✨🍂✨
صقر يحكي ""
مش مصدق يا جماعة الخير اللي صاير فيا هذاااااا ..تعرفوا يا لبنات انا عشت حياتي كل بعزي و دلالي ..اللي يقلك صقر بكلو .. غير يطلب ..تو نلقا روحي مع بوعڨربة المشلغم ... ملبسني دنننڨري و فوقو قشبية .. قصيرة اعليا قريب تجيني للركبة .. و هو يدلوح في راسو مقابلني يهز فيا و يحط
صقر :- شبيييييك ؟؟؟ شبييييييك تغزرلي اكاك يا شومي ؟؟؟ مش انتي اللي لبستهالي ..
بوعڨربة :- اسمعني هاااا شنتي ... اسمعني مليح ..( عدا صوابعو على شلغومو )
-خييييت مقرف .. -_-
-اسممممممممممع ( ضرب العصاء في القاعة ) ماضبعنيش راني نااااااا فيسع نضبع... و كيف نضبع نتحووول ....
صقر :- اش تحب تو انتااااااا ؟؟ اش تحب ؟؟؟ السفساري لبستنى و قلنا ميسالش يا جماعة الخير ... و تو القشبية لبستها و سكرت فممممممممي .. تو قلي وين بش تهزني ؟؟؟؟ و وينهم الأولاد وين هزيتهم ؟؟؟
-الأولاد في الحوش اللوخر ... هاني جاي اصبر
-وين مااااااااشي ؟؟؟ يعجبكشي بش تخليني واقف هناااااا ؟؟( بقيت نغزر يمين و يسار .. ملا حومة و ملا خربة .. و ملا حالة ..حيوط مسودة ... كان القطاطس ادور ... بوعقربة مشا .. بقيت اكاك مكتف يديا اللي يتعدى يغزرلي درا كيفاااااش ... تعدى طفل )
الطفل :- منهو الحنطويلة اضااااا ؟؟؟ ( يمشي و انا نغزل اعليه .. ضيقت عينيا فيه و نطقت )
صقر :- عكعك حاااااااااالة معاااااااك.. ( و الطفل يتعثر يجي مكبوب فوق راسو والله مشات معايا ... شدني الضحك مشيت نقوم فيه ) اللطف اعليييييك يا وخي اللطف ...
الطفل يبكي ينفض في سرواالو -قوم قووووم انفض ريشك يا جماعة الخيير شكون قلك تتبولد و تقلي حنطاويلة
الطفل من الفجعة فصع مني ... كل مرة يتلفتلي بقيت نتمتم – والله مشات معاهم عكعك في الخمسينات اتو نوريك هاااا بوعڨبة ..المشلغم اتو نوريك ... يا انااااا يا انتي ....
بوعقربة رجع يكركر في كريطة وقفها و قربلي – هيااااا اطلع
صقر :-شنية نطلع ؟؟؟؟
-اطلع في الكوريطة .... -_-
صقر :- لا اذااكا اللي مزال .. بش نطلع في كريطة ... مشات هيبتك يا صقر مشااااااااات كاريزمة متاعك يا صقر ... مشيت فاهاااااااا اخر ما صدر ... نطلع في كريطة متاع بهيم
-انتااااااا حاڨره البهيم ..؟؟؟؟
قصيت اعليه -مانيش حاقرو هو مسكين حيوان أليف يقوم بمهمتو ... اما هيبتي و وقاري
جبدني من قشبيتي من تالي -وين ترااااااا فاها الهيبة ؟؟؟؟؟ مشني نرااااااا فيه الوڨار ؟؟؟ شوف انتم فسدتولي نهاااااااري... لا نجمت نعيش بالإستڨلال لا نجمت نركش مع مريومتي ...
-بربي فكني قالوا استقلال .. تي كان تعرف اش بش يصير فينا والله تبقااااااا تتمنى كان بقيينا في عهد البايات ... و لا هالوحلة اللي وحلناهاااااااا ... تي سيب عاد هكا تووووو ؟؟ تقول على روحك راجل ؟؟؟؟؟؟؟؟ مشنڨلني قدام الناس احشم يا بوعڨربة راك كبير الحووووومة
دزني و ماصدق اللي هو كبير الحومة ... تنفخ يدز في صدرو – ناااااااااا بوعڨربة .. ناااااا اللي يحكم بحكامه و شكون يڨول لا ل بوعڨربة ... اططلع ( دزني قدام الكريطة طلعت فاها نتشعبط بيديا و ساقيا ..)
ثنية كاملة نتقاموا و نتحطو مكبش في بوعقربة بيديا – اووووووه اووووووه بش نطيح يا ناري على شبابي بش نموت طايح من كريطة بهيم ...لوووه هبطني يكب سعدددددك هبطني هههههه ( شدني الضحك و البكاااااااء )
بوعقربة :- نحي كسرتك هااااااا راجل و ضم فمك اعمتلي العاااااار في هالبر ... و انتا تفركح كاالفروج
صقر :- ههههههههههه يعطك داء على لونك بش نبول في سروالي بالضحك .. ( شدني الضحك و انا مكبش فيه ..)
بوعقربة – ابعددددددني ها شنتي ابعدددني
صقر :- ههههههههه عكعك حالة معاااااااااااااك بوعقروبة
ماكملتش جملتي و الكريطة تدخل في حفرة نطيح منها مكبوب على ظهري ... بوعقربة غزرلي يضحك
بوعقربة :- هههههههههه نوض هاااا صڨر الهانة و الرڨاد في جبانة ڨوم عملت العار و الشرشاااااار ....
شديت مسلاني – آآآآآآه سلسول ظهري تقسم في اثنين يا جماعة الخير ... يكب سعدك يا مشلغم ... يكب كبوبك ... يراااااااك في الخلاء ... يراك تجري ماتلحق
بوعڨربة – تدعي بيااااااا ؟؟؟ باهي مشت معاك ... عكعك حيييييييلة معاااااك انتا هاني نااااااا ماشي ...
مشا و انا نجري وراء الكريطة – استنننننى يا عم بوعقربة استتتتتتتتتتنى .... ماتخلينيش هوني يا ميمتي مشيت فاهااااااا ...
✴✴✴✴
أنت تقرأ
🌛🏞️ شلة 50 🏞️🌜
Fantasiaشلة "50" نوعية الكرو هاذي 🤎هي الكوميديا السوداء ... 🖤 : يعني الكوميدية الساخرة اللي تحكي على المشاكل و لا القضايا الكبيرة💙💜 ..اما بطريقة كوميدية 💛💚... " نبداو حلمتي اما بشرط التفاعل 🤍🧡 للكاتبة: سمر غالي♥️❤️
