2

313 8 0

by AungAung511

by AungAung511

🍻 အရက်ဆိုင်ကို "ဘုံဆိုင်" လို့လည်း ခေါ်တယ်မလား။
အင်္ဂလိပ်လိုတော့ public house (ဘုံအိမ်) လို့ ခေါ်တယ်။
ဒါကိုမှ အတိုချုံ့ pub ရယ်လို့ဖြစ်လာတာပါ။
ဘား(bar)လို့လည်း ခေါ်ကြသေး။

🍻 pub crawl သို့မဟုတ် bar-hop ဆိုတာကတော့
တစ်နေ့တည်းမှာတင် တစ်ဆိုင်ပြီးတစ်ဆိုင် ပြောင်းသောက်တာကို ပြောတာပါ။

🍻 အဲ့လိုပြောင်းသောက်ရတဲ့အကြောင်းတွေထဲကတစ်ခုက ဆိုင်တစ်ဆိုင်ချင်းစီရဲ့ စျေးလျှော့ပေး/ခွက်ပိုပေးတဲ့
နာရီအပိုင်းအခြားမတူလို့ပါ။
အချို့ဆိုင်တွေက ၄ နာရီကနေ ၅ နာရီ
အချို့က ၅ နာရီကနေ ၆ နာရီ စသဖြင့်..
အဲ့လိုအချိန်ဆို ပျော်ရတယ်မလား။
ဒါကြောင့် happy hour လို့ ခေါ်ပါတယ်။

🍻 နောက်ဆုံး ညဉ့်နက်လို့ kitchen ပိတ်တော့မယ်ဆို waiter တွေက နောက်ဆုံးအနေနဲ့ ဘာမှာမလဲဆိုပြီး
လာမေးကြတယ်မလား။
ဒါကို last orders/last call လို့ ခေါ်ပါတယ်။

🍻 အဲ့ဒီ last orders ကောက်ပြီး ဆိုင်ကနေမောင်းမထုတ်ခင်စပ်ကြား မှာထားတာတွေ အမြန်သောက်ရစားရတဲ့အချိန်ကိုတော့ drinking-up time လို့ ခေါ်ပါတယ်။

🍻 တရားဝင်ခွင့်ပြုထားတဲ့အချိန်ကျော်ပြီး ခိုးဖွင့်တဲ့
ဆိုင်တွေကိုတော့ after-hours bar/pub လို့ ခေါ်ပါတယ်။

🍻 အသောက်ကြမ်းတဲ့သူကို heavy drinker လို့ ခေါ်တယ်။
တွဲလုံးသတိထားပါ.. အရက်ပြင်းကျ strong drink လို့ သုံးပါတယ်။

🍻 အရက်ကို ရေတွေဘာတွေ ဘာမှမရောထားရင်
neat/ straight လို့ခေါ်ပါတယ်။
(neat/straight whiskey)

🍻 တစ်ကျိုက်တည်းမော့ရင် မြန်မာတွေက one slope လို့ သုံးကြတယ်။
တကယ်က down in one လို့ သုံးပါတယ်။

🍻 မြန်မာက "ခွေးလိုနွားလိုသောက်" တယ်။
အင်္ဂလိပ်ကကျ drink like a fish. (ငါးလိုသောက်တယ်)

🍻 မြန်မာက မူးရင်လည်း "ခွေးလိုနွားလိုမူး" တယ်။
အင်္ဂလိပ်ကတော့ မူးရင် as drunk as a lord
(သူကောင်းလိုမူးတယ်.. ပိုက်ဆံပိုရှိ ပိုသောက်နိုင်တာကိုး)

🍻 နောက်တစ်မျိုးက as drunk as a skunk
(skunk ဆိုတဲ့ နံစော်နေတဲ့ဖျံကောင်လို မူးတယ်လည်း ပြောတယ်.. drunk/skunk ကာရန်မိလို့လည်းပါတယ်)

🍻 ခုမှစသောက်တဲ့ အူရိုင်းလေးကိုကျ novice လို့ ခေါ်တယ်။ (ရှင်ပြုပွဲက မောင်ရင်လောင်းကိုလည်း novice ခေါ်တာပဲ.. အခြေအနေကြည့်ပေါ့)

🍻 အရက်တစ်မျိုးမျိုးကို မမြည်းစမ်းဖူးရင်တော့ uninitiated/untrained palate လို့ခေါ်တယ်။
(အတွေ့အကြုံမရှိသေးတဲ့ အာခေါင် ပေါ့)

🍻 အရက်ဖြတ်ထားတာကို on the wagon လို့ သုံးတယ်။
အရက်ပြန်သောက်တာကျ off the wagon လို့ သုံးတယ်။

🍻 အရက်လုံးဝမသောက်တဲ့သူကို teetotaller လို့ ခေါ် တယ်။
tee-total-ler ဆိုတာ total (လုံးဝ) ကနေလာတာပါ။
total ဆိုတာကို t နဲ့ စရေးရတယ်မလား..
"လုံးဝ" ဆိုတာကို ပိုလေးနက်စေချင်ရင်
"လသေးသေးတင်တစ်ချောင်းငင် လုံ ဝစ္စနှစ်လုံးပေါက် လုံး၊ ဝ ရေ ဝ.. လုံးဝ" ဆိုပြီး စာလုံးပေါင်းပြသလိုပါပဲ။

🍻 အခံ့သုံးဆိုရင်တော့ abstinence from alcohol လို့ သုံးပါတယ်။ alcohol နေရာမှာ sugar(သကြား)/ gambling(လောင်းကစား)/sex(လိင်ကိစ္စ) ဒါတွေ အစားထိုးသုံးလို့ ရပါတယ်။

🍻 အချို့ကအရက်ကို ဝမ်းနည်းမှုတွေဖြေဖျောက်ဖို့ သောက်ကြတယ်။ ဒါကို drown my/your/his/her sorrow လို့ ပြောပါတယ်။

🍻 အချို့ကလည်း ရဲဆေးတင်ဖို့သုံးတယ်။
သောက်မှ သတ္တိရှိလာတာကိုး..
အရက်သောက်မှပေါ်လာတဲ့ သတ္တိမျိုးကို
liquid courage လို့ ခေါ်ပါတယ်။
ဗြိတိသျှတွေကတော့ ဒတ်ချ်လူမျိုးတွေကို ကြည့်မရတာနဲ့ပဲ Dutch courage လို့လည်း သုံးကြတယ်။

🍻 အချို့က အရက်သောက်ပြီးရင် သွေးဆိုးတယ်။
အဲ့လိုလူမျိုးကျ angry drunk လို့ ခေါ်တယ်။

🍻 လုံးဝမမူးသေးဘူး၊ မသောက်ထားဘူးဆိုရင် sober
နည်းနည်းကောင်းနေရင် tipsy
မူးနေရင် drunk
အရမ်းမူးနေရင်တော့ wasted/hammered/legless
စသဖြင့် သုံးကြပါတယ်။

🍻 ဘာပဲပြောပြော ထန်းရည်မူးတော့ကျွဲခိုးပေါ်တာပါပဲ။
လူတစ်ယောက်မူးရင် အမှန်တွေထွက်လာတတ်ပါတယ်။
ဒါကို အင်္ဂလိပ်လို A drunk mind speaks a sober heart. လို့ ပြောပါတယ်။

With love,
YKL
May 17, 2022
Crd