Let's learn English

11

🎓 diploma ဆိုလို့ ကိုယ်တွေတုန်းက တလွဲဖြစ်ခဲ့ဖူးတာလေး ပြောပြဦးမယ်။

📅 ငယ်ငယ်က diploma ဆိုတာကို ၂ နှစ်တက်ပြီးမှ
ရတဲ့ဟာမို့လို့ di- နဲ့ စထားတာလို့ ထင်ခဲ့ဖူးတယ်။
နောက်မှ သိလာရတာက အချို့ diploma တွေက
၁ နှစ်နဲ့ ရတယ်။
ဒါပေမဲ့ ၁ နှစ်နဲ့ရလို့ဆိုပြီး monoploma လို့
ဘယ်သူမှ မခေါ်ဘူး။
အဲ့တော့ တက်ရတဲ့နှစ်နဲ့တော့ မဆိုင်လောက်ဘူးလို့
ထင်လာမိတယ်။

📃 ဒါနဲ့ပဲ ဇာစ်မြစ်ကိုလိုက်ကြည့်လိုက်တော့
di ကတော့ "နှစ်ခု" ပဲ။
ploma ဆိုတာကကျ "ခေါက်ထားတာ" ကိုပြောတာ..
ဒါကြောင့် diploma ဆိုတာ "နှစ်ခေါက် ခေါက်ထားတဲ့စက္ကူ" (folded paper) ပဲပေါ့။

📜 ဒါ့အပြင် အရင်ခေတ်က သံတမန်တွေဆိုတာလည်း
တကယ်တော့ သူတို့ရှင်ဘုရင်ရဲ့ "စာချွန်လေး" ကိုင်ပြီး
တခြားနိုင်ငံတွေကို ဝင်ရထွက်ရတာမလား။
ဒါကြောင့် အဲ့ဒီစာချွန် (စက္ကူခေါက်) လေးကို အစွဲပြုပြီး
"သံတမန်" ကို diplomat/ diplomatist
"သံတမန်ရေးရာ" ကို diplomatic
"သံခင်းတမန်ခင်း" ကို diplomacy
စသဖြင့် ခေါ်ကြပါတယ်။

🏫 ဆိုတော့.. ဒါနဲ့ပဲ ၂၀၁၉ တုန်းက ကျနော်
Diploma in English Language Teaching အတန်းတက်တော့ အတန်းစစချင်း ပထမဆုံးနေ့မှာတင် Tr. က
Diploma in English Language Teaching ကို
အဓိပ္ပာယ်ဖွင့်ဖို့ တစ်တန်းလုံးကို မေးပါလေရော။
အတန်းထဲမှာ တစ်ခုရှိတာက လုံးဝ အင်္ဂလိပ်လိုပဲ ပြောရတယ်။

✋🏼 ကျနော်ကလည်း ဇာတ်မြစ်အရ Diploma means "a folded paper" လို့ ဖြေလိုက်မိတယ်။

👩‍🏫 အဲ့မှာ Tr. က "ဒီပလိုမာဆိုတာ စက္ကူခေါက်တစ်ခုပါပဲ" ဆိိုပြီး ပြောတယ်လို့ အထင်လွဲသွားသေးတယ်။

သြော်.. စာကိုရူးသွပ်တာကလည်း နေရာတိုင်းတော့
မကောင်းဘူးရယ်။

With love,
YKL
Sept 8, 2022