Never Let You Go

8

သေခြင်းတရားက ကြောက်စရာကောင်းလား???

အဖြေကို သေချာမသိပေမယ့် သေခြင်းတရားထက် ဆက်လက်ရှင်သန်ဖို့အတွက်ကို သူက ပိုကြောက်ခဲ့တာမို့ သူသေသွားရင်တော့ ငြိမ်းချမ်းသွားမယ်လို့ Sunooက ထင်ခဲ့တယ်..။

အဲ့ဒါကြောင့်ဘဲ အဲ့ဒီလမ်းကိုသူရွေးချယ်ခဲ့တယ်။တကယ်တော့ သူ့မှာရွေးချယ်စရာကသိပ်မရှိခဲ့သလို သေခြင်းတရားတစ်ခုထဲကဘဲ သူမကြောက်မရွံနဲ့ တစ်ယောက်ထဲသွားနိုင်တဲ့ လမ်းဖြစ်ခဲ့လို့ပါဘဲ..။

တကယ်ဆို Sunooက သူ့တစ်ဘ၀လုံးမှာ တစ်ယောက်ထဲ ရှင်သန်နေရတာကို ကြောက်လာသလို ဆက်ရှင်သန်ဖို့အတွက်လဲ သိပ်ကြောက်ခဲ့တာ။ သူက မှီတွယ်စရာ အဖော်သိပ်လိုခဲ့တယ်။အဖော်ဆိုတာကလဲ သူ့အတွက် ဆွေမျိုး၊ သူငယ်ချင်း၊ မိတ်ဆွေ၊အပေါင်းအဖော်၊ ချစ်သူ၊ အိမ်ထောင်ဖက် ဘယ်လိုပုံစံဘဲဖြစ်ဖြစ် သူလိုချင်ခဲ့တယ်..။

သူကသိတတ်စအရွယ်ထဲက အမြဲ တစ်ယောက်ထဲတစ်ကောင်ကြွက်ဖြစ်ခဲ့တာ။ သူ့ကို ဘယ်သူမှမချဉ်းကပ်ရဲသလို သူ့ဘက်ကလဲ ဘယ်သူ့အပေါ်ကိုမှ ချဉ်းကပ်ခွင့်လဲမရခဲ့ဘူး။သူ့ရဲ့အနီးကပ်ဆုံး လူဖြစ်တဲ့၊သူအမျိုးသားဆိုတဲ့ Park Sunghoonအပါအဝင်ဘဲ။သူ့မှာ အားကိုးစရာ၊ ဖမ်းဆုပ်ထားစရာ၊တွယ်တာစရာ သက်ရှိဆိုလို့ ဘာမှမရှိလာခဲ့ဘူး..။

ဒါပေမဲ့ မမျှော်လင့်ဘဲ သူ့ဆီကို Yang Jungwon ရောက်လာခဲ့တယ်။

မမြင်ရတဲ့ကြိုးတွေရဲ့ ခိုင်မြဲမှုဟာ အချိန်နဲ့မသက်ဆိုင်ဘဲ ယုံကြည်မှုနဲ့သာ သက်ဆိုင်တယ်ထင်တယ်။
Sunooက Jungwonကို ကူညီ ကယ်တင်ခဲ့သလိုဘဲ Jungwonကလဲ Sunooကို ကူညီကယ်တင်ခဲ့တာပါဘဲ...။

Jungwonကြောင့် Sunooရဲ့ ဒီလောကကြီးထဲက တိတ်တိတ် ဆိတ်ဆိတ်ထွက်သွားဖို့ အစီအစဉ်က ပျက်သွားခဲ့တာမှန်း Sunoo သိသည်။ ဒါပေမဲ့ Jungwonကို သူအပြစ်မတင်နိုင်။ သူနောက်ဆုံးအချိန်ပါဘဲလို့
လက်လျော့လိုက်တဲ့အချိန်မှာ သူJungwonနဲ့တွေ့ခဲ့တယ်။

သူတို့နှစ်ယောက်ထဲ..။

Jungwonက Sunooကို ဆက်လက် ရှင်သန်စေချင်ခဲ့တယ်။သူ့ကိုယ်ကျိုးအတွက်တစ်ခုမှမပါခဲ့ဘဲ၊Sunooဆီကဘာမှပြန်မမျှော်လင့်ခဲ့ဘဲ Sunooအတွက်ဘဲ Sunooကို ဆက်လက်ရှင်သန်စေချင်ခဲ့တာ..။