Never Let You Go

7

Sunooရဲ့ စိတ်အခြေအနေနဲ့ အပြုအမူတွေဟာ
စိုးရိမ်စရာကောင်းတယ်လို့ Jungwon
ထင်ခဲ့တယ်..။ဒါပေမဲ့ Jungwon ရိပ်မိခဲ့တဲ့
အချိန်ဟာ နောက်တောင်ကျနေခဲ့ပြီ။ အခုမှ
သူသတိထားမိတာတစ်ခုက သူတို့စတွေ့ချိန်ထဲက Sunooက စိုးရိမ်စရာကောင်းနေခဲ့တာဘဲ...။
ဒါမှမဟုတ် Sunooဒီလိုတွေ ခံစားနေရတာ Jungwonနဲ့ မတွေ့ခင်ထဲကလဲ ဖြစ်နိုင်ခဲ့တယ်။

Sunoo အဲ့ဒီလိုတွေ ခံစားနေရတာ
ဘယ်လောက်တောင် ကြာခဲ့ပြီလဲ။
အဲ့ဒါကို ဘာလို့ ဘယ်သူမှမရိပ်မိခဲ့ကြတာလဲ။

သူတို့ စတွေ့တုန်းက ကျောင်းခေါင်မိုးစွန်းမှာ အဖော်မပါဘဲလမ်းလျှောက်နေခဲ့တဲ့Sunoo။
အဲဒီချိန်တုန်းကတော့ Sunooက သူ့ကို
ပထမဆုံးစမြင်ရတာမို့ Jungwonပျော်သွားတာ
အပြင် တခြားဟာတွေ မတွေးမိခဲ့ဘူး။
မတွေးမိခဲ့ရတဲ့ အကြောင်းရင်းကလဲ
အဲ့ဒီတုန်းက Sunooကအရမ်းအေးဆေးပြီး
တည်ငြိမ်နေခဲ့တာ။Jungwonတွေ့ခဲ့တဲ့
Sunooရဲ့ပုံစံကခေါင်မိုးပေါ်က ခုန်ချမယ့်
ပုံစံမျိုးမဟုတ်ခဲ့ဘူး။ဒါပေမဲ့ အဲ့ဒီတုန်းက
Sunooအနေအထားက မတော်တဆသာ
ပြုတ်ကျသွားခဲ့ရင်အရိုးတခြား
အသားတခြားဖြစ်သွားမယ့် အခြေအနေမျိုး။

ပြီးတော့ ဝိညာဉ်ကိုမြင်နေရတောင်
ဝိညာဉ်က အနားကပ်ပြီးအနှောင့်အယှက်ပေးခံရ ၊အကူအညီတောင်းခံရတာတောင် Sunoo က
လန့်သွားတဲ့ပုံ မပြခဲ့ဘူး။ Sunooရဲ့
ခံစားချက်တွေဟာ ဝမ်းနည်း အားငယ်တာ
တစ်ခုနဲ့ဘဲ ပြည့်လျံနေပြီး တခြားဘာမှ
ထပ်မခံစားရတာမျိုးလဲ ဖြစ်နိုင်တယ်။

အဲ့ဒီအချိန်တူန်းကလဲ Sunooက
နှစ်ခါတောင် မစဉ်းစားခဲ့ဘဲ
သူ့အကြောင်းတွေကို ဘာမှတောင်
ထပ်မေးမလာတော့ဘဲ သူ့ကို ကူညီမယ်လို့
ကတိပေးခဲ့တယ်။ တကယ်ဆို
Jungwon ကိုယ်တိုင်ကလဲ
ရိုးရိုးစင်းစင်းသမားမို့ တခြားဟာတွေ
မတွေးမိခဲ့တာ။ သူကိုယ်တိုင်ကလဲ
သူများကိုကူညီပေးနိုင်တယ်ဆိုရင် ကူညီလိုက်မယ့်လူစားမျိုးမို့လို့။ သေချာသာ စဉ်းစား
ကြည့်ရင် ဘယ်လိုလူမျိုးကကိုယ့်ခန္ဓာကိုယ်ကို
သုံးချင်သလိုသုံးဆိုပြီး
ဝိညာဉ်တစ်ကောင်ကို ခွင့်ပြုရဲမှာလဲ..။

ဒါပေမဲ့ Kim Sunooကတော့ အဲ့လိုအထိကို
ခွင့်ပြုခဲ့တယ်။ အခုမှတွေးမိတာက
ဒါက Jungwonကို ယုံလို့ဆိုတာမျိုးထက်စာရင်
Sunooကိုယ်တိုင်ကိုယ်က အစထဲက
သူ့ခန္ဓာကိုယ်နဲ့ သူ့ဘ၀နဲ့ပတ်သက်ပြီး
မက်မောတဲ့စိတ်၊ လိုချင်တဲ့စိတ်ကို
ရှိမနေတော့ခဲ့တာ။ ဘာဘဲဖြစ်ဖြစ် လုပ်ချင်တာသာလုပ်သွား သူဂရုမစိုက်တော့ဘူးဆိုတဲ့
သဘောမျိုးဘဲ။ ဒီနေရာမှာ Jungwonမဟုတ်ဘဲ
သူ့ခန္ဓာကိုယ်ကို အပိုင်စီးလိုက်မယ့်
တခြားဝိညာဉ်ဆိုရင်တောင် Kim Sunooက
ကျေကျေနပ်နပ်ကြီး ပေးလိုက်မယ့်
သဘောမှာရှိတယ်။