تموت الأحلام حين يتم تحقيقها / / للكاتبة:جمال نجد وفتنتن حايلي

البارت السادس

الجـــــــــــــــــــزء السادس

بعد أسبوع كنت ولا زلت محاربه النوم ... اليوم كملت ثلاث ايام صاحيه

حتى عيوني بديت احس زي الضباب عليها من كثر التعب ...

قصــــر ســـــاكن بلا حس وبلا صوت غير صوت الهواء

اللي يضرب على الشبابيك .... ملل من كل شيئ ..... وركود

وتعب تمادى علي فوق كلمة التعب ....

كنت أنتظر الزوج يجي ... عشان تبدى حياتي من جديد ....

وعشان أنفذ مشاريعي الجايه ..... خلااص كل شيئ أقترب عندي يهون

والزوج أنا فكرت فيه خلاص ولقيته والآن كلها كم دقيقه ويجي ناصر

ونتفق .............

من دون مايندق الباب شفت ناصر يدخل من بوابة القصر .......

شفته يدورني بعيونه بين المجالس ... وناديته ...

ناااصر .. تعال أنا هناا ؟!

هو بعد مارفع عيونه وشافني تقدم بخطواته باتجاهاي

سلام ..؟

انا وعليكم السلام ورحمة الله ... هلا ناصر ..

ناصر بعد ماجلس سألني بأستغراب .. وشفيها عيونك كذا

وليش كذا شكلك متبهذل ؟!

أنا بعد ماأبتسمت على طرف أبتاسمه باهته مواصله .....

هو : أهاا ...

أنا : ألمهم ... بشرني وافق خالك يتزوجني ؟!

هو : بأبتسامه ...وقت ماقلت له الموضوع أستغرب وضحك كثير
أنا : آخ بس .. قال وش حدك على المر قال اللي امر منه

هااه خلصني يعني ايه ولالا ؟!

هو : أييه وافق

أنا بأرتياح خذيت نفس طويل وأسندت ظهري على الكنب

بأرتياح أكثر ... ثم قلت ... وبلغته الشروط ...

هو راح يآخذ حقه كامل ... وقت مايتم الطلاق

هو بزعل وكأن مو عاجبه الموضوع كله : أيه بلغته

أنا : ووافق ؟!

هو بتردد ... لأ ...رفض ... قال قللها راضي أتزوجها ...