Never Let You Go

10

"ဘာမှမဖြစ်ပါဘူး...ဘာမှမဖြစ်လို့လဲ Sunoo ကို လူကြီးတွေက အခုချိန်ထိ ဘယ်သူမှ ဘာမှ မပြောကြတာပေါ့..။အတင်းအဖျင်းသတင်းတွေက ဒီလိုဘဲ ရေးနေကြဘဲလေ...."

သူ့ပခုံးတွေကို ခပ်ဖွဖွပုတ်ကာနှစ်သိမ့်နေတဲ့ Park Sunghoonက  ဘာပြဿနာမှမဖြစ်တော့မယ့်အတိုင်း
လုံး၀ အေးအေးဆေးဆေးဘဲ။ဒါပေမဲ့ လေသံအေးအေးနဲ့ မလိုက်ဖက်အောင်ကို Sunghoon ပုံစံက အရမ်းပင်ပန်း နွမ်းနယ်နေသည်။

Sunooကတော့ စိတ်အေးအေးမထားနိုင်။သူကြောင့် Jungwonထိခိုက်မှာ သူစိတ်ပူသလို၊သူ့ကြောင့် Sunghoonဖြေရှင်းနေရမယ့် ကိစ္စတွေကို တွေးမိပြီးလဲ သူစိတ်မကောင်းဖြစ်ရတယ်။ အဲ့ဒါကြောင့်ဘဲ ဒီကိစ္စအတွက်နဲ့ Sunghoonရုံးခန်း အထိကို သူမလာစဖူး လိုက်လာခဲ့ရတာပါဘဲ..။

Sunoo နဲ့ Jungwonရဲ့ ပုံတွေဟာSNSတွေပေါ်မှာ သို့လောသို့လောအတင်းအဖျင်း သတင်းမျိုးစုံနဲ့ပွထလို့။
Sunooက Jungwonအတွက်စိတ်ပူနေပေမယ့်Jungwonကတော့ အဲ့လိုဟာတွေကိုဂရုမစိုက်။သိသိချင်းကို
သူကဘဲ Sunooအတွက်ကို စိတ်ပြန်ပူနေတာ။

Sunghoonက သူ့ကိုသာဘာမှမဖြစ်ဘူးပြောနေတာ အခြေအနေကိုကြည့်ရသလောက်အခုကိစ္စကို Sunghoonဖြေရှင်းနေရပြီမှန်း Sunooရိပ်မိသည်။ သူတို့နှစ်ယောက်ရဲ့ အိမ်ထောင်ရေးမှာ အခြေအမြစ်မရှိတဲ့ အတင်းအဖျင်းသတင်းတွေရေးခံရပြီး ကောလာဟလတွေထွက်လာတာမျိုးတွေက အဆန်းတော့မဟုတ်။

ဒါပေမဲ့ အခုလို တခြားလူတစ်ယောက်နဲ့ သတင်းတတ်လာတာတော့ ဒါက ဒုတိယအကြိမ်ဖြစ်သလို ဒီကိစ္စက ပြဿနာလဲကြီးသည်။အရင်က သူနဲ့လက်ထက်ပြီးဘာမှ သိပ်မကြာခင်ကို Sunghoonက စီနီယာ Jaeyunနဲ့ သတင်းရေး ခံခဲ့ရသေးပြီး အဲ့ဒီတုန်းကလဲ သူတို့အိမ်တွေဘက်က ပြဿနာ အတော်ရှင်းလိုက်ရသေးတာ။

"ဒါပေမဲ့...."

သူစကားတောင် မပြောရသေးခင်ကို စားပွဲပေါ်က Sunghoonဖုန်းကမြည်လာသည်။ဖေဖေခေါ်နေတာမို့ Sunghoonက သူ့ကိုတစ်ချက်ကြည့်ကာ ဖုန်းကိုင်လိုက်ပြီး ခပ်လှမ်းလှမ်းမှာ သွားရပ်ပြောနေတယ်..။
သူထင်တာမမှားဘူးဆို အခုကိစ္စနဲ့ဘဲ ခေါ်တာနေမှာ။

Sunoo သက်ပြင်းအရှည်ကြီးချလိုက်မိတယ်။

ဩဇာရှိတဲ့ မိသားစုနှစ်စုက လူနှစ်ယောက်ရဲ့ လူကြီးတွေကောင်းမှုနဲ့ လက်ထပ်ထားရတဲ့ အိမ်ထောင်ရေးဟာ လူတွေစောင့်ကြည့်ချင်စရာ အတင်း ပြောချင်စရာအကြောင်းအရာတစ်ခုဖြစ်တာကို Sunoo သိသည်။
သူတို့နှစ်ယောက်ရဲ့ အိမ်ထောင်ရေးဟာစီးပွားရေး၊ လူမှုရေးတွေနဲ့သာ အဓိကပတ်သက် ဆက်နွယ်နေတဲ့အတွက် မချစ်မနှစ်သက်ဘဲ လက်တွဲလိုက်ရတဲ့ နှစ်ယောက်ဟာ ဘယ်အချိန်ထိသည်းခံပြီး အတူဆက်ရှိနိုင်မလဲဆိုတာကို အကုန်လုံးက သိပ်စိတ်ဝင်စားကြတယ်လေ။