Never Let You Go

4

ဆွဲလက်စပန်းချီကားချပ်ရှေ့မှာ Sunooက အသက်မရှိသလို ငူငူကြီးထိုင်နေတယ်..။ Sunooထိုင်နေတာ ကြာနေပြီဖြစ်သလို ထိုင်နေတဲ့ Sunooကို Jungwon ငေးကြည့်နေမိတာလဲ ကြာပြီ။

ပတ်တီးဖြူဖြူတွေစည်းထားတဲ့ Sunooရဲ့ ညာလက်ကိုကြည့်ရင်း တကယ်လို့ ဖြစ်နိုင်မယ်ဆို သူ့ကိုယ်သူတိုင်နဲ့ခေါင်းနဲ့သာ Jungwonပြေးဆောင့်ချင်လိုက်တော့တယ်။

သူ့ကြောင့် ဖြစ်ရတာ...။သူမစဉ်းစားမဆင်ခြင်တွေလုပ်မိလို့ Sunooထိခိုက်သွားရတာ...။

"တောင်းပန်ပါတယ်....Sunoo...တကယ်တောင်းပန်ပါတယ်...."

တောင်းပန်ပါတယ်တစ်ခုထဲကိုဘဲထပ်ခါတလဲလဲ သူအကြာကြီးရေရွတ်နေမိသည်။ဒါပေမဲ့ အခုအခြေနေအရ သူဘယ်လောက် တောင်းပန် တောင်းပန် Sunooကတော့ မကြားနိုင်ဘူးထင်ပါရဲ့...။

Jungwonသက်ပြင်းအရှည်ကြီးချလိုက်မိတယ်။

အကောင်းဖက်ကနေကြည့်ရင်တော့ အခုချိန်မှာ သူတို့လေးယောက်ကြားက ကိစ္စတွေရှင်းသွားသလို Sunooရော Sunghoonရောက သူ့အခြေအနေကို သေချာသိသွားတာမို့ သူ့ကိုလိုက်ရှာတဲ့ ကိစ္စကပိုအကူအညီ ရလာသည်။ ပြီးတော့ တော်တော်ကို ခြေတံလက်တံရှည်ပြီး အဆက်အသွယ်များတဲ့
Kimအိမ်ပါ ပါလာတော့မှာမို့ ပိုမြန်ပြီး ပိုလွယ်ကူလာမည်လို့ မျှော်လင့်ရသည်..။

ဒါပေမဲ့ ပြဿနာက Park Sunghoon...။

ကာယကံရှင် Sunooကိုယ်တိုင်က တောင်းပန်နေတာတောင် Sunooအနားမှာ Jungwonရှိနေတာရော Sunooခန္ဓာကိုယ်ထဲ ဝင်လာတာရောကို Sunghoonက ခါးခါးသီးသီးနဲ့ ဘယ်လိုမှမကျေနပ်နိုင်။

နောက်ဆုံး ကာယကံရှင်ကကြည်ဖြူနေတာရော Jayက တောင်းပန်နေတာကြောင့်ရောသာ ဘယ်လိုမှ မတတ်သာလို့ စိတ်လျော့လိုက်ရတဲ့ ပုံစံမျိုး။

အဲ့ဒါတောင် Jungwonက Sunooအနားမှာ အမြဲလိုက်ကပ်မနေတော့ပါဘူး..။Jungwon က Sunooကိုယ်ထဲကို ထပ်ဝင်လာမယ်ဆိုရင်တောင် သူတို့နှစ်ယောက်လုံး Sunooကို လုံး၀မထိပါဘူးလို့ Jayက အထပ်ထပ်အခါခါ ကတိတွေပေးခဲ့ရတာ..။

Jungwonအနေနဲ့ကတော့ Sunghoonကို ပေးထားတဲ့ ကတိဆိုတာထက် ကိုယ့်ဘာသာကို အပြစ်မကင်းတဲ့စိတ်ကသာ ပိုအလေးသာခဲ့သည်။