Please love me more!

Arc-1-1

ရှောင်းကျန့် မျက်လုံးများဖွင့်လိုက်တော့ သူကဂိုထောင်ပျက်တစ်ခုထဲမှာ ကြိုးတုပ်လျက်သား။

'အပျင်းပြေလမ်းလျှောက်ထွက်လာပါတယ်ဆိုမှကွာ  အဖမ်းခံရတဲ့အချိန်ကူးပြောင်းလာရတယ်လို့'

ဉာဏ်ရည်တုစနစ်တစ်ခုရဲဆိုးကျိုးကိုရှောင်းကျန့်နားလည်သွားသည့်အချိန်မှာပဲ ဒီကမ္ဘာရဲ့ဇာတ်ကြောင်းက ရှောင်းကျန့်ဆီကိုရောက်ရှိလာလေသည်။

ဒီကမ္ဘာမှာတော့ ဗီလိန်ရယ်၊ဇာတ်လိုက်မရယ်၊ဇာတ်လိုက်ရယ်က သူငယ်ချင်းတွေဖြစ်ကြပြီး ရှောင်းကျန့်ကတော့ ဇာတ်လိုက်ရဲ့အကို လုယွင်ကောဖြစ်လေသည်။သူက လုသခင်ကြီးနဲ့သွေးမတော်ပေမယ့် အမေဖြစ်သူရဲ့ဂျိုတပ်ကောင်းမှုကြောင့်သားအကြီးဆုံးဖြစ်လာလေသည်။လုအိမ်တော်မှာသားနှစ်ယောက်ရှိလေရာ ဇာတ်လိုက် လုစစ်ရန်က လုသခင်ကြီးရဲ့တရားမဝင်သားဖြစ်လေသည်။သူကတော့ တရားမဝင်သားဖြစ်တဲ့ဇာတ်လိုက်ကိုအမြဲနှိမ်ကာ ဗီလိန်ကျိုးမင်ချန်းအတွက် တံတားခင်းပေးခဲ့သူ။လုသခင်ကြီး သေခါနီးအချိန်မှာ လုယွင်ကောကသူ့သားမဟုတ်မှန်းသိသွားပြီး သားအရင်းဖြစ်တဲ့လုစစ်ရန်ကိုသာ အမွေပေးခဲ့၏။လုသခင်ကြီးနဲ့သွေးမတော်မှန်းသိသွားသည့်အခါမှာ ဗီလိန်ကစွန့်ပစ်သွားပေမယ့်သူကတော့အချစ်မပေါ့နိုင်ပဲ အရာအားလုံးပေးဆပ်ရင်းချစ်သွားခဲ့သူ။ဇာတ်လိုက်ရဲ့လက်စားချေမှုတွေကိုရင်စည်းခံရင်းဖြင့် ဗီလိန်ကိုလဲတဖက်ကကာကွယ်ခဲ့သည်သာ။

အခုသူက ဇာတ်လိုက်ကလက်စားပြန်ချေနေသည့်အချိန် ကူးပြောင်းလာခြင်း။ထိုအပြင် ဗီလိန်ကောင်ကလဲ ဇာတ်လိုက်ကောင်ရဲ့လက်စားချေမှုကြောင့် မတော်တဆပြန်လည်မွေးဖွားလာသည်ဖြစ်ရာ ပြန်လည်မွေးဖွားလာသောဗီလိန်နှင့် လက်စားချေလိုစိတ်ပြင်းပြနေသည့်ဇာတ်လိုက်ကောင်ကြားမှ ကူးပြောင်းလာသည့်အမြှောက်စာလေးရှောင်းကျန့်ခေါင်းကိုက်သွားလေသည်။

[ဒီလောက်လေးနဲ့ခေါင်းကိုက်နေတာလား အသုံးမကျချက်ပဲ မင်းကိုရွေးမိတာတောင်မှားပြီလားမသိဘူး]

ရုတ်တရက် နားထဲကြားလိုက်ရတဲ့အသံကြောင့် ရှောင်းကျန့်လန့်သွားသည်။