Sincerely, Lenrisa

3: Perfect Match

"Ris dali na! Try mo lang naman," sabi ni Chel kay Risa.

Magkasama si Risa at Chel ngayon sa isang café dahil nagpasama si Risa sa kanya mamili sa grocery. Para pa ngang nagsisi si Risa dahil pinipilit siya ni Chel mag-install ng dating app para naman daw hindi siya ang binubulabog nito kapag wala siyang makasama.

Inirapan siya ni Risa at in-install na ang sinasabi niyang Tinder.

"Sinasabi ko lang talaga sa 'yo, Diokno," banta ni Risa kay Chel.

"Subukan mo na kasi," pilit pa ni Chel

"Oo na, ito na nga diba?" sagot ni Risa.

Installing.....
Installed!

"Oh my gosh. Installed na raw, anong next?"

"Gagawa ka ng account, malamang?"

"Then?"

"Kapag may nagustuhan ka, swipe right mo lang tapos swipe left kung ayaw mo. Pero para magmatch kayo ng ini-swipe right mo, dapat ini-swipe right ka rin niya."

"Ohh, okay. Thank you."

Lumipas ang ilang minutong pag-iscroll ay wala pa rin siyang nagugustuhan sa mga nakikita niyang profile.

"Ano ba naman 'to, Chel. Hindi ko naman bet mga nakikita ko," reklamo niya sa kaibigan niya.

"Akin na nga!" sabi ni Chel at inagaw ang cellphone ni Risa.

Pagkatapos ng ilang minutong pagi-scroll ay may pinakita siya kay Risa na profile.

"Bet mo?" tanong niya.

Tiningnan ni Risa ang nakalagay.

Leonor
📍7 KM away
Abogada, Ekonomista.

"Infairness, ang ganda niya." bulong ni Risa sa sarili.

Kinuha niya ang cellphone kay Chel at ini-swipe right ang pinakita ng kaibigan.

"Sus pakipot pa nung una, abogada lang pala gusto," asar ni Chel.

"Manahimik ka diyan, Diokno. Kapag nagwork 'to, lilibre kita."

"Ipagdarasal ko na 'yan." sabi niya.

Sa kabilang banda si Leni naman ay kumakain nang marinig niyang tumunog ang cellphone niya.

From: Secretary
Ma'am, may meeting ka po mamayang 2pm.

Tiningnan niya ang orasan at nakita niyang 12:30 palang naman. Hindi niya alam pero parang may bumulong sa kanya na buksan muna niya ang tinder niya. Pag open niya ay nakita niyang may naglike sa kanya.