحه بس الدكتور كال ننتضر نتيجه التحاليل
مهره
ان شاء الله مابي غير العافيه
شهم
الله يسلمج شنو الوضع
مهره
هو نامت ترفه وقمر وهم شمس
شهم
ذني شجابهن يمكم مو وصلناهن للبيت
مهره
هههه ذولي ابد مو بنات عم ترفه ذولي خواتها للتصور ممكن يتركوهه بهيج وضع
شهم
كل ولد عمامي اخوان وسند النه شباب وبنات
مهره
الله يحفضهم الكم
شهم
انتي ليش بعدج كاعده ليش مانمتي
مهره
اني ماعرف انام بمكان بي اكثر من شخص
شهم
لعد هسه وين انتي
مهره
واكفه كدام صوره جبيره بيه شيخ مليان هيبه شاب وبيده عكازه شايب
شهم
ههههههههه انتي بغرفتي
مهره
ههه ي بغرفتك اذكر اول مره اجيت لبيتكم نمت بيه هههه وجان ماكو ملابس الي لبست من ملابسك
شهم
ديري بالج تبوكين شي من غرفتي
مهره
هههههههه الشي الي نيتي ابوكه مو بغرفتك بس تعرف هواي عاجبتني عكازتك
شهم
هاي مال كبار بابا مانطيه لزعاطييط
مهره
هههههه حرفيا. اني وانته شايب وشابه
شهم
خاف ماترضين بابا اني شاب جاد كل حيلي وانتي زعطوط
مهره
هههههه عادي يجي يوم واصير اني الشابه الصاكه الحلوه المليانه حيويه وانته شايب وبذاك الوكت هاي عكازتك تفيدك
شهم
ولج ليش ترديني اجييج اعلمج. شلون صيرين شابه صاكه
مهره
ههههه خوفتني
شهم
مخايفه حضرتج مو
مهره
خههههه ي والله مخايفه ولا ممكن يجي يوم تخوفني لا انته ولا غيرك
شهم
تره ردج هيج يعنبر صلافه وقله ادب ميصير بابا
مهره
ليش اني شنو كلت كلت ماخاف يعني المفروض اجذب حته اصير محترمه
شهم
لا موهيج اياج بيوم جذبين وخليه بالج مهره اكثر صفه اكرهه بالبنيه جذب
مهره
لعد شلون. انته تعتبر صراحتي قله ادب
شهم
اكو اسلوب ثاني تكولين بي ماخاف
مهره
شنو هل سلوب
شهم
هاي سوالف كبار انتي متعرفين بيه
مهره
هههه لا تره اعرف اكول ممكن كل الدنيا اتخوفني اله انته لان انته تاذي روحك وماتذيني اعرف اصفط حجي بس ماحب التصفيط احب الصدق والمشاعر الحقيقيه
شهم
كلامج صاير اكبر منج يول
مهره
ههههههههههه يله هسه اني اروح انام واكيد راح البس منك لان استحي اروح اخذ من ترفه
شهم
ماشي بنيتي بس هاااا حدج بيهن للغرفه مو طلعين باب الغرفه بيهن ماكو داعي اوصي مهره
مهره
ماشي اصلا شنو طالعه لابسه هدومك شيكولون بت الشيخ طه صاير عده ميول تجاه الملابس الرجاليه
شهم
ههههههههه خرب بعقلج عله هل تفكير
