اسفه البارحه مكدرت انزل جان عدي امتحان ونسيت البارت
لذالك هذا مال الباوحه
الشيخ عساااف
من يوم عرس مهدي لهذا اليوم. صار سبوعين. ام شهم. مو عله بعضه
حاولت اعرف شبيه بس جنه هل مره مو عله بعضه
بس اليوم البيت فارغ
اصلا من يومً الي تزوج مهدي كل الوقت همه يمه
بس جنت ارجع الگه مثل كل مره اكلي جاهز والحمام هم جاهز
بس اليوم كلشي ماكو.
الصراحه اني لليوم ماطبيت بيت مهدي حتى. ما باركت لمرته
مهما ماكان ابوهه قاتل اخوي
رغم اخوي جرمه موهين بس يظل اخوي
بس اليوم استغربت فرغت البيت
حته شهم الي قليل يطلع من غرفته ماكو
شهم جان يخلص اغلب وقته بالديوان لو بشغله ويرجع لو يصعد لغرفته لو الكاه گاعد يم امه بغرفته
بس حتى هذا صار هم ساكن بيت مهدي
لذالكً اليوم كسرت هل حاجز بعد مادخلت سبحت واخذت عكازتي ورحت
صح اني بعدني بحيلي بس هل عكازه ماتفاركني
وصلت للبيت شافني عباس. ونهض
مهدي گال
مهدي
هله بويه زارتنه البركه
شيخ عساااف
هله بيك ابني
فرح
اهلا وسهلا بيك شيخ تفضل
شيخ عساااف
اهلا بيچ ومبروك منا المال ومنج العيال
فرح
يبارك بيك شيخ
شيخ عساف
جنت واكف بمكاني وبااوع بالوجوه. بس ثنين ماكو لا شهم ولا امه كلتلهم
شيخ عساااف
لعد. وين امكم
ترفه
بويه امي طلعت هيه وشهم
شيخ عساااف
وين راحو وانه ليش ماعندي علم
ترفه
والله بويه حته احنه ماندري وين راحو. خابر شهم كال طالع اني وامي شويه ونرد
شيخ عساااف
استغربت طلعته من يوم الي دخلت بيتي لهذا يومها ماطلعت دون اذني اصلا ماطلعت اذا مو اني وياها مستحيل تطلع واني مو وياها
شلون تطلع واني مادري هيج وماتحسبلي حساااب
عفتهم ورديت للبيت واني احس الگاع جواي تهتز من كثر غضبي
ظليت كاعد عله الكرسي بالصاله
شويه ودخلو مهدي ومرته وعباس وحسين وترفه آجو كلهم اني ماهتميت
لجيتهم
اخذتلي نص ساعه ودخلت هيه وشهم
ماگدرت اسيطر عله غضبي صحت بصوت عالي
شيخ عساااف
انتي منو سمحلج تطلعين دون اذني
شهم
بوويه اخذ..........
شيخ عساااف
انته حلگگ سده صوتك ماسمعه
شهم
بس بويه........
شيخ عساااف
( بكل غضب اندار عليه وصاح )
اسكت كتلك اسكت
ام شهم
عوفه يمه خلي يصافه هو وفصليته اي شيخ عساااف شراح سوي طلعت دون علمك
شيخ عساااف
دون مانتبه ساعه غضب وتملكني الشيطان رفعت ايدي ردت اضربه ماحسيت غير مرة مهدي متكومه جوه ايدي وحلگه يجري دم
ضليت صافن وعيتت عله روحي من گالت وهيه تبااوع عله مهدي
فرح
هه تعتبرون روحكم زلم. وامكم تنهان هيج گدامكم
شيخ عساااف الي اعرفه حكم الفصليه يخلص بعد ما تجيب ولد ينهي الدم
واعتقد بدل الواحد صارو اربعه
وهسه المفروض عمتي الشيخه بنت الشيوخ ترجع لقصر اخوهه
مهدي
فرحً لا تدخلين ابوي جان بحاله عصبيه اكيد مايقصد .....
فرح
لا والله. ليش حظرتك هم تريد ترفع ايدك عليه بحجه ساعه غضب
بعدين يا شيخ مهدي ابوك يشوف عمتي فصليه عنده مو اكثر
لذالك اسمحلي ماكدر امشي بسالفه ساعه غضب
ام شهم گعدت عل تخم وهيه تباوع للفراغ. وفرح صوته مله البيت
ركعت يم رجلين عمته وگالت
فرح
عمه لهذا اليوم ابوي اسمعه بليالي يبجي ويكول ذنب فرحه برگبتي
عمه ابوي انطاني لمهدي حتى يگدر يشوفج ويوصلج
عمه اخابر ابوي. وراسج بثواني تلكينه هنانه وصدگيني شيخ طه اكبر واحد مايوگف بوجهه اخوج وتعرفينه
ام شهم
اي عمه خابري خلص وكتي هنا
شهم
يمه انتي شتحجين كل عقلج يمه استهدي برحمانج
عباس
يمه كولي يالله
ترفه
فرح. اكعدي وسكتي تخبلتي
مهدي
اذا خابرتي ابوج. يعني هم ترجعين انتي ويه عمتج
من گال مهدي هيج صفنت فرح بعيونه وگالت
فرح
هههه هوايه چنت مغشوشه بحضرتك شيخ. خلص ارجع ويه عمتي المكان الي مالگه بي احترام يحلم اگعد بيه دقيقه مو بت الشيخ طه الي تنهان وابوهه الشيخ طه
اتصلت فرح بابوهه. تحت انظار الكل ودهشتهم الشيخ عساااف صافن عليه شلون تباوع للفراغ صحاه من صفنته من سمع فرح تگول
فرح
شيخ طه حكم اختك الفصليه خلص مو
شيخ طه
لا تهدين حيلي عمتج شبيه
فرح
شيخ طه اختك تنتظرك تجي ترجعه لقصر ابوهه
شيخ طه
مسافه الطريق واني يمه
ترفه
جنت بيت عمي يم شمس وقمر لان شمس مدري شبيه مختفيه توني اريد ارجع للبيت احنه بيت بصف بيت.
من طلعت شفت محسن رايح لبيتنه كملت الطريق وياه جان يحشش عله قمر
من وصلت شفت حر واخوتي گاعدين بالحديقه
ضليت صافنه
هذا شجابه
سلمت ودخلت. شفت ست مريم موجوده وميسم
الاخت من هسه تطلع وياه وحده عبالك مرته مو بت عمته
اني جاي اشرب عصير عود جابتلنه فرح وكع من ايدي عله ثوبي.
رحت ذبيته لبست. دشداشه من فرح
چنت صاعده عل طبله امثللهم عله شمس شلون عود هيه ضايجه وصنف عل عالم
ماشوف غير حر صافن عليه بس شنو عيونه تجدح نار
ماحجه شي وياي واخذ حبيبت الگلب وطلع
وراها بساعه رجعت للبيت
لگيته متصل عليه ٦ مرات فاني رجعت اتصلت بيه اول ما رن فتح خط كتله
ترفه
الو
حر
گلي لاخوتج ماريده شوفيلج عذري اي حجه وخلي نفصخ هل خطبه ونخلص من هل مهزله
ترفه
هااا
حر
ادري دخلت حياتج جبر واني هم نفس الشي تدري عندي مريم تسوه الف وحده مثلج
لذالك خلي ننهي هل مهزله
ترفه
حر مريم هم بنت خالتي صح مابينه اي علاقه بس ضل بنت خالتي. وماريد اخذ شي يخصه
ورجائا انتبه لالفاظك
وهاهيه يا ابن خالي. صح احنه دخلنه جبر بحياة بعضنه واكيد مو اني الي لازم توگف بصفك شيخ حر
الناس مقامات وفهمك كفايه
وادري انته ماعندك الشجاعه توگف بوجه احد وتاخذ حقك وتگول اريد مريم. مو بت الشيخ عساااف
لذالك باجر الصبح الشيخ شهم يجي لخالي ويحل الموضوع واعتبر سالفتنه انتهت
ترفه
گلتله هيج ومانطيته مجال يحجي شي وقفلت تليفوني من ذاك اليوم
وثاني يوم نزلت الصبح جانو كلهم كاعدين عل ريوك حتى فرح ومهدي بس ابوي ماموجود. بايت بغير محافضه
كتلهم
ترفه
شيخ شهم
شهم
خيرج من تكولين شيخ شهم يعني السالفه چبيره
ترفه
اي يابن ابوي چبيره
مهدي
خير يا ستار
ترفه
خلصوني من سالفه عرسي اني. وأبن الشيخ طه
ام شهم
ليش يمه ابن خالج والنعم منه
شهم
يمه خل نفهم ادري حر شيخ والنعم منه. بس الگدامي اختي
ترفه
بكل حكم الكم ارضه بس انهو هل سالفه
جنت احجي ويه اخوتي وامي وفرح يحاولون يغيرون راأي. بس صوت ابوي سكت الكل من گال
شيخ عساااف
شهم. تحضر روحك وتروح انته ومهدي لشيخ طه وتنهون هل عرس والي يامر بي تگولونً تم المهم ترجعون وترفه حره من هل زواج
ترفه
صح امي ثگلت وجهه عليه وفرح زعلت وراحت لبيته
بس محد يگدر يجبرني عله زواج اني ماريده
وراها رحت للمدرسه حوالي الساعه ١١:٣٠. اجتي طالبه گالت يردونج بالاداره رحت وياها كتله منو يريدني ليش
كالت مادري بس الي اعرفه
كالو خطيبه يريده
حر
من رجعت للبيت اتصل عليه وهيه مترد
وراها گعدت ويه نفسي افكر اني عله شنو هيج حارگ دمي
وعصابي تلفانه
اني عندي حبيبه مريم تستاهل كل خير عله شنو حارك دمي عله ترفه
كل مافي الموضوع اني رجال وغيرتي متسمحلي. مره عله ذمتي وتطلع وطب ويه واحد
جنت اقنع نفسي بافكار واتصلت هيه
من حجيت وياها.
خلتني افور واغلي بالزايد وكلامها عن المقامات خبلني
هيه الي فالته ومامحترمه سالفه كونه مره بذمه رجال
وراها كالت كلام الصراحه ماعرف ليش انرعبت من سمعته رغم اني الي گتله ننهي كلشي
الحقيره قفلت تليفوته بعد هل اتصال
اتصل بيه ادز رسائل ماكو
ثاني يوم.
تقريبا الساعه ب ٩ ونص. جنه كاعدين واني وابوي وجديتي وامي
واجه جعفر آبن عمي كال
جعفر
شيخ. هذا شيخ شهم ومهدي رجل فرح ولد عمتي فرحه يردونك
شيخ طه
خير شجابهم بهل صبح
ام الشيخ طه
كل الهلا بيهم يمه ولد عمتكم مو غربه خلي يفوتون
شيخ طه
يضل شهم غريب. طبيهم بالديون جاي
ان الشيخ طه
لا بشرع ربك حكم ابن الرظاعه حكم ابن الصلب گومً حر دخلهم هنا اني اريد اسلم عله احفادي
حر
بعد كلامً جديتي ابوي ماگدر يحجي شي. طلعت عليهم سلمت ورحبت بيهم رغم اني عرفت عله شنو جيتهم
وخاصه مهدي مبين من وجهه
دخلو وسلمو وثنينهم باسو راس جديتي. شهم جان مدنك راسه من سلم عله امي
بس الي غثني منه من حجه ويه وابوي بطريقه مجاهلني ولا كاني موجود. ولا عبالك الي جاي يحجي اني المعني الاساسي بي
كال
شهم
شيخ طه اني جايك بشغله
شيخ طه
خيرك يالشهم بشنو هل مره جاي تلف ودور
شهم
وسفه والله مو شيخ شهمً الي يلف ويدور اني جيتك واضح وكلامي واضح موذنبي يتفسر كلامي غلط
شيخ طه
ادخل بصلب الموضوع
حر
ابوي جان يحاول يقلل من شئن شهم وهذا الشي الي حط مهدي بموقف لا يحسد عليه من جهه اخو ومن جهه خاله
كال شهم
شهم
صلب الموضوع يا شيخ طه. سالفه زواج اختي وابنك تلغي وحر يطلگ
شيخ طه
ههههه شنهي يابن عساااف. لعب جهال هيه ?
شهم
مو ابن الشيخ عساف الي يلعب بس اني قبلت بشرطك اول مره بعد رضات اختي. ولوما جانت راضيه لو تطلع شمس ☀️ من مغربه مايتم هل زواج
بس بنت الشيخ عساااف. هل مره هيه الي گالت اريد انهي هل زواج
شيخ طه
بنت اختي اعرف شلون احجي وياها
شهم
بنت اختك اختي حطه بالك
مهدي
خالي .... هل مره صدگني احنه ما نطقنه ولا كلمه ترفه بنفسه هيه الي گالت روحو لخالي ونهو هل زواج
شيخ طه
انته زين تعرف اذا فسخت ترفه هل زواج مرتك ترد لبيت ابوهه لو وراها عشر جهال
شهم
فصلك مدفوع. لو جان دمي ومرة الشيخ مهدي ضل بيته واخت الشيخ مهدي ضل بيته
شيخ طه
دمك مهدور من طبيت مضيفي اول مره بس اعلان هل قرار جان متاخر
حر
من گال ابوي هيج نهض شهم وكال
شهم
الي تريده يجرالك شيخ طه
اني من طلعت من بيت ابوي گال الي يريده الشيخ طه كلوله عليه تم
مو بنت الشيخ عساااف الي تقل من قيمته
من كال هيج شهم الشيخ طه التفت الحر وكال
شيخ طه
من قلل من قيمته
حر
ماصار اي شي بينه
شهمً
باوع عله حر بنضرات غضب وگال بستهزاء
احمد ربك ماگالت شصاير بينكم حته تجي من. صبح حته گبل ما تغسل وجهه وتگول ( الي تردونه اسوي بس خلصوني من هل زواج )
والخاطر اختك الي بيتي ماسالته ليش وشصاير
لان زين اعرف كلامك اله ثكيله وماردت اسمعه
ثق بربك لو ترفه كايلتلي ليش. قررت هل قرار
جان ماخليت الصبح يصبح عليك
بس الخاطر فرح سكتت وماسالته شصار بينكم
حر
احترم نفسك شهم. لا تهدد ونته بنص بيتي
شهم
محترم شيبات ابوك وجديتك الي هلت بينه واله اعرف شلون اصرف وياك
والضاهر من كلتله شيخ حر والنعم منه. جنت غلطان
احتد النقاش بين مهدي وشهم وابوي وجديتي وحتى امي مجانت راضيه عله هل قرار
لحضه ردت اكسر غرور هل حقير واكله اختك الي مامحترمه كونه عله ذمه رجال.
بس سكتت كونه هيه محسوبه عليه مو من شيمتي احجي عله مره بالعاطل
اخر شي. ابوي گال. لازم احجي اني ويه ترفه
وبعد ماحجيه
بنت اخت لخال ذاك الوكت الي تامر بي ترفه اني حاظرله
دون فصل دون اخذ وعطه
وره ما طلعو شهم ومهدي
ابو تحول بركان ? راد يحركني. اله شويه. لحضه حسيته مو ابويه. ترفه بنت اخته ومريم بنت اخته
ليش ترفه الي عدنه عداوات وياه اهله حد السماء. رحب بيه كونه اعز من بناته.
ومريم الي ربت گدام عينه. ولا مره لمح مجرد تلميح بقبول اتجاها
انطاني انذار
وكال.
شيخ طه
سمعني. حر لا تجبرني. اعاملك بسلوب. يخليك تكره ساعه الجابتك امك
وحط هل كلمه براسك. اذا ترفه مارضت ترجع عن هل قرار
وكلمتي كدام الشيوخ تنكسر
وينكال شيخ طه. انطه اخته وبناته لبيت عسااااف
وماگدر ياخذ منهم مره
قسم بالله. انهيك
كال هيج. وعافني وطلع. امي كالت روح حاجي البنيه هسه هيه بالمدرسه
افهم منه ليش هيج حجت وحلوهه لا نهايتك صير عله ايد ابوك
صدك رحت لترفه للمدرسه سلمت اله مديره هيه اصلا تعرفي من وره هل بلوه. غضب
من كتله اريد ترفه عساااف استغربت ومن كتله اني خطيبه وابن خاله كالت ( الف هنيالك عله هل اختيار دره مال الله ترفه ورده )
وره شويه اجتي ترفه.
اترخصت من المديره تسمحلنه بنص ساعه
صدگ المديره مكالت شي كونه تعرفنه وطلعت وعافت المكتب النه. اول ما طلعت المديره كالت ترفه
ترفه
اكيد شهم اجه عليكم
حر
اي. اجه وحجه
ترفه
طلكت لو بعدك
حر
مو بهل سهوله لا تنسين طريقه زواجنه. ابو شرط حته يصير الطلاك مهدي يطلك فرح
ترفه
ههههه بحلامه شنو خالي معقوله ماعرف ولد اخته.
حر
شقصدج
ترفه
اخوتي ينطون دم وماينطون شي الهم. مو عاد تنخاذ مرته منه اذكرك مهدي اخذ فرح من ابن عمه. وهو بينه وبين ابوهه دم
مو عاد صارت مرته حلاله ملكه وبيته. وينطيه بسهوله. مو ابن الشيخ عساااف الي غصب تنخاذ مرته منه
وخليه بالك حته. شهم اذا ماراد يطلك مرته. لا انته ولا ابوك ولا كل عشيرتك تكدر تاخذه منه
حر
شنو رايج العب وياج هل لعبه
ترفه
شقصدك يا لعبه
حر
ههههه اشو عاجبني ماطلك
ترفه
هل سالفه ماتلوك الك الموبيك لا تمثل بيك تنكشف.
حر
ترفه تره اني. بايعج ما مشتري لو اريدج. لو مو شهم هذا الجنه ثور يرعد لو الف شهم مايكفون بوجهي
ترفه
ما دامك بايع صير رجال واگف بوجه ابوك وگله ماريده
حر
رجال غصبا عليج وعل خلفج
ترفه
ديربالك لا طير شجابك الخلفني. ماريد اطوله وهيه گصيره. انهي كلشي وخلصنه
انته الي اجيت وكلت انهي هل زواج هسه شيسمونه هل كلام
حر
اكيد انهي هيج علاقه وحده مثلج مشرفني تكول عله اسمي
ترفه
حر. خلي النفس عليك طيبه واحتراما لفرح ساكته عن كلامك ماموصلته لاخوتي.
ماريد دمك ينهدر
حر
لا بربج. خاف ما ترضين ...
ترفه
اتخيل اروح اكلهم ابن خالكم يتهمني بشرفي. لا عبالك غشيمه ومجاي اعرف انته لشنو جاي تلمح
عبرته اكثر من مره
زين اعرف. الي براسك شنو.
حر
اني ماتهم اني متاكد
ترفه
اخر همي ان شكيت وله وثقت. بس خليه براسك اني بت الشيخ عساااف. مو اني الي تلعب عله الحبلين بذمه رجال وتحجي ويه غيره.
وهسه عرفت ليش اكلك. انته شجابك لشيخ محسن
لان محسن يعرف شنو بت عمه. ولازم. حده.
مو مثل حضرتك مكتوبه عله اسمك وانته تطعن بشرفي
حر
اني ماحجي من فراغ. زين تدرين بيه اتخبل منه شيسموهه راجعه وياه تتمضحكين بنص اليل غير هذا لا تكليلي جنت يمهم ورجعني حته اخوات ماعنده حتى اكول. جنتي يمهن واهلج امج واخوتج كلهم بالبيت. شيسمونه نرحين لبيت شخص. رجلج مانعج سلمين. عليه
ترفه
لا تنتضر بيوم افسرلك تصرفاتي او احاول اثبتلك شككوك خطآ
وهسه. الي بيني وبينك منتهي ✅
هو بدايته خطا. وهسه انظافته هل سالفه. راح يكون الاستمرار بيه اكبر غلط
ترفه
ماجنت اكدر اتحمل بعد هل موضوع كلشي ولا الثقه. واخلاقي خط احمر ماكدر اسمح الاحد يتعده هل خط
رجعت لصفي بس اني احس روحي اغلي
وراها. من رجعت للبيت الي فهمته من اخواني انو خالي رايد يشوفني ويحجي وياي.
وره يومين عزمني بمطعم لان ميگدر يجي لبيتنه صعبه عليه
رحت گعدت وياه وحدنه
حجيتله عله كل سوالف حر. وحلفته كلشي ميحاجي حر
كتله اني من البدايه قبلت لخاطر امي واخوتي ومن شفت تعاملك انته وام حر وجديتي حبيت البيت واهله بس حر مانطه مجال لهل علاقه
واذا انته صدك مثل ما تكول. اني حكم بنتك. واني معزه امي. لا تخليني انجبر عله. هل زواج
خالي ضل منزل راسه
بس كال خالي فكري. قبل. ماتنطين. كلمتج الاخيره. تره. نهايه هل زواج يا خالي
بيه كسره الخالج. ومذله.
اتراجعي عن هل قرار وكلمه شيخ اخذيه مني تعيشين بيت خالج اميره
وراها. اجه شهم اخذني للبيت
وفرح هم ضلت اتلح شكو وشصاير. اضطريت احجيله كلشي
وحلفته متحجي شي لمهدي منريد مشاكل
شو هاي الثوله ماتت ضحك وصدمني رده من كالت
فرح
هذا المسودن واگع بعشگج يل ثوله
ترفه
خبله انتي كل عقلج اكل هيج يكلي ويرد ينهي كلشي اتكلي عاشكگج
فرح
اخوي واعرفه. هاي اسمه غيره وشعواط كلب وحركه ومووت احمر.
ترفه
فرح حبي الظاهر انتي صخنتي اروح البيته احسن
ترفه
عفته ورحت لبيته واني كلماته دك براسي بس اني لافتحت خطي ولا حجيت ويه احد
مرت الأيام والوضع سكون لا اخوتي سالوني عن قراري ولا اني فتحت الموضوع
رغم. حر شفته اكثر من مره من يجيب غضب ? للمدرسه
وجان يحاول يحاجيني بس اني قبل مايوصل اصعد بالسياره
بس الي صدمني من اجتي غضب ? وگالت
غضب
هلو
ترفه
هلو
غضب
ترفه حر وصاني اگولج افتحي خطج اكو موضوع ضروري لازم يگلج علي
ترفه
ماشي من اروح افتحه
غضب
اوك باي
ترفه
عافتني وراحت خير هاي شبيه صايره لطيفه وياي موعوايده
من رجعت فتحت تليفوني لكيت كومه رسائل واتصالات
ماقريت شي منهن بس اول مافتحت اتصل عليه حر وگال
حر
الو
ترفه
نعم غضب كالت عدك موضوع مهم وياي
حر
ليش ماكتيلي ماجنتي يم بيت محسن ومن رجعتي بالصدفه التقيتي بي
ترفه
شنو
حر
فرح حجتلي كلشي
ترفه
اي وشنو يعني واذ فرح حجتلك شتغير
حر
شلون شتغير تره هذا هو الي جان السبب الي خلانه نقرر ننفصل
ترفه
لا ابد مو هذا السبب.
حر
ترفه ....
ترفه
شنو شصار بشنو هددك خالي هل متصل تريد ترجع المياه مجاريه
حر
هه اصلا خالج ساكت وعايفني مادري شنو فلمه
ترفه
الي بينه انتهه لان اصلا مجان اكو شي حته يبديه
كتله هيج ورجعت قفلت تليفوني. ورحت اريد اعاتب فرح شكو تحجيله
لكيته تصب غده وعباس وحسين هم يمهم
كعدنه نتغدا ودخل ابويه الصراحه صدمنه
بس بعدين عرفنه جيته علمود امي مو شي ثاني
وراها كلنه خلي نروح هم انشوف امي وشهم وين راحو لان اني من اجيت ماشفت امي
وحته البقيه محد يدري وينهم شهم محابرهم كايللهم احنه طالعين
بس من رجعنه للبيت واجتي
صار الي. مستحيل يصدك
والي سوته فرح و رد فعل مهدي تقريبا هدم سعادة بيتنه
جنه كلمن يحجي بصفحه وابوي ساكت مانطق حرف
اقل نص ساعه سمعنه صوت السياره.
ومبين الي بيه جان يسوق بسرعه وفجاة وكف طلع عباس
يشوف منو
والصدمه جانت من دخل خالي طه.
خالي من زوج بنته النه ماجه بعرسه شافه. اليوم طب البيت وحر بعيونه حيره. ماعرف شسميه
خالي بدون كلام صفن عله امي وهيه كالت
ام شهم
يله خويه
خالي طه سند امي. وگامت وهيه مرتجيه. عليه انتبهت لايد امي بيه كانولا
وشهم جان خايف عليه وكال
شهم
خالي
شيخ طه
دير بالك تكوله هل كلمه اني مو خالك
