Never Let You Go

13

"အရင်ထဲက Hyungက ကျနော့်အပိုင်ဆိုပေမယ့်
အခုတော့ တရားဝင်ဖြစ်သွားပြီနော်...
Hyung ကကျနော့်လူ...အမြဲတမ်း ကျနော့်လူ..
ကျနော် ဘယ်လိုအခြေအနေရောက်ရောက်
ခင်များကို ဘယ်တော့မှ လက်လွတ်ပေးမှာ
မဟုတ်ဘူး..သိရဲ့လား Park Jay..."

နှစ်ဦးသဘောတူ ကျမ်းကျိန်သစ္စာပြုအပြီးမှာ
Jungwon က ပိုင်စိုးပိုင်နင်းတွေ
ပြောရုံတင်မကဘူး Jay Hyungရဲ့လက်ကို
တင်းတင်းဆုပ်ထားသေးတယ်။ စိတ်မာတဲ့လူမို့
မျက်ရည်မကျတာတောင် ပြောမပြတတ်အောင် စိတ်လှုပ်ရှားနေတယ် ဆိုတာတော့
အပြုအမူတွေက သက်သေဘဲ..။

Jay Hyungကတော့ မျက်ရည်စတွေနဲ့ပြုံးနေရင်း
Jungwonပြောသမျှ စကားတွေကို
ခေါင်းတစ်ဆတ်ဆတ်ညိတ်ပြီး
လက်ခံနေလေရဲ့....။

သဘတ်ခါဆိုရင်ဘဲ Jay Hyungနဲ့တူတူ Seattle ပြန်ကြရတော့မှာကို ဒီနေ့မှာဘဲ Jungwon က
ရုတ်တရက်ကြီး စိတ်ကူးထရပြီး မပြန်ခင်
လက်ထပ်သွားမယ်ဆိုပြီး လုပ်လာတယ်...။
Jay hyungကလဲ အရာရာအားလုံး
Jungwon ဆန္ဒအတိုင်းဘဲ..။
အသိသက်သေအဖြစ် သူနဲ့ Sunghoon
နှစ်ယောက်သာပါပြီး တခြားဘယ်သူတွေမှ
မပါတဲ့ ဘုရားကျောင်းသေးသေးလေးထဲက
မင်္ဂလာပွဲဟာ တိတ်တိတ်ဆိတ်ဆိတ်ဘဲ
ပြီးသွားလေသည်။

Jungwonရော Jay hyungရောက
ဖုံးဖိထားလို့မရအောင် အရမ်းပျော်နေတယ်ဆိုတာ အသိအသာဘဲ...။အရှေ့ကနှစ်ယောက်ကို
ငေးနေရင်းလွန်ခဲ့တဲ့ တစ်နှစ်ကလုပ်ခဲ့တဲ့
သူတို့နှစ်ယောက်ရဲ့ မင်္ဂလာပွဲဟာ
Sunooအတွေးထဲ ဝင်လာခဲ့သည်။
အဲ့ဒီတုန်းက သူနဲ့ Sunghoonနှစ်ယောက်လုံး
အများကြီးစိတ်ညစ်ခဲ့ရ၊ စိတ်ပင်ပန်းခဲ့ရတာဘဲ..။

ရုတ်တရက် လှိုက်ခနဲဝမ်းနည်းသွားပြီး
အရှေ့ကနှစ်ယောက်စီကနေအကြည့်လွှဲပြီး
ဘေးနားက Sunghoonကို Sunoo
မသိမသာစောင်းကြည့်မိသည်။
မမျှော်လင့်ဘဲ တိုက်တိုက်ဆိုင်ဆိုင်ရယ်။
Sunghoonရဲ့ မျက်ဝန်းနက်နက်တွေကလဲ
သူ့ကို ငေးကြည့်နေခဲ့တယ်..။

စိတ်ထဲရှုပ်ထွေးသွားပြီး Sunooချက်ချင်း
အကြည့်လွှဲလိုက်မိသည်..။
သူ့လက်ချောင်းတွေကို ဖွဖွလေးဆုပ်ထားတဲ့
Sunghoonရဲ့ လက်တွေက ရုတ်တရက်
တင်းတင်းကျပ်ကျပ်ဆုပ်ကိုင်လိုက်သလို
Sunoo ခံစားလိုက်ရတယ်..။
ဒါပေမဲ့ Sunghoonရဲ့ လက်တွေဆီကနေ
သူဆတ်ခနဲ အတင်းရုန်းလိုက်မိသည်။
ဘာကို အလိုမကျလို့ သူဘာလို့
အဲ့ဒီလိုအပြုအမူမျိုးလုပ်မိသလဲဆိုတာကို
Sunoo ကိုယ်တိုင်လဲ နားမလည်။