✨🍂✨
👆بو عقربة هههه👆
عايشة تحكي""
عملنا حلقة ببعضنا و كل حد يغزر للشيرة اللي مقبللها ..مش فاهمين شنية اللي نسمعو فيه هذااا ؟؟؟
عايشة :- شكووون زعمة اللي يصيح ؟؟ ( تلفت لكريم ) كريم يخي وين كنت انتي ؟؟ كان معاك حد ؟؟
كريم :- لا وحدي أصلا فجأة اختفاو الناس الكل
عايشة :- لاهي تتوجع ؟؟ يعني تحس ؟؟
كريم :- لا مانيش قاعد حاسس ب شي ... بالرغم تجرحت من مرفقي ... و ماحسيت ب شي
احمد :- كلنا نحسو نفس الشي و زيد كلنا كنا وحدناااااا ... مامعانا حد ( زدت ترعبت من كلامو ...)
غسان :- يا جماعة ظاهر كان احنا هوني ... كااان احناااااا افهموهااا اللي صايرلنا غريب و عجيب ... فما زوز برك عايشين .. صقر و رانيا .... بقية الشلة
خولة :-معناهاااااااا رانيا هي اللي تصيح لازم نلقاوهاااا . وين خليتوها اخر مرة ؟؟
عايشة -انا خليتها تعدي في دفوار الفوق
خولة :-هياااو فاش تستناو باز هي لاهية تصيح ... هياااااا نمشيو هيااااا تحركو ....
****
الشلة مشاوا يلوجوا على رانيا اللي تصيح اما شكون قال اللي هي رانيا ؟؟؟ بالكشي حد اخر من عالم اخر لاهي يصيح ...
كان واقف على حجرة و يصيح – هاااااااااااااااي ... هاااااااااااي منهوووو هنااااااا ؟؟ اخرج هااااا جني اخرج ماعندك ماتعملي ... ( يرمي في الحجر على الخربة جبدو صاحبو )
- هاااااا بوعقربة شتعممممل ؟؟؟ ضبعت ها شنتي ( طفل ) ؟؟؟
- وااا شبيك ها شرف الدين سيبني خليني نطلعه الجني من هالخربة ... من بكري نسمع في صوت مشني عارف منين ..وصوت كيف الللحن ... ترن ترن ترن ....مشني عااااااارف
-اش يهمك فاها انتا الخربة ؟؟؟ امشي تحرك لا يخرجلك جن بالرسمي ...
-مشني متحرك من بلاصتي ( شبر وجهو للخربة و بدا يصيح ) اخرج و باااااااان عليك الأمااااااان .... اخرررررررج تحرك هااااااا الجن الأزرق ....
-اهببببط يا متخلف اهبط غدوة احتفالات الاستقلال يخي نسيت
-تونس بش تستقل ؟؟؟؟؟ ههههههههه يخي بالرسمي مصدق ؟؟؟
-ااه مالا نقلك غدوة تونس بش تستقيل ...و الاجوااااااء و الشيخاااااات قلك بور ڨيبة ربي يطول في عممممره بش يفرق علينا ال ڨازوز و ال ڨوفرات اضاكا تاع النجاحات و الطهورات شاااااخت عناا ها بوعــڨــربة
-نا مش متحرك من هنا الا مانعرف منهو في ها الخربة .. اشي صوووت مش مفهوم اشي حسسس مشني عارف حاسس فما ناس هنااااا ...
-يطلعوش فرانسيس هناااااا ؟؟ متخبين هههههههههه مشني ڨتلك ها صااحبي الفرانسيس خوووافة ...
-نا بش ندخللها الخربة و اللي بش يصير خلي يصييييييير
🔚الحلقة 15...🔚
ستنى حتى الصباح و هو تحت سور الخربة ... الشمس بدات تطلع ضربتلو في وجهو حل عينيه .. تنطر مفجوع -وينننننننه الجن ؟؟؟
شرف الدين صاحبو بجنبو تنطر مفجوع من صوتو – بسم الله ... ( شد قلبو ) شبييييك ها شنتي ؟؟؟ شبيك ضبعت ها بوعـــڨربة ؟؟؟
دخل للخربة -نااا بش نشوف هالخربة واش فاهاااااا ..و انا تحب تبعني تبع ماتحبش موشو لازم
في نفس الوقت ""
عايشة تحكي """
بقينا اكاك لين الصباح طلع .. ملا ليلة ك**لبة تعدات فوق ريوسنا اول ما شمس طلعت حسيت راسي وجعني ..شديت راسي بالقوي – أأه شنية الوجيعة هاذي يا ربي
غزرت للأولاد راقدين .. تنطرت نصيح – فيقووو يا جماااااااااعة فيقووووووو ....
أحمد حل عينيه ... عاقد حواجبو -شبيييييييك تصيح شصاااااار ؟؟؟
-رجعت نحس انااااااا رجعت نحس .. عندي وجيعة في راسي مش عادية و نحس في بدني رزين ...
قص اعليا صياح غسان شادد يدو المجروحة – آآآآآآه يدي ... ( مشيتلو نجري طبست اعليه و هو موجوع عاللخر )
-غسان لاباااااااس ؟؟ فاش تحس قلي ؟؟
-يدددي يدددي توجع عاللخر يخي مش كنااااااا مانحسووووووش ؟؟؟
وقتها خولة قامت ترد شادة كرشها مافهمت شي .. كلهم موجوعين .. غزرت لأحمد مفجوعة – انتي شنية حاسس روحك ؟؟
-شوية وجيعة و برا ..مش حاجة كبيرة ...
-لازم نلقااااااو حل لااااااااااازم .. يخي بش نبقاو هوني برررررررررشا ؟؟؟؟؟ لازم نتحركو ...
أنيسة قامت من بلاصتها .. – انا لاباس اعليا خليني نمشي نلوج .. بالكشي نلقا مخرج يخرجنا من هالحفرة ..و لا بش نعيشو حياتنا لكل هوني لين نموتوااااااااا ؟؟؟
كريم :- انااااا بش نموت بالجوووووووع و العطش .. خليني نمشي معاااااااك بربي ... بالكشي نلقا حاجة تتاكل
احمد :- بربي اش بش تلقا في هالخربة ؟؟؟؟ اشجااااار مثال ؟؟؟ تسخايل روحك ضايع في غابة ؟؟ تي فك على *** عاد ... حد ماهو بش يتحرك من هوني ... كان بش نمشيو ..راهو بش نمشيو كلنا ...
خولة رجعت وجها اصفر – بربي ؟؟؟ و لوقتاش شنبقاو هكا كادسين كيف كدس العزاء لين يضربنااااااااا الجوع و العطش و نموتوااااااااا ... انا مش مستعدة نموت في هالفاك المحنونة ... اوووووف اعلاش رجعنا نحسو ازززززززح اعلاااااااش ؟؟؟؟ يخي واعين فايقين باللي نحسو فيه ؟؟؟؟ ( شدت راسها تبكي بالشهقة ) أأأأأأأأه نحب نخرج من هوني نحب امي انا تو نحب نشوووووف داااااااارنا
أحمد :- بربي يزي من النواح ماعادش صغيرة رااااك مش كان انتي خايفة مش كان انتي تحب ترا عايلتك .. حتى احنا يعلم بينا ربي ....
قربتلو نهدي فيه بدا يتنرفز
عايشة :- وسع بالك أمان ...
خولة :- وسسسسسسسع بالك أمااااااان ( تعاير فيا تلفتلها نهز فاها و نحط ) شبيك تغزرلي اكاك ماو لابااااااس؟؟؟
عايشة :- لاباس في مخك انتي ؟؟ مريضة يخي ؟؟ و لا تتمورض ؟؟
خولة :- صحة ليييك .. اقتنصت الفرصة و بديت تتلوصقلو ( تقصد في احمد ) .. قبل بش طيحوا ريش في بعضكم تو وليت هكا هكا بيه .. 😑
احمد - خولة تنجم تبلع فمك و تسسسسكت .. مش ناقصين هبالك راهووووووو
غسان :- شبيييي**** يخي ( يتوجع كابس على يدو ) شووفو حالتي و انتوما تتعاركوووووو ... ( غزر لأنيسة ) برا أنيسة برا لوج على مخرج من هالحفرة ..خليوها تمشي هي و كريم عالأقل نلقاو حل ... خير ملي قاعدين هوني ...ليييييين نموتوا على فرد جنب ازح ....
( هاذي خولة )
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
✴✴✴✴
أنت تقرأ
🌛🏞️ شلة 50 🏞️🌜
Fantasyشلة "50" نوعية الكرو هاذي 🤎هي الكوميديا السوداء ... 🖤 : يعني الكوميدية الساخرة اللي تحكي على المشاكل و لا القضايا الكبيرة💙💜 ..اما بطريقة كوميدية 💛💚... " نبداو حلمتي اما بشرط التفاعل 🤍🧡 للكاتبة: سمر غالي♥️❤️
