Never Let You Go

6

ကော်ဖီစက်ထဲက ကော်ဖီကို ခွက်ထဲ
လောင်းထည့်တာကစလို့ creamerနဲ့ သကြားကို
သေသေချာချာ ဂရုစိုက်ထည့်နေတဲ့
လှုပ်ရှားမှုအားလုံးက ညင်ညင်သာသာရယ်..။
အနုပညာကျောင်းသားဖြစ်တာမို့လို့
အပြုအမူ သေးသေးလေးတွေကအစ
ငေးကြည့်ချင်စရာ အနုပညာဆန်နေတာလားလို့
သူတွေးနေမိရင်း မျက်စိရှေ့ကSunooကို
Sunghoon မမှိုတ်မသုန်ဘဲထိုင်ကြည့်နေမိသည်။

မနက်စာပြင်ပြီးတာနဲ့ အိမ်အကူများက
ထမင်းစားခန်းထဲက ထွက်သွားကြတာမို့
ထမင်းစားခန်းထဲမှာ သူတို့နှစ်ယောက်ထဲ။
Sunooက ဖျော်ပြီးတဲ့ကော်ဖီခွက်ကို
အောက်ခံပန်းကန်ပြားပေါ်တင်ပြီး
သူ့ဘက်ကို လှည့်လာတော့မှဘဲ
သူ အကြည့်လွဲမိတော့တယ်။

Sunoo သူ့ရှေ့လာချပေးတဲ့ကော်ဖီပူပူကို
အောက်ခံ ကြွေပန်းကန်ပြားပေါ်ကနေ
အသာ မယူပြီးSunghoonသောက်လိုက်သည်။
ခါးဆိမ့်မွှေးပျံ့နေတဲ့အရသာက ခံတွင်းထဲပျံနှံ့လို့။
ချက်ချင်းကို လန်းလန်းဆန်းဆန်းဖြစ်ပြီး
သူ စိတ်ကြည်သွားသလိုဘဲ..။

တကယ်က မနက်တိုင်းSunooသူ့အတွက်
ကော်ဖီဖျော်ပေးနေတာက သိပ်တော့
မကြာသေးဘူး..။ဖြစ်ပုံက လွန်ခဲ့တဲ့အပတ်က
အိမ်ကပြင်ထားပေးတဲ့ ကော်ဖီက
Sunghoonအတွက် သိပ်အဆင်မပြေ။
အဲ့ဒီတုန်းက သူစိတ်မဆိုးလာခင်
Sunoo ကပြေရာပြေကြောင်းဖြစ်အောင်
ဘယ်သူ့မှ ခိုင်းမနေတော့ဘဲ သူကိုယ်တိုင်ဘဲ
ချက်ချင်း ထဖျော်ပေးခဲ့တယ်။

အဲ့ဒီထဲက အိမ်ကပြင်ထားပေးတဲ့ ကော်ဖီကို
သူထိကို မထိတော့ဘဲ မနက်တိုင်း
Sunoo ဖျော်ပေးတဲ့ ကော်ဖီကိုဘဲ
ကျေကျေနပ်နပ်ကြီး သောက်နေမိတာ...။

Kim Sunooက စွဲလမ်းအောင်
အရမ်းလုပ်တတ်တာဘဲ...။
အခုဆို သူဘယ်လိုလုပ်ရတော့မလဲ..။
သူပြင်သစ်ကို ခဏသွားရမယ့်နှစ်ပတ်မှာ
ဒီကော်ဖီကို မနက်တိုင်းသူလွမ်းနေရတော့မှာဘဲ။

တကယ်ဆို လက်ထပ်ပြီးထဲက
သူတို့နှစ်ယောက်က အခုမှပထမဆုံးခွဲဖူးကြတာမို့
သူခရီးသွားရမယ့် နှစ်ပတ်က တွေးကြည့်ရင်
အကြာကြီးဘဲလို့တောင် Sunghoon ခံစားရတယ်။

Sunghoon စိတ်ကူးအတိုင်းဆို ဒီနှစ်ကုန်မှ
Sunooကိုပါခေါ်ပြီး ပြင်သစ်ကို
တခါထဲပြောင်းမယ်လို့ သူတွေးထားတာ..။
ဒါပေမဲ့ သူအလုပ်မပြောင်းခင်
အဲ့ဒီက ရုံးခွဲအခြေအနေကို
အရင်သွားကြည့်ထားရန် လိုကိုလိုတာမို့
အခုတော့ Sunooမပါဘဲ မဖြစ်မနေ
သူတစ်ယောက်ထဲ ခဏအရင်သွားရတာမျိုး
ဖြစ်လာခဲ့သည်။