Never Let You Go

2

မမြင်ရသောကြိုးတွေရဲ့တုပ်နှောင်မှုကို
ဘယ်အချိန်ထဲက ခံစားခဲ့ရမှန်း
Sunooမမှတ်မိတော့.။သေချာတာတစ်ခုကတော့
သိတတ်စအရွယ်ထဲက သူအမြဲမွန်းကြပ်နေခဲ့တာ
ဖြစ်သည်..။

"မပျော့ညံ့နဲ့ Kim Sunoo...
Kimအိမ်အတွက်ဆိုတာကိုဘဲ
မင်းခေါင်းထဲမှာအမြဲထည့်ထား..
မင်းက Kimအိမ်ကို ကိုယ်စားပြုနေတာ..."

"နေမကောင်းလဲ စန္ဒယားသင်ဖို့
ပျက်လို့မရပါဘူး... ဒီလအတွင်း
သခင်လေးအခြေနေ တိုးတက်မလာဘဲ
keyတွေ ဆက်မှားနေတုန်းဆိုရင်
အပြစ်ပေးဖို့ သခင်မကြီးက မှာထားပါတယ်.."

"မိတ်ဆက်ပေးစရာတွေရှိတာမို့ ညစာစားပွဲကို
မသွားချင်လို့မရဘူး... Kim Sunoo ည7နာရီမှာ
ကားပေါ်ရောက်နေတာကို လိုချင်တယ်..။
ပြောလို့မရရင် ရတဲ့နည်း သုံးခဲ့ကြစမ်း..."

အများအမြင်မှာ သူက Kimအိမ်ရဲ့
တစ်ဦးတည်းသော အမွေဆက်ခံသူ..။
လူတိုင်းအားကျရတဲ့ သခင်လေး..။
ဒါပေမဲ့ အများမမြင်ကြတဲ့ သူ့ရဲ့
တစ်ဖက်အခြမ်းကို တွေ့ကြပြီးရင်ရော
သူ့ကို အားကျကြဦးမလားဆိုတာ
သူအမြဲ သိချင်ခဲ့သည်။

"ဟို...မင်းနဲ့မပေါင်းဖို့မေမေကမှာထားတယ်..
မင်းအဖွားက ကြောက်ဖို့ကောင်းတယ်တဲ့.."

"ဒီအာဟာရမဖြစ်တဲ့ သရေစာတွေကို
သခင်လေးကို ဘယ်သူကခိုးကျွေးရဲတာလဲ...
ကျွေးတဲ့လူကို သေချာစစ်ဆေးပြီးတာနဲ့
အလုပ်ထုတ်လိုက်တော့... နောက်အဲ့ဒီလို
စည်းပျက်ကမ်းပျက် အပြုအမူမျိုးထပ်လုပ်ရဲတဲ့
ဘယ်သူမဆို အဲ့ဒီလမ်းအတိုင်းဘဲ လိုက်ရမယ်.."

"Kim Sunooကိုလုံး၀ သွားမထိမိစေနဲ့နော်..
သူ့ကို စာအတင်းလိုက်ပေးတဲ့ Year 2က
ကောင်မလေးရော..PEအချိန်မှာ သူနဲ့ငြိမိသွားတဲ့
Class Bကကျောင်းသားနဲ့ သူ့မိဘတွေရော
ဘာဖြစ်သွားလဲဆိုတာ မြင်တယ်မဟုတ်လား.."

ဘယ်သူမှ သူ့အနားမကပ်နိုင်သလို
သူ့အနားမှာ ဘယ်သူမှလဲရှိမနေခဲ့ပါ..။
ကြီးပြင်းလာမှုနဲ့တိုက်ရိုက်အချိုးကျလာတဲ့
အထီးကျန်ခြင်းတွေ..။

"ဟိုးအရင်က ကတိတွေအတိုင်း Parkအိမ်နဲ့
လက်ထပ်ရမှာက လက်ထပ်ရမှာဘဲလေ...
Park Jongseongနဲ့မဟုတ်ရင်
Park Sunghoonနဲ့ဘဲ လက်ထပ်ရမှာမို့
မလိုအပ်တာတွေ မရှုပ်ရအောင်
ဘယ်သူနဲ့ ဘာသတင်းမှ ထွက်မလာစေနဲ့.."