🍂✨🍂
عايشة تحكي ""
منشرين وراء حيط الفاك كيف نعمة ربي ... الأولاد قاعدين يتكيفو و البنات تمكيج و انا شادة الأوراق في يدي نحب نفهم و باقي مخي مسكر ... -اووووف هالفيزيك المحنون نرتاح منو في الليسي يجيني في الفاك ...( رميت الأوراق بالقوي ) غساااان امان ايجاااا عاوني ...
باقي يتكيف و مطفيني مش معبرني أصل ... -غساااان نحكي معاك ازح
غسان-برا اخطاااااني ... انتي مخك ملحم قد مانفسر ماكش بش تفهم... مخك ملحم ملحم ... ( يضرب في راسو قريب يبكي ) ابعديني ازح سيبني ....
رانيا :- والله لا تحشم تفوووه ...
قام بش يضربني هربت نجري ... تضربت في صدر حد ...شيعت عيني نلقاه أحمد خويا ..يعني مش خويا خويا ... أمي و بوه عرسو ببعضهم ..عنا سنين متربين مع بعضنا ... و انا وياه كيف الفأر و قطوس ..صحيح انا نخاف منو شوية ... اما مستحيل نسكت على حقي 😑
أحمد -شبي عزززاك انتي هاربة ؟؟ و حالتك حليلة ( يهز فيا و يحط و قارن حواجبو )
عايشة :-تي غسان يجري ورايا ازح ...
أحمد :-مش قتلك معادش تحكي مع العزلكة ...
غسان قام ينفض في دبشو رمى السيجارو و عفس اعليه ملا رمبو ههه - شكون العزلكة سي أحمد ؟؟؟؟ -_-
غسان و احمد ديما يتعاركو مايتفاهموش جملة ... احمد جبدني من يدي يكركر فيا وراه و انا نصيح -سييييبني يا خ***را وين بش تهزني تي سيب ..
دزني عالحيط و قربلي يحكي - غسان بش تبعد اعليه هاني قتلك ...
-هو الباست فراند متاعي مانجمش نبعد اعليه ... ( تبمست نحب نستفزو )
-مالا تو نقود لأمي صافية ..( يناديلها امي خاطر تتسمى رباتو دخلت اعليه عمرو 5 سنين ..كبرنا مع بعضنا حتى بوه ولا بابا بالنسبة ليا )
-شنية بش تقلها ؟؟؟
-بش نقلها بنتك تصوحب في الفرو***خ ...
-غسان ماهوش ف**ر**خ بالحق انتي ماتعرفش مخو و تفكيرو تسخايل الكل كيفك ...
-احمد ربي اللي احنا جينا في الفاك و لا اقسم بالله نشد نكور بيك ... استنى نروحو للدار استنى ... اصبر على قسمك ..
رخيت شفايفي نحس في قلبي يدق -ماكش بش تضربني راهووو ..كبرت راني
-تكبر عالكل كان اعليا يا لفعة .... نروحو للدار و نشد نحصرك في اكا البيت بالشلابق ( ضربتو على ساقو بمشطة .. شد ساقو يتتوجعو قارن حاجبو )
-ملااااااا مسمامة هاذي ( شادد ساقو يتغصور )
-تمسني والله يا حمد كان تمسني ...
قص اعليا - شبش تعمممل ؟؟ ( يحكي متوجع ) بش تشكي بيا للبيوضي متاعك ؟؟؟ ( هزيتو و حطيتو و دورت وجهي زايد بالحق الحديث مع اللي مايفهمكش ينقص في الأأعمار )
عدل وقفتو و بقا يحك في لحيتو - هيا تحرك امممشي .. بش تدخل تقرا
-مانحبش ندخل نقرا بعد نعدي فيزيك و مش فاهمة شي ... و غسان ماحبش يريفزلي
-هيا نريفزلك أنا .. قدر اعليا ربي ..ابتلاء شعندي نعممممل ..
-بالحححححق ؟؟؟ ( شديتو من يدو نقز ..) بالرسمي ؟؟؟؟
نطرلي يدي - يزززي لا تراك الموجيرة تقول صاحبتي ...
-ملا موجيرة عاد عندك مصفارة ..😑
-تحرك برا جيب أوراقك و اخلط اعليا للمكتبة ....
✴✴✴✴
أنت تقرأ
🌛🏞️ شلة 50 🏞️🌜
Fantasyشلة "50" نوعية الكرو هاذي 🤎هي الكوميديا السوداء ... 🖤 : يعني الكوميدية الساخرة اللي تحكي على المشاكل و لا القضايا الكبيرة💙💜 ..اما بطريقة كوميدية 💛💚... " نبداو حلمتي اما بشرط التفاعل 🤍🧡 للكاتبة: سمر غالي♥️❤️
